المبيت ليلة في المقبرة

البارت _2_

#المبيت_ليلة_في_المقبرة _2_
حقيقية 100%للكبار فقط 🔞
بقلم الكاتبة #نسيم_الامل
~~~~~~~~~~~~~

مشعل......لج كافي ياعيني كافي والله مردتي كلبي عليج متكليلي هاي شبيج والله كلها القسمة ابيد الله هاي شجاي تحجين اسكتي احسنلج الله هوا الرزاق اني مااهتم وانتي حبيبتي هم لا تهتمين عوفيها ايمت مايصير خلي يصير والحمد لله على كل حال منو كال اني كاتل روحي على الجهال بس انتي

نرجس....اشلون مااهتم اشلوون اوووف هسه  دخليني بحالي .الله كريم خلي اكوم اطلع من هاي الغرفة المتعوسة واروح اطلع قهري بشغل البيت بشتغل احسن لأن اشكد احجي امرد أزيد لاني مااضل بيا عقل افكر بيه تعبت والله تعبت مليت من هاي الحياة واختنكت من كل شي

طلعت وشفت عمتي تحجي ويا أم يوسف القابلة اتكللها

.....شسوي كليلي هاي صارلها 4 سنين وشوفت
عينج ماصار عدها جهال ولا بيوم حبلت والله اني هم مرات انقهر عليها خطية هم البنية مابيدها شي بس شنسوي بعد أكثر من هيج غير على كد الحال لو ابني عندا فلس جان الا انوديها على دكتورة وتشوف حالتها اضبط بس والله حيرة وحتارينا بيها

...عاد غلست لأن كلبي خلصان وفتت سلمت على ام يوسف هيا اتصير جيرانة بس بعيدة شوية عنا المهم سألتني كالت

.... اشلونج حبيبتي اكول تعالي على بيتي انطيج حبوب مقويات اليوم اشتريتهم

وهم اشتريت أدوية ابيع حتى استرزق اني انتضرج يلا مع السلامة اني اروح لا أحد يجي يريد شي من عندي وأبو يوسف ماموجود
كلت العمتي

..... اليوم انروح العصر لو باجر كالت

..... باجر انروح لأن راح يصيرلج ثاني يوم من الدورة

... خطية هيا هم صارت تحسب وياي القهر والضيم اشوكت جتني ولا اشوكت خلصت وبيا يوم ابدي لازم ابلع الدوة وصارت اتحير بيا اشلون الحل

ثاني يوم رحنا جان عليها ازدحام لأن صارت عبالك عيادة المهم كلت بس لا مااحصل هاي الحبوب المقويات جان اتشوفني وكبل تصيحني من بين الناس حتى تنطيني الحب المنشط

خطية انطتني مثل كل مرة ولا تأخذ مني سعر العلاج والله معرف اشلون اجازيها اتشكرتها ودعيت الله يرزقها بزيارة مكة والله خوش انسانا كلش تعبت ويانا يلا اروح ابدي

بالعلاج يالله ساعدني مليت أجيب واخلط ابمعتي أريد بس الكي شي بيه نتيجة والله حيرة

بيديت بالعلاج لمدة 13 يوم رحت على القابلة كالت هاهيا أن شاء هذه شهر ما يعديه الله وانتي حامل

هم انتضر وضليت انتضر لي يوم زيارتها للعادة الشهرية اشو بعد توها صار موعدها نذرت كلت بس احبل إلا

اصوم شهر كامل لوجه الله تعالى وبالتالي بالليل  هم الوضع نفس الشي زارتنا الشهرية وإني اهنا متت بجي وعمتي اتكلي