تـدري وشـ يغيض الرجــل في هوى البنتـ ..؟؟ للكاتبة شيطونة دلوعة

7

رحت عند مامتي
ساروه : اميه
ام سعيد : هلا
ساروه : اميه عادي اروح عند حمدوه
ام سعيد : بس لا تتاخرين
ساروه : اوكيك ميخسييييي باي

و رحت اتلبس هالمره قلت خليني اتعدل
لبست تنوره بيج و فيها شوي وردي ولبست قميص وردي عليه حركه بالبيج
و تجلحات بالاخضر و حطت قلوووس وبلشر و لبست عباه فيها شويه ورده وشياتها و نزلت تحت طبعن الموبايل
وياي

قلت للدريول يجهز السياره عقب زقرت الخدامه و ركبت ورحنا
وفي السياره كنت اسمع غنيه تنحط عالجرح يبرى

تنحط عالجرح يبري
القلب سلم لك امره
في حلاتي انت ادرى
كلي حنانك وطيبك
تنحط عالجرح يبري
شفاف يا نور عيني
حبوب قلبك يبيني
سهرت شباب وسنيني
تفداك الفين مره

من سمعتها ماعرف ليش طرى في بالي محمد حسيت شي فخاطري ازعاق فيه بتجاهه بس ماحسيت شو هوه

وعقب وصلت بيت قوم حمدووه

اول مادخلت شفت مروان وحمده و فيصل وابو فيصل و ام فيصل
ساروه : السلام عليكم
كلهم : وعليكم السلام
وسلمت عليهم كلهم
حمدوه : الله الله شو هالكشخه كلها ساروه وايد محلوه (ماعرف يوم قالت جيه لفيت عالا مروان شفته مبتسم ويطالعني من فوق لين تحت استحيت )
حمدوه : اشوف موبايلج
ساروه : صبري ( وطلعته)
حمدوه : اوب اوب ساروه من قدج شو حطيتيلي رنه
ساروه : بعدني اول يوم بتعبث فيه فليل
مروان : شو الدراسه وياج
ساروه : تمام
حمدوه : هيه قامت تدرس عني اشوفها ماعرف خبله مستويه هالايام
ساروه : هههه حرام عليج
المهم تمينا نسولف وكل ماشوف مروان يتم يبتسملي
عقب حمدوه راحت ماعرف وين ماحسيت فيها
وانا رحت اغسل يدي كانت خايسه جوكلت الي ماكلتنه
مروان : فديتج
ساروه : مروان طيحت قلبي خوفتني
مروان : وينه قلبج عشان اشله واحتفظ فيه
( الصراحه استحيت من رمسته )
مروان : فديت الي يستحون منى
ساروه : مروان بس
مروان : عيونه قلبه روحه عمررررررررررره كله يفداج
مارمت ارمس ولا كلمه
مروان : ساروه اممم بقولج شي
ساروه : شوه
مروان : امم يوم الخميس بنروح العزبه كلنا
ساروه : وواللله
مروان : هيه بس ماباج تتقربين وايد من محمد و سهيل و لا سيف لا ترمسين وياهم وايد اغار
ساروه : لا والله مثل مارمس وياك برمس وياهم شو غير
مروان : انا غير
ساروه : لا مب غير كلكم عيال عمي
مروان تقرب منى : متى بتحسين فيني
وابتعدت عنه : مروان انا قلتلك قبل
مروان : انزين انا شو بالنسبه لج
ساروه : ماعرف
مروان : كيف ماتعرفين
ساروه : مروان والله ماعرف
مروان : انزين ماباج ترمسينهم سامعه عشانهم
ساروه : لا مروان مايوز
مروان : ليش مايوز
ساروه : يعني ارمسههم عالمسن ومارمسهم جداهم شو بيقولون عني هاي خقاقه
مروان : نععععععععععم ترمسينهم فالمسن
ساروه ( اف يالتيني مارمست ): هيه ارمسهم
مروان : لا والله ساروه اليوم تسويلهم دلييت سامعه
ساروه : مب مسويه شو بتسوي يعني
مروان: ساروه انا اقولج بالطيب امسحيهم
ساروه : مروان مب مااااااااااااسحتنهم اذا مسحتهم بمسحك وياهم تراه والله
مروان : تمسحينهم تمسحينهم و امسحيني جان تبين بس انا مب ماسحنج تعرفين ليش
ساروه : لييش
مروان تقرب: لانه ماتهون على وماتجرىء امسح قلبي
ساروه : مروان بس انا بروح داخل
مروان : لا لا وين
ساروه : لا والله بنتم طول اليوم فالمطبخ
مروان : والله انا ودي
ساروه : تم بورحك هههه و رحت عنه