ﻭﻭﻗﻌﺖ ﻓﻲ ﻋﺸﻖ ﺍﻟﻘﺎﺳﻲ )
ﺍﻟﻔﺼﻞ ( 5 )
ﺑﻘﻠﻤﻲ ( ﻣﻨﺔ ﺃﺷﺮﻑ )
________________________________________________
ﺗﻨﻈﺮ ﻟﻪ ﻭﺗﻘﻮﻝ ﺑﺈﺳﺘﻐﺮﺍﺏ
ﺇﺳﻌﺎﺩ : ﻧﻌﻢ !! ﺃﻧﺎ ﻣﺒﻘﺘﺶ ﻓﻬﻤﺎﻙ ﺧﻼﺹ ﻣﻨﻴﻦ ﺗﻌﻤﻞ ﻓﻴﻪ ﺍﻟﻌﻤﻠﺔ ﺍﻟﺴﻮﺩﺓ ﺩﻱ ﻭﻣﻨﻴﻦ ﺩﻟﻮﻗﺘﻲ ﺗﻘﻮﻟﻲ ﻗﻮﻟﻴﻠﻮﺍ ﺍﻟﺤﻘﻴﻘﺔ
ﻓﻬﻤﻲ : ﺍﻟﻠﻲ ﻋﻤﻠﺘﻪ ﻛﻞ ﺍﻟﺼﺢ ﺇﻧﺘﻲ ﻧﺎﺳﻴﺔ ﻛﺎﻥ ﺑﻴﺤﺒﻬﺎ ﺇﺯﺍﻱ
ﺇﺳﻌﺎﺩ : ﻭﻫﻮ ﻏﻠﻂ ﻟﻤﺎ ﻳﺤﺐ ﺍﻩ ﺻﺢ ﻧﺴﻴﺖ ﺃﻥ ﺩﻱ ﻓﻜﺮﺗﻚ ﻋﻦ ﺍﻟﺤﺐ
ﻓﻬﻤﻲ : ﻋﻠﻲ ﻗﺪ ﻣﺎ ﻛﻨﺖ ﺑﺤﺒﻪ ﻋﻠﻲ ﻗﺪ ﻣﺎ ﻛﻨﺖ ﺑﺨﺎﻑ ﻋﻠﻴﻪ ﺧﺎﻳﻒ ﻋﻠﻴﻪ ﻣﻦ ﺣﺒﻪ ﻟﻴﻬﺎ ﻭﻣﺶ ﻫﺴﻤﺤﻠﻪ ﻳﺤﺐ ﻭﺍﺣﺪﺓ ﻛﻞ ﺍﻟﺤﺐ ﺩﻩ
ﺇﺳﻌﺎﺩ : ﺑﺲ ﺑﻘﻲ ﺣﺮﺍﻡ ﻋﻠﻴﻚ ﺇﺑﻨﻲ ﺩﻣﺮﺗﻪ ﻭﺩﻣﺮﺕ ﺣﻴﺎﺗﻪ ﻣﻦ ﺯﻣﺎﻥ ﻋﺎﻳﺰ ﺇﻳﻪ ﺗﺎﻧﻲ
ﻓﻬﻤﻲ ﺑﺴﺨﺮﻳﺔ : ﺇﻧﺘﻲ ﺻﺪﻗﺘﻲ ﺇﻧﻪ ﺇﺑﻨﻚ ﻭﻻ ﺍﻳﻪ
ﺇﺳﻌﺎﺩ ﺑﺈﺑﺘﺴﺎﻣﺔ ﺑﺎﻫﺘﺔ : ﺃﻳﻮﺓ ﺇﺑﻨﻲ ﺇﺑﻨﻲ ﺍﻟﻠﻲ ﻣﺨﻠﻔﺘﻮﺵ ﺑﺲ ﺃﻧﺎ ﻣﻔﺘﺨﺮﺓ ﺇﻧﻪ ﻣﻌﺘﺒﺮﻧﻲ ﺃﻡ ﻟﻴﻪ
ﻓﻬﻤﻲ : ﺇﺳﻌﺎﺩ ﺇﻧﺘﻲ ﻋﺎﺭﻓﺔ ﻛﻮﻳﺲ ﺇﻧﻲ ﻟﻤﺎ ﺃﺗﺠﻮﺯﺗﻚ ﻛﺎﻥ ﺳﺪ ﺧﺎﻧﺔ ﻋﺸﺎﻥ ﻣﺎﻟﻚ ﺑﻌﺪ ﺃﻣﺎ ﺣﻨﺎﻥ ﺃﻣﻪ ﻣﺎﺗﺖ ﺑﺲ ﻣﺶ ﻋﺸﺎﻥ ﺑﺤﺒﻚ ﺯﻱ ﻣﺎ ﺇﻧﺘﻲ ....
ﺇﺳﻌﺎﺩ ﻣﻘﺎﻃﻌﺔ : ﺧﻼﺹ ﻳﺎ ﻓﻬﻤﻲ ﺃﻧﺎ ﻧﺴﻴﺖ ﺃﺻﻼ ﺇﻧﻲ ﻛﻨﺖ ﺑﺤﺒﻚ ﻭﺃﻧﺎ ﻋﺎﻳﺸﺔ ﺑﺲ ﻋﺸﺎﻥ ﻣﺎﻟﻚ ﻓﻴﺎﺭﻳﺖ ﻣﻨﻔﺘﺤﺶ ﻓﻲ ﺍﻟﻤﺎﺿﻲ
ﻓﻬﻤﻲ : ﻣﺎﺷﻲ .... ﻫﻦﺭﻭﺡ ﺇﺳﻜﻨﺪﺭﻳﺔ ﺇﻣﺘﻲ
ﺇﺳﻌﺎﺩ : ﻫﻨﺮﻭﺡ !!!!!!
ﻓﻬﻤﻲ : ﻣﺶ ﻫﻴﻨﻔﻊ ﺗﺮﻭﺣﻲ ﻟﻮﺣﺪﻙ ﻭﺑﻌﺪﻳﻦ ﺃﻧﺎ ﻋﺎﻳﺰ ﺃﺷﻮﻓﻪ ﻭﺃﻋﺮﻑ ﺇﺫﺍ ﻛﺎﻥ ﻓﻲ ﺣﺪ ﻓﻲ ﺣﻴﺎﺗﻪ
ﺇﺳﻌﺎﺩ ﺑﺨﻴﺒﺔ ﺃﻣﻞ : ﻻ ﻣﺘﻘﻠﻘﺶ ﺑﻌﺪ ﺍﻟﻔﻜﺮﺓ ﺍﻟﻠﻲ ﻭﺻﻠﺘﻬﺎﻟﻪ ﻋﻦ ﺍﻟﺒﻨﺎﺕ ﻭ ﺍﻟﻠﻲ ﺣﺼﻞ ﻋﻤﺮﻩ ﻣﺎ ﻫﻴﻘﺪﺭ ﻳﻔﺘﺢ ﻗﻠﺒﻪ ﻟﻮﺍﺣﺪﺓ ﺗﺎﻧﻴﺔ
ﺃﻏﻤﺾ ﻓﻬﻤﻲ ﻋﻴﻨﺎﻩ ﺑﻌﻤﻖ ﻭﺃﺭﺩﻑ ﺑﺼﻮﺕ ﻫﺎﺩﺉ : ﻭﺩﻩ ﺍﻟﻤﻄﻠﻮﺏ
ﺇﺳﻌﺎﺩ : ﻧﺠﻬﺰ ﻣﻦ ﺩﻟﻮﻗﺘﻲ ﻭﻧﺮﻭﺡ ﻋﻠﻲ ﺑﻜﺮﺓ ﻛﺪﻩ
ﻓﻬﻤﻲ : ﻣﺎﺷﻲ
************************************************
ﻓﻲ ﺍﻟﻤﺴﺎﺀ
ﻋﺎﺩ ﻣﺎﻟﻚ ﻟﻤﻨﺰﻟﻪ ﻭﻫﻮ ﻳﺸﻌﺮ ﺑﺎﻹﺭﻫﺎﻕ
ﺟﻠﺲ ﻋﻠﻲ ﺍﻷﺭﻳﻜﺔ ﻭﻭﺿﻊ ﺭﺃﺳﻪ ﺑﻴﻦ ﺭﺍﺣﺘﻲ ﻳﺪﻩ ﻭﺑﺪﺃﺕ ﻳﺪﺍﻩ ﺗﺮﺗﻌﺶ ﻭﻋﻴﻨﺎﻩ ﺗﻨﺘﻔﺦ ﻭﻛﺄﻧﻪ ﻳﺮﻳﺪ ﺍﻟﺒﻜﺎﺀ ﻟﻜﻦ ﻻ ﻣﺤﻞ ﻟﻪ ﻓﻲ ﺣﻴﺎﺗﻪ
