جوري ووسيم ..بعد زواجهم بسنة وطبعا عاشوا احلى سنة بحياتهم بين حبهم وشغلهم وحياتهم وسفراتهم كل فترة لمكان ..
ومرات جانوا يسافرون وية تمارا وكرم ..تمارا طبعا جانت حامل بولد وبس جانت تحاول تشجع جوري حتى يصيرون ثنينهم امهات
وجوري جانت ترفض الموضوع ووسيم ابد مجان يفتحه وياهم عالاقل للسنة المرت مفتح وياها موضوع الاطفال ...
سارة ومحمد جانوا باقين مثل ما همه لان سارا ظلت تحب وسيم ومكدرت تتزوج غيره ومحمد كضاها يدرس دراسات حتى يرفع راس ابوه اكثر واكثر.....
1
جوري تخابر تمارا
-الو هلو تمارا
-هلا جوري حياتي شونج؟
-بخير دامج بخير ام الصوف
-وي وي خجلتيني شوكت اصير من صدك ام الصوف!
-ان شاء الله قريبا
-ان شاء الله...كولي حياتي شو بدك؟
-اليوم عيد زواجنه اني ووسيم ماعرف شسويله؟
-ممممممممممممم وي مرت سنة والله يالله الايام تمضي ,شوفي حياتي شرايج نطلع كلنه لمطعم ونسويله كيكة ومن هالسوالف؟
-ممممممم احنا الاربعة !
-اي اكيد .. لو تريدين وحدكم بكيفج
-لالا خلص سوية ان شاء الله ^_^ راح اخذله ساعة اعرفه يحب الساعات لو عيب؟
-لالا اكيد مابيها شي وهديتج حتكون حلوة بنظرة شماتكون^_^
-فديت صديقتي ام الصوف
-حياتي نتشاوف بالليل ان شاء الله
-ان شاء الله..باي
ركض جوري خابرت مطعم راقي وحجزت الهم ع ميز وهمه كالوا يرتبون كلشي الظاهر المطعم هواية تصير بيه هيجي مفاجأت
وجانت طايرة فرح لان وسيم جان مسافر اسبوع وهي مشتاقتله ^_^
واجه وسيم ركض جوري استقبلته احلى استقبال مثل العادة هي متعودة هو يسافر اسبوع ويرجع بحكم شغله بالشركة مال ابوه وكلما يرجع تستقبله بالمطار :) وررجعوا للبيت شوية ارتاحوا والعصر
-حبيبي نطلع نتعشه برة ؟
-مممممممم تعبان والله
-زين مثل متحب
-اتشاقة واني اكدر ارفض طلب للكمر مالي:)
-فديتك.. يلا لعد ابدل انت هم بدل لنتاخر
-صار سيدتي :)
وراحوا سوية للمطعم طبعا جوري كالعادة طالعة تخبل كل يوم تخليه يحس كانما اول مرة يشوفها وشون دخلت قلبه ^_^
أنت تقرأ
نهايتي انتي
Romanceجوري و وسيم ورة مضحكت الهم الحياة طلع الها رأي ثاني ياترى نهايتهم حتكون سعيدة ام لا راح نشوف سوية اني وانتوا ^_^ اوقات ممتعة
