आहे मला तुझी आस, ओढ ही फार खास.
काय सांगू नि कोणास बोलू, किती हा तुझा ध्यास?
चाहूल तुझ्या येण्याने, मन हे आतुरले
ओल्या - सुक्या आठवणीने, डोळे मात्र पाणावले
पाहून वाट त्या मिठीची , भावनांच्या उचंबळल्या लाटा
गहिवरून मन माझे, कल्पल्या तुझ्या प्रकृतीच्या छटा
नाही कळले कधी, किती जीव हा गुंतला!!
नाही थांबवत आता, जीव कासावीस झाला
स्मरणात ठेवशील मला , भेटशील एकदा
आठवण राहील मला, त्या भेटची सर्वदा!!!
