طلعت من البيت حتى اصعد لزياره زفتي الي احسهه سياره موتي صعدت بيهه ومشت فتنه من يم باب بيتهم وشفت الباب مفتوح وتابوت بلكاع وامه تبجي وتلطم على ابنهه..حجيت وكف السياااررره..وكفهه انيي مااحبك اني مااريدك اني مجبوره عليك وكف السياره احجي ودموعي تصب عشره عشره بسبب الي شفته..واصيح واضرب بخالد...واجر بقميصه...كطعت الدكم كلهن...واصيح علي وووككف السياااره وكفهه...وكفهه فتحت الباب ونزلت اركض ذبيت البركع وشايله بدلتي وصلت لبيتهم...انصدمت وكفت بلباب...
احم احم...اعرفكم عني...اني غزل عمري 24..قبل شهرين اتخرجت وبسرعه لكيت صيدليه اشتغل بيهه. بابا مزوج على امي...ومرته حيه من تحت تبن....وعندي اخ عمره 17...اسمه احمد..وماما اسمهه سرى..فد يوم رجعت من الصيدليه دخلت للبيت..مااحس الا انضربت..وكعت بللكاع..باوعت شفت بابا..ويمه مرته تباوع وتضحك..كال..بعد شغل ممااااكووو..صفاء حامل..ومااريدهه تتعب..كمت لابابا فدوه كولشي ولاشغلي..ابوس ايدك بابا والله مااخليهه تشتغل...دفعني حيل وكعت اجت امي..صاحت شكو حبيبتي شبيج...كمت عليهه حضنتهه..يوم بابا يريد يبطلني من شغلي ويكول مااريدصفاء تتعب عاد هيه مشتغله شو العود متكضه....يوم فدوه الكيلي حل..راحت امي تحاجي بابوي.. ضل يصيح ويغلط عليهه..وضربهه دفره وكعت بلكاع حيل..على بطنهه...رحت اركضلهه وبابا بعده يريد يضربهه..كعدت يمهه.واصيح وابجي..مااااريد شغل هاهيه اكعد بلبيت بس عوف امي..اشوف امي تنزف..اكعد بيهه ماكو..تخبلت..ذبيت جنطتي وركضت..طلعت بلشارع..شفت صديقه امي نزلت من سياره..رحت اركضلهه..خاله فدوووه الحكيني..امي ماادري شبيهه تنزف ومتقبل تكوم..كالت تعالي خلي نشوفهه..بس ادخل المسواك..راحت هيه ادخل المسواك..واني واكفه بلباب وابجي..نزل واحد من السياره نفسهه..طويل وضخم وهيبه كاشخ على اخر حبايه..لابس قميص اخضر..وبنطرون اسود..ومناظر شمسيه ...ركبتي انكسرت واني اباوع علي من كد ماطويل..هوه مامنتبه عينه بلموبايل..نزع المناظر وصدت عيني بعينه..بقيت صافنه..عيونه اخضر طووووخ..يدوخن..حسيته هوه هم صفن..فزينه من صوت امه وهيه تكول..يلا يمه امشي بسرعه..رحت امشي بسرعه وبالي يم الولد..دخلنه للبيت..من شافتهه صاحت جيبي شالهه وعبايتهه بسرعه..رحت اركض جبت صايه.وحجاب عدلتهه و.حطينه اديهه على جتافنه ومشينه..شفت سيارته طابكه اباب بيتنه..صعدناهه وصعدت وياهم.. جنت مسويه ضفيره صفح..بس من ركضت رجعت وره..جبتهه حطيتهه صفح ومشطتهه بأضافيري..باوعت بلمرايه شفت الولد يباوعلي وعينه كلساع تجي عله ركبتي..دنكت راسي..شويه ووصلنه دخلنه امي للمستشفى اخذنهه الممرضات..نص ساعه يلا طلعت وحده..كالت..للأسف فقدنه الطفل،،والجنس ولد..نزلن دموعي..كتلهه زين وشلونهه هيه،،كالت بخير..بس لومتأخرين شويه جان فقدناهه..هزيت راسي طلعت امي..ركضت عليهه..سندتهه وهيه بس تبجي..كتلهه البقيه بحياتج يوم..كالت شنو جان الجنس..كتلهه ولد..رجعنه للبيت..اتلكانه بابا..كال وين جنتن بله..كتله امي طرحت..صاح شنوووو سرى انتي حامل..امي كالت اي ولد ومات..عود خلي صفاء تجيبلك الولد..وراحت لغرفتهه..اني هم رحت بدلت..لبست دشداشه رياضيه مخصره لون احمر..لشويه اندكت الباب..طلعت اني..شفت المره نفسهه..كالت خاله اريد احجي وياج..كتلهه كولي خاله..كالت تعالي لبيتنه..رحت لبست كعب احمر..وطلعت امشي وراهه...وصلنه لبيتهه..دخلت وكعدتني بلحديقه مالتهم..بيهه مرجوحه..كالت اكعدي علمرجوحه..وعافتني وراحت بقيت انتضرهه لفت انتباهي صوت ابنهه..يصيح يوم يوم..بصوو عالي وخشن..لشويه صيح..يوووم بسرعه المسدس..باوعت لكيته بلباب مال مطبخ..يلبس حذائه..ولابس زي عسكري..بسرعه وخرت عيني منه.مدري شعجب شفته امه هواي تحجي بي بس اني ابد ماشايفته هاي اول مره.وره ثانيه رجع صاح..اييي يوم متكليلي نمتي..كالت امه..شبيك يمه مستعجل..كال يوم والله عندي شغل..يمشي ويحجي وصل يمي..وكف..كال يمه..منو الغزال هذا..دنكت بسرعه واحس خدودي صارو نار كالت امه وهيه تضحك..ههههه يايمه شبيك شوف البنيه خدودهه راح يطكن..كال... اي والله عبالك طماطه..مال اجيب خبزه والفهن واكلهن..واني هسه ميت جوع والله. كالت.هههههه ولك أسد شبيك يمه تخبلت..عوف البنيه..وبعدين يلا لشغلك موتكول عندي شغل..ماتروح..كال...اووو والله نسيت حتى شغلي..يلا ثيماالا..وطلع ااباوع علي شلون يمشي..هيبته تسطر..فززني صوت امه..كالت..اي يمه اريد احاجيج على امج..كتلهه اي خاله كولي..كالت يوم امج بيهه سرطان بلرحم..ولهذا السبب اي حمل يسقط..مااحس الا دموعي تصب..كلتلهه يعني تموت..ماحجت..صحت خااله تمووت..هزت راسهه..طلعت بسرعه اركض..دخلت للبيت..لكيت امي تصب غده ركضت عليهه حضنتهه..وابجي..كالت شكو غزل شبيج..مابيه شي يوم مابيه روحي اكعدي خليني اني اصب..كالت لا حبيبتي هستوج جايه تعبانه..كتلهه يوم وين التعب اشو كاعده والسبلت يدك..يلا روحي اكعدي كش كش..كالت وهيه تضحك..ولج غزيل شنو اني طير وتكليلي كش..ضحكت بست ايدهه وراسهه..
يتبع....بنات وينجن اشو محد معلقه على هاي القصه
أنت تقرأ
عشگ الأسد
Non-Fictionيهمس بنبره حاده وكلهه غضب بس هاي النبره خلت روحهه تموع وهوه لازك ضهرهه بصدره ويكلها...اول وآخر مره تجين بهيج لبس سمعتي بلعت ريكهه وبصوت كله خووف..كالت..حاضر دارهه علي..ولزك صدرهه بصدره..اويلي شكد حلوه من تصيرين مطيعه تباوع علي وهيه تتنفس سريع..ممكن...
