Spoken Word Poetry (Tagalog)

ABaKaDa

Ginawa ko ang tulang ito nung Buwan Ng Wika dahil sumali ako sa contest ng spoken poetry. Sadly hindi ko siya na memorize ng bonggang bongga kaya ayun Second place lamang ang mama niyo. 

Pero .8 lang yung lamang sak'en nung nanalo ah! Kung kinembotan ko pa ng todo yun, nanalo na ako. So ayun. Hope you like it guys! Muah!

 - Miss D

....................................................

Ang ABaKaDa Naming ng Kaibigan Ko

Bago ang lahat.

Gusto ko lang malaman niyo.

Na ang tulang ito

Ay para sa kaibigan ko.

Isang kaibigang malapit sa akin.

Na kahit ang puwang sa pagitan namin

Ay sing layo ng distansya ng mundo sa mga bituin.

Matalik ko siyang kaibigan;

Na kahit minsan ko siyang makalimutan

Hindi niya pa rin ako iniwan.

Nanatili pa rin siya dito sa puso't isipan ko.

Ang bawat letra ng pangalan niya

Ay preskong nakaukit pa rin sa bawat dimensyon ng diwa ko.

Andyan pa rin sya,

Kahit minsa'y nandidiri na ako.

Kinamuhian ko na siya't

Pinagpalit sa iba

Pero tiwala niya ay di parin nabawasan kahit isa.

Kaya't hayaan niyo akong ibahagi sa inyo

Ang liham ko sa likod ng ABaKaDa namin

Ng kaibigan ko.

A

Andyan ka para sa akin

Noong panahong kinailangan kita.

Hindi mo ako iniwan

Kahit pa inaapi na tayong dalawa

Hindi ka nagpatinag sa panlalait ng iba.

Dahil alam mong walang puwang ang sinasabi nila

Sa tagtag ng relasyon nating dalawa.

Ba

Bawat haplos ng pagmamahal mo

Ay ramdam na ramdam ko.

Tagos dito sa puso ko.

Hindi maipagkakailang malaking bahagi ka na

Ng buhay ko

Dahil hindi ko alam kung anong magagawa ko kung wala

Dito sa tabi ko.

Pagkat nasanay na akong karamay kita

Sa mga panahong muntik ka nang mabura

Nung sinubukan akong sakupin

Ng mga dayuhang hindi ko kilala.

Ngunit andyan ka