حب أم وهم ؟ رغبة في التجربة ام عشق لم تستطع تحديد ما في داخلها
حاولت فقط ان لا تحب
لن ولم تستطع
كما وانها كانت ترى ملامح روحها في وجهه
شعور دافئ
لن ولم تحسه من قبل ولا بعد ..
تلك التي كانت كلما تنكسر تذهب بأجنحتها التي تنزف الى حيث من يحتويها
تلاشت ..
- تلاشت بين كبريائها وحبها -
بدأت الحكاية ..
اسمي وهج عمري ١٥ سنة
بنت عائلة ومن مدينة متحفظة نوعاً ما
عندي اخت واخين والدي موظف حالتنه ميسوره طويلةة وضعيفه اما شكلا ف ملامحي طفوليه ملامح طفله ال ١٥ بالمضبوط
2016/6/24
كانت كعادتها ممدة وتتصفح بمواقع التواصل
اجت عينها ع شاب من احلى الشباب الي صادفتهم بحياتها
ركزت وتمعنت بالصورة وبأدق تفاصيلها
انتبهت ع الشارع الي ماخذ بي هاي الصوره
هذا الشارع مو غريب
وهج : هذا بمدينتي
بدون تفكير وتردد كتبت
وهج : "المكان مألوف عليه"
رد عليها اي هو الي بالج
وهج : ماعدنه هيج شباب بمدينتنه شبابنا مو بهيج كشخة وهيج طلة
🎵🔔 اشعار رسالة
يااااالله دزلي يمةة شنو دز
*انتي من هاي المدينة ؟
وهج : اي نعععم منها جاوبت وكلي فرح
بدو بتعرف جميل جداً وصدفة أجمل
من اصدقاء العائلة وجيرانها ونفس العشيرة والاصل
الولد اسمه اركان من مواليد 97 ابن عائلة محترمة ومعروفه كذلك حالتهم جيدة عنده اخ واحد اما عن شكلة
عيون مجروره وجسم عظلات وطول بحدود ال 170-175 لحيته وشواربه جميلة جدا شعره ناعم وكل تفاصيله كانت تعجب وهج
المراسلات ما انتهت عند وهج واركان بقو ع تواصل دائما وبشكل يومي تقريبا
اركان من اول الشباب الي تتعرف عليهم وهج ببداية حياتها
بدأت تتعلق بي وتثق بي كان بالنسبه الهه الاب لان هو كان يخاف عليها ودائما ينصحها ويحذرها
لست أراك أجمل ما في الدنيا بل أراك دنيا كل ما فيها جميل ..
مرت ايام وايام وهمه يتواصلون
كان يسولفلها عن حب حياته " الي كان اسمها نور وهيه كانت تغار كلش
لدرجة انو تحاسبه وتزعل منه اذا حجه ويه بنات مع انو همه مكانو على علاقة ..
وهو كان يفتح حسابها عنده ويحاسبها اذا ردت على ولد
اركان : وهج تره يجيني اشعار حتى لو حاذفه المحادثه الف مره كتلج لتردين ع ولد
وهج : والله مكتبت شي هو سأل وجاوبته
اركان : ماشي بس لتعيدها
وهج : اوك اسفه
اركان كان يدرس معهد طبي بالعاصمة وكان من النوع الي يسافر ويطلع ويتونس
اما وهج بهاي الفتره كانت تدرس متوسطة وبمدينتها المنغلقه والمحافظه
بس كانت تطلع كل فتره وفتره بس مو مثل حياة اركان
اركان رسب بكليته وترقن قيده وما كان بيده غير انو يرجع لمدينته التعيسه
اما عن وهج فرحت كلش لان راح يرجع لمدينته ويدرس بيهه لان كانت تغار ومتحب طلعاته لان ما كانت تكدر تطلع ويا وتسولف بحكم انها من مدينة متحفظة
(ما أسوأ أن تفوتك الحياة .. بسبب موقعك الجغرافي ! )
