رواية #جعلتني_أحبها
#الحلقة_الثالثة
في الوقت اللي احمد يحكي فيه لسارة يسمعوا صوت بكاء،احمد نط يجري مشي لدار بنته طول،لقاها تبكي،خداها في حضنه وقعد يهدي فيها،
احمد:خلاص يا بابا آس حبيبي اس بسم الله علي بنوتي الحلوة،انا معاك يا بابا ماتخافيش مافيش شي،
ملوكة هدت وقعدت تحكي مع بوها
ملاك:بابا انت وينك اليوم ماشفتكش بكل حتى انت بتسيبني زي ماما،ورجعت تبكي
احمد:خلاص يا بابا اسكتي ياروحي ،كيف نسيبك فيه اب يسيب روحه هوا،بعدين يابابا ماما ماسيبتنا ماما قاعدة في الجنة عند ربي واحني بعد نكبروا بنمشولها
ملاك:باهي ليش مانمشولهاش توا
أحمد:توا يابابا مانقدروش لين تكبري انتي صغيرونه توا
ملاك:لااااا انا كبيرة
احمد:ههههه لو كبيرة ليش تبكي
ملاك:خلاص معاش نبكي ،وقعدت تمسح في دموعها
خلاص ملوكتي كبيرة،
احمد:فيه ليك مفاجأة ،مش ديما تقوليلي انك تحبي خويلة سارة واجد وتبي تقعدي ديما معاه
ملاك بحب:ايه نحبها واجد انا😍
احمد:خلاص خويلة سارة جبتها في الحوش بتقعد معانا وتلعبي انتي وياها وتقعد معاك ديما ديما
ملاك فرحانة بتطير وينها يابابا وينها
احمد ينادي على سارة
سارة:جيييييت
ملاك:خويلة سارة،مدت يديها بتحضنها
جتها سارة بسرعة قعمزت ع السرير من الجيهة الثانية وحضنتها
سارة:ياروح خويلة سارة
توحشتك ياوردتي😍
ملاك:حتى انا توحشيتك خويلة سارة
بابا قالي انه جابك بتقعدي معانا ديما
سارة بارتباك وتشبح لأحمد :ايه ياعيون خويلة رح نقعد معاك ديما ديما
ملاك:وتلعبي معايا 😍
سارة:ههههه ايه نلعب معاك
احمد:وانا 😅
ملاك:ايه حتى انت بابا نلعبوا كلنا😍
احمد:ههههه خلاص رضيت
احمد:يله توا سلم بنتي ارقدي وغدوا نلعبوا باهي
ملاك:حاضر بابا تصبح ع خير
احمد باسها،
احمد :وانتي بخير يابابا
سارة باستها:تصبحي ع خير وردتي
ملاك:وانتي بخير خويلة سارة
طلعت سارة وطلع احمد بعدها وطفى الضي
احمد لسارة
احمد:احم انا بنرقد
سارة:حتى انا هلكانه موت
احمد :ههههه تصبحي ع خير
سارة:وانت بخير
مشت سارة لدار النوم وخلت الضي والع وقعدت تراجي في احمد تحسابه ماشي يشرب امية وبيجي
راجت راجت لعند خداها النوم
احمد مشي للصالة،ماكانش نعسان اساسا مش جايله نوم بس تهرب من الكلام مع سارة
احمد في الصالة راقد فاتح نقاله ع الصور يشبح في صور اية
احمد:اخ يا اية اخ ليش بس سيبتيني ليش ،والله فراقك يقتل والله معاش فيه شي ليه طعم ولا روح ،نضحك ومن جوه ميت ،نبي نموت ونجيك يا اية نبي نموت،ياريت انا اللي متت وانتي عشتي،ياريت قعدتي لملاك مش انا،انتي امها ماتقدرش تعيش بلاك ،بس انا بوها لو انا اللي متت نعرفك تقدري تعوضيها بحنيتك،ًوماكنتيش
رح تتزوجي بعدي،بس انا تزوجت يا اية تزوجتتتت ،اخ بس،نعرف انه عشان ملاك،بس بنت الناس مش ح تقعد مع واحد زيي ولا تتحملني وانا هكي شن الحل يا اية شن ،تزوجتها نبيها تكون ام لملاك لبنتنا ،نعرف انها مش ح تظلمها ومش ح تكون زوجة اب عليها زي ماتكون زوجة الآب نعرفها طيبة وحنونة وهذا اللي خلاني نوافق ع اختيار أمي ليها،بس من ناحيتي انا شن شن رح تلقى،اساسا شن ح نقدملها ،شن يقدر انسان ميت يقدم لإنسان عايش..
قعد احمد طول الوقت ع هالحالة لعند رقد
الفجر ناضت سارة بتصلي الفجر
ناضت واحمد مش جنبها
سارة:هه لها الدرجة يعني حتى نوم جنبي لا،يعني الطريق طويل يا احمد،طيب رح نشوفوا يا انا يا انت
سارة ناضت مشت تدور ع احمد ،مشت لملاك شافتها راقدة ابتسمت وطلعت،مشت للصالة شافت احمد راقد،شافت نقاله طايح من يده ،ضرب المنبه خداته طفاته ،جتها الصورة اللي فاتحها،كانت صورة امرأة جميلة جدا ،عرفتها طول انها ايه،كانت صورة ايه وهيا حامل ،ابتسمت سارة،وقالت:الله يرحمك يا اية !
حطت النقال ع الطاولة،جت بتنوض احمد ،بس وقفها شكله،قعدت ادقق في ملامحه،ما كانتش تقدر تقرب هكي وهوا نايض،قعدت تشبحله
سارة تمسح ع وجهه وعلى عيونه وتمر بلحيته،وتقول ح تحبني يا احمد وح تكون ليا وح تكون زوجي فعلا واهم من هكي حبيبي❤️
احمد تحرك شوي،خافت سارة ارتبكت وخرت،
سارة تفكر،الحمد لله مش نايض آخ بس،
استغفرت ربها ومشت تصلي
#بيسان
___________________________________
******
بنوتات بليز تصويت و تعليقاتكم و متابعتكم عشان نقدر انكمل الرواية 😍😘 او حنوقفها👍
أنت تقرأ
جعلتني احبها😍
Lãng mạnرواية بلهجه الليبيه للكاتبة #Besaan😘 جعلتني احبها قصة بلهجة الليبية فيها شي من خيال و الواقع تحكي عن موت حب حياته الي ميقدرش يعيش بلها و تدخل مراء اخره في حياته و تغيرهله و متوقعش في يوم يحب من بعد حبه الاول
