اخذت الاحبها 😍😌

يمه فطيت التغار😍

ولو ضايجه ومالي واهس بس حبيت اكتب😂😂
مشاعر مبعثره معليكم😂😂💔

(زين العابدين )

كتلهاا
هاا يرويحتي بدت الزعلات ولازم اراضيج😒
كالت براحتك اترديني راضيني متريدني موجود الحظر😌شو خلصتها صدمات من جوابهاا
كتلها اراضيج باجر اليوم عندي اسئله خل اسئلج
كالت اوك ومن اتكمل اني اسئل
كتلها ماشي😍

السؤال الاول😂
كم ابن عم عندج ؟؟
جواب/عندي كومه يعني هيج 14
السؤال الثاني
كم ابن خال عندج ؟؟
جواب/6
السؤال الثالث كم واحد صارحج😠؟؟
جواب/صلي ع النبي اهووواي يعني تقريبا قبل جانو كلهم اعتقد😂وهسة اهناا هم اهواي وانته من ضمنهم😂
السؤال الرابع
انعجبتي بيه حبيتيني لو لا😳؟؟
جواب/*-*
كتلها كملت وح انطيج تعليمات
كالت ماشي انطي
كتلها متحجين وي احدمن ولد عمج او خالج او عمتج او خالتج
وثاني شي ارقامهم اتمسحيهاا اذا عندج
وثالث شي اريدج اتعرفيني بشخصيتج
كالت ولد عمامي وخوالي وعماتي وعمامي ارقامهم عندي وداخله بكروب وياهم وما اكدر ما اراسلهم واذا اتأخرت بالرد عليهم يجوني للبيت ايشوفون اذا محتاجه شي لو صايرلي شي ف ما اكدر اعوفهم لان همة اخواني وحجاب ما البس يمهم وبس يجون اركض عليهم
كتلها هلا هلا الحجاب مينزع اله من تردين اتنامين ماشي كالت No
وكالت هسة دوري ماشي
كتلها الله يستر😂
كالت سؤال الاول😠
كم ابنيه امراسلها بدون جذب😬
جواب/ممراسل ولا امصارح
سؤال الثاني 😑
كم بنت عم /ة وخال/ة عندك
جواب/عم 6و/ة 8/خال 9/ة 5
كالت كمليت وعندي تعليمات

😂😂كتلها اتفضلي
كالت عندك كومه الله يستر عليهن😂😂
كتلها ويحفضهم😛
كالت احححم اااامين😠
بعدين كالت بس لا تحجي وياهن وتشاقه وتطلع غماازتك كدامهن 😳

كتلها هه شتعرفين انتي (طبعا حتى اضوجهاا لان ضوجتني)قبل شوي جنت احجي وي بنت خالي وتتغزل بيه اتكلي اتخبل انته شناقصك😒(بسماار)
هم خلقه واخلاق

كالت لا ماكو خلقه ولا اخلاق
كتلها هوب هوب بله خلقه انمشيهاا واخلاق اشايفتني احجي وي بنات الجامعه كلهن واكبسل لو شنو

كالت خوفتني شبيك اعصابك
كتلها لا بله غردي انتي اهواي اجفصين
كالت لا والله مشايفتك هيج ومشفت شي عليك بالعكس كل الخير واذا عن خلقتك لو انته ابن عمي جان نهيت عليك😂😂
طبعا اهناا انتبهت ع روحهاا وسدت الفون بوجهي😓

بس متت ضحك عليهااا😂😂😂
دزيتلهاا لا عجبتني الجفصه كلش حلوه الله يديم هيج جفصات😂😂😍
شافت الرساله ومردت بعدين كتبتلهاا ترة عادي ادري بروحي حلو ومتكدرين اتقاومين جمالي وهل متردين
اتصلت كتلهاا هااا يمريتي ليش سديتي ردت بنت عمهاا كالت اسفه خيو بس امغطيه نفسهاا بالبطانيه وتبجي واني عبالي انته امرزلهاا لو شي وشفت الرسائل
كتلها لا خيتي ممرزلهاا بس هية جفصت وكالت لو انته ابن عمي انهي عليك😂😂😂
كالت عزااا بعينهاا فضحتنه🙊
كتلها غير زوجتي وتتغزل شكو بيهاا كليلها خل اتحاجيني هسة هية اتكللهاا كليله ماتت كتلهاا انجبي لا تحجين هيج
وضربت بنت عمهاا لان فاتحه سبيكر
كتلهاا طلعتي متوحشه كالت حباب عوفني هسة والله ميته خجل باجر عود الله كريم كتلها ي صح بنت عمي اتصلت يله اخذي راحتج
كالت لا لااا عندي موضوع وياك كلش مهم خل اكلك بي كتلها ي من اكمل اتصل بيج كالت لا كلش مهم وشويه وانام خاف تتصل واني نايمه كتلهاا ترة جذب ما اتصل ولا وحده منهن اتغزلت بيه بس ردت اضوجج هاا هيج يعني واني الغبيه عبالي صدك بس صدك طلعت غبيه وسدت الفون
طبعا صارت ب 6 العصره ومرحت للشغل واني كلت المروه اتكعدني ب 4:30ف دزيتلهاا رساله بالواتس كتلهاا لا ليش كسرتي الباب عليه حتى اكعد ردت كالت لا بله هوة منو الي جان ميت ضحك وكاعد يتعارك😏كتلهاا هاا ي يله سويلي غده جوعان كالت متأكد غده كتلها لعد شنو كالت بابا حبيبي صار لازم عشه وماما نايمه واني عندي امتحان وتعبانه والله حباب لو انته اسوي اليوم لو اجيب من المطعم

كتلها تحجين صدك بابا والله تعبان وحتى الشغل مرحت واريد اكل جوعان اذا يمج واحد من الولد دزي كالت لا كلهم طلعو للنادي كتلها شنو هسة رايحلهم كالت وبطريقك حبشكلات
كتلهاا بابا روحي راح اجي اكسرج😑
اوووي ع مود لا تصرف اتكسرني مشكوره كلشي ما اريد وهسة اسوي عشه طبعا هذا الحجي جاي البس ملابسي حتى اروح ل خواني  جاي احجي سدت الفون بوجهي رحتلهاا للغرفه كتلها تعوي الغرفتي بسرعه طبعا بصياح وهية خافت لان اول مرة تحجي هيج وياي
كتلهاا بله احجي بشنو امقصر حتى هيج حجيتي وضايجه هااا ومن اشوكت هيج تحجين وياي كالت اسفه بابا بس والله مشتهية من المطعم وكلما اكول البابا ايكول معدنه لا تحجين ولا اتحاجين اخوج هوة تعبان واني صرت جبيره واريد كلشي حتى ملابس مجاي البس مثل صديقاتي
اني خليت ورحت سديت الباب حيل مدري وين ردت اطلع بس كلش ضجت لان امقصر وياهم وميحجون ع مودي ف اتصلت ب غزل مردت 4 مكالمات ومردت
ضميت الفون وشوي واتصل شفت الاسم لكيتهاا غزل رديت كالت الو مرديت عليها كالت الو حباب لا اتخوفني والله هل مرة صدك ايصير بيه شي كتلها هلا حب كالت شبي صوتك كتلها لا هيج كالت كول شبيك والله خوفتني حجيتلهاا الصار كالت هية ازغيره اكيد هيج اتفكر بس انته لا اضوج منهاا خطيه بعدهاا مراهقه تتأثر بصديقاتها وبالبس وكلشي كتلها اني ضايج وطالعه روحي لان امقصر كالت شوي وتعال للفرع مالتنه و رمش من توصل واني اطلعلك كتلها لا خاف تجيج احجايه كالت اني وولد عمامي 4 وخوالي 3 واحنه البنات كلنه ح نطلع ف تعال ويانه حتى هم نشتري ملابس الاختك كال لا حب روحي انتي اني اترخص كتلها هاا براحتك لعد مراح اطلع كتلها يله باي
ف سديت الفون ورجعت للبيت حتى عفت اخواني😂
رجعت واخذت عشه من المطعم بس لكيت اختي جاي اسوي كتلها عوفي هذا عشة وبعد شتردين تعاي كولي واني اصلا امخليج حتى اتعرفين شمحتاجين وتكليلي كالت بابا والله اعتذر وبعد ما اعيدها جاي اروح للغرفه اتصلت غزل رفضته وبعدين اختي اتصلت الي هية مروه رديت كالت تعال اتعشه اذا متريد تكعد وياي اني مراح اكعد وياكم جاي اقره بالغرفه كتلها لا تعالو كلكم ع السفره وشوي واجي سديته منها شفت غزل دازه رسائل كاتبه
ي اكيد مشغول
هوة كلكم هيج تحجون وي الف وحده مدري شتحسون من هيج اسوون
المهم هسة لا اترد واتصلت حتى اكلك راحو ومرحت لا تزعل بس انته ماشاء الله زعلان كلش مصدكت تلكه حجه وتروح
وطبعا حضرتني من جاي اكتب😑

والهناااااااا وتعبت😂😂😂

لا والله متعبت بس اتحركون القلب ما اسوون واهس ف ع غير نره

اكول تدرون ردت اكتب الى من يخطبهااا بس مراح اكتب😂😂😂

والله عود ع مود صوره حلوه كلت اخليهاا بس لا ع البارت الجاي

صحيح جنت ناسيه اخلي اسمي🙊😳💔

الكاتبه (ام السان😁)

اذا عدكم اسم مزغرف دزو بالتعليقات

هاي اذا علقتو😂😂😂💔