Tula Para sa Wika
Tanggol Wika
Ni Bernadette Badon
Pilipinas,aking lupang sinilangan
Bansang puno ng yaman sa kalikasan
Ngunit ’ bakit ngayon ay nababawasan
Angking kinang nito’y di na masilayan
Tulad nalang ng ating sariling wika
Bakit papalitan ng wikang banyaga
Hindi ba’t Pilipinas ang ating bansa ?
Bansang maituturing, Malansang isda
Ang wika natin ay dapat Pagyamanin
Mga salita ay dapat Payabungin
Wika’y ipagmalaki at tangkilikin,
At Pahalagahan ang sariling atin
Bakit wika ay nawalan na ng saysay
Sa mga wikang Ingles ay humahanga
Wikang banyaga mas binigyang halaga
Sa mga banyaga’y nagbibigay pugay
Kailan nga ba wika ay kikilalanin?
Kailan nga ba natin ‘to titingalain
Bakit ba ganito an gating naisin ?
Kung hindi kikilos walang mararating
Bakit Filipino’y gan’to ang sinapit?
Wikang Filipino ay nagging Mapait
Tanong sa ating Gobyerno ay Bakit?
Diba wika nati’y mas nakahihigit ?
Sadyang kahanga-hanga ating Gobyerno
Napakagaling ng mga nasa pwesto
Sa dinami-rami bakit Filipino ?
Ang kailangang tanggalin sa kolehiyo
May masabi lang na may nagawang batas
Sa Kabataan daw ay magiging lunas
Lunas kalian ma’y hindi mababakas
Sapagkat Gobyerno’y sadyang matatalas
Ang Tanggol wika ay aming sinisigaw
Damdamin niyo’y nais naming mapukaw
Wika nati’y unti-unting nalulusaw
Pagkakakilanlan ng Bansa’y natutunaw
Aking munting tinig sana’y ‘yong marinig
Mga nakikinig puso niyo’y maantig
Sa hangaring tama kayo ay pumanig
Wika ay ipaglaban, mag kapit-bisig
