بيوم الي خسرت ماما وبابا وبقيت اواجه الانسان المفترس ... يتيمه..ضعيفه..لاحول ولاقوه .. مالي ذنب بشي.. ذنبي اني ثمرة حب طاهر
اااخ يا امي كبرت بنتج وبجت وتعذبت وحدهه تعال يابابا شوف حالي من بعد ذاك اليوم شصار بيه..
تعوذت من الشيطان ومن ذكرياتي اللعينه..
فتحت الباب نزلت ليجوه خالتي بالصاله كاعده تشوف برنامج عن الصحه بوستهه بيهه ريحة ماما
...هلا بنيتي كعدتي
...اي خاله كعدت ليش خليتيني هلكد انام للمغرب اكعد ضايجه
...اي والله حبيبتي نسيت اكعدج امي المرحومه جانت متقبل ننام المغرب دكول يقسي القلوب
...ضحكت كتلهه ياريت يقسه كلبي ولا هاي الحنيه الي بي... خلت ايدهه ع خدي
...الله يعوضج ربج ماينسه عبده لابد يوم تلتقين بي ويرجع لحضنج واشوف ضحكتج ماليه البيت خلي عينج بعين الكريم وماخاب من فوض امره لربه
..ونعم بالله خاله ..
كمت بسرعه خاف دموعي تفشلني والغصه توكف بلعومي طلعت بلحديقه اشم هوا نقي والجو مغيم.. وصوت.. العصافير بالشجره .. احس بالغربه بتركيا صح ماعندي احد بالعراق بس هنا الغربه تموت...
دخلت للمطبخ فتحت الثلاجه شربت مي واحس كلبي يغلي نار ...
رحت توضيت وفتحت قراني انيسي وكعدت اقره بسوره الكهف ودموعي تنزل ع الايات حضنت القران حيل وابجي ..الهي بحبيبك محمد ساعدني دليني بيامكان صاير اريد احضنه واضمه لصدري الهي انا عبدك الضعيف الذليل انت اقرب للعبد من حبل الوريد صار 3 سنين اناجيك الهي قر عيني بشوفته
حسيت ع حركه وراي خالتي واكفه ودموعهه تنزل وياي
...كومي حبيبتي نطلع برا نتعشه عمج خابر كال راح اجي اخذكم ونطلع نشم هوا
...ماشي خالة بس احضر نفسي
كمت بدلت لبست بنطرون كابوي وكوت لركبه الجو بارد اجه عمو زوج خالتي طلعنه تعشينه وشوي غيرت جو...
المطعم مطل على شارع عام اباوع للماره .. احاول اطلع نفسي من القوقعه الي بيهه بس موبيدي خسرت كولشي...
تنهدت انتبهت علي زوج خالتي يباوعلي نزلت راسي كالي ....
...بنيتي ماكافي ترحمين حالج اني بمقام ابوج ومن اشوفج هيج اتعذب الى متى تبقين هيج شبابج معدوم وصحتج مومثل قبل...
هي هاي حياتنه نتعب ونقاتل وبعدين نطلع خساره... بمكان صبرج الله يعوضج بالجنه.. سكتت وابتسمتله لان اعرف بس احجي دموعي تخوني..
حاولت خالتي تغير الموضوع وبقينه نسولف الى ان رجعنه للبيت بوجهي لغرفتي اريد انفرد بنفسي وبأفكاري..
بدلت والجو بي بروده فتحت التدفئه واباوع TV اتنقل بين القنوات بدون واهس ولابالي يمه..
اجه بأذاني مقطع من اغنيه قديمه..
...التمت بروحي المحنه واشتهيت اخباركم...
بقيت اسمع بيهه والنار تسعر بكلبي وي كل مقطع غمضت عيوني ورجعت ذاكرتي لليوم المشؤم الي انكتب عليه العذاب والحزن بي ..اليوم الي ماودعت ماما وبابا بي
#يتبع....
أنت تقرأ
أين انت
Romanceقصه للكاتبه rose .. كاتبه جديدة وتحتاج دعمكم.. رجاءا قصةٌ تذوب الروح فيها وتولد من جديد.. قصةِ سقم ودواء..فرح وبكاء..عتمة ونور.. كل شيء في تضاد والفرحة مخدر وقتي فيها.. يتم..ظلم..عتمة ثم نور..فهل يبستم الحظ لها ياترى!! #Rose
