السادس عشر
#ابو_عدوان
#مذاق _العشق
#بقلمي_نشوى_السلطان
لا يا صديقي إنني لم أنخدع
تلك العنود الكبرياء الجاحده
جبارة فتاكة متمرده
لكنني روضتها وجعلتها
نارا بلا لهيب وشمسا بارده
دحكت باب غرفتي مفتوووح.. اني طبكته وطلعت للحمام
عطر روكان بكل مكان بالبيت.. گلبي كام يدگ سررريع
معقول جة .. معقول يكوون موجود بالبيت لو اني كمت اتخايله
مشيت على رووس اصابيعي.. دحكت من المحجل الهوول فارغ
معقول وضحى الي بالغرفه...شعور بداخلي ماينوصف للحظة حسيت بفرح بخوووف رهبة.. صديت دحكت على باب غرفتي
مشيت بهداوه.. الباب مفتوح شويه.. دفعته على كيفي...
مديت راسي.. لين روكان واكف ديعلگ بدشداشتو بالزاوية
لفيت نفسي زين وجطيت وره الباب كتلوو انت هين...
احاجي واني ماده راسي من وره الباب.. صد عليه كال اي
هين شو بس مطلعه راسج.. شبيج
كتلو اني بالمنشفه جنت اسبح وطلعت ولكيتك هينة
_ اي وهسه انتي عليش خاتله..ماتطلعين..!
لاااااا والله اطلع وانت هين..!
ضحك كال يولي تره مرتي انتي
يعني حلالي.. لا تتحامين بالباب.. تره من اريد اسوي شي
محد يكف بوجهي..
اي دطلع خل اللبس...
_ يابه طالع اني .. عود ابقي وحدج
_ دقيقه ليش وحدي مو وخالتي وضحى هين
_ يابه خالتج راحت من زمان شال السويج والباكيت..
كال اذا سمعتي حس شي حرامي جط عليج عود خابريني
_ هااا حرامي لا والله دقيقه... شنو حرامي .. عليك الله صدك
_ هسة انتي تحلفين بيه ماكتلج اكو كتلج خاف يجط .. المهم
انتي قفلي البوب زين.. ورايه .. جة يمشي صار كبالي واني بس عيني طالعه.. كال يله اللبسي وانزلي اقفلي البوب ورايه
دقيقةةة يعني هاي عادي عندك تعوفني وحدي.. وتروح
كال ياامي ياابوي شبيدي عليج ابقى هين يحترك جد جدي
خليني اروح يايابه..
هااا وليش يعني يحترك مو دتروح يمها .. وو
كال هيانج تعرفين عجل ليش تسألين ..!
انت مودتروح يمها تذكر شكتلي اليوم..
اي يابه اي ..
عجل عليش تكووول ماشاءالله حاطني سببررر
هسة التريدي شنو يايابه..!
دحكت عليه بنظرة دلع كتلو حباب ابقى هين..
اي يصير خيررر...
هاي شنو تقشمرني.. دقيقه لاتحدر..
وكف بعتبة االباب وكال وكام ينفخ هااا والتالي..
