#حماتي_المستبدة
البارت الاول
#بقلمي
#همسات_الليل(ام آيه)
جَرَى الدمعُ حتى ليسَ في الجفنِ مَدمَعُ، وقاسيتُ حتَّى ليس في الصبرِ مَطمَعُ
وما أنا من يبكي ولكنَّه الهَوى يريدُ من الأُسدِ الخضوعَ فتخضعُ
فلِلَّه قلبي ما أجلَّ اصطبارَهُ وأثبتَهُ والسيفُ بالسيف يُقرعُ
وللَّه قلبي ما أقلَّ احتماله إذا ما نأى عنه الحبيبُ المودِّعُ
*المنفلوطي*
لهنا وكافي سده لهذا الموضوع وخلصني مو يوميه عايد هالموال وساطر دماغي ورافع ضغطي...
اني كتلك روحه ماروحلهم ولا انت راح تروح ......
ليش يا ماما شبيج والله مد الكة مبرر لرفضج هذا.....
ها هي اني ازوجك مثل ما زوجت اخوتك بنيه على مرامي ...
مو انت تختارها وتجيبها ما ادري من يا مصيبة ...
اوف اوف ملت روحي تره من عنادج الما الكاله سببب..
طز بيك ...و ملتهم...
اني طالع ...
وين رايح ...
لجهنم الحمره اروح حتى ترتاحين...
عمار تعال هنا ولك تعال مو دصيحك ...
مااجي رايح للكبور ....
السلام عليكم....
الي قريتوا مو مشهد لمسلسل لو فلم ...
هذا مشهد بسيط من حياتي وروتيني اليومي المتعب ...
بيتنا حال اي بيت بهذه الدنيا بس امي مصعبة علينا كل الامور...
عمار ...اني شاب اسمراني طويل والي يجذب بيه عيوني كحيله ورمشها كثيف....
والدي جان رتبة بالجيش وتوفه بسبب مرض السرطان الله يرحمه ...
تزوج امي وجانت بعدها عمرها 19 سنه وهو 42 يعني جبير عليها وجانت المره رقم 2 بحياته...
اتزوج الاولى ومجابتله اطفال ...
و وره 15 سنه اتزوج امي وخلفتله 3 ولد ...
ابويه بوقتها ملك الدنيا من صرنا...
زوجة ابويه جانت كلش تحبنا وعشنا سوه بس ماتت الله يرحمها بحادث سياره من واحنا صغار...
احنه بس ولد احمد اكبر واحد موظف وحسن على حده مكمل دراسه يادوب صناعه
يحب الشغل تعلمله صنعه حداده وفتح محل ومرتب وضعه...
وامي يا امي ( سعاد) الله يحفظها هي الي كبرتنا واهتمت بينا بنت الاصول بس بطبعها داست على كل الخطوط ....
ابويه الله يرحمه عافلنه البيت الي ساكنين بي بيت جبير وسياره وعماره بيها شقتين و 4 محلات مأجريها وتقاعد المرحوم وعايشين منها وعيشتنه مستورة والحمدلله...
متخرج صار كم سنه واحلم بشي اسمه تعيين ..
ولو بديت اتعود وما اضوج نفسي لان العايش بالعراق محروم من ابسط الاشياء هالنوبة التعيين...
