وتفاركنه

بارت20 والاخير

(((((((هيفوكوران))))))))
#وتفارگنه.  

‏كل شيء يدعو للملل. ننظر للساعة كل دقيقة نترقب مرور الوقت. الوقت الذي يزحف ببطء نحو المجهول. ننتظر قدوم شيء لا نعرفه، شيء لا يأتي أبدا..

-

قيس_يله احمد راح نتاخر

احمد_شمالك يا خوي مستعجل ترى العروس مطير

ام حسين_اظاهر ابني مستعجل وميتحمل بعد

احمد_هههههه اكلها قيس.

قيس_

ام حسين_اشاقه وياك وليدي واخيرا شفتك بقاط العرس. شكد جانت امنيتي اشوفك بهلبس وهاي تحقق جزء من امنياتي.يوم لي اشوف احمد همات وزينب اشوفه تروح لقسمته قبل لا الله ياخذه امانته

قيس_بست راسها وايدها الله يطول بعمرج حجيه لا تحجين هيج. ان شاء الله تشوفيهم كلهم وتشوفين احفادج

احمد_بست راس امي ان شاء الله عمرج اطول من عمري يوم ان شاء الله تشوفينا

ام حسين_الله يطول بعمركم ويحرسكم ويحفظكم يله امشوو هاي اختكم اكلت راسي من كثر متخابر

احمد_اي يله خل نتوكل وين بابا

ام حسين_ابوك راح للقاعه يشوف  المعازيم

احمد_اي رحنا للصالون

زينب_شمالكم تاخرتو هاا هو شكم مره اخابركم

_مو جنا ننتظر العريس لحد ما رجع من الحلاق

_اي يله وين امي

_ذيجه بسياره طلعنا العروسه من الصالون. وتجهنا للقاعه جنا عازمين العشيره كلها.صارلي شكم يوم واكف ع رجلي و اركض منا لهنا عمود اخوي. التهيت. ارحب بيهم ويم طباخين و اركض منا لهنا ابوي رجال جبير ميكدر وانا وحدي وكلها فوك راسي لو شعبان جان عايش مجان يعوفني هيج جان يساعدني ويركض وياي الله يرحمه شكد  متمنيه اشوف نسرين بس مكدر اشوفها لان القاعه جبيره كلش ومعازيم هواي

ياسر_وين

احمد_للحمام  هسه ارجع مشيت ودخلت للمر الي تودي للحمام  وبنهاية الممر اكو درايج تنزل من تخلص الدرايج يجيك ممرين وحده تودي لحمام رياجيل وحده لحمام نسوان  رحت غسلت ايدي واجهي طلعت من الحمام ودا امشي بلممر سمعت صوت كعب مدري ليش كلبي كام يدك وياها اتقربت اكثر شفت نسرين بفسان الاحمر طالعه تخبل الفستان مفصل عليها تفصال وانوب شعر اسود مثل سواد الليل وطويل مثل الحرير نازل ع خصرها وميك طالعه تموت نزلت من الدرايج و طبت للحمام مردت اروح وكفت  يم درايج وكمت انتظرها تطلع

نسرين_مرت سنوات ع موت اخوي وبعدني اشتاقله بس بعد راح لدار حقه والراح ميرجع بعد. اختي شرين صار عدها مرض التوحد واخذناها لاكثر من دكتور ما فاد. انوب كالولنا اكو خوش دكتور بأيران اخذها بابا وماما شهرين بقو هناك ورجعو جانت صايره زينه ورجعت تتخالط ويانا سامي كلش تغير للاحسن وكام يسألنا قبل لا يطلع اذا محتاجين شي امي صحتها صارت احسن واخوي قيس همات صار احسن انوب ورى فتره عمي اجى ع ابوي عمود عرس ابنه وكال اذا متريدون ناجل ابويه مقبل ياجل كاله ابني صارله سنين ميت. وانت سوي عرس لابنك وعمي كال دام هيج لعد نجيب سكيتي بس ابوي مقبل وكال سويله اكبر عرس مصاير مثله. وبعد فرح العشيره خل يطلعون من جو الكابه وحدد يوم العرس ورحنا فعلا تغيرت  نفسياتنا..شكد جنت مشتاق لاحمد وكمت ادور عليه. لمحته من بعيد جان يرحب بيهم شكد ارتاحيت مع انو صارلنا سنوات نحب بعض. بس دوم من اشوفه. متتغير عندي المشاعر ابد وتبقى مثل اول من حبيته وكلبي يدك عسريع واتمنى احضنه يكولون اذا الحب طول تتغير المشاعر. وانا اكول مو صح هاي انا ويا احمد. كاني احبه من جديد