عشك الريف

القصه كامله

#عشك_الريف
ﻓﺘﺎﺓ ﻳﺘﻴﻤﻪ ﺗﺠﺎﻫﺪ ﻣﻦ ﺍﺟﻞ ﺍﻥ ﺗﺒﻘﻰ .... ﻭﺳﻂ ﺻﺮﺍﻋﺎﺕ ﺍﻟﺮﻳﻒ ﺍﻟﻘﺒﻠﻴﺔ ...
ﺗﺤﺐ ﻭﺗﻬﻮﻯ ﻭﺗﻌﺸﻖ ﺭﻏﻢ ﻭﺣﻮﺵ ﺍﻟﺒﺎﺩﻳﺔ ﺍﻟﺘﻲ ﺗﺤﻴﻂ ﺑﻬﺎ
كاملة
ﻋﺸﻚ ﺍﻟﺮﻳﻒ
ﻋﻠﻲ ﺍﻟﺒﺪﺭ
ﺍﻟﺒﺎﺭﺕ ﺍﻻﻭﻝ
....
...
ﻣﻦ ﻳﻮﻡ ﻭﻻﺩﺗﻲ ﻭﻟﻬﺬﺍ ﺍﻟﻴﻮﻡ ﻣﺎﻋﺮﻑ ﺷﻨﻮ ﺣﻴﺎﺗﻲ ﻣﻨﻮ ﺍﻧﻲ ﻛﻞ ﻭﺍﺣﺪ ﻳﻄﻠﻌﻠﻲ ﺑﺮﻭﺍﻳﺔ ﻋﻦ ﺍﻣﻲ ﻭﺍﺑﻮﻱ ﺍﻟﻤﺎﺷﻔﺘﻬﻢ .... ﻭﺣﺘﻪ ﻣﺎﻋﺮﻑ ﺷﻨﻮ ﺍﻡ ﺍﻭ ﺍﺏ ﺍﺳﻤﻊ ﻋﻦ ﺣﻨﺎﻥ ﺍﻻﻡ ﻭﻟﻬﻔﺘﻬﺎ ﻋﻠﻪ ﻭﻟﺪﻫﺎ ﻭﻋﻦ ﺣﻨﻴﻦ ﺍﻻﺑﻮ ﻟﺒﻨﺎﺗﻪ .... ﺍﺳﻤﻊ ﻫﺎﻱ ﺍﻻﺷﻴﺎﺀ ﻛﻞ ﻳﻮﻡ ﻭﺍﻧﻪ ﻋﺎﻳﺸﺔ ﺑﻨﺺ ﺍﻟﻀﻴﻢ ﻭﻱ ﻋﻤﺘﻲ ﺗﺮﺍﺟﻲ ﻭﻛﻠﻤﺎ ﺍﺻﻴﺤﻠﻬﺎ ﻳﻤﻪ ﺗﻜﻠﻲ ﺍﻧﻪ ﻣﻮ ﺍﻣﺞ .... ﺍﻧﻪ ﺑﻨﺎﺗﻲ ﺑﺲ ﺭﺣﺎﺏ ﻭﻳﺴﺮﻯ ﻭﺍﺑﻨﻲ ﺭﺍﺷﺪ ﺍﻧﺘﻲ ﺣﻠﻴﻤﻪ ﺑﺖ ﻓﻮﺯﻳﺔ ﻭﺍﻣﺞ ﻣﺎﺗﺖ ﺻﺎﺭ ﺳﻨﻴﻦ .....
....
....
ﻋﻤﺮﻱ ٢٤ ﺳﻨﺔ ﻭﺍﻻﻗﺪﺍﺭ ﻋﻴﺸﺘﻨﻲ ﻳﻢ ﻋﻤﺘﻲ ﺗﺮﺍﺟﻲ ﺍﻟﻌﻨﻴﺪﺓ ﻭﺍﻟﺼﻌﺒﺔ .... ﺍﻧﻪ ﻭﻋﻴﺖ ﻋﺎﻟﺪﻧﻴﺔ ﻭﻟﻜﻴﺖ ﺭﻭﺣﻲ ﺑﺤﻀﻦ ﻋﻤﺘﻲ ﻣﺎﻋﺮﻑ ﻭﻳﻦ ﺍﺭﻭﺡ ﻻﻥ ﻣﺎﻋﻨﺪﻱ ﺍﻱ ﺷﻲ ﻏﻴﺮﻫﺎ .... ﻋﺎﻳﺸﻴﻦ ﺑﺎﻟﺮﻳﻒ ﻭﺑﻴﻮﺕ ﻃﻴﻦ ﻭﺣﻴﺎﺓ ﺍﻟﺮﻳﻒ ﺻﻌﺒﻪ ﻭﻋﺎﺩﺍﺕ ﻭﺗﻘﺎﻟﻴﺪ ﻣﺎﺗﻮﻗﻊ ﻣﻮﺟﻮﺩﻩ ﺑﺎﻟﻤﺪﻳﻨﺔ ...
...
...
ﻭﺭﺩﻩ .. ﻭﺭﺩﻩ ﻭﻳﻨﺞ ﻋﻤﻪ ....
ﻫﺎ ﻋﻤﻪ ﺟﺎﻱ ﺍﺷﺮ ﺑﺎﻟﻤﻼﺑﺲ ﻣﺎﻟﺖ ﻋﻤﻲ ....
ﺍﻱ ﻋﻔﻴﻪ ﺍﻏﺴﻠﻴﻬﻦ ﺍﻟﻴﻮﻡ ﺗﺮﻩ ﻋﻤﺞ ﻳﺠﻮﻧﻪ ﻧﺎﺱ ﻋﺪﻫﻢ ﻛﻌﺪﻩ ﻋﻠﻤﻮﺩ ﻃﻼﺑﺔ ﺑﻴﺖ ﺍﻫﻞ ﺣﺠﻲ ﺭﺍﺿﻲ ...
...
...
ﺻﺎﺭ ﻋﻤﻪ ... ﺑﺲ ﻫﺬﻭﻟﺔ ﻃﻼﻳﺒﻬﻢ ﻣﺎﺗﺨﻠﺺ ﺍﻫﻞ ﺣﺠﻲ ﺭﺍﺿﻲ ....
ﻳﻮﻩ ﻳﻮﻩ ﻣﺎﺗﺪﺭﻳﻦ ﻳﺎﻭﺭﺩﻩ ﺑﻄﻼﻳﺐ ﺍﻟﻜﻴﻌﺎﻥ ﻭﺍﻟﻤﻜﺎﻳﻦ ﻭﺍﻟﺰﺭﻉ ﻭﻫﺴﻪ ﻫﻤﻪ ﻃﻼﺑﺘﻬﻢ ﻋﻠﻤﻮﺩ ﺍﻟﺰﺭﻉ ﻣﺎﻝ ﺑﻴﺖ ﺣﺠﻲ ﺭﺍﺿﻲ ﻻﻥ ﺣﺎﻁ ﻣﻜﻴﻨﺔ ﺍﻟﺴﺠﻲ ﺑﻜﺎﻉ ﻋﻤﺞ ﺭﺍﺿﻲ ﻭﻫﺎﻟﺸﻲ ﻣﺎﻳﺼﻴﺮ ....
....
...
ﺑﺎﻟﺮﻳﻒ ﻛﻞ ﻳﻮﻡ ﺍﺳﻤﻊ ﺑﺎﻟﻜﺘﻞ ﻭﺍﻟﻨﻬﻮﺓ ﻭﻃﻢ ﺍﻟﻌﺎﺭ ﻭﺍﻟﻔﺼﻠﻴﺔ ﻭﻛﻠﻬﺎ ﻫﺎﻱ ﺍﻻﻣﻮﺭ ﺗﺠﻲ ﻳﻢ ﻋﻤﻲ ﺣﺎﺗﻢ ﺍﻟﺸﻴﺦ ﻭﻫﻮ ﻳﺤﻠﻬﺎ ﺑﻌﻘﻞ ﻭﺣﻜﻤﻪ ﻭﻃﺒﻌﺎ ﻋﻤﻲ ﻋﻘﻠﻪ ﺟﺒﻴﺮ ﻭﻭﺍﺳﻊ ﻭﻣﺘﻔﻬﻢ ﻋﻜﺲ ﻋﻤﺘﻲ ﺍﻟﻌﻨﻮﺩﻳﺔ ....
...
...
ﺑﺖ ﻋﻤﻲ ﻳﺴﺮﻯ ﻃﻴﺒﺔ ﻭﺣﺒﺎﺑﺔ ﺑﺲ ﺭﺣﺎﺏ ﻋﻠﻪ ﺍﻣﻬﺎ ﻣﺘﻜﺒﺮﺓ ﻭﺷﺎﻳﻔﻪ ﺭﻭﺣﻬﺎ ﺷﻮﻓﻪ ﻭﻫﻴﻪ ﻣﻦ ﺗﺸﻮﻓﻬﺎ ﻣﺎﺗﺨﺴﺮ ﻋﻠﻴﻬﺎ ﻓﻠﺲ ﻭ ﺩﻭﻡ ﺗﺤﺎﻭﻝ ﺗﺬﻟﻨﻲ ﻭﺗﺤﺴﺴﻨﻲ ﺑﺎﻻﻫﺎﻧﻪ .... ﺑﺲ ﺍﻧﻪ ﻓﻬﻤﺖ ﺍﺳﻠﻮﺑﻬﺎ ﻭﻋﺮﻓﺖ ﺗﺼﺮﻓﺎﺗﻬﺎ ﻣﻦ ﻳﻮﻡ ﻭﻋﻴﺖ ﻋﻠﻪ ﻫﺎﻟﺪﻧﻴﺔ ﺍﻟﻜﺸﺮﺓ
....
...
ﺍﻛﻠﺞ ﻭﺭﺩﻩ ﻫﺎﻱ ﺍﻟﻬﺪﻭﻡ ﻛﻠﻬﺎ ﻃﺎﻳﺮﺓ ﻣﻦ ﺍﻟﺤﺒﻞ ﺭﻭﺣﻲ ﻟﻤﻴﻬﻦ .... ﺟﻤﺎﻍ ﺍﺑﻮﻱ ﻭﺩﺷﺪﺍﺷﺘﻪ ﻭﺻﺎﻳﺘﻪ ﺷﻨﻮ ﻣﺎﺣﻄﺘﻠﻬﻦ ﻛﺒﺎﺳﻪ ﻟﻮ ﻛﻀﺎﺿﻪ ....
....
....
ﺭﺣﺎﺏ ﺍﻧﻪ ﺭﺍﺡ ﺍﻋﺠﻦ ﻟﻴﺶ ﻣﺎﻟﻤﻴﺘﻴﻬﻦ ﻭﻳﺎﺝ ....
ﻻ ﺑﺎﻟﻠﻪ ﺷﻠﻮﻧﺞ ﺍﻧﺘﻲ ﺭﻭﺣﻲ ﻟﻤﻴﻬﻦ ﻭﺍﻋﺠﻨﻲ ﻭﺟﻴﺒﻲ ﻋﺮﺩ ﻭﻋﺎﻛﻮﻝ ﻟﻠﺘﻨﻮﺭ ﺍﻟﻄﻴﻦ ﻭﺍﺧﺒﺰﻱ ....
ﺳﻜﺘﺖ ﻭﻧﺰﻟﺖ ﺍﻟﺪﻣﻌﻪ ﺑﻌﻴﻨﻲ ﻭﺑﻠﻌﺖ ﺍﻟﺴﺎﻟﻔﻪ ﻻﻥ ﻣﻦ ﺍﺣﺠﻲ ﻣﺤﺪ ﻭﻳﺎﻱ ﻭﺣﺘﻪ ﻟﻮ ﺣﺠﻴﺖ ﻭﺗﻌﺎﺭﻛﺖ ﻫﻮ ﻧﻔﺲ ﺍﻟﺸﻲ ﻫﻢ ﺍﺭﺟﻊ ﺍﻛﻨﺲ ﻭﺍﻋﺠﻦ ﻭﺍﺯﺑﺮ ﻋﺮﺩ ﻭﺍﻏﺴﻞ ﻫﺪﻭﻡ ‏( ﺍﻟﺘﺰﺑﻴﺮ ﻋﻤﻠﻴﺔ ﺟﻤﻊ ﺍﻟﻮﻗﻮﺩ ﻭﺗﺤﻀﻴﺮﻩ ﻟﻠﺘﻨﻮﺭ ﺍﻟﻄﻴﻦ ‏)
....
...
ﺭﺩﺕ ﻳﺴﺮﻯ ﻋﻠﻴﻬﺎ ....
ﺭﺣﺎﺏ ﺍﻧﺘﻲ ﺳﻬﻤﺞ ﺍﻟﺮﺍﺣﻪ ﺍﻧﻪ ﺍﻟﻢ ﺍﻟﻬﺪﻭﻡ ﻭﺧﻠﻲ ﻭﺭﺩﻩ ﺗﻜﻤﻞ ﺷﻐﻠﻬﺎ ...
ﻻ ﻻ ﻳﺴﺮﻯ ﺭﻭﺣﻲ ﺍﻧﺘﻲ ﻭﺭﺣﺎﺏ ﺍﻛﻌﺪﻥ ﺍﻧﻲ ﺍﻛﻤﻞ ﺍﻟﺸﻐﻞ ﻣﺎﻳﺴﻮﻩ ﻛﻠﻪ ﺳﻬﻞ ...
ﻻ ﻻ ﺧﻞ ﻧﻜﻤﻠﻪ ﺍﻧﻲ ﻭﻳﺎﺝ ..... ﻭﺻﺪﻙ ﺍﺟﺖ ﻭﻳﺎﻱ ﻳﺴﺮﻯ ﻭﺣﺴﻴﺘﻬﺎ ﺣﻨﻴﻨﻪ ﻭﻃﻴﺒﻪ ﻭﻣﺎﻋﺪﻫﺎ ﺧﺒﺚ ﺍﺑﺪﺍ ﺗﺨﺘﻠﻒ ﻋﻦ ﺍﻣﻬﺎ ﻭﺍﺧﺘﻬﺎ ...
....
...
ﺣﺠﻲ ﺭﺍﺿﻲ ﺍﻧﺖ ﺍﻟﻴﻮﻡ ﺑﺒﻴﺖ ﺍﻟﺸﻴﺦ ﻭﻻﺯﻡ ﺗﺴﻤﻊ ﺍﻟﺤﺠﻲ ﻛﻠﻪ ﺍﻻ ﺗﺤﺠﻲ ....
ﺍﻧﺖ ﺍﺟﻴﺖ ﻭﺣﻄﻴﺖ ﻣﻜﻴﻨﺘﻚ ﺑﻜﺎﻋﻨﻪ ﻭﻧﻬﻴﻨﺎﻙ ﻭﻣﺎﻧﺘﻬﻴﺖ ﻭﺍﻧﺖ ﺗﺪﺭﻱ ﻫﺎﻟﺸﻲ ﻏﻠﻂ ﻭﺟﺎﻱ ﺗﻜﺮﺭﻩ ﻭﻫﺬﺍ ﻟﻮ ﺑﻐﻴﺮ ﻋﺮﺏ ﺟﺎﻥ ﺳﻮﻭ ﻏﻴﺮ ﺷﻲ ﺑﺲ ﺍﻧﻪ ﻣﺴﺘﺤﻴﻞ ﺍﺳﻮﻳﻬﺎ ﻭﺍﻣﺲ ﻣﺮﻳﺖ ﻭﻟﻜﻴﺖ ﻣﻜﻴﻨﺘﻚ ﺑﻜﺎﻋﻲ ﻭﻃﺎﺭﻩ ﺯﺭﻋﻲ ﺑﺎﻟﻨﺺ ﻭﻣﺎﻃﻔﻴﺘﻬﺎ ﻻﻥ ﻣﺎﺭﻳﺪ ﻃﻼﻳﺐ ﻭﻣﺸﺎﻛﻞ ....
ﺭﺩ ﻋﻠﻴﻪ ﺣﺠﻲ ﺭﺍﺿﻲ ....
ﺍﻧﺖ ﺣﺠﻴﺖ ﻟﻌﻨﺪﻙ ﺷﻴﺦ ﺣﺎﺗﻢ ﻭﻻﺯﻡ ﺗﺴﻤﻊ ﻣﻨﻲ ... ﺍﻧﻪ ﻣﺎﺭﺍﺡ ﺍﺷﻴﻞ ﺍﻟﻤﻜﻴﻨﻪ ﻭﻻ ﺍﻏﻴﺮ ﻣﺠﺎﻧﻬﻪ ﻭﻫﻨﺎ ﺑﻤﻀﻴﻔﻚ ﺍﺣﺎﺟﻴﻚ ﻭﺍﻛﻠﻚ ﺭﺯﻗﻲ ﻭﺭﺯﻕ ﻫﺎﻱ ﺍﻟﻮﺍﺩﻡ ﺍﻟﺒﺮﻛﺒﺘﻲ ﻋﺎﻟﺰﺭﻉ ﻭﺍﻧﺖ ﺍﺫﺍ ﺷﻠﺘﻬﺎ ﺗﻜﻄﻊ ﺭﺯﻗﻬﻢ ...
ﻭﺭﻛﺒﺘﻲ ﺗﻨﻜﺺ ﺩﻭﻥ ﻫﺎﻟﻤﻜﻴﻨﻪ ﻭﺍﺧﻮ ﺍﺧﻴﺘﻪ ﺍﻟﻴﺸﻴﻠﻬﺎ ﻣﻦ ﻣﻜﺎﻧﻬﺎ ...
ﻭﻧﻔﺾ ﻫﺪﻣﻪ ﺣﺠﻲ ﺭﺍﺿﻲ ﻭﻃﻠﻊ ....
ﻭﻣﺎﻋﺮﻑ ﺷﻴﺤﺠﻲ ﺷﻴﺦ ﺣﺎﺗﻢ ﺑﺲ ﻣﺎﻋﺠﺒﻪ ﺗﺼﺮﻑ ﺣﺠﻲ ﺭﺍﺿﻲ ﻭﺍﻋﺘﺒﺮﻩ ﺗﻬﺪﻳﺪ ﺍﻟﻪ ﻭﻫﻮ ﻳﻜﺮﻩ ﻫﺎﻟﻠﻬﺠﻪ ﻭﻳﺤﺐ ﺍﻟﺘﻔﺎﻫﻢ ﻭﻣﺎﻳﺤﺐ ﻏﻴﺮ ﺷﺮﻉ ﺍﻟﻠﻪ ...... ﺗﺤﺴﺮ ﻭﺗﺎﻓﺄﻑ ﻭﺷﺮﺏ ﺟﻜﺎﺭﺓ ...
....
....
ﺻﺮﺕ ﺍﺷﻮﻑ ﺍﻟﺪﻧﻴﺔ ﻛﻠﻬﺎ ﺑﻌﻴﻦ ﻭﺣﺪﻩ ﻻﻥ ﺣﻴﺎﺗﻲ ﻛﻠﻬﺎ ﺻﺎﺭﺕ ﻳﻮﻡ ﻭﺍﺣﺪ ﺑﺲ ﺍﻛﻌﺪ ﺍﻟﺼﺒﺢ ﺍﻃﻠﻊ ﺍﺣﺼﺪ ﻭﺍﺟﻴﺐ ﻭﻛﻮﺩ ﻭﻋﺮﺩ ﻟﻠﺘﻨﻮﺭ ﻭﺍﻏﺴﻞ ﻣﻼﺑﺲ ﻭﻛﻞ ﻫﺬﺍ ﻭﻋﻤﺘﻲ ﻣﺎﻣﻘﺘﻨﻌﻪ ﻭﻻ ﻋﺎﺟﺒﻬﺎ ﺍﻟﻌﺠﺐ ﻭ ﺗﻜﻠﻲ ﺍﻟﻴﺎﺧﺬﺝ ﺍﻻ ﺍﻣﻪ ﺩﺍﻋﻴﻪ ﻋﻠﻴﻪ ..... ﺗﻌﻮﺩﺕ ﻋﻠﻪ ﻋﻤﺘﻲ ﻭﺣﺠﻴﻬﺎ ﻭﺍﻛﻮﻝ ﺍﻟﻠﻪ ﻳﺴﺎﻣﺤﻬﺎ ﻳﻤﻜﻦ ﺗﺤﺒﻨﻲ ﺑﻜﻠﺒﻬﺎ ﻭﺗﺮﻳﺪ ﺗﻮﻋﻴﻨﻲ ... ﺟﻨﺖ ﺩﻭﻡ ﺍﺷﺘﻜﻲ ﻣﻨﻬﺎ ﻋﺪ ﺭﺍﺷﺪ ﺍﺑﻨﻬﺎ ﻫﻮ ﻃﻴﺐ ﻭﺣﺒﺎﺏ ﺑﺲ ﻣﺎﺷﻮﻓﻪ ﻫﻮﺍﻱ ﻻﻥ ﻳﺸﺘﻐﻞ ﺑﺎﻟﻤﺪﻳﻨﻪ ﻭﺑﺎﻟﺴﻨﺔ ﻳﺠﻴﻠﻲ ﺍﻳﺎﻡ ﻭﻳﺮﺟﻊ ﻟﺸﻐﻠﻪ ﻻﻥ ﻫﻮﻩ ﻛﺎﺭﻩ ﻃﻼﻳﺐ ﺍﻟﺮﻳﻒ ﻛﻠﻬﺎ ..... ﻭﻳﺮﺩ ﻋﻠﻴﻪ ﻭﻳﻜﻠﻲ ﻣﺎﻋﺎﺵ ﺍﻟﻴﺰﻋﻞ ﺍﻟﻮﺭﺩ ﻭﻳﻀﺤﻚ ﻭﺟﻨﺖ ﺍﻧﺘﻈﺮ ﺟﻴﺘﻪ ﺑﻄﻼﻉ ﺍﻟﺮﻭﺡ ﻻﻥ ﺣﻴﻞ ﺍﺣﺘﺮﻣﻪ ﻭﺍﻗﺪﺭﻩ ﻭﺍﻋﺰﻩ ...
....
..... ﻫﺎ ﻭﺭﺩﻩ ﻛﺎﻋﺪﻩ ﺑﺎﻟﺒﺎﺏ ﺍﻟﻴﻮﻡ ﺷﻨﻮ ﺷﺒﻴﺞ ...
ﻫﺎ ﺧﺎﻟﻪ ﺣﻠﻴﻤﻪ ﺷﻠﻮﻧﺞ ... ﻭﺍﻟﻠﻪ ﻣﺎﻛﻮ ﺷﻲ ﺑﺲ ﻣﺨﻨﻮﻛﻪ ﻭﺿﺎﻳﺠﻪ ...
ﻫﺎ ﻣﻨﻴﻦ ﺿﺎﻳﺠﻪ ﺧﺎﻑ ﻣﺘﺎﻧﻴﻪ ﻭﺍﺣﺪ ﺗﺸﻮﻓﻴﻨﻪ ...
ﺷﻨﻮ ﻫﺎﻟﺤﺠﻲ ﺧﺎﻟﻪ ﺣﻠﻴﻤﻪ ﺍﻟﻴﺴﻤﻌﺞ ﺷﻴﻜﻮﻝ ... ﺍﻧﻌﻢ ﺍﻟﻠﻪ ﻋﻠﻴﺞ ﺧﻞ ﺍﻃﺐ ﻟﻠﺒﻴﺖ ﻋﻤﻲ ﺍﺣﺴﻠﻲ ....
ﺩﺧﻠﺖ ﻟﻠﺒﻴﺖ ﻭﺳﻮﻟﻔﺖ ﻟﻴﺴﺮﻯ ﻋﻨﻬﺎ ﻭﺣﺬﺭﺗﻨﻲ ﻣﻨﻬﺎ ﻭﻛﺎﻟﺖ ﻫﺎﻱ ﺗﻔﺘﻦ ﺑﻴﻦ ﺍﻟﻨﺎﺱ ﻭﻣﺎﺗﺤﺘﺮﻡ ﺍﺣﺪ ﻭﺍﺑﺪ ﻻﺗﻠﺘﻘﻴﻦ ﺑﻴﻬﺎ .....
....
....
...
ﻳﻤﻪ ﺻﺎﺭ ﺳﻨﻴﻦ ﺍﺣﻨﻪ ﻫﻨﺎ ﺑﻬﺎﻟﺮﻳﻒ ﻫﺬﺍ ﻣﻦ ﻳﻮﻡ ﻣﺎﺕ ﺍﺑﻮﻱ ﻭﺍﻧﻪ ﻋﻤﺮﻱ ﺳﻨﺘﻴﻦ ﻣﺜﻞ ﻣﺎﺗﻜﻮﻟﻴﻦ ﻭﻟﺤﺪ ﻫﺴﻪ ﻻ ﻭﺍﺣﺪ ﻣﺮﻧﻪ ﻻ ﻭﺍﺣﺪ ﺳﻠﻢ ﻋﻠﻴﻨﻪ ﺷﻨﻮ ﺍﺣﻨﻪ ﻣﻜﻄﻮﻋﻴﻦ ﻣﻦ ﺷﺠﺮﺓ ﻭﺍﻧﻪ ﻣﺎﺩﺭﻱ ....
...
...
ﻳﻤﻪ ﺣﻤﻮﺩ ﺍﻧﻪ ﺭﺑﻴﺘﻚ ﻣﻦ ﺫﺍﻙ ﺍﻟﻮﻛﺖ ﻟﻬﺴﻪ ﻭﻣﺎﺭﻳﺪ ﺗﻌﺒﻲ ﻳﺮﻭﺡ ﺑﺎﻟﻬﻮﻩ .... ﺍﻧﻪ ﻣﺎﺭﻳﺪﻙ ﺗﺨﺘﻠﻂ ﻭﻱ ﻧﺎﺱ ﺍﻟﺮﻳﻒ ﻫﺬﺍ ﺧﻠﻴﻚ ﻭﻳﺎﻫﻢ ﻛﺪ ﺳﻼﻣﻚ ﻭﻛﺪ ﺷﻐﻠﻚ ﺑﺎﻟﻜﺎﻉ ﻭﺍﻟﺰﺭﻉ ﻣﺎﺭﻳﺪ ﺗﺘﺨﺸﺨﺶ ﻭﻳﺎﻫﻢ ﻻﻥ ﻳﻤﻪ ﺍﻟﻨﺎﺱ ﻣﺎﺗﺮﺣﻢ ﻭﺍﻧﻪ ﺍﺧﺎﻑ ﻋﻠﻴﻚ ...... ﻭﺍﺑﻮﻙ ﺳﻠﻤﺎﻥ ﻗﺒﻞ ﻻﻳﻤﻮﺕ ﻣﻮﺻﻴﻨﻲ ﻋﻠﻴﻚ ﻳﺎﻳﻤﻪ ...
...
...
ﻳﻤﻪ ﺍﻧﻪ ﻃﺎﻟﻊ ﻟﻠﺰﺭﻉ ﻭﺍﻣﺮ ﻋﻠﻪ ﺣﺠﻲ ﺭﺍﺿﻲ ﺍﺷﻮﻑ ﺷﺴﻮﻩ ﻭﻱ ﺍﻟﺸﻴﺦ ﻋﻠﻤﻮﺩ ﺍﻟﻤﻜﻴﻨﻪ ﻭﺍﻟﻜﺎﻉ ....
ﻃﻠﻊ ﺣﻤﻮﺩ ﻭﺭﺍﺡ ﻟﺒﻴﺖ ﺣﺠﻲ ﺭﺍﺿﻲ ﻭﺑﺎﻟﻄﺮﻳﻖ ﻻﻛﺘﻪ ﺣﻠﻴﻤﻪ ﻭﺳﺎﻟﺘﻪ ....
ﻫﺎ ﻭﻳﻦ ﺭﺍﻳﺢ ﺣﻤﻮﺩ ...
ﻭﺍﻟﻠﻪ ﺭﺍﻳﺢ ﻳﻢ ﺣﺠﻲ ﺭﺍﺿﻲ .... ﻟﻴﺶ ﺧﺎﻟﻪ ﺍﺍﻣﺮﻳﻨﻲ ..
ﻣﺎﻳﺎﻣﺮ ﻋﻠﻴﻚ ﺿﺎﻟﻢ ﺧﺎﻟﻪ ﺑﺲ ﺣﺴﺒﺎﻟﻲ ﺭﺍﻳﺢ ﺗﻌﺮﻑ ﺳﺎﻟﻔﺔ ﺍﺑﻮﻙ .....
ﺷﻨﻮ ﺷﺠﺎﻱ ﺗﺤﺠﻴﻦ ﺍﻧﺘﻲ .... ﺍﺑﻮﻱ ﺷﺒﻴﻪ ....
ﻻ ﻣﺎﺑﻴﻪ ﺷﻲ ... ﻣﺎﺑﻴﻪ ﺷﻲ ﺍﻧﺸﺪ ﻋﻦ ﺍﻟﺴﺎﻟﻔﻪ ﻭﺍﻧﺖ ﺗﻌﺮﻑ
ﻋﺸﻚ ﺍﻟﺮﻳﻒ٢
ﻋﻠﻲ ﺍﻟﺒﺪﺭ
ﺍﻟﺒﺎﺭﺕ ﺍﻟﺜﺎﻧﻲ
....
....
ﻳﻤﻪ ... ﻳﻤﻪ ﻭﻳﻨﺞ ...
ﻫﺎﻳﻤﻪ ﺣﻤﻮﺩ ﺷﺒﻴﻚ ﺗﺼﻴﺢ ﻭﻳﺎﻣﻦ ﻣﺘﻌﺎﺭﻙ ﺍﻧﺖ ﻣﻮ ﻛﺘﻠﻲ ﺭﺍﻳﺢ ﻟﺒﻴﺖ ﺣﺠﻲ ﺭﺍﺿﻲ ﺷﺮﺟﻌﻚ ....
...
ﻳﻤﻪ ﺍﺣﺠﻴﻠﻲ .... ﺍﺑﻮﻱ ﺷﻠﻮﻥ ﻣﺎﺕ ...
ﻳﻤﻪ ﺣﻤﻮﺩ ﺷﺒﻴﻚ ﻳﺎﻳﻤﻪ ﺍﺑﻮﻙ ﻣﻴﺖ ﺻﺎﺭﻟﻪ ﺳﻨﻴﻦ ﻭﻣﻨﻴﻦ ..... ﺷﺬﻛﺮﻙ ﺑﻬﺎﻟﺴﺎﻟﻔﻪ ﻳﻤﻪ ﻣﻮ ﻛﺘﻠﻚ ﺍﺑﻮﻙ ﻛﻌﺪﻧﻪ ﺍﻟﺼﺒﺢ ﻭﻟﻜﻴﻨﺎﻩ ﻣﻴﺖ ﺑﻔﺮﺍﺷﺔ ......
ﻻ ﻻ ﻻ ﻻ ﻳﻤﻪ ﺍﺣﺠﻴﻠﻲ ﻻ ﺍﺣﺮﻙ ﺍﻟﺒﻴﺖ ﻛﻠﻪ .... ﺍﻧﻪ ﻻﻛﻴﺖ ﺣﻠﻴﻤﻪ ﻭﻛﺎﻟﺘﻠﻲ ﻣﺎﻟﻚ ﻧﻴﺔ ﺗﺎﺧﺬ ﺛﺎﺭﻙ ﻣﻦ ﺟﺘﺎﻝ ﺍﺑﻮﻙ ...
ﻓﻠﻚ ﻃﺮﺝ ﺣﻠﻴﻤﻪ ﺍﻡ ﺍﻟﺒﻼﻭﻱ ... ﻳﻤﻪ ﺍﻧﺖ ﺗﺪﺭﻱ ﻫﺎﻟﻤﺮﻩ ﻛﻠﻬﺎ ﺗﻜﺮﻫﻬﺎ ﻭﻫﻲ ﺗﺪﻭﺭ ﺍﻟﺸﺮ ﺩﻭﺍﺭﺓ ...
ﻳﻤﻪ ﻭﻋﻴﻮﻧﻚ ﻫﺎﻱ ﺟﺬﺍﺑﻪ ﻭﻣﺎﺗﺪﺭﻱ ﺷﻲ ﻋﻦ ﺍﺑﻮﻙ ﻭﻻ ﺗﻌﺮﻓﻪ ﺍﺻﻼ .....
....
....
ﻫﺎﻳﻤﻪ ﺭﺍﺷﺪ ﺻﺎﺭ ﻫﻮﺍﻱ ﻣﺎﺟﺎﻱ ﺷﺎﻟﻘﺼﺔ ﻛﻄﻌﺖ ﺑﻤﻴﻤﺘﻚ ﺍﺧﻴﺎﺗﻚ ﻭﺍﺑﻮﻙ ﺷﻠﻘﺼﺔ ﺍﻧﺖ ﻣﺎﻋﻨﺪﻙ ﻛﻠﺐ ﻟﻮ ﻛﻠﺒﻚ ﻣﻴﺖ ﻣﺎﺗﺤﻦ ....
ﻻ ﻳﻤﻪ ﻳﺎﺑﻌﺪ ﻛﻠﺒﻲ ﻛﻠﺒﺞ ﻭﺍﻟﻠﻪ ﺍﺗﻌﻄﻞ ﺟﻢ ﺿﻬﺮ ﺣﺘﻪ ﺍﺟﻴﺒﻠﻲ ﻣﺼﺮﻑ ﻳﺴﻮﻩ ...
ﺍﻱ ﻳﻤﻪ ﺷﺨﺒﺎﺭﻛﻢ ﺷﺨﺒﺎﺭ ﺍﺧﻮﺍﻟﻲ ﻭﻋﻤﺎﻣﻲ ﻭﺍﻟﻠﻪ ﻣﺸﺘﺎﻗﻠﻜﻢ ... ﻭﺍﻟﻄﺮﻳﻖ ﻃﻮﻳﻞ ﻭﻣﺎﻋﻮﻝ ﺑﺲ ﻛﻮﻥ ﺍﻭﺻﻞ ﻻﻥ ﻛﻠﺶ ﺗﻌﺒﺎﻥ ....
....
...
ﺟﻨﺖ ﺍﻧﻀﻒ ﺑﺎﻟﺒﻴﺖ ﻭﺍﺳﻤﻊ ﺍﻟﻜﻼﻡ ﺑﻴﻦ ﺭﺍﺷﺪ ﻭﺍﻣﻪ ... ﻭﺳﻤﻌﺘﻪ ﻣﻦ ﻛﺎﻟﻬﺎ ﻭﺭﺩﻩ ﺷﻠﻮﻧﻬﺎ ﺯﻳﻨﻪ ﺧﻮ ﻣﺤﺪ ﻳﻀﻮﺟﻬﺎ ﺧﻄﻴﻪ ﺗﺮﻩ ﻫﺎﻱ ﺍﻣﺎﻧﻪ ﻋﺪﻧﻪ ... ﻻﺗﺤﺴﺴﻮﻧﻬﺎ ﺑﻀﻴﺠﻪ ...
ﺩﻣﻌﺖ ﻋﻴﻨﻲ ﺻﺪﻙ ﻭﺣﺴﻴﺖ ﺍﻛﻮ ﺷﺨﺺ ﻳﻬﺘﻢ ﻻﻣﺮ ﻭﺭﺩﻩ ﻭﻳﺴﺎﻝ ﻋﻨﻬﺎ ﻭﻣﺎﺩﺭﻱ ﻛﻠﺒﻲ ﻣﺮﻩ ﻳﺮﺟﻒ ﺍﻟﻪ ﻭﻣﺮﻩ ﺍﺣﺴﻪ ﺍﺧﻮﻱ ﻭﻣﺮﺓ ﺍﺣﺴﻪ ﺍﻣﺎﻥ ﺍﻟﻲ .... ﺑﺲ ﺿﻮﺟﻨﻲ ﺭﺩ ﻋﻤﺘﻲ ﻳﻮﻡ ﺳﺎﻟﻬﺎ ﻋﻨﻲ ﻛﺎﻟﺘﻠﻪ ﺯﻳﻨﻪ ﺷﺠﺎﻳﻬﺎ ﺗﺎﻛﻞ ﻭﺗﺸﺮﺏ ﻭﺗﻨﺎﻡ ....
....
...
ﻃﻠﻊ ﺭﺍﺷﺪ ﻣﻦ ﻏﺮﻓﺔ ﺍﻣﻪ ﻭﻻﻛﺎﻧﻲ ﻭﺳﻠﻢ ﻋﻠﻴﻪ ....
ﻫﻠﻮ ﻭﺭﺩﻩ ﺷﻠﻮﻧﺞ ﺷﻨﻮ ﻫﺎﻱ ﺻﺎﻳﺮﺓ ﺣﻠﻮﺓ ﻭﻟﻮ ﺍﻧﺘﻲ ﻣﻦ ﺯﻣﺎﻥ ﻣﻮ ﻗﺎﺻﺮﺓ ....
ﺭﺩﻳﺖ ﻋﻠﻴﻪ ﺍﻟﺴﻼﻡ ﻭﺍﻧﻪ ﺧﺠﻼﻧﻪ ﻣﻦ ﺣﺠﻴﻪ ﺍﻟﺤﻠﻮ ﻭﺗﻔﻬﻤﻪ ﺍﻟﻲ ....
ﺭﺍﺷﺪ ﺷﻜﻠﻪ ﻭﺍﻧﺎﻗﺘﻪ ﻭﺍﺳﻠﻮﺑﻪ ﻳﺨﺘﻠﻒ ﻋﻦ ﺍﻫﻞ ﻗﺮﻳﺘﻨﻪ ﻭﺷﺒﺎﺏ ﺍﻟﺮﻳﻒ ﺍﻟﻌﺪﻧﻪ ﻫﻮ ﺻﺢ ﺍﺳﻤﺮ ﻭﺍﻟﺸﻐﻞ ﻣﺘﻌﺒﻪ ﻭﺣﺘﻪ ﺍﺩﻳﺔ ﺧﻄﻴﻪ ﻣﺸﻜﻜﻪ ﻣﻦ ﺍﻟﺸﻐﻞ ﺑﺲ ﻛﻞ ﻫﺬﺍ ﺯﺍﻳﺪﻩ ﻫﻴﺒﺔ ... ﻭﻫﻮ ﻣﺴﻤﻮﻋﻪ ﺣﺠﺎﻳﺘﻪ ﻣﺜﻞ ﻋﻤﻲ ﺍﻟﺸﻴﺦ ....
....
....
ﻛﻞ ﻫﺬﻱ ﺍﻟﻔﺘﺮﺓ ﺍﻟﻠﻲ ﻳﺤﺠﻲ ﺑﻴﻬﺎ ﻭﻳﺎﻱ ﺭﺍﺷﺪ ﺟﺎﻧﺖ ﻋﻴﻮﻧﻪ ﺑﻌﻴﻮﻧﻲ ﻭﻳﺸﻮﻑ ﺍﻟﺨﺠﻞ ﺑﻴﻪ ﻭﺍﺩﻧﻚ ﻭﺍﺗﻘﺮﺏ ﻣﻨﻲ ﻭﻛﺎﻟﻲ ﻋﻤﺖ ﻋﻴﻨﻪ ﺍﻟﻴﻜﻮﻝ ﺍﻟﻮﺭﺩ ﻳﺬﺑﻞ .... ﻭﻣﺸﻪ ﻣﻦ ﻳﻤﻲ ﻭﺭﻳﺘﻪ ﻣﺎﻣﺸﻪ ﻋﻨﻲ .....
ﻻﻥ ﺑﺪﻩ ﻛﻠﺒﻲ ﻳﺪﻙ ﺑﺴﺮﻋﻪ ﻭﻛﻞ ﻫﺬﺍ ﺍﻻﺣﺴﺎﺱ ﻛﺴﺮﻩ ﺻﻮﺕ ﻋﻤﺘﻲ ....
ﻭﺭﺩﻩ ﻭﻳﻨﺞ ...
ﻫﺎ ﻋﻤﻪ ﻫﻨﺎ ﻣﻮﺟﻮﺩﻩ ﻛﻮﻟﻲ ...
ﻋﻤﻪ ﻭﺭﺩﻩ ﺭﻭﺣﻲ ﺍﺗﺮﺳﻲ ﺍﻟﺮﻭﺍﻭﻩ ﻣﻦ ﺍﻟﺒﻴﺮ ﺍﻟﻴﻢ ﺍﻟﺒﺴﺘﺎﻥ ﻭﺗﻌﺎﻟﻲ‏( ﺍﻟﺮﻭﺍﻭﻩ ﻫﻲ ﻭﻋﺎﺀ ﺍﻭ ﺣﺎﻓﻈﻪ ﻣﻦ ﺍﻟﺠﻠﺪ ﺍﻭ ﻣﻦ ﺍﻟﻼﺳﺘﻴﻚ ﺗﻮﺿﻊ ﻋﻠﻰ ﺿﻬﻮﺭ ﺍﻟﺤﻴﻮﺍﻧﺎﺕ ﻟﻨﻘﻠﻬﺎ ﻣﻦ ﻣﻜﺎﻥ ﺍﻟﻰ ﺍﺧﺮ ‏)
...
...
ﺍﻱ ﻋﻤﻪ ﺻﺎﺭ ﺗﺪﻟﻠﻴﻦ ... ﻫﺴﻪ ﺍﻧﻪ ﺭﺍﻳﺤﻪ ....
...
...
ﻗﺒﻞ ﺳﻨﻮﺍﺕ ﻣﻦ ﺟﻨﺖ ﺯﻏﻴﺮﻩ ﺳﻤﻌﺖ ﻋﻦ ﻓﻀﻴﺤﻪ ﺻﺎﺭﺕ ﺑﺎﻟﺮﻳﻒ ﺍﺗﻬﻤﻮﺍ ﻭﺍﺣﺪ ﺑﺒﻮﻛﺔ ﻣﺎﻝ ﺑﻴﺖ ﻭﺟﺎﻥ ﻳﺼﻴﺢ ﻭﺍﻟﻠﻪ ﻣﻈﻠﻮﻡ ﻭﺟﻨﺖ ﻃﻔﻠﺔ ﺑﺲ ﺍﺣﺲ ﺑﻴﻪ ﺻﺎﺩﻕ ﺟﺎﻥ ﻳﺒﺠﻲ ﻭﻳﺼﻴﺢ ﻭﺍﻟﻠﻪ ﻳﺎﻋﻤﻲ ﻣﺎﺑﻜﺖ ﻭﺍﻟﻠﻪ ﻣﻮ ﺍﻧﻪ ... ﻭﺍﻟﻤﺸﻜﻠﺔ ﺍﺧﻮﺗﻪ ﺟﺎﻧﻮ ﻣﻮﺟﻮﺩﻳﻦ ﻭﺟﺎﻧﻮﺍ ﻛﻠﻬﻢ ﺿﺪﻩ ﻭﺣﺘﻪ ﻋﻤﻲ ﺍﻟﺸﻴﺦ ﺟﺎﻥ ﻳﺮﻳﺪ ﻳﻬﺪﻱ ﺍﻻﻣﻮﺭ ﻭﻳﺴﻮﻱ ﺣﻞ ﺳﻠﻤﻲ ﺑﻴﻦ ﺍﻟﻨﺎﺱ ﺍﻟﻤﺒﻴﻮﻛﻴﻦ ﻭﺑﻴﻨﻪ ﺑﺲ ﻋﻤﻲ ﺗﻔﺎﺟﺎ ﻻﻥ ﺷﺎﻑ ﺍﺧﻮﺍﻧﻪ ﺿﺪﻩ .... ﻓﺼﺎﺭ ﺍﻟﺤﻜﻢ ﻣﻦ ﻋﻤﻲ ﺍﻥ ﻳﺪﻓﻊ ﺧﻠﻴﻞ ﺍﻟﻤﺒﻠﻎ ﺍﻟﻤﺴﺮﻭﻕ ﻭﻳﺘﺤﻤﻠﻪ ﻭﻛﺎﻟﻪ ﻳﺎﺧﻠﻴﻞ ﻻﺯﻡ ﺗﺪﻓﻊ ﻭﺗﺨﺴﺮ ﻭﻫﺎﻟﺘﺸﻮﻑ ﻣﺎﻋﻨﺪﻙ ﻣﻨﻔﺬ ﻭﻻﺗﻜﺪﺭ ﺗﺪﺍﻓﻊ ﻋﻦ ﻧﻔﺴﻚ ﻟﺬﻟﻚ ﺍﺣﻤﻲ ﻧﻔﺴﻚ ﻭﻋﺎﻳﻠﺘﻚ ﻻﻥ ﺍﻟﻨﺎﺱ ﺍﺫﺍ ﻣﺎﺗﺎﺧﺬ ﺣﻼﻟﻬﺎ ﺗﺘﻬﻮﺭ ﻭﺗﺎﺧﺬ ﺭﻭﺣﻚ ﻭﺟﺎﻥ ﺍﻟﻤﺒﻠﻎ ﺍﻟﻤﺒﻴﻮﻙ ﻫﻮﺍﻱ ﻛﻮﻟﺶ ﺑﺤﻴﺚ ﻫﻮﻩ ﺑﺎﻉ ﻛﻞ ﺫﻫﺐ ﻣﺮﺗﻪ ﻛﻠﻪ .... ﻭﺗﺪﻳﻦ ﻭﻭﻓﺎﻩ ﻭﺟﺎﻥ ﺍﻟﺸﺮﻁ ﺍﻟﺜﺎﻧﻲ ﻣﻦ ﺍﻫﻞ ﺍﻟﺴﻠﻒ ﺍﻧﻮ ﻳﺠﻠﻮﻩ ﻣﻦ ﺍﻟﺮﻳﻒ ‏( ﺍﻟﺠﻠﻮﻩ ﻫﻲ ﺍﺑﻌﺎﺩ ﺍﻟﺸﺨﺺ ﻭﻋﺎﺋﻠﺘﻪ ﻣﻦ ﺍﻟﻤﻜﺎﻥ ﺍﻟﺬﻱ ﻳﻌﻴﺶ ﺑﻪ ﺍﻟﻰ ﻣﻜﺎﻥ ﺍﺧﺮ ﺑﻌﺪ ﺛﺒﻮﺕ ﺗﻮﺭﻃﻪ ﺑﻔﻌﻞ ﺷﻨﻴﻊ ﻳﺴﺘﺤﻖ ﻋﻠﻴﻪ ﺍﻟﻌﻘﻮﺑﺔ ﺍﻭ ﻫﺪﺭ ﺍﻟﺪﻡ ‏) ....
ﺍﻧﻲ ﻫﺎﻱ ﺍﻟﺘﻔﺎﺻﻴﻞ ﻛﻠﻬﺎ ﻋﺮﻓﺘﻬﺎ ﻣﻦ ﻋﻤﻲ ﺍﻟﺸﻴﺦ ﻻﻥ ﻫﻮﻩ ﻳﺤﺒﻨﻲ ﻭﻳﺤﺘﺮﻣﻨﻲ ﻭﻣﻦ ﺳﺎﻟﺘﻪ ﺷﺮﺣﻠﻲ ﻛﻞ ﺷﻲ ...
....
...
ﻣﻦ ﺟﻨﺖ ﻃﺎﻟﻌﻪ ﻟﻠﺒﻴﺮ ﺍﺟﻴﺐ ﺍﻟﻤﻲ ﺳﻤﻌﺖ ﺍﻟﺒﻨﺎﺕ ﻳﻢ ﺍﻟﺒﻴﺮ ﻳﺴﻮﻟﻔﻦ ﻭﻳﻜﻮﻟﻦ ﺧﻠﻴﻞ ﺭﺟﻊ ﻟﻠﺮﻳﻒ ﻭﺍﻧﺘﻬﺖ ﻓﺘﺮﺓ ﺍﻟﺠﻠﻮﺓ ... ﻭﻫﻨﺎ ﺗﺬﻛﺮﺕ ﺳﺎﻟﻔﺔ ﺧﻠﻴﻞ ﻛﻠﻬﺎ ﻭﺟﻨﺖ ﺍﻋﺮﻓﻬﺎ ﺑﺎﻟﺘﻔﺼﻴﻞ ....
..
...
...
ﺍﺳﻤﻌﻮﺍ ﺍﺭﻳﺪﻛﻢ ﺗﻠﺰﻣﻮﻥ ﺣﺮﺍﺳﺔ ﺍﻟﻴﻮﻡ ﻳﻢ ﺍﻟﻤﻜﻴﻨﺔ ﺧﺎﻑ ﻳﺠﻮﻥ ﺯﻟﻢ ﺍﻟﺸﻴﺦ ﻳﺤﺮﻛﻮﻥ ﺍﻟﻤﻜﻴﻨﺔ ﻟﻮ ﻳﺤﺮﻛﻮﻥ ﺍﻟﺰﺭﻉ ..... ﻛﻞ ﻭﺍﺣﺪ ﺍﺳﻼﺣﻪ ﻭﻳﻈﻞ ﻣﺘﺎﺑﻊ ﻭﻳﻔﻚ ﻋﻴﻮﻧﻪ ﻭﻛﻠﻜﻢ ﺧﻔﺮ ﺗﺘﻨﺎﻭﺑﻮﻥ ٤ ﺯﻟﻢ ﻳﻨﺎﻣﻮﻥ ﻭ٤ ﻳﻠﺰﻣﻮﻥ ﺧﻔﺮ ﺳﻤﻌﺘﻮﺍ ....
ﺍﻱ ﺣﺠﻲ ﺭﺍﺿﻲ ﺳﻤﻌﻨﻪ ﻭﺍﺣﻨﻪ ﻧﻤﻮﺕ ﻭﻣﺎﻧﻄﻲ ﺑﺤﻼﻟﻨﻪ ﻭﻛﺎﻋﻨﻪ ﻭﻫﺎﻱ ﺍﻟﻤﻜﻴﻨﺔ ﻣﺎﻟﺖ ﺍﻟﻤﺎﻱ ﻣﺎﺗﺘﺤﺮﻙ ﺍﻻ ﻋﻠﻪ ﻛﺺ ﺭﻛﺎﺑﻨﻪ ....
ﻋﻔﻴﻪ ﺑﺎﻟﺴﺒﺎﻉ ... ﻋﻔﻴﺔ ﺑﻮﻟﺪﻱ ﺗﺮﻩ ﺍﺫﺍ ﻧﻈﻞ ﻭﺭﻩ ﺭﺣﻤﺔ ﺍﻟﺸﻴﺦ ﺗﺼﻴﺮ ﺣﺴﺮﺓ ﻋﻠﻴﻜﻢ ﻛﻄﺮﺓ ﺍﻟﻤﺎﻱ ... ﺍﻟﻌﻠﻴﻨﻪ ﻧﺴﻮﻱ ﺍﻟﻤﻜﻴﻨﻪ ﺗﺒﻘﻰ ﻣﻨﺼﻮﺑﺔ ﻭﺧﻞ ﺍﻟﻴﺼﻴﺮ ﻳﺼﻴﺮ ...
....
...
ﺑﺪﻩ ﻛﻠﺒﻲ ﻳﺤﺲ ﺑﺎﻟﺤﻨﻴﻪ ﺍﺗﺠﺎﻩ ﺭﺍﺷﺪ ﺭﻏﻢ ﻣﺎﺷﻔﺖ ﺑﺤﻴﺎﺗﻲ ﺣﻼﻭﺓ ﺑﻴﻮﻡ ﺑﺲ ﻫﺎﻟﻤﺮﺓ ﺻﺪﻙ ﺭﺍﺷﺪ ﺗﻤﻠﻚ ﺟﺰﺀ ﻣﻦ ﺍﺣﺴﺎﺳﻲ ﺟﻨﺖ ﺍﺳﺎﻝ ﻧﻔﺴﻲ ....
ﺷﺒﻴﻪ ﺍﻧﻲ ﻣﺎﻳﺒﺎﻭﻋﻠﻲ .... ﻟﻴﺶ ﻣﺎﻳﺤﺒﻨﻲ .... ﺍﻧﻲ ﺣﻠﻮﺓ ﻭﻣﺮﺗﺒﻪ ﻭﺍﻗﺮﺍ ﻭﺍﻛﺘﺐ ....
ﺻﺎﺭ ﺣﺒﻲ ﻟﺮﺍﺷﺪ ﺷﻲ ﻳﻌﻴﺶ ﻭﻳﺎﻱ ﺧﺼﻮﺻﺎ ﻫﺎﻟﻤﺮﺓ ﻣﻦ ﻧﺰﻝ ﻃﻮﻝ ﻋﺪﻧﻪ ﺑﻠﺒﻴﺖ ﺍﺟﺎﺯﺓ ﺗﻘﺮﻳﺒﺎ ﺷﻬﺮ ﻭﺍﺗﻌﻮﺩﻧﻪ ﻧﺸﻮﻓﻪ ﻭﻧﺴﻮﻟﻒ ﻭﻳﺎﻩ .. ﻭﻣﺮ ﺍﻟﺸﻬﺮ ﺑﺴﺮﻋﻪ ﻭﺷﻔﺖ ﻧﻔﺴﻲ ﻭﺍﻛﻔﻪ ﻭﺭﻩ ﻋﻤﺘﻲ ﻭﺍﻟﺒﻨﺎﺕ ﻧﻮﺩﻉ ﺭﺍﺷﺪ ﻭﻧﺴﻠﻢ ﻋﻠﻴﻪ ﺣﺘﻪ ﻳﺮﺟﻊ ﻟﻠﺸﻐﻞ ...
ﺟﺎﻧﺖ ﻋﻤﺘﻲ ﺗﻮﺻﻴﻪ ﺩﻳﺮ ﺑﺎﻟﻚ ﻋﻠﻪ ﻧﻔﺴﻚ ﻳﻤﻪ ﻭﻃﻤﻨﻪ ﻋﻠﻴﻚ ﻭﻭﺩﻳﻨﻪ ﻣﺮﺍﺳﻴﻞ .... ﻭﻱ ﻛﻞ ﻃﺎﺭﺵ ﻳﻤﺮ ﻋﻠﻪ ﺳﻠﻔﻨﻪ ...
ﺳﻠﻤﺖ ﻋﻠﻴﻪ ﻋﻤﺘﻲ ﻭﺑﺠﺖ ﻭﺗﺪﻧﺖ ﻣﻨﻪ ﺭﺣﺎﺏ ﻭﺳﻠﻤﺖ ﻫﻲ ﻭﻳﺴﺮﻯ ﻭﺍﻧﻪ ﺍﻧﻄﻴﺘﻪ ﺟﻨﻄﺘﻪ ﻭﺳﻠﻤﺖ ﻋﻠﻴﻪ ﻭﺍﺗﻌﻤﺪﺕ ﺍﻧﻄﻴﻪ ﺍﻟﺠﻨﻄﻪ ﻭﻟﺰﻣﺖ ﺟﻒ ﺍﻳﺪﻩ ﻭﻛﺘﻠﻪ ﺑﻬﻤﺲ ﻣﺤﺪ ﺳﻤﻌﻨﻲ .... ﻓﺪﻭﺓ ﺭﺍﺷﺪ ﻻﺗﺘﺎﺧﺮ .....
ﺍﺑﺘﺴﻢ ﻋﻠﻪ ﻛﻴﻒ ﻭﺍﻧﻄﺎﻧﻲ ﻧﻈﺮﺓ ﻗﺒﻮﻝ ﺑﻌﻴﻮﻧﻪ ﻭﻓﻬﻤﺖ ﺍﻧﻮ ﻋﺮﻑ ﻗﺼﺪﻱ ﻭﺍﺑﺘﺴﻢ ﻭﻃﻠﻊ ﻳﺴﻠﻢ ﻋﻠﻪ ﻋﻤﻲ ﺑﺎﻟﻤﻀﻴﻒ .... ﻃﻠﻊ ﻣﻦ ﺍﻟﺒﻴﺖ ﻭﺍﺣﺲ ﺷﻲ ﻃﻠﻊ ﻣﻨﻲ ﻭﻳﺎﻩ ﺍﺣﺲ ﻛﻠﺒﻲ ﻭﺭﻭﺣﻲ ﻭﺷﻌﻮﺭﻱ ﻭﻛﻠﺸﻲ ﺑﻴﻪ ﺭﺍﺣﺖ ﺗﺰﺗﻪ ﻟﻠﺸﻐﻞ
ﻋﺸﻚ ﺍﻟﺮﻳﻒ ٣
ﻋﻠﻲ ﺍﻟﺒﺪﺭ
ﺍﻟﺒﺎﺭﺕ ﺍﻟﺜﺎﻟﺚ ..
ﻭﻟﻚ ﻣﺸﺘﺎﻙ ﺍﻟﻚ ﺍﻧﻪ ﺍﻋﺘﺮﻑ ﻣﺸﺘﺎﻙ
ﺍﻓﻜﺮ ﺑﻴﻚ ﺻﺪﻙ ﻋﺎﻳﺶ ﺑﺤﺮﻛﻪ
ﻭﺍﺫﺍ ﻭﺍﺣﺪ ﺫﻛﺮ ﺍﺳﻤﻚ ﻳﻬﺰﻧﻲ ﺍﻟﺸﻮﻙ
ﻭﺍﺣﺲ ﻛﻞ ﺍﻟﺨﻼﻳﺎ ﺑﺠﺴﻤﻲ ﻣﺤﺘﺮﻛﻪ
ﺑﻌﺪﻫﻪ ﺍﺩﻳﻪ ﺗﺮﺟﻒ ﻣﻦ ﻳﻤﺮ ﻃﺎﺭﻳﻚ
ﻭﺑﻌﺪﻫﻪ ﺍﻟﺮﻭﺡ ﻇﻠﺖ ﺑﻴﻚ ﻣﺘﻌﻟﻜﻪ .
....
...
ﻇﻞ ﻛﻞ ﻳﻮﻡ ﻳﻤﺮ ﺍﺷﺘﺎﻙ ﻟﺮﺍﺷﺪ ﺍﻛﺜﺮ ﻭﺍﻛﺜﺮ ﻭﺍﺣﺲ ﻛﻠﺒﻲ ﻳﻌﺘﺼﺮ ﻭﻣﺎﻋﺮﻑ ﺷﻴﺼﻴﺮ ﺑﻴﻪ ﻣﻦ ﻳﺠﻴﺒﻮﻥ ﻃﺎﺭﻳﻪ ﻭﺍﺗﻘﺼﺪ ﺍﺳﺎﻝ ﻋﻤﺘﻲ ﻋﻨﻪ ﺣﺘﻪ ﻳﺼﻴﺮ ﺣﺪﻳﺜﻨﻪ ﺑﺲ ﻋﻨﻪ ﻭﺍﺳﺘﺎﻧﺲ ﺿﻠﻴﺖ ﺣﺘﻪ ﻟﻌﻤﺘﻲ ﻭﺳﻮﺍﻟﻔﻬﺎ ﻻﻥ ﺿﻠﻴﺖ ﺍﺷﻮﻑ ﺑﻴﻬﺎ ﺭﺍﺷﺪ ﻭﺍﺷﻢ ﺑﻴﻬﺎ ﻋﻄﺮﺓ ....
....
...
ﻋﺼﺐ ﺍﻟﺸﻴﺦ ﺣﺎﺗﻢ ﻣﻦ ﺗﺼﺮﻓﺎﺕ ﺣﺠﻲ ﺭﺍﺿﻲ ﻭﻭﺩﻩ ﻋﻠﻴﻪ ﻭﻛﻌﺪﻩ ﺑﺎﻟﻤﻀﻴﻒ ﻭﺣﺠﻪ ﻭﻳﺎﻩ .....
..
..
ﺑﺼﻮﺕ ﻋﺎﻟﻲ ﻭﻋﺼﺒﻲ ﻛﺎﻟﻪ ...
ﺣﺠﻲ ﺭﺍﺿﻲ ﺍﻧﺖ ﻣﻦ ﺻﺪﻛﻚ ﺗﺤﺠﻲ ﺣﺎﻁ ﻧﻮﺍﻃﻴﺮ ﻋﺎﻟﻤﻜﻴﻨﻪ ﺷﻨﻮ ﺗﺨﺎﻑ ﻣﻨﻲ ﺷﻨﻮ ﺍﻧﻪ ﻗﻠﻴﻞ ﺍﺻﻞ ﻟﻮ ﻧﺎﻗﺺ ﺗﺮﺑﺎﻳﺔ ﺍﻫﺪ ﻋﻠﻴﻚ ﺗﻮﺍﻟﻲ ﺍﻟﻠﻴﻞ ﺍﻧﻪ ﺍﺑﻮ ﺭﺍﺷﺪ ﻭﺍﻟﻜﻞ ﻳﻌﺮﻓﻨﻲ ﻭﺻﻴﺘﻲ ﻣﻌﺮﻭﻑ ﻭﻫﺎﻱ ﺍﻟﻤﻜﺴﺮﺍﺕ ﻣﻮ ﺍﻧﻪ ﺍﻻﻣﺸﻲ ﺑﻴﻬﻦ ... ﺍﻧﻪ ﻛﺘﻠﻚ ﺍﻧﺖ ﻣﺘﺠﺎﻭﺯ ﻋﺎﻟﺰﺭﻉ ﻭﻣﻜﻴﻨﺘﻚ ﻏﻠﻂ ﻣﺠﺎﻧﻬﺎ .... ﺗﺮﻭﺡ ﺗﺤﺰﻡ ﻭﻟﺪﻙ ﻭﺗﻠﺰﻣﻬﻢ ﺧﻔﺎﺭﺍﺕ ﻟﻴﺶ ..... ﺍﻧﻪ ﻣﻌﺼﺐ ﻣﻨﻚ ﻭﻣﻦ ﺗﺼﺮﻓﻚ ﻫﺬﺍ ....
ﺭﺩ ﻋﻠﻴﻪ ﺣﺠﻲ ﺭﺍﺿﻲ ....
ﺍﻧﻪ ﺍﺧﺬﺕ ﺍﺣﺘﻴﺎﻃﻲ ﻭﻛﻠﺖ ﺧﺎﻑ ﻛﻠﺸﻲ ﻳﺼﻴﺮ ﻭﺗﺪﺭﻱ ﺍﻟﺸﻴﻄﺎﻥ ﺷﺎﻃﺮ ﻳﺎﺑﻮ ﺭﺍﺷﺪ .....
ﺣﺠﻲ ﺭﺍﺿﻲ ﺍﺑﻠﻴﺲ ﺷﺎﻃﺮ ﺑﺲ ﻣﺎﻳﺘﺸﻴﻄﺮ ﻋﻠﻴﻪ ﺍﻧﻪ ﺍﺗﺼﺮﻑ ﺑﺤﻜﻤﻪ ﻭﺍﺑﺪ ﻣﺎﺗﺨﻄﻲ ﺭﺟﻠﻲ ﺩﺭﺏ ﺑﻴﻪ ﻣﻜﺴﺮﺍﺕ ﻭﺧﺮﻳﻄﺎﺕ .... ﻭﺗﺮﻭﺡ ﻫﺴﻪ ﺗﻮﺩﻱ ﻭﻟﺪﻙ ﻭﺧﻞ ﻳﺬﺑﻮﻥ ﺗﻔﻜﺎﺗﻬﻢ ﻭﻳﻌﻮﻓﻮﻥ ﻫﺎﻟﺴﻮﺍﻟﻒ ﻻﻥ ﻣﺎﻭﺭﺍﻫﺎ ﻏﻴﺮ ﺍﻟﻄﻼﻳﺐ ....
....
....
ﺻﺎﺭﻟﻚ ﺳﻨﻴﻦ ﻳﺨﻠﻴﻞ ﻣﻦ ﻃﻠﻌﺖ ﻣﻈﻠﻮﻡ ﻭﺑﻮﻛﻮﻙ ﻭﺍﻧﺖ ﻣﺎﺑﺎﻳﻚ ﻭﻧﺰﻟﻮﺍ ﻋﻜﺎﻟﻚ ﺑﻴﻦ ﺍﻟﻌﺸﻴﺮﺓ ﻛﻠﻬﺎ ... ﻭﻫﺴﻪ ﺻﺎﺭ ﻭﻛﺖ ﺍﻟﻠﻲ ﺗﺮﺟﻊ ﺣﻘﻚ ﻭﺗﺤﺮﻙ ﺳﺎﻓﻠﻬﺎ ﻭﻋﺎﻟﻴﻬﺎ ..... ﻋﺸﺮ ﺳﻨﻴﻦ ﻳﺎ ﺧﻠﻴﻞ ﻣﻦ ﻋﻤﺮﻙ ﺧﺴﺮﺕ ﻓﻠﻮﺳﻚ ﻭﻛﺮﺍﻣﺘﻚ ﻭﺑﻴﺘﻚ ﻭﻋﺎﻳﻠﺘﻚ .... ﻭﺣﺘﻪ ﻟﻮ ﻫﺴﻪ ﺛﺒﺘﺖ ﺑﺮﺍﺋﺘﻚ ﺑﺸﻨﻮ ﺭﺍﺡ ﺗﻔﻴﺪﻙ ﻭﺍﻧﺖ ﺿﺎﻋﺖ ﻣﻦ ﻋﻤﺮﻙ ﻋﺸﺮ ﺳﻨﻴﻦ ... ﻻﺯﻡ ﺗﺎﺧﺬ ﺣﻜﻚ ﺑﻄﺮﻳﻘﻪ ﺗﺸﻔﻲ ﻛﻠﺒﻚ ﻳﺨﻠﻴﻞ ......
ﻛﻞ ﻫﺎﻱ ﺍﻻﻣﻮﺭ ﺟﺎﻧﺖ ﺗﺪﻭﺭ ﺑﺮﺍﺱ ﺧﻠﻴﻞ ﻭﻫﻮ ﻛﺎﻋﺪ ﻳﻢ ﺍﻟﺸﺠﺮﻩ ﺍﻟﻜﺒﺎﻝ ﺑﻴﺘﻪ ﺍﻟﻘﺪﻳﻢ ﻭﻳﻔﻜﺮ ﺑﻄﺮﻳﻘﺔ ﻳﺮﺟﻊ ﺑﻴﻬﺎ ﻛﻞ ﺣﻜﻪ ﻣﻦ ﺍﻟﻠﻲ ﻇﻠﻤﻮﻩ .....
.....
....
ﺻﺮﺕ ﻣﺎﺳﻴﻄﺮ ﻋﻠﻪ ﻣﺸﺎﻋﺮﻱ ﺍﺗﺠﺎﻩ ﺭﺍﺷﺪ ﻭﻣﻦ ﻛﺜﺮ ﺗﻔﻜﻴﺮﻱ ﺑﻴﻪ ﺻﺮﺕ ﺍﺳﻮﻟﻒ ﻭﻱ ﺍﺧﺘﻪ ﻳﺴﺮﻯ ﻭﺍﻛﻠﻬﺎ ﻭﺍﺣﺠﻴﻠﻬﺎ ﻋﻦ ﺭﺍﺷﺪ ... ﻭﻳﺴﺮﻯ ﺫﻛﻴﺔ ﻋﺮﻓﺖ ﺍﻟﻠﻲ ﺑﺪﺍﺧﻠﻲ ﻭﻋﺮﻓﺖ ﻟﻬﻔﺘﻲ ﻋﻠﻪ ﺭﺍﺷﺪ ....
...
...
ﺍﻛﻠﺞ ﻭﺭﺩﺓ ﺍﺟﺖ ﺭﺳﺎﻟﺔ ﻣﻦ ﺭﺍﺷﺪ ﻳﺴﻠﻢ ﻋﻠﻴﻨﻪ ﻛﻠﻨﻪ ﻭﺳﺎﺋﻞ ﻋﻦ ﺍﻟﻜﻞ ﻋﻦ ﺍﻣﻲ ﻭﺍﺑﻮﻱ ﻭﻋﻨﻲ ﻭﻋﻦ ﺭﺣﺎﺏ ﻭﻋﻦ ﻛﻞ ﺍﻟﻌﺸﻴﺮﺓ ﻭﻋﻤﺎﻣﻲ ....
ﻭﻳﻜﻮﻝ ﻳﻤﻜﻦ ﺛﻠﺚ ﺷﻬﻮﺭ ﻭﻳﺠﻲ ﺑﻌﺪ ...
ﺛﻠﺚ ﺷﻬﻮﺭ ﻳﺎﺍﺍﺍ ﻫﻮﺍﻱ ﻟﻴﺶ ﻫﻴﺞ ﻳﺘﺎﺧﺮ ﻭﺑﻌﺪﻳﻦ ﺍﻧﺘﻲ ﻗﺮﻳﺘﻴﻬﺎ ﺍﻟﺮﺳﺎﻟﻪ ﻳﺴﺮﻯ ....
ﺍﻱ ﺗﻬﺠﻴﺘﻬﺎ ﺗﻬﺠﻲ ﺑﺲ ﻓﻬﻤﺘﻬﺎ ﻟﻴﺶ .....
ﺭﺩﻳﺖ ﻋﻠﻴﻬﺎ ....
ﻻ ﻫﻴﺞ ﺑﺲ ﺍﻛﻮﻝ ﻣﺴﻠﻢ ﻋﺎﻟﻜﻞ ﺷﻌﺠﺐ ﻣﺎﺫﺍﻛﺮﻧﻲ .....
ﺭﺩﺕ ﻋﻠﻴﻪ ﻳﺴﺮﻯ .... ﻣﺎﺩﺭﻱ ﻫﻮﻩ ﻣﺴﻠﻢ ﻋﺎﻟﻜﻞ ....
ﻣﺎﻛﺪﺭﺕ ﺍﺣﺒﺲ ﻋﺒﺮﺗﻲ ﻭﻧﺰﻟﺖ ﺩﻣﻌﻪ ﻋﻠﻪ ﺧﺪﻱ ....
ﺍﻧﺘﺒﻬﺖ ﻳﺴﺮﻯ ﻭﺿﺤﻜﺖ ﻭﻛﺎﻟﺘﻠﺘﻲ ...
ﻳﻤﻪ ﺍﻟﻌﺸﻚ ﻳﻤﻪ ﻫﻬﻬﻬﻬﻬﻬﻬﻬﻬﻬﻪ
ﻫﺎﺝ ﺍﻗﺮﻱ ﺍﻟﺮﺳﺎﻟﻪ ﺍﺧﺬﺗﻬﺎ ﻣﻦ ﺍﺑﻮﻱ ﻭﺟﺒﺘﻬﺎ ﺍﻟﺞ .... ﺍﻗﺮﻱ ﺍﻟﺤﺠﻲ ﺍﻟﺒﻨﻬﺎﻳﺔ ...
ﺍﺧﺬﺕ ﺍﻟﺮﺳﺎﻟﻪ ﻣﻦ ﻳﺴﺮﻯ ﻭﻭﻛﻌﺖ ﻋﻴﻨﻲ ﻋﻠﻰ ﺍﺳﻤﻲ ﺑﺎﻟﻮﺭﻗﻪ ﻭﺷﻔﺘﻪ ﻣﻮﺻﻴﻬﻢ ﻋﻠﻴﻪ ﻭﻛﺎﻳﻠﻠﻬﻢ ﻳﺪﻳﺮﻭﻥ ﺑﺎﻟﻬﻢ ﻋﻠﻴﻪ ﻭﻣﺎﻳﻀﻐﻄﻮﻥ ﻋﻠﻴﻪ ﺑﺎﻟﺸﻐﻞ ﻻﻥ ﻣﺤﺪ ﺍﻟﻲ ﻏﻴﺮﻫﻢ ﻭﻛﺎﺗﺒﻠﻬﻢ ﺍﻧﻲ ﺟﺎﻳﺐ ﻫﺪﺍﻳﺎ ﻟﻠﺒﻨﺎﺕ ﻛﻠﻬﻦ ﻭﻭﺭﺩﻩ ﻫﺪﻳﺘﻬﺎ ﺧﺎﺻﻪ ....
ﻃﻠﺒﺖ ﻣﻦ ﻳﺴﺮﻯ ﺗﺒﻘﻰ ﺍﻟﺮﺳﺎﻟﻪ ﻋﻨﺪﻱ ﻭﻫﻲ ﻓﻬﻤﺖ ﻟﻬﻔﺘﻲ ﻭﺍﺑﺘﺴﻤﺖ ......
ﻛﺎﻟﺖ ﺧﻠﻴﻬﺎ ﻳﻤﺞ ﺑﺲ ﺩﻳﺮﻱ ﺑﺎﻟﺞ ﺗﺸﻮﻓﻬﺎ ﺍﻣﻲ ﻟﻮ ﺭﺣﺎﺏ ﻻﻥ ﻳﺴﻮﻭﻥ ﻫﻮﺳﻪ ﻭﺧﺒﺼﻪ ...
....
...
ﺍﺳﻤﻌﻲ ﺣﻠﻴﻤﻪ ﺍﺫﺍ ﺗﻜﺮﺑﺘﻲ ﻣﻦ ﺍﺑﻨﻲ ﺣﻤﻮﺩ ﻭﻭﺯﻳﺘﻲ ﺑﺎﺫﻧﻪ ﻭﻃﻠﻌﺘﻲ ﺳﺎﻟﻔﺔ ﺍﺑﻮﻩ ﻣﺎﺗﺸﻮﻓﻴﻦ ﻣﻨﻲ ﻏﻴﺮ ﺍﻟﺸﺮ .....
ﺍﻧﺴﻲ ﺳﺎﻟﻔﺔ ﺍﺑﻮ ﺣﻤﻮﺩ ﻭﻻﺗﻀﻠﻴﻦ ﻳﻮﻣﻴﻪ ﻧﺎﺑﺸﺘﻬﺎ ﺯﻳﻦ ﻭﺧﻠﻲ ﺍﺑﻨﻲ ﻳﻌﻴﺶ ﺩﻧﻴﺘﻪ ﺑﻌﻴﺪ ﻋﻦ ﺍﻟﻜﺘﻞ ﻭﺍﻟﺜﺎﺭ ﺯﻳﻦ ....
ﺍﻡ ﺣﻤﻮﺩ ﺷﺒﻴﺞ ﺩﺍﺩﻩ ﺍﻧﻪ ﻣﺎﺣﺠﻴﺖ ﺷﻲ ﻭﺣﺴﺒﺎﻟﻲ ﻳﻌﺮﻑ ﺑﺎﻟﺴﺎﻟﻔﻪ ﻭﻳﺪﺭﻱ ﻭﻫﺎﻱ ﻫﻴﻪ ﺍﺣﺴﺒﻴﻬﺎ ﺍﻟﺸﻐﻠﻪ ﻣﻨﺘﻬﻴﻪ ﻭﻣﺎﻛﻮ ﺫﺟﺮ ﺍﻟﻬﺎ ﺑﻌﺪ ... ﻭﻫﺬﺍ ﻭﻋﺪ ﻣﻨﻲ ....
.....
....
ﺿﻞ ﺣﻤﻮﺩ ﻣﻴﻨﺎﻡ ﺍﻟﻠﻴﻞ ﻭﻳﻔﻜﺮ ﺑﺤﺠﻲ ﺣﻠﻴﻤﻪ ﻭﺭﺍﺳﻪ ﻣﺘﺮﻭﺱ ﺍﻓﻜﺎﺭ ﻋﻦ ﺍﺑﻮﻩ ..... ﻭﺟﺎﻧﺖ ﺻﻮﺭﺓ ﺍﺑﻮﻩ ﻛﺒﺎﻟﻪ ﻧﺰﻟﻬﺎ ﻭﺑﺪﻩ ﻳﺴﻮﻟﻒ ﻭﻳﻪ ﺍﻟﺼﻮﺭﺓ ....
ﺑﻮﻳﺔ ﺍﺫﺍ ﺍﻟﺤﺠﻲ ﻣﺜﻞ ﻣﺎﻛﺎﻟﺖ ﺣﻠﻴﻤﻪ ﺍﻧﺖ ﻣﻮ ﻣﻴﺖ ﻣﻮﺕ ﺍﻟﻠﻪ ﻭﺣﻖ ﺭﻭﺣﻚ ﻛﻞ ﺷﺨﺺ ﻣﺘﺴﺒﺐ ﺑﻤﻮﺗﻚ ﺍﻓﻨﻴﻪ ﻫﻮﻩ ﻭﻋﺸﻴﺮﺗﻪ ﻭﻛﻠﻤﻦ ﻳﻄﻠﻊ ﻭﺭﺍﻩ ....
....
....
ﻭﺭﺍﺡ ﻋﻠﻪ ﻛﻴﻔﻲ ﺍﺩﻭﺭ ﻋﻦ ﺳﺒﺐ ﻣﻮﺗﻚ ﻳﺎﺑﻮﻳﺔ ﻭﻗﺴﻢ ﺑﺎﻟﻠﻪ ﺍﺫﺍ ﺍﻧﺖ ﻣﻈﻠﻮﻡ ﻭﻣﻐﺪﻭﺭ ﺍﻻ ﺍﻓﻨﻲ ﺍﻟﺴﻠﻒ ﺑﺎﻛﻤﻠﻪ .... ﻭﻣﺎ ﺍﻃﻠﻊ ﺣﻤﻮﺩ ﺍﻧﻪ ﺍﺫﺍ ﻣﺎ ﺍﺧﺬﺕ ﺑﻜﻞ ﻗﻄﺮﺓ ﻣﻦ ﺩﻣﻚ ﻋﺸﺮ ﺯﻟﻢ ....
....
...
ﺑﻘﻴﺖ ﻛﺎﻋﺪﻩ ﻟﻮﺟﻪ ﺍﻟﻔﺠﺮ ﻛﻞ ﺷﻮﻳﻪ ﺍﻃﻠﻊ ﺭﺳﺎﻟﻪ ﺭﺍﺷﺪ ﻣﻦ ﺻﺪﺭﻱ ﻭﺍﻗﺮﺍﻫﺎ ﻭﺍﺷﻤﻬﺎ ﺍﺣﺲ ﻋﻄﺮﻩ ﺑﻴﻬﺎ ﺣﺎﻃﺘﻬﺎ ﻋﻠﻪ ﻛﻠﺒﻲ ﻭﺍﺗﺼﻮﺭ ﺍﻳﺪﻩ ﻣﻮ ﺍﻟﻮﺭﻗﻪ .... ﻭﻛﻞ ﺍﺷﻮﻳﺔ ﺍﻗﺮﺍ ﻛﺘﺎﺑﺘﻪ ﺑﺎﻟﺮﺳﺎﻟﻪ ﻋﻨﻲ ..... ﺩﻳﺮﻭ ﺑﺎﻟﻜﻢ ﻋﻠﻪ ﻭﺭﺩﻩ ﻭﻻﺗﺰﻋﻠﻮﻧﻬﺎ ....
ﺍﺧﺬﺕ ﻧﻔﺲ ﻭﻛﻠﺖ ﻓﺪﻭﺗﻚ ﻭﺭﺩﻩ ﻭﻋﻤﺮﻫﺎ ﻳﺎﺭﻭﺡ ﻭﺭﺩﻩ ...
....
....
ﺣﺠﻲ ﺍﺣﻨﻪ ﺷﻠﻮﻥ ﻧﺄﻣﻦ ﻣﻦ ﺣﺠﺎﻳﺔ ﺍﻟﺸﻴﺦ ... ﻛﺎﻝ ﻻﺗﻠﺰﻣﻮﻥ ﺗﻔﻜﻢ ﻭﺫﺑﻮ ﺳﻼﺣﻜﻢ ﻭﺍﻟﻤﻜﻴﻨﺔ ﺑﺤﻤﺎﻳﺘﻲ .... ﻣﻦ ﻳﻀﻤﻦ ﻛﻼﻣﻪ ....
ﺭﺩ ﺍﻟﺤﺠﻲ ﺭﺍﺿﻲ ﻋﻠﻪ ﻭﻟﺪﻩ ....
ﺷﻴﺦ ﺣﺎﺗﻢ ﻣﺎﻳﺤﺘﺎﺟﻠﻪ ﺿﺎﻣﻦ ﻭﺍﻟﻨﺎﺱ ﺗﻀﺤﻚ ﻋﻠﻴﻨﻪ ﺍﺫﺍ ﻛﻠﻨﻪ ﻫﻴﺞ ﻋﺎﻟﺸﻴﺦ ﻻﻥ ﻣﻌﺮﻭﻑ ﻋﺪ ﻛﻞ ﺍﻫﻞ ﺍﻟﺴﻠﻒ ..... ﻣﺎﻳﻜﺴﺮ ﺟﻠﻤﺘﻪ ....
ﺟﺎﻥ ﺧﻠﻴﻞ ﻣﻮﺟﻮﺩ ﻭﻳﺴﻤﻊ ﻛﻞ ﺍﻟﻜﻼﻡ ﻭﺍﻳﺪﻫﻢ ﺑﺎﻟﻜﻼﻡ ﻭﻛﺎﻟﻬﻢ ....
ﺍﻧﻪ ﺍﻋﺮﻑ ﻛﻠﻤﺔ ﺷﻴﺦ ﺣﺎﺗﻢ ﻭﺣﺪﻩ ﻭﻣﺎﻳﻈﻠﻢ ﺍﺣﺪ ﺑﺲ ﻻﺯﻡ ﺗﺎﺧﺬﻭﻥ ﺍﺣﺘﻴﺎﻃﻜﻢ ﻣﻦ ﻏﻴﺮ ﻣﺎﺗﻜﺴﺮﻭﻥ ﻛﻠﻤﺔ ﺍﻟﺸﻴﺦ ..... ﻗﺮﺭﻭﺍ ﻣﺎﻳﻠﺰﻣﻮﻥ ﺧﻔﺮ ﻭﻛﻠﻤﻦ ﻳﺮﻭﺡ ﻻﻫﻠﻪ ﻭﻳﺨﻠﻮﻥ ﺍﻟﻤﻜﻴﻨﻪ ﺗﺸﺘﻐﻞ ﻭﺍﻣﻨﻮ ﻣﻦ ﻛﻼﻡ ﺍﻟﺸﻴﺦ ﻭﻭﻋﻮﺩﻩ ﺍﻟﻬﻢ
ﻋﺸﻚ ﺍﻟﺮﻳﻒ ٤
ﻋﻠﻲ ﺍﻟﺒﺪﺭ
ﺍﻟﺒﺎﺭﺕ ﺍﻟﺮﺍﺑﻊ
....
..
** ﻫﻨﻴﺎﻟﻪ ﺍﻟﻤﻮ ﺣﻨﻴﻦ ﻳﻌﻴﺶ ﻣﺮﺗﺎﺡ **
.....
ﺍﻱ ﻭﺍﻟﻠﻪ ﺻﺪﻙ ﻭﻣﺎﺟﺬﺏ ﺍﻟﻜﺎﻟﻬﺎ ﻳﺎﻳﺴﺮﻯ ....
ﻫﺎ ﻭﺭﺩﻩ ﺷﺒﻴﺞ ﺍﺷﻮ ﺍﺣﺴﺞ ﺗﺘﻌﺬﺑﻴﻦ ﻣﻌﻘﻮﻟﺔ ﺍﻟﺤﺐ ﺯﺍﺭﻑ ﻛﻠﺒﺞ .....
ﻭﺍﻟﻠﻪ ﻳﺴﺮﻯ ﺍﻧﻪ ﻛﻞ ﻳﻮﻡ ﺍﻧﺠﻮﻱ ﺟﻮﻳﺔ ﺑﻜﻠﺒﻲ ﻣﻦ ﺍﻓﺮﺍﻙ ﺍﺧﻮﺝ ﻭﻣﺎﺩﺭﻱ ﺷﻨﻮ ﻧﻬﺎﻳﺘﻬﺎ ﻭﻱ ﻫﺎﻟﻌﺸﻚ ﻳﺎﻳﺴﻮﺭﺓ ....
...
...
ﺣﺒﻴﺒﺘﻲ ﻭﻻﻳﻬﻤﺞ ﺍﻧﻲ ﻭﻳﺎﺝ ﻭﺭﺍﺷﺪ ﻣﺎﻳﻠﻜﻪ ﺍﺣﺴﻦ ﻣﻨﺞ ﺑﺲ ﺗﺮﻳﺪﻳﻦ ﺍﻟﺼﺪﻙ ... ﺍﻣﻲ ﺗﻮﻛﻒ ﻋﺎﺭﺽ ﻭﺗﻤﻨﻊ ... ﺍﻧﻪ ﺍﻣﻲ ﻭﺍﻋﺮﻓﻬﺎ ﻋﻨﻴﺪﻩ ﻭﻣﺎﺗﺴﻮﻱ ﻏﻴﺮ ﺍﻟﺒﺮﺍﺳﻬﺎ ......
...
..
ﻭﺍﻟﻠﻪ ﻳﺎ ﻳﺴﺮﻯ ﺍﻧﻪ ﺗﺪﺭﻳﻦ ﺑﻴﻪ ﻻﻋﺮﻑ ﺍﻟﻌﺸﻚ ﻭﻻ ﻋﺸﺎﻛﻪ ﻣﻦ ﻛﺒﻞ ﺑﺲ ﺷﻬﺎﻣﺔ ﺭﺍﺷﺪ ﻭﻧﺨﻮﺗﻪ ﺧﻠﺘﻨﻲ ﺍﺗﻌﻠﻖ ﺑﻴﻪ .... ﻭﻣﺎﺩﺭﻱ ﻳﺎﻳﺴﺮﻯ ﺷﺴﻮﻱ ....
ﺍﻃﻤﻨﻲ ﻭﺭﺩﻩ ﻛﻠﺸﻲ ﺍﻟﻠﻪ ﻳﺴﻬﻠﻪ ﻻ ﺗﺨﺎﻓﻴﻦ ﻭﺍﻟﻠﻪ ﺭﺍﺡ ﻳﻔﺮﺣﺞ ﺻﺪﻛﻴﻨﻲ .....
....
...
ﺍﻫﻞ ﺍﻟﺮﻳﻒ ﺍﻟﻠﻲ ﻗﺮﻳﺒﻴﻦ ﻣﻦ ﺍﻟﺸﻴﺦ ﺣﺎﺗﻢ ﻣﺎﻋﺠﺒﻬﻢ ﺗﺼﺮﻑ ﺍﻟﺸﻴﺦ ﻭﺑﺮﻭﺩﻩ ﺍﺗﺠﺎﻩ ﺣﺠﻲ ﺭﺍﺿﻲ ﻭﺑﺪﻭﺍ ﻳﺤﺠﻮﻥ ﻭﻳﻠﻮﻣﻮﻥ ﺑﺎﻟﺸﻴﺦ .....
.....
....
ﺷﻴﺦ ﺣﺎﺗﻢ ﺍﻧﺘﻪ ﺍﻧﻄﻴﺖ ﺍﻻﻣﺎﻥ ﻟﺤﺠﻲ ﺭﺍﺿﻲ ﻭﻫﺬﺍ ﺍﻻﻣﺎﻥ ﺭﺍﺡ ﻳﺨﻠﻴﻪ ﻳﺒﻘﻲ ﺍﻟﻤﻜﻴﻨﻪ ﺑﻤﻜﺎﻧﻬﺎ ....
ﺭﺩ ﺍﻟﺸﻴﺦ ﻋﻠﻴﻬﻢ ...
ﻳﻌﻨﻲ ﺗﺮﻳﺪﻭﻥ ﺍﻓﺘﻦ ﻭﺍﻋﻠﻜﻬﺎ ﺑﺎﻟﺴﻠﻒ ﻋﻠﻤﻮﺩ ﻣﻜﻴﻨﺔ ﻣﺎﻟﺖ ﻣﺎﻱ .... ﻻ ﻫﺎﻱ ﺍﻟﺴﺎﻟﻔﻪ ﻣﻮ ﺷﻴﺦ ﺣﺎﺗﻢ ﻳﺴﻮﻳﻬﺎ ﺻﺢ ﻫﻮ ﻣﺘﺠﺎﻭﺯ ﺣﺠﻲ ﺭﺍﺿﻲ ﻋﻠﻪ ﻛﺎﻋﻨﻪ ﻭﻫﺎﻱ ﻣﺤﺪ ﻳﺮﺿﺎﻫﺎ ..... ﺑﺲ ﺍﺑﺪ ﻣﺎﺧﻠﻲ ﻛﻄﺮﺓ ﺩﻡ ﺗﻨﺰﻝ ﺑﻬﺎﻟﻤﺠﺎﻥ ﻋﻠﻤﻮﺩ ﺷﻲ ﻣﻴﺴﻮﻩ .......
ﻭﺍﻟﻴﻌﺠﺒﻪ ﻫﺬﺍ ﺍﻟﺤﺠﻲ ﺍﻫﻼ ﻭﺳﻬﻼ ... ﻭﺍﻟﻤﻴﻌﺠﺒﻪ ﻣﺎﻧﺨﺴﺮﻩ ﺍﺑﺪﺍ ﻭﻳﺒﻘﻰ ﺑﻴﻨﺎﺗﻨﻪ .... ﺍﺣﻨﻪ ﻧﺎﺱ ﻣﺎﻧﺮﺿﻪ ﺑﺎﻟﻤﻮﺯﻳﻨﻪ ....
....
...
ﻃﻔﺮ ﻭﺍﺣﺪ ﻣﻦ ﺷﺒﺎﺏ ﺍﻟﺴﻠﻒ ﺑﻮﺟﻪ ﺍﻟﺸﻴﺦ ﻭﻛﺎﻟﻪ ....
ﺑﺲ ﻫﺎﻱ ﺳﺎﻟﻔﺔ ﺣﺠﻲ ﺭﺍﺿﻲ ﻣﻮ ﻣﺎﻝ ﻭﺍﺣﺪ ﻳﺴﻜﺖ ﻋﻨﻬﺎ ﻭﻣﺎﺩﺍﻡ ﻫﻮﻩ ﻣﺨﻠﻲ ﻣﻜﻴﻨﺘﻪ ﺑﻨﺺ ﻛﺎﻋﻨﻪ ﻳﻌﻨﻲ ﻫﻮﻩ ﻣﺎﻣﺤﺘﺮﻣﻨﻪ ﻭﻻﻣﻘﺪﺭﻧﻪ .....
ﺍﻟﺘﻔﺘﻠﻪ ﺷﻴﺦ ﺣﺎﺗﻢ ﻭﺻﺎﺡ ﺑﻴﻪ ...
.....
....
ﻟﺤﺪ ﻳﻈﻞ ﻳﻄﻔﺮ ﻣﻦ ﻣﺠﺎﻧﻪ ﺍﻧﻪ ﻛﻠﺖ ﻣﺎﻧﺮﻳﺪ ﻫﻮﺳﻪ ﻭﻃﻼﻳﺐ ﺧﻞ ﻳﻜﻮﻟﻮﻥ ﻋﻨﻪ ﻛﻠﺸﻲ ﻭﻻﺗﺼﻴﺮ ﻓﺘﻨﻪ ﺑﻴﻦ ﺍﻫﻞ ﺍﻟﺮﻳﻒ ﻭﺍﻧﺘﻢ ﺍﺫﺍ ﺻﺪﻙ ﺯﻟﻢ ﻭﺍﻫﻞ ﻏﻴﺮﻩ ﺧﻞ ﺗﻜﻮﻝ ﻋﻨﻜﻢ ﺍﻟﻌﺎﻟﻢ ﻣﺎﺭﺿﻮﺍ ﺑﺎﻟﺸﻴﻨﻪ ﻭﺩﻓﻌﻮﻫﺎ ﺑﺎﻟﺨﻴﺮ .... ﻻﺗﻌﺎﻟﺠﻮﻥ ﺍﻟﻤﻜﺴﻮﺭﺓ ﺑﻤﻜﺴﻮﺭﺓ ....
....
....
ﻫﻨﺎﻙ ﺑﺎﻟﻤﺪﻳﻨﻪ ﺍﻟﺤﻴﺎﺓ ﺍﻟﻠﻲ ﻳﻌﻴﺸﻬﺎ ﺭﺍﺷﺪ ﺗﺨﺘﻠﻒ ﺑﻜﻞ ﺷﻲ ﻋﻦ ﺍﻟﺮﻳﻒ ﺍﻟﻠﺒﺲ ﻣﺨﺘﻠﻒ ﻭﺍﻻﻛﻞ ﻭﺍﻟﺸﺮﺏ ﺣﺘﻪ ﺍﻟﻨﺎﺱ ﺗﺨﺘﻠﻒ ﻭﺍﻟﻮﺿﻊ ﻳﺨﺘﻠﻒ .... ﺍﻟﻜﻠﻤﺔ ﺍﻟﻠﻲ ﺟﺎﻥ ﻳﺴﻤﻌﻬﺎ ﺑﻤﻀﻴﻒ ﺍﺑﻮﻩ ﻭﺍﻟﻠﻲ ﺗﻌﺪﻝ ﻋﺸﻴﺮﺓ ﺑﺎﻛﻤﻠﻬﺎ ... ﺍﻓﺘﻘﺪﻫﺎ ﻫﻨﺎ ﻫﻨﺎ ﻳﺴﻤﻊ ﻏﻠﻂ ﻭﻓﺸﺎﺭ ﻭﻣﺎﻛﻮ ﺍﻱ ﻧﺨﻮﻩ ... ﻣﺎﻟﻜﻪ ﺷﺨﺺ ﻳﻤﻴﻞ ﺍﻟﻪ ﻭﻳﺸﺒﻬﻪ ﺑﻄﺒﻌﻪ ﺍﻟﺮﻳﻔﻲ ﺍﻟﺸﻬﻢ ﻏﻴﺮ ﻭﻟﺪ ﺍﺳﻤﻪ ﺣﺴﺎﻡ ﺍﻟﻠﻲ ﺟﺎﻥ ﻳﺤﺠﻴﻠﻪ ﻛﻠﺸﻲ ....
ﺣﺴﺎﻡ ﺷﺒﻴﻚ ﻳﺒﻌﺪ ﺍﺧﻮﻙ ﺿﻮ ﺿﺎﻳﺞ ...
ﻭﺍﻟﻠﻪ ﻳﺎﺭﺍﺷﺪ ﻣﻮ ﻛﻠﺸﻲ ﻳﻨﺤﺠﻲ ﺧﻠﻴﻬﺎ ﻋﻠﻪ ﺍﻟﻠﻪ ...
ﺍﻋﺬﺭﻧﻲ ﺧﺎﻑ ﺍﺣﺮﺟﺘﻚ ﺑﺲ ﺟﺎﻥ ﺑﻮﺩﻱ ﺍﺳﺎﻋﺪﻙ ﺣﺴﺎﻡ ...
ﻻ ﺭﺍﺷﺪ ﻣﺎﻛﻮ ﺍﻱ ﺍﺣﺮﺍﺝ ﺑﺲ ﻭﺍﻟﻠﻪ ﻭﺍﻟﺪﺗﻲ ﺗﻌﺒﺎﻧﻪ ﻭﻋﻤﻠﻴﺘﻬﺎ ﻻ ﻣﻠﻴﻮﻥ ﻭﻻ ﻋﺸﺮﺓ ﻭﻣﻮ ﻫﻨﺎ ﺍﻻ ﺑﺎﻟﺨﺎﺭﺝ ﻭﻣﺤﺘﺎﺭ ﻭﻣﺎﺩﺭﻱ ﺷﺴﻮﻱ ﺍﺭﻛﺾ ﻟﻴﻞ ﻭﻧﻬﺎﺭ ﻭﻣﻮ ﻣﻠﺤﻚ ﻭﺍﻟﻠﻪ ﻣﺎﺩﺭﻱ ﻳﺎﺭﺍﺷﺪ ....
ﺩﻙ ﺻﺪﺭﻩ ﺭﺍﺷﺪ ﻭﻛﺎﻟﻪ ﺍﻓﺎﺍﺍﺍﺍ ﻭﺍﻟﻠﻪ ﻣﺎﻋﺎﺵ ﻭﺷﻢ ﺍﻟﻬﻮﺍﺀ ﺍﻟﻤﺎﻳﻮﻛﻒ ﻭﻳﺎﻙ ﺍﺳﺒﻮﻉ ﻭﺗﺠﻴﻴﻚ ﺍﻟﻔﻠﻮﺱ ﺍﻟﻠﻲ ﺗﻜﻔﻲ ﻋﻼﺝ ﺍﻣﻚ ... ﻭﻫﻲ ﺑﻤﻘﺎﻡ ﺍﻣﻲ .....
ﻻﻻﻻﻻ ﺭﺍﺷﺪ ﺷﺠﺎﻱ ﺗﺤﺠﻲ ﺍﻧﺖ ﺻﺪﻙ ﺟﺬﺏ ﻋﻤﻲ ﺍﻟﻠﻪ ﻣﻮﺟﻮﺩ ﻭﺍﻥ ﺷﺎﺀ ﺍﻟﻠﻪ ﻣﻴﻘﺼﺮ ....
ﻭﻧﻌﻢ ﺑﺎﻟﻠﻪ .... ﺍﻧﻪ ﺭﺍﺡ ﺍﺭﺟﻊ ﻟﻠﺒﻴﺖ ﺍﻟﻴﻮﻡ ﻭﺍﺟﻴﻚ ﻭﺭﻩ ﺛﻠﺚ ﺗﻴﺎﻡ ﻭﺗﺪﺭﻱ ﺑﻴﻪ ﺍﻧﻪ ﻫﻨﺎ ﺍﺟﻲ ﺣﺘﻪ ﺍﺑﺘﻌﺪ ﻣﻦ ﻃﻼﻳﺐ ﺍﻟﺮﻳﻒ ﻭﺍﺑﻮﻱ ﻳﺘﻤﻨﺎﻧﻲ ﻳﻤﻪ .....
....
...
ﻇﻞ ﻛﻠﺒﻲ ﻳﺪﻙ ﻭﺍﺣﺲ ﻳﺮﻳﺪ ﻳﻄﻴﺮ ﻣﻨﻲ ﻣﻮ ﻋﺎﺭﻓﻪ ﺷﺒﻴﻪ ﺣﺴﻴﺖ ﺍﻟﻬﻮﻩ ﺟﺎﻱ ﻳﺠﻴﺒﻠﻲ ﺭﻳﺤﺔ ﺭﺍﺷﺪ ﻭﻋﻄﺮﻩ ﺍﻭﻝ ﻣﺮﻩ ﻳﺠﻴﻨﻲ ﻫﻴﺞ ﺍﺣﺴﺎﺱ ﻭﺍﻟﻠﻪ ﺣﺘﻪ ﻛﻠﺖ ﻟﻴﺴﺮﻯ ﻭﺿﻠﺖ ﺗﻀﺤﻚ ﻭﻛﺎﻟﺖ ﺍﻧﺘﻲ ﻳﻤﻜﻦ ﺗﺤﺠﻴﻦ ﺷﻴﺶ ﺑﻴﺶ .... ﻭﻛﺎﻟﺘﻠﻲ ....
ﺷﻴﺠﻴﺒﻪ ﻫﺴﻪ ﺻﺎﺭ ﺍﻳﺎﻡ ﻣﻦ ﺭﺍﺡ ﻭﻣﺴﺘﺤﻴﻞ ﻳﺮﺟﻊ ﺑﻬﺎﻟﺴﺮﻋﻪ .... ﻻﺗﺎﺧﺬﺝ ﺍﻭﻫﺎﻡ ﺍﻟﻌﺸﻚ ﻳﺮﻭﻳﺤﺘﻲ ....
ﺗﻌﺎﻟﻲ ﺣﺒﻴﺒﺘﻲ ﻭﺭﺩﻩ ﻧﺴﻮﻱ ﻏﺪﻩ ﻭﺍﻟﻴﻮﻡ ﺍﺑﻮﻱ ﻃﻠﺐ ﻣﺴﻤﻮﻃﻪ ﻣﺸﺘﻬﻲ ‏( ﺍﻛﻠﺔ ﺷﻬﻴﺮﺓ ﻓﻲ ﺍﻟﺠﻨﻮﺏ ﺗﻜﻮﻥ ﻋﺒﺎﺭﺓ ﻋﻦ ﺍﺳﻤﺎﻙ ﻳﺎﺑﺴﻪ ﻳﺘﻢ ﻃﺒﻘﻬﺎ ﺑﻌﺪ ﺗﻴﺒﻴﺴﻬﺎ ﻟﺸﻬﻮﺭ ‏)
ﺍﻱ ﻭﺍﻟﻠﻪ ﻳﺴﺮﻯ ﺍﻧﻪ ﻫﻢ ﻣﺸﺘﻬﻴﺔ ﻣﺴﻤﻮﻃﻪ ﺻﺎﺭ ﻫﻮﺍﻱ ﻣﺎﻣﺴﻮﻳﻦ ....
ﺿﺤﻜﺖ ﻳﺴﺮﻯ ﻭﻛﺎﻟﺖ .....
ﺑﺲ ﺭﺍﺷﺪ ﻣﺎﻳﺤﺒﻬﺎ ﺍﻟﻤﺴﻤﻮﻃﻪ ﻭﻣﻴﺎﻛﻠﻬﺎ ﻻﺯﻡ ﺍﻧﺘﻲ ﻫﻢ ﺗﺘﺮﻛﻴﻨﻬﺎ ﻭﻣﺘﺎﻛﻠﻴﻨﻬﺎ .......
ﻫﻬﻬﻬﻬﻬﻪ ﺿﺤﻜﺖ ﻭﻛﺘﻠﻬﺎ ...
ﺍﻱ ﺻﺪﻙ ﻣﺮﺍﺕ ﺗﺼﻴﺮ ﻣﺮﻩ ﻣﺮﻛﺘﻬﺎ ﻭﻣﺘﻨﻮﻛﻞ ....
....
....
ﺿﻞ ﺣﻤﻮﺩ ﻛﻞ ﻳﻮﻡ ﻳﺮﻭﺡ ﻳﻢ ﺍﻟﺒﻴﺮ ﺣﺘﻪ ﺑﻠﻜﺖ ﻳﺸﻮﻑ ﺣﻠﻴﻤﻪ ﻭﻣﺎﻟﻜﺎﻫﺎ ﻭﺿﻞ ﺑﺎﻟﻪ ﻭﻋﻘﻠﻪ ﻛﻠﻪ ﺑﺎﻟﺴﺎﻟﻔﻪ ﻣﺎﻟﺘﻬﺎ ....
ﻣﻌﻘﻮﻟﺔ ﺍﺑﻮﻱ ﻏﺎﺩﺭﻳﻨﻪ ﻭﻇﺎﻟﻤﻴﻨﻪ ...
ﺍﻧﻪ ﻣﺎ ﺍﻃﻠﻊ ﺍﺑﻦ ﺍﺑﻮﻱ ﺍﺫﺍ ﻣﺎﻋﺮﻑ ﺷﻨﻮ ﺍﻟﻔﻠﻢ ..... ﻟﻴﺶ ﺍﻣﻲ ﻣﺎﺗﺤﺠﻴﻠﻲ ﺷﻨﻮ ﺍﻟﺴﺮ ﺍﻟﻤﺎﺗﺤﺐ ﺗﻜﻮﻟﻪ ﺍﻟﻲ ...
ﻭﺗﻮﺟﻪ ﻟﺒﻴﺖ ﺣﻠﻴﻤﻪ ﻭﺩﻙ ﺍﻟﺒﺎﺏ ﻭﺩﻙ ﺍﻟﺒﺎﺏ ﺍﻛﺜﺮ ﻣﻦ ﻣﺮﻩ ﻭﻣﺤﺪ ﻃﻠﻌﻠﻪ .... ﺧﻠﻪ ﻭﺭﺟﻊ ﻭﺑﺎﻟﻄﺮﻳﻖ ﻻﻛﺎﻩ ﺣﺠﻲ ﺭﺍﺿﻲ ....
ﻫﺎ ﺣﻤﻮﺩ ﺷﺨﺒﺎﺭﻙ ...
ﺍﻟﻒ ﻫﻼ ﺣﺠﻲ ﺭﺍﺿﻲ ﺍﻧﻪ ﺑﺨﻴﺮ ﺍﻧﺖ ﺷﻠﻮﻧﻚ ...
ﻭﺍﻟﻠﻪ ﺍﻟﺤﻤﺪ ﻟﻠﻪ ﺑﻮﻳﺔ ﺣﻤﻮﺩ ..... ﺷﻨﻮ ﻭﻳﻦ ﺟﻨﺖ ﻃﺎﻟﻊ ....
ﻭﺍﻟﻠﻪ ﻫﻨﺎ ﻋﻤﻲ ﻣﺮﻳﺖ ﻋﻠﻪ ﺑﻴﺖ ﺣﺠﻴﻪ ﺣﻠﻴﻤﻪ ....
ﺭﺩ ﺣﺠﻲ ﺭﺍﺿﻲ ﻣﺴﺘﻐﺮﺏ ....
ﺭﺣﺖ ﻟﺤﻠﻴﻤﻪ ﺣﻤﻮﺩ ... ﺷﻨﻮ ﺷﺘﺴﻮﻱ ...
ﻣﺎﻛﻮ ﺷﻲ ﺣﺠﻲ ﺑﺲ ﺍﻣﻲ ﻭﺩﺗﻨﻲ ﻋﻠﻪ ﺷﻐﻠﻪ ﻳﻤﻬﺎ ....
ﺍﻭﻙ ﻭﻟﻴﺪﻱ ﻣﻜﻀﻴﻪ ﺍﻥ ﺷﺎﺀ ....
....
..
...
ﻭﺭﺩﻩ .. ﻭﺭﺩﺓ ....
ﺍﺟﺘﻨﻲ ﻳﺴﺮﻯ ﺗﺮﻛﺾ ﻭﺗﻀﺤﻚ ﻭﺗﻠﻬﺚ ....
ﻛﺘﻠﻬﺎ ﻫﺎ ﻭﻟﺞ ﺷﺒﻴﺞ ﺷﻜﻮ ....
ﻭﺝ ﻭﺭﺩﻩ ﺭﺍﺷﺪ ﺍﺟﻪ ﻭﺑﺎﻟﻤﻀﻴﻒ ﻳﺴﻠﻢ ﻋﻠﻪ ﺍﺑﻮﻱ ﻭﻳﺠﻲ .... ﺍﻭﻳﻠﻲ ﻋﻠﻪ ﺍﺣﺴﺎﺳﺞ ﺻﺪﻙ ﻋﺸﻜﺞ ﻋﺸﻚ ﺭﻳﻔﻲ ﺍﺻﻴﻞ ﻣﺎﺑﻴﻪ ﺩﻏﺶ ﻳﺎﻟﻠﻪ ﺣﻀﺮﻱ ﺭﻭﺣﺞ ﺣﺘﻪ ﻧﺘﻠﻜﺎﻩ ﻭﻧﺴﻠﻢ ﻋﻠﻴﻪ ....
...
...
ﻣﺤﺘﺎﺟﺔ ﻛﻠﺶ ﺇﻟﻚ ﻳﻠﻲ ﺷﺎﻏﻞ ﺍﻧﺖ ﺍﻟﻔﻜﺮ ﻣﺤﺘﺎﺟﺔ ﺇﻟﻚ ﻣﻮ ﺣﺠﻲ ﻭﺍﺭﺗﺎﺡ ﻣﻦ ﻳﻨﺬﻛﺮ
ﻫﻨﻴّﺎﻟﻪ ﻣﻦ ﻛﺎﺑﻠﻚ ...... ﻳﺎ ﺃﺣﻠﻰ ﺻﻮﺭﺓ ﺷﻌﺮ
ﻣﺤﺘﺎﺟﺔ ﺇﻟﻚ ﻣﺎ ﺗﺠﻲ ﻣﺎ ﺑﺎﻗﻲ ﺷﻲ ﺑﺎﻟﻌﻤﺮ ﺯﻋﻼﻥ؟ ﻟﻴﺶ ﺍﻟﺰّﻋﻞ ..... ﺯﻋﻼﻥ ﺁﻧﻪ ﺍﻋﺘﺬﺭ
ﺑﺲ ﺍﺭﺟﻊ ﻟﺨﺎﻃﺮﻱ ﺻﻴﺮ ﻋﻠﻰ ﺻﺪﺭﻱ ﻋﻄﺮ ...
...
...
ﻟﺒﺴﺖ ﺍﺣﻠﻪ ﻣﻼﺑﺲ ﻋﻨﺪﻱ ﻭﺣﻄﻴﺖ ﻋﻄﺮ ﻭﺧﻠﻴﺖ ﻛﺤﻠﻪ ﻭﺩﻳﺮﻡ ...‏( ﺍﻟﺪﻳﺮﻡ ﻫﻮ ﻧﻮﻉ ﻣﻦ ﻣﻮﺍﺩ ﺍﻟﺘﺠﻤﻴﻞ ﻓﻲ ﺍﻟﺮﻳﻒ ﻳﺴﺘﺨﺪﻡ ﻛﺎﺣﻤﺮ ﻟﻠﺸﻔﺎﻩ ‏) ﻭﻃﻠﻌﺖ ﻭﻋﻤﺘﻲ ﺷﺎﻓﺖ ﺍﻟﺘﻐﻴﻴﺮ ﺑﻴﻪ ﻭﺿﺎﺟﺖ ﻭﻋﻴﻮﻧﻬﺎ ﺻﺎﺭﻥ ﺣﻤﺮ ﺑﺲ ﻣﺎﺣﺠﺖ .... ﻭﺗﻠﻜﻴﻨﻪ ﺭﺍﺷﺪ ﻭﺳﻠﻤﻨﻪ ﻋﻠﻴﻪ ﻭﻣﻦ ﻟﺰﻣﺖ ﺍﻳﺪﻱ ﻭﺧﻠﻴﺖ ﺟﻔﻲ ﺑﺠﻔﻪ ﻋﺼﺮ ﺍﻳﺪﻱ ﻋﺼﺮﻩ ﺧﻔﻴﻔﻪ ﻭﺣﺴﻴﺖ ﺑﻴﻪ ﻳﻜﻠﻲ ﻣﺸﺘﺎﻗﻠﺞ ..... ﺳﻠﻢ ﻋﻠﻴﻪ ﻭﺑﻴﻦ ﻋﻠﻴﻪ ﻣﻨﺒﻬﺮ ﻣﻨﻲ ﻭﺍﺧﺬ ﻧﻔﺲ ﻭﺷﻢ ﻋﻄﺮﻱ ﻭﻛﺎﻟﻲ ﺑﺎﻟﺤﺮﻑ ﺍﻟﻮﺍﺣﺪ ... ﺳﺒﺤﺎﻥ ﺍﻟﻠﻲ ﺣﻮﻝ ﺍﻟﻮﺭﺩ ﻛﻤﺮ ﺑﺲ ﻛﺎﻟﻬﺎ ﺑﻬﻤﺲ ﻭﻣﺤﺪ ﺳﻤﻌﻪ ﻏﻴﺮﻱ ....
ﺿﻠﻴﺖ ﺍﻓﻜﺮ ﺑﻜﻼﻣﻪ ﻭﻋﺼﺮﺓ ﺍﻳﺪﻩ ﻭﺣﺴﻴﺖ ﺑﻴﻪ ﻣﺠﻮﻱ ﺑﻨﺎﺭ ﺍﻟﻌﺸﻚ ﻭﻣﻴﻜﺪﺭ ﻳﺤﺠﻲ ﻻﺣﺪ .... ﻭﺍﺣﺲ ﻛﻠﺒﻲ ﻳﻨﺎﺩﻳﻪ ﻭﻳﻜﻠﻪ ﺗﻌﺎﻝ ﺍﻧﻪ ﺑﻴﺮ ﺍﺳﺮﺍﺭﻙ ﻳﺎﻋﻴﻮﻧﻲ .... ﻭﺑﻴﻦ ﻏﻔﻮﺓ ﻋﻴﻦ ﻭﺩﻣﻌﺔ ﺟﻔﻦ ﻛﻠﺖ ﺍﺣﺒﻚ ﻳﺎﺭﺍﺷﺪ
ﻋﺸﻚ ﺍﻟﺮﻳﻒ
ﻋﻠﻲ ﺍﻟﺒﺪﺭ
ﺍﻟﺒﺎﺭﺕ ﺍﻟﺨﺎﻣﺲ
....
...
. ﺍﻧﻪ ﺍﻟﺒﺎﻛﻮ ﺳﻤﺎﺭﻩ ...... ﻭﺿﻴﻌﻮ ﻟﻮﻧﻪ
ﺍﻧﻪ ﺍﻟﻔﻮﻙ ﺍﻟﺼﻮﺭ ﻭﺷﻞ ﺿﻮﻩ ﻋﻴﻮﻧﻪ
ﺍﻧﻪ ﺍﻟﻴﻀﺤﻚ ﺩﻣﻊ ﻭﻱ ﺟﻠﻤﺔ ﺷﻠﻮﻧﻪ
...
...
ﻛﻠﺶ ﺯﺍﺩ ﺍﻓﺘﺨﺎﺭﻱ ﻭﺍﻧﻌﺠﺎﺑﻲ ﺑﺮﺍﺷﺪ ﺍﻟﻠﻲ ﺗﺤﺮﻛﺖ ﻋﻨﺪﻩ ﺍﻟﻨﺨﻮﺓ ﻭﺍﻟﻐﻴﺮﺓ ﻭﺍﻟﺤﻤﻴﺔ ﻭﻋﺎﻑ ﺷﻐﻠﻪ ﻭﺍﺟﻪ ﻟﻌﻤﻲ ﺍﻟﺸﻴﺦ ﻭﺣﺠﺎﻟﻪ ﻋﻦ ﺍﻡ ﺻﺎﺣﺒﻪ ﺍﻟﻠﻲ ﻣﺤﺘﺎﺟﻪ ﻓﻠﻮﺱ ...
ﻭﺳﻤﻌﺖ ﻛﻞ ﺍﻟﺤﺪﻳﺚ ﺑﻨﻔﺴﻲ ....
ﺑﻮﻳﺔ ﺍﻧﻪ ﺍﺟﻴﺘﻚ ﻻﻥ ﺍﺩﺭﻱ ﺑﻴﻚ ﻣﺎﺗﺮﺩ ﺍﻟﻤﺤﺘﺎﺝ ﻭﺍﻧﻪ ﺧﻠﻴﺖ ﻭﺭﺍﻱ ﻫﻨﺎﻙ ﻣﺮﻩ ﺗﻤﻮﺕ ﻟﻮ ﻣﺎﺳﻮﺕ ﻋﻤﻠﻴﺔ .... ﻭﺍﺑﻨﻬﺎ ﻳﺸﺘﻐﻞ ﻟﻴﻞ ﻧﻬﺎﺭ ﻭﻣﺎﻛﻮ ﻓﺎﻳﺪﻩ ﻭﺍﻧﺎ ﺩﻛﻴﺘﻠﻪ ﺻﺪﺭﻱ .... ﺣﺘﻪ ﻟﻮ ﺍﻋﺮﻑ ﺍﺑﻴﻊ ﻛﻠﻴﺘﻲ ﻭﺍﻭﻓﻲ ﺣﻘﻲ ﻭﻳﺎﻩ ....
ﺭﺩ ﻋﻠﻴﻪ ﻋﻤﻲ ....
ﺑﻮﻳﻪ ﺭﺍﺷﺪ ﻫﺬﺍ ﺍﻟﻤﻔﺘﺎﺡ ﻣﺎﻝ ﺻﻨﺪﻭﻙ ﺍﻟﻌﺸﻴﺮﺓ ﺍﺧﺬ ﺍﻟﺘﺮﻳﺪﻩ ﻣﻨﻪ ﻭﻭﻓﻲ ﺣﻚ ﺻﺪﻳﺠﻚ ﻭﺍﺣﻨﻪ ﺑﻌﺪﻳﻦ ﻧﺮﺩ ﺍﻟﺪﻳﻦ ﻟﺼﻨﺪﻭﻙ ﺍﻟﻌﺸﻴﺮﺓ ....
ﺩﺃﺑﺖ ﺑﻌﺾ ﺍﻟﻌﺸﺎﺋﺮ ﺍﻭ ﺍﻟﺘﺠﻤﻌﺎﺕ ﺍﻟﻌﺎﺋﻠﻴﺔ ﺍﻥ ﺗﻀﻊ ﺻﻨﺪﻭﻗﺎ ﻋﻨﺪ ﻛﺒﻴﺮ ﺍﻟﻘﻮﻡ ﻭﻳﺘﻢ ﺍﻳﺪﺍﻉ ﺑﻌﺾ ﺍﻟﻤﺒﺎﻟﻎ ﻓﻴﻪ ﻭﺟﻌﻠﻬﺎ ﺳﻨﺪﺍ ﻟﻤﻦ ﻳﺤﺘﺎﺝ ﻓﻲ ﻳﻮﻡ ﻣﻦ ﺍﻻﻳﺎﻡ .....
....
...
ﻛﺒﺮ ﺭﺍﺷﺪ ﺑﻌﻴﻨﻲ ﻭﺑﻌﻴﻦ ﻛﻞ ﺍﻫﻠﻪ ﻭﻧﺎﺳﻪ ﻭﺻﺎﺭ ﺣﺠﺎﻳﺔ ﺍﻫﻞ ﺍﻟﺮﻳﻒ ﻭﺍﻟﻜﻞ ﺻﺎﺭ ﻳﻌﺮﻑ ﺭﺍﺷﺪ ﺍﻟﻐﻴﻮﺭ .....
..
...
ﺍﻟﻜﻞ ﺭﺍﺡ ﻳﺮﻛﺾ ﻋﻠﻪ ﺻﻮﺕ ﺍﻟﺼﻴﺎﺡ ﺍﻟﻄﺎﻟﻊ ﻣﻦ ﺑﻴﺖ ﺣﻠﻴﻤﻪ ﻭﺟﺎﻥ ﺻﻮﺕ ﺍﻟﺼﺮﺍﺥ ﻋﺎﻟﻲ ﻛﻠﺶ ...
ﺷﻨﻮ ﻫﺬﺍ ﺍﻟﺼﻮﺕ ﻳﻤﻌﻮﺩ ...
ﻭﺍﻟﻠﻪ ﻣﺎﺩﺭﻱ ﺣﺠﻲ ﻣﻦ ﺑﻴﺖ ﺣﻠﻴﻤﻪ ﻭﺭﺍﺡ ﺍﻟﺮﺟﺎﻝ ﻳﺮﻛﺾ ﻭﻟﺤﻜﻪ ﺣﺠﻲ ﺭﺍﺿﻲ ﻭﻭﺻﻞ ﺍﻟﻜﻞ ﻟﻤﺠﺎﻥ ﺍﻟﺼﻮﺕ .... ﻭﻟﻜﻮﺍ ﺣﻠﻴﻤﻪ ﻣﻴﺘﻪ ﺑﺲ ﻣﻮﺗﺘﻬﺎ ﺟﺎﻧﺖ ﻓﻀﻴﻌﻪ ﻭﺷﻨﻴﻌﻪ ....
ﺻﺮﺥ ﺣﺠﻲ ﺭﺍﺿﻲ ﺑﻌﺎﻟﻲ ﺻﻮﺗﻪ ﺍﻟﻠﻪ ﻳﻠﻌﻨﻚ ﺣﻤﻮﺩ ﺩﻧﻴﻪ ﻭﺍﺧﺮﻩ ﻣﺎﻛﻮ ﻏﻴﺮ ﺣﻤﻮﺩ ﻫﻮ ﺍﻟﻠﻲ ﻛﺘﻠﻬﺎ ﺍﻣﺲ ﺷﻔﺘﻪ ﻃﺎﻟﻊ ﻣﻨﻬﺎ ﺍﻣﺲ ﺍﻧﻪ ﺣﺠﻲ ﺭﺍﺿﻲ ﺩﻡ ﺣﻠﻴﻤﻪ ﺍﻧﻪ ﺍﻭﻟﻪ ﺑﻴﻪ ﻭﺍﻟﻴﻮﻛﻒ ﻭﻱ ﺣﻤﻮﺩ ﻳﻨﺬﺑﺢ .....
....
....
ﻃﺐ ﺣﻤﻮﺩ ﻳﺮﻛﺾ ﻟﻤﻀﻴﻒ ﺍﻟﺸﻴﺦ ﺣﺎﺗﻢ ﻭﺑﻨﺺ ﺍﻟﻌﺎﻟﻢ ﺫﺏ ﻏﺘﺮﺗﻪ ﻭﻋﻜﺎﻟﻪ ﻭﺻﺎﺡ ﺩﺧﻴﻠﻚ ﻳﺎﺷﻴﺦ ﺣﺎﺗﻢ ﺍﻟﺪﻡ ﺳﺎﻝ ﻭﺫﺑﻮ ﺟﺘﻠﺔ ﺍﻟﺤﺮﻣﺔ ﺑﺮﻛﺒﺘﻲ ....
ﺣﻠﻴﻤﻪ ﻣﺎﺗﺖ ﻭﺣﺠﻲ ﺭﺍﺿﻲ ﻇﻞ ﻳﺼﻴﺢ ﺣﻤﻮﺩ ﻛﺘﻠﻬﺎ ﻭﺍﻧﻪ ﺑﺮﻱ ﻣﻦ ﻫﺎﻟﻮﺭﻃﻪ ....
....
...
ﻫﺪﻱ ﺷﻮﻳﺔ ﻭﺍﻧﺖ ﻫﻨﺎ ﺑﺄﻣﺎﻥ ﺭﺏ ﺍﻟﻌﺎﻟﻤﻴﻦ ﻭﺑﻤﺎﻥ ﻫﺬﺍ ﺍﻟﺒﺨﺖ ﻭﻣﺤﺪ ﻳﻜﺪﺭ ﻳﻤﺴﻚ ﻣﺎﺩﺍﻡ ﺍﻧﺖ ﺑﺤﻤﺎﻳﺔ ﺍﻟﺸﻴﺦ .... ﺳﻮﻟﻔﻠﻲ ﺷﻨﻮ ﺍﻟﺼﺎﺭ ﺑﺎﻟﺘﻔﺼﻴﻞ ....
ﺑﺪﻩ ﺣﻤﻮﺩ ﻳﺤﺠﻲ ﺍﻟﺤﺎﺩﺛﺔ ﺍﻟﻠﻲ ﺟﺎﻥ ﺍﻟﺸﻴﺦ ﻣﻴﻌﺮﻑ ﺑﻴﻬﺎ ﻻﻥ ﻫﻮ ﺑﻴﺘﻬﻢ ﺍﺻﻼ ﻣﻮ ﻗﺮﻳﺐ ﻣﻦ ﺣﻠﻴﻤﻪ ﻭﻻﺣﺠﻲ ﺭﺍﺿﻲ ﻭﻛﻞ ﺍﻟﺼﺮﺍﺥ ﺍﻟﺼﺎﺭ ﻭﺍﻟﺼﻴﺎﺡ ﻣﺎﺳﻤﻌﻮﻩ ....
ﺯﻳﻦ ﺍﺑﻨﻲ ﺣﻤﻮﺩ ....
ﺣﺠﻲ ﺭﺍﺿﻲ ﻟﻴﺶ ﻳﺘﻬﻤﻚ ﺍﻧﺖ ﺑﺎﻟﺬﺍﺕ ﺑﻜﺘﻞ ﺣﻠﻴﻤﻪ .... ﻟﻴﺶ ﻣﻮ ﻏﻴﺮﻙ ....
ﻫﻮﻩ ﺍﻣﺲ ﺷﺎﻓﻨﻲ ﺟﺎﻱ ﻣﻦ ﺑﻴﺖ ﺣﻠﻴﻤﻪ ﻻﻥ ﺍﻣﻲ ﺩﺯﺗﻨﻲ ﻋﻠﻴﻬﺎ ﻭﻗﺖ ﺍﻟﻠﻲ ﺭﺟﻌﺖ ﻫﻮ ﺳﺎﻟﻨﻲ ﻭﻳﻦ ﺟﻨﺖ ﻭﻛﺘﻠﻪ ﺍﻧﻲ ﺟﻨﺖ ﻳﻢ ﺣﻠﻴﻤﻪ .... ﺍﺷﻮ ﻫﺬﺍ ﺍﻟﻴﻮﻡ ﻳﺼﻴﺢ ﺣﻤﻮﺩ ﻛﺘﻠﻬﺎ ﻭﺍﻧﻪ ﻫﺴﻪ ﺑﺼﺎﻳﺔ ﺍﻟﻠﻪ ﻭﺻﺎﻳﺘﻚ ...
....
....
ﺍﻟﻠﻪ ﺧﻠﻪ ﺍﺑﻴﻦ ﺍﺻﺎﺑﻌﻨﻪ ﻓـــــــﺮﺍﻍ
ﺣﺘﻰ ﺍﻳﺪ ﺑﺎﻳﺪ ﻣﻦ ﻧﻤﺸﻲ ﺳﻮﻩ
ﻭﺧﻠﻪ ﺑﻴﻪ ﺟﺮﻭﺡ ﻣﺎ ﺍﻟﻬﻦ ﻋـــﻼﺝ
ﻭﻓﻘﻂ ﺑﺲ ﻋﻨﺪﻙ ﻳﺎﻣﺤﺒﻮﺑﻲ ﺍﻟﺪﻭﻩ
ﺍﻟﻨﺎﺱ ﺗﺸﺘﻢ ﺍﻟﻬﻮﻩ ﺣﺘﻰ ﺗﻌﻴﺶ
ﻭﺍﻧﻪ ﻋﻜﺲ ﺍﻟﻨﺎﺱ ﺍﺷﺘﻤﻚ ﻫــﻮﻩ
ﺍﻟﮕﻤﺮ ﻟﻮﺷﺎﻓﻚ ﻳﻬﺰ ﺍﻳﺪﻩ ﻳــــــﺪﻭﺥ
ﻳﮕﻮﻝ ﺑﻄﺮﺍﻥ ﺍﻧﻪ ﻫﻢ ﻋﻨﺪﻱ ﺿـﻮﻩ .
.....
....
ﺟﻨﺖ ﻣﺸﺘﺎﻗﻪ ﻟﺮﺍﺷﺪ ﻳﺠﻲ ﻭﺿﻠﻴﺖ ﺍﺗﺼﻮﺭﻩ ﺑﺎﺣﻼﻣﻲ ﻭﺧﻴﺎﻟﻲ ﻭﺻﺎﺭ ﻫﻮ ﺍﻟﻔﺎﺭﺱ ﺍﻟﻴﺠﻴﻨﻲ ﺑﻜﻞ ﺍﻭﻗﺎﺗﻲ ﺣﺒﻴﺖ ﺭﺍﺷﺪ ﻭﺻﺮﺕ ﺍﻋﺘﺒﺮﻩ ﻛﻞ ﺷﻲ ﺣﻠﻮ ﺑﺤﻴﺎﺗﻲ
....
....
ﻫﺎ ﻳﺴﺮﻯ ﻣﺎﻛﻮ ﺧﺒﺮ ﻣﻦ ﺭﺍﺷﺪ ...
ﻻ ﻭﺍﻟﻠﻪ ﻭﺭﺩﻩ ﻣﺎﻛﻮ ﺑﺲ ﻋﻤﻲ ﻛﺘﺒﻠﻪ ﺑﺎﻟﻤﺮﺍﺳﻴﻞ ﻋﻦ ﺍﻟﻬﻮﺳﺔ ﺍﻟﺼﺎﺭﺕ ﺑﻤﻮﺗﺖ ﺣﻠﻴﻤﻪ ﻭﻳﻤﻜﻦ ﻳﺠﻲ ﻻﻥ ﻭﺿﻊ ﺍﻟﺴﻠﻒ ﺭﺍﺡ ﻳﺘﺨﺮﺑﻂ ﻭﺍﺑﻮﻱ ﻣﺎﻳﺄﻣﻦ ﺍﻻﺑﺮﺍﺷﺪ ﻭﺍﻛﻴﺪ ﺭﺍﺷﺪ ﺭﺍﺡ ﻳﺠﻲ ....
....
....
ﻛﻠﺖ ﺑﻜﻠﺒﻲ ﺧﻞ ﻳﺤﺘﺮﻙ ﺍﻟﺴﻠﻒ ﻭﺧﻞ ﺗﻌﻠﻚ ﻣﺸﺎﻛﻠﻪ ﻭﺍﺫﺍ ﻣﻮﺗﺖ ﺣﻠﻴﻤﻪ ﺗﺨﻠﻲ ﺭﺍﺷﺪ ﻳﺠﻲ ﺧﻞ ﺗﻤﻮﺕ ﺍﻟﻒ ﺣﻠﻴﻤﻪ .... ﺻﺮﺕ ﺍﻓﻜﺮ ﺑﺠﻨﻮﻥ ﺑﺴﺒﺐ ﺭﺍﺷﺪ ﻭﻗﺮﺭﺕ ﺑﺲ ﺍﺷﻮﻓﻪ ﺍﻛﻠﻪ ﻛﻞ ﺷﻲ ﺑﻜﻠﺒﻲ ﻭﺑﻌﺪ ﻣﺎﺭﺍﺡ ﺍﺧﻠﻲ ﺧﺠﻞ ﺍﻧﻪ ﺭﺍﺷﺪ ﺍﺣﺒﻪ ﻭﻳﺤﺒﻨﻲ ﻭﻣﺴﺘﺤﻴﻞ ﺍﺳﺘﻐﻨﻲ ﻋﻨﻪ .... ﻣﻮ ﻳﻜﻮﻟﻮﻥ ﺍﻟﻴﺤﺐ ﻳﻀﺤﻲ ﺍﻧﻪ ﺍﺭﻳﺪ ﺍﺿﺤﻲ ﻭﻻﺯﻡ ﺍﺿﺤﻲ ﻋﻠﻤﻮﺩ ﺭﺍﺷﺪ ﻭﻣﺎﺧﻠﻴﻪ ﻳﻀﻴﻊ ﻣﻨﻲ ﻻ ﺍﺑﺪﺍ .....
....
...
ﺍﺣﺴﺎﻡ ﻫﺎﻱ ﻓﻠﻮﺱ ﻋﻤﻠﻴﺔ ﺍﻟﻮﺍﻟﺪﻩ ﻭﻣﺎﺗﺮﺟﻌﻨﻲ ﻟﻮ ﺗﻤﻮﺕ ....
ﺷﺠﺎﻱ ﺗﺤﺠﻲ ﺭﺍﺷﺪ ﺻﺪﻙ ﺟﺬﺏ ﺍﻧﺘﻪ ﺷﻨﻮ ﺳﻮﻳﺖ ﻫﺬﺍ ﻣﺒﻠﻎ ﻛﻠﺶ ﻫﻮﺍﻱ ﺍﻧﺘﻪ ﻣﻨﻴﻦ ﺟﺒﺘﻪ ﺭﺍﺷﺪ .....
ﺣﺴﺎﻡ ﺍﺳﻤﻊ ﻣﻨﻲ ﺗﺮﻩ ﺍﺣﻨﻪ ﺍﻫﻞ ﺧﻴﺮ ﻭﻣﺎﻧﻜﻄﻊ ﺍﻟﺮﺣﻢ ﻭﻱ ﻛﻞ ﺷﺨﺺ ﻭﺍﻟﻠﻪ ﻣﺜﻠﻤﺎ ﻧﺪﺍﻭﻱ ﺟﺮﺡ ﻳﺪﺍﻭﻳﻠﻨﻪ ﺟﺮﻭﺡ ..... ﺍﻧﺖ ﺍﺧﺬ ﻫﺎﻱ ﺍﻟﻔﻠﻮﺱ ﻭﻋﺎﻟﺞ ﺍﻣﻚ ﻭﻛﻠﺸﻲ ﺳﻬﻞ .....
ﺭﺍﺷﺪ ﺭﺍﺡ ﺍﺧﺬ ﺍﻟﻔﻠﻮﺱ ﺑﺲ ﺷﺮﻁ ﺗﻄﻴﻨﻲ ﻭﻋﺪ ﺷﺮﻑ ﻭﻛﻠﻤﺔ ﺍﺑﻦ ﺭﻳﻒ ﺗﺴﻤﻊ ﻣﻨﻲ ....
ﺍﺳﻤﻌﻚ ﺣﺴﺎﻡ ﻭﺍﻭﻋﺪﻙ ﺍﺳﻤﻊ ﻣﻨﻚ ....
ﺭﺍﺷﺪ ﺍﺳﻤﻌﻨﻲ ﻋﻨﺪﻱ ﺍﺧﺘﻲ ﻧﻮﺍﻝ ﻋﻤﺮﻫﺎ ﺍﺭﺑﻌﻪ ﻭﻋﺸﺮﻳﻦ ﺳﻨﺔ ﻭﻣﺎﺗﺤﻞ ﻟﻐﻴﺮﻙ ﻭﻣﻬﺮﻫﺎ ﻫﻮﻩ ﺍﻟﻔﻠﻮﺱ ﺍﻟﻠﻲ ﺟﺒﺘﻬﻦ ﻟﻌﻼﺝ ﺍﻣﻲ ﻏﻴﺮ ﻫﺎﻟﺤﺠﻲ ﺍﻟﻔﻠﻮﺱ ﺗﺮﺟﻊ ...
.... ﺍﻧﺼﺪﻡ ﺭﺍﺷﺪ ﻭﻛﺎﻟﻪ ......
ﻳﻤﻌﻮﺩ ﺷﺠﺎﻱ ﺗﺤﺠﻲ ﺍﻧﺘﻪ .... ﻭﺑﻌﺪﻩ ﻣﺎﻣﻜﻤﻞ ﻛﻼﻣﻪ ﻛﺎﻟﻪ ﺣﺴﺎﻡ ...
ﻗﺴﻢ ﺑﺎﻟﻠﻪ ﺍﺫﺍ ﻣﺎﻗﺒﻠﺖ ﻭﻛﻠﺖ ﻭﻋﺪ ﺷﺮﻑ ﻣﺎ ﺍﺧﺬ ﻭﻻﺩﻳﻨﺎﺭ ....
ﻓﻜﺮ ﺭﺍﺷﺪ ﺑﺎﻟﻤﻮﺿﻮﻉ ﻭﺷﺎﻑ ﻛﺪﺍﻣﻪ ﻋﻴﻮﻥ ﻭﺭﺩﻩ ... ﻭﻋﻴﻮﻥ ﺍﻡ ﺣﺴﺎﻡ ﻭﺿﻐﻂ ﻋﻠﻪ ﻋﺼﺎﺑﻪ ﻭﻛﺎﻟﻪ ﻛﻠﻤﺔ ﺷﺮﻑ ﻭﻭﻋﺪ ﺷﺮﻑ ﻫﺬﺍ ﺑﻴﻨﺎﺗﻨﻪ ﻳﺎﺣﺴﺎﻡ
ﻋﺸﻚ ﺍﻟﺮﻳﻒ
ﻋﻠﻲ ﺍﻟﺒﺪﺭ
ﺍﻟﺒﺎﺭﺕ ﺍﻟﺴﺎﺩﺱ
....
....
ﺍﺗﺼﻞ ﺍﻟﺸﻴﺦ ﺣﺎﺗﻢ ﺑﺮﺍﺷﺪ ﻭﻃﻠﺐ ﻣﻨﻪ ﻳﺠﻲ ﻭﺣﺎﺟﺎﻩ ﻋﻦ ﺍﻟﺪﺧﻴﻞ ﺍﻟﻌﺪﻫﻢ ﻭﺧﺎﻳﻒ ﻋﻠﻴﻪ ﻣﻦ ﺣﺠﻲ ﺭﺍﺿﻲ ....
ﻭﻻﺯﻡ ﻳﺠﻲ ﺑﺎﺳﺮﻉ ﻭﻛﺖ ﻻﻥ ﺍﻟﻮﺿﻊ ﻣﺎﻳﺘﺤﻤﻞ ﺗﺎﺧﻴﺮ ....
...
...
ﺑﻴﻨﻪ ﻭﺑﻴﻦ ﻧﻔﺴﻪ ﺣﺠﻪ ﺭﺍﺷﺪ ..
ﺷﻠﻮﻥ ﺍﺭﻭﺡ ﻭﺍﻛﺎﺑﻞ ﻭﺭﺩﻩ ﺍﻟﻠﻲ ﻛﻞ ﻣﺮﻩ ﺍﺳﻜﻴﻬﺎ ﺑﺨﺰﺭﺓ ﻋﺸﻚ ﻭﻫﻲ ﺳﺎﻟﻮﻓﺔ ﻋﺸﻜﻲ ﺷﻠﻮﻥ ﺍﻛﺪﺭ ﺍﺧﺬﻟﻬﺎ ....
ﻭﺷﻠﻮﻥ ﺍﻛﺴﺮ ﻭﻋﺪ ﺍﻟﻀﺮﻑ ﺍﻟﻠﻲ ﺑﻴﻨﺎﺗﻨﻪ ﺍﻧﻪ ﻭﺻﺎﺣﺒﻲ ﻭﺍﻧﻪ ﻋﻠﻪ ﻛﺼﺎﺹ ﺭﻛﺒﺘﻲ ﻣﺎﻛﺴﺮﻟﻲ ﻛﻠﻤﻪ ....
ﺑﺲ ﺑﻨﻔﺲ ﺍﻟﻮﻗﺖ ﻣﺎ ﺍﻛﺴﺮ ﻛﻠﺐ ﻭﺭﺩﺓ ..... ﺧﻞ ﺍﺭﻭﺡ ﻳﻢ ﺍﺑﻮﻱ ﻭﻫﻴﻪ ﺗﺼﻔﻪ ....
....
....
ﺑﺪﻭﺍﻧﻴﺔ ﺣﺠﻲ ﺭﺍﺿﻲ ﺟﺎﻥ ﺍﻟﻜﻞ ﻣﻠﺘﻢ ﻭﻣﺘﺠﻤﻊ ﻻﻥ ﺣﺠﻲ ﺭﺍﺿﻲ ﺟﻤﻌﻬﻢ ...
ﺍﻧﻪ ﺟﻤﻌﺘﻜﻢ ﺣﺘﻪ ﺍﻛﻠﻜﻢ ﺑﻌﺪﻧﻲ ﻋﻠﻪ ﻣﻮﻗﻔﻲ ﻭﺍﻧﻪ ﻭﻟﻲ ﺩﻡ ﺣﻠﻴﻤﻪ ﻭﻫﺴﻪ ﺗﺒﻴﻦ ﺍﻟﻜﻢ ﻟﻴﺶ ﺣﻤﻮﺩ ﺩﺧﻞ ﻋﺪ ﺣﻮﻳﺘﻢ ﺍﻟﺸﻴﺦ ﻻﻥ ﻫﻮ ﺟﺘﺎﻝ ﻭﻟﻮ ﻣﻮ ﻣﺘﻠﻄﺦ ﺑﺪﻡ ﺣﻠﻴﻤﻪ ﻣﺎﺷﺮﺩ ﻭﻭﺍﺟﻬﻨﻪ ....
ﻭﻫﺴﻪ ﺍﺣﻨﻪ ﻧﻄﻲ ﺣﺎﺗﻢ ﻣﻬﻠﻪ ﻭﻳﺴﻠﻤﻨﻪ ﺣﻤﻮﺩ ﺍﺫﺍ ﻣﺎﺳﻠﻤﻪ ﺑﺮﺿﺎﺗﻪ ﻧﺎﺧﺬﻩ ﺑﺎﻟﻘﻮﺓ .. ﻭﻏﺼﺐ ...
...
...
ﻛﺎﻡ ﻭﺍﺣﺪ ﻭﺳﺤﺐ ﺍﻗﺴﺎﻡ ﻣﻦ ﺳﻼﺣﻪ ﻭﻛﺎﻝ ....
ﺍﻭﻝ ﺟﻴﻠﻪ ﺗﺜﻮﺭ ﻣﻦ ﺳﻼﺣﻲ ﺑﻜﻠﺐ ﺣﺎﺗﻢ ﺍﺫﺍ ﻣﺎﺳﻤﻊ ﺍﻟﺤﺠﻲ ﻭﺷﻠﻢ ﺍﻟﺠﺘﺎﻝ ....
....
....
ﺍﺟﺖ ﻳﺴﺮﻯ ﻳﻤﻲ ﻭﻛﺎﻟﺖ ....
ﻋﻠﻪ ﻫﺎﻟﻮﺿﻊ ﺍﻟﺼﺎﺭ ﻳﻤﻜﻦ ﺭﺍﺷﺪ ﻳﺮﺟﻌﻪ ﺍﺑﻮﻱ ﻣﺎﻳﺨﻠﻴﻪ ﻳﺠﻲ ﻻﻥ ﺣﺠﻲ ﺭﺍﺿﻲ ﻛﻠﺶ ﻣﺘﻬﻮﺭ ﻫﺎﻟﻤﺮﺓ ﻭﻋﻤﻲ ﻳﺮﻳﺪ ﻳﺨﻔﻒ ﺍﻟﻮﺿﻊ ﺷﻮﻳﺔ .... ﺍﻧﺘﻲ ﺗﻌﺮﻓﻴﻦ ﺭﺍﺷﺪ ﻋﻨﻮﺩﻱ ﻭﺍﺫﺍ ﺳﻤﻊ ﺑﺤﺠﻲ ﺭﺍﺿﻲ ﻫﻴﺞ ﻣﺴﻮﻱ ﺍﻛﻴﺪ ﻣﺎﻳﺘﻤﻠﻚ ﺍﻋﺼﺎﺑﻪ ﻣﺜﻞ ﺍﺑﻮﻱ ....
....
....
ﺳﻤﻌﺖ ﻛﻼﻡ ﻳﺴﺮﻯ ﻭﺿﺠﺖ ﻭﺻﺮﺕ ﺍﻓﻜﺮ ﺍﻧﺘﻘﻢ ﻣﻦ ﺣﺠﻲ ﺭﺍﺿﻲ ﻫﺬﺍ ﻭﺍﻛﺮﻩ ﻫﺎﻟﺤﻴﺎﺓ ﺍﻟﺤﺮﻣﺘﻨﻲ ﻣﻦ ﺷﻮﻗﺘﻪ ........ ﻛﻞ ﺷﻬﻮﺭ ﺍﺗﻌﻠﻌﻞ ﻋﻠﻪ ﺷﻮﻓﺔ ﺭﺍﺷﺪ ﺗﺎﻟﻴﻬﺎ ﺗﺘﺎﺧﺮ ﺍﻭﻭﻭﻭﻑ ﺭﺑﻲ
.....
....
....
ﻛﺎﻟﻮ ﻣﺎ ﺗﺠﻲ ....... ﻭﻛﺎﻟﻮ ﻋﻠﻴﻚ ﺑﻌﻴﺪ
ﻭﺩﺭﺏ ...... ﻛﻠﺶ ﻃﻮﻳﻞ ﺍﻟﺒﻴﻨﻚ ﻭﺑﻴﻨﻲ
ﺷﺢ ﻣﻨﻲ ﺍﻟﺪﻣﻊ . ﻛﺪ ﻣﺎ ﺑﺠﻴﺖ ﺃﻋﻠﻴﻚ
ﻭﺃﻋﺎﺗﺐ ﺑﺎﻟﻜﻤﺮ ......... ﻫﻠﺒﺖ ﻳﻮﺍﺳﻴﻨﻲ
ﻇﻠﻢ ﻛﻠﺶ ﻇﻠﻢ ﺗﺤﻴﺎ ﻭﺗﻤﻮﺕ ﺑﺸﻮﻙ
ﻭﺟﺎ ﺷﻨﻬﻮ ﺍﻟﻌﻤﺮ ﻣﻦ .. ﺗﺬﺑﻞ ﺭﻳﺎﺣﻴﻨﻪ
.....
.....
ﺿﻠﻴﺖ ﺫﻳﺞ ﺍﻟﻠﻴﻠﻪ ﺍﻋﺎﻳﻦ ﻟﻠﻨﺠﻮﻡ ﻭﺍﺷﻮﻑ ﺍﻟﻜﻤﺮ ﻭﺍﺗﺬﻛﺮ ﻭﺟﻪ ﺭﺍﺷﺪ ﻭﺍﻋﺎﺗﺐ ﻛﻞ ﻧﺠﻮﻡ ﺍﻟﻠﻴﻞ ﻭﺍﺳﺎﻟﻬﻦ ﻋﻦ ﻣﺤﺒﻮﺑﻲ ﺑﺲ ﻟﻼﺳﻒ ﻣﺎﻛﻮ ﺟﻮﺍﺏ ﺣﺴﻴﺖ ﺑﺎﻟﻢ ﺑﻤﻌﺪﺗﻲ ﻭﺣﺴﻴﺖ ﺑﺪﻭﺧﻪ ﻭﻏﻔﻴﺖ ﻭﺍﻧﻪ ﺣﺎﺿﻨﻪ ﺧﻴﺎﻝ ﺍﻟﻤﺤﺒﻮﺏ .....
.....
...
.....
ﺍﻛﻠﻚ ﺣﺴﺎﻡ ...
ﺍﻟﻴﻮﻡ ﻭﺻﻠﺘﻨﻲ ﺭﺳﺎﻟﻪ ﻣﻦ ﺍﺑﻮﻱ ﻣﺎﻻﺯﻡ ﺍﺭﻭﺡ ﻟﻠﺴﻠﻒ ﻻﻥ ﺷﻮﻳﺔ ﺍﻻﻣﻮﺭ ﻣﻜﺮﻛﺒﺔ ﻭﻳﺤﺘﺎﺝ ﺿﺒﻂ ﻟﻠﻨﻔﻮﺱ ﻭﺍﻧﻪ ﺣﻮﺻﻠﺘﻲ ﺯﻏﻴﺮﺓ ﻣﺎﺗﺤﻤﻞ ﺍﻟﻠﻲ ﻳﻄﻔﺮﻭﻥ ﻭﻳﻜﻤﺰﻭﻥ ... ﺍﻟﻠﻲ ﺍﺷﻮﻓﻪ ﻏﻠﻄﺎﻥ ﺍﺗﺮﺱ ﺣﻠﻜﻪ ﻭﺣﻠﻚ ﺍﺑﻮﻩ ﻓﺸﻚ ﻭﻫﺬﺍ ﺍﻟﺘﺴﺮﻉ ﺍﺑﻮﻱ ﻳﺨﺎﻑ ﻣﻦ ﻋﻨﺪﻩ ﻭﻳﻨﻬﺎﻧﻲ ﻋﻨﻪ .....
ﺯﻳﻦ ﺭﺍﺷﺪ ﺍﻧﺘﻢ ﻣﺎﺗﺨﻠﺺ ﻃﻼﻳﺒﻜﻢ ﺩﻭﻡ ﻫﺎﻟﻌﺮﻛﺎﺕ ﻭﺍﻟﺼﻜﺎﺕ ﻟﺸﻮﻛﺖ ﺑﺎﻟﻠﻪ ....
ﺣﺒﻴﺒﻲ ﺣﺴﺎﻡ ﺣﻴﺎﺓ ﺍﻟﺮﻳﻒ ﻫﻴﺞ ﻻﻥ ﻣﺎﻋﺪﻫﻢ ﺷﻲ ﻳﻠﺘﻬﻮﻥ ﺑﻴﻪ ﻻﺷﻐﻞ ﻭﻻﻋﻤﻞ ﻭﻻ ﻣﺸﻐﻠﻪ ﻛﻞ ﺍﻟﻌﺪﻫﻢ ﻧﺎﻋﻮﺭ ﻭﻛﻴﻌﺎﻥ ﻭﻣﻜﻴﻨﻪ ﻭﺯﺭﻉ ﻭﺑﻴﺮ ﻭﻣﻀﻴﻒ ﻭﺷﻨﻲ ﻣﻘﺪﺳﺎﺕ ﻋﻨﺪ ﺍﺑﻦ ﺍﻟﺮﻳﻒ ﻣﺜﻞ ﺍﻟﺸﺮﻑ ﻭﻳﺎﻣﺎ ﺟﺘﻮﻝ ﻭﺫﺑﺢ ﺻﺎﺭ ﺑﻴﻦ ﺍﻟﻌﺸﺎﻳﺮ ﺑﺴﺒﺐ ﺑﻴﺮ ﻟﻮ ﻣﻀﻴﻒ .....
....
....
ﺯﻳﻦ ﺭﺍﺷﺪ ﺍﻧﺖ ﻫﻢ ﻛﺎﺗﻞ ﻭﺍﺣﺪ ﻣﺼﻮﺏ ﻭﺍﺣﺪ .....
....
ﻟﻚ ﺷﻜﺎﺗﻞ ﻣﺎﺗﻜﻠﻲ ﻣﺮﺓ ﺩﻋﻤﺖ ﺍﻟﻄﻠﻲ ﻣﺎﻝ ﺟﻴﺮﺍﻧﻪ ﻣﻦ ﺟﺎﻥ ﻋﻤﺮﻱ ١٣ ﺳﻨﻪ ﺍﺑﻮﻱ ﺣﻄﻨﻲ ﺑﺎﻟﺮﻗﺎﻳﺔ ﻳﻮﻡ ﻛﺎﻣﻞ .....
....
....
ﺷﻨﻮ ﺭﻗﺎﻳﺔ ﺭﺍﺷﺪ ﺻﺢ ﺍﻧﻲ ﻣﻮ ﺑﻤﺪﻳﻨﺔ ﺑﺲ ﻣﻮ ﺳﺎﻣﻊ ﺑﻴﻬﺎ ...
ﺣﺒﻲ ﺣﺴﺎﻡ ﺍﻟﺮﻗﺎﻳﺔ ﻫﻴﻪ ﺍﻟﺤﻮﺽ ﻣﺎﻝ ﺍﻟﻤﻜﻴﻨﺔ ﺍﻟﺘﺴﺠﻲ ﺍﻟﺰﺭﻉ .... ﻭﺑﻴﻮﻣﻬﺎ ﺧﻼﻧﻲ ﻧﺺ ﻧﻬﺎﺭ ﺍﺭﺟﻒ ﻣﻦ ﺍﻟﻤﻲ ﺍﻟﺒﺎﺭﺩ .... ﻛﻞ ﻫﺬﺍ ﻭﺍﻧﻪ ﺑﺎﻗﻲ ﻋﻨﻴﺪ ....
ﺍﻛﻠﻚ ﺭﺍﺷﺪ ﺣﻀﺮ ﺭﻭﺣﻚ ﺑﻌﺪ ﺛﻠﺚ ﺗﻴﺎﻡ ﻧﺮﻭﺡ ﻻﻫﻠﻨﻪ ﺍﻣﻲ ﺗﺮﻳﺪ ﺗﺸﻮﻓﻚ ﻭﺗﺮﻳﺪ ﺗﺘﻌﺮﻑ ﻋﻠﻴﻚ ﻭﺗﺮﻩ ﻣﺮﺗﻚ ﺟﺎﻫﺰﺓ ﺗﺮﻳﺪ ﺗﺎﺧﺬﻫﺎ ﻭﻳﺎﻙ ﺑﺲ ﻟﺒﺴﻬﺎ ﻋﺒﺎﻳﺘﻬﺔ .....
ﻳﻤﻌﻮﺩ ﻻﺗﺴﻮﻳﻬﺎ ﻭﺣﺪﻩ ﺑﻮﺣﺪﻩ ﺗﺮﻩ ﺍﻧﻪ ﺑﻠﺨﺪﻣﻪ ﻭﺍﻟﻠﻪ ﻭﻣﺎﻳﻬﻤﻨﻲ ﺍﻟﻔﻠﻮﺱ ﻭﻫﺬﺍ ﺍﻟﺼﻴﺖ ﻭﺭﺛﺘﻪ ﻣﻦ ﺍﺑﻮﻱ ﻭﺍﻧﺖ ﺻﺪﻳﺞ ﻭﻃﻴﺐ ﻭﺗﺴﺘﺎﻫﻞ ﻳﺎﺣﺴﺎﻡ .....
.....
....
ﻭﺭﺩﻩ ﻫﺎﻱ ﺷﺒﻴﺞ ﻋﻤﻪ ﻭﺟﻬﺞ ﺍﺻﻔﺮ ﻭﻣﺎﻟﺞ ﺧﻠﻚ ....
ﻋﻤﻪ ﻣﺎﺩﺭﻱ ﻣﺮﻳﻀﻪ ﻭﺍﺣﺲ ﺑﺪﻭﺧﻪ ﻋﻤﻪ ﻭﺍﻟﺒﺎﺭﺣﻪ ﺑﻠﻴﻞ ﻣﺎﻧﻤﺖ ﻣﻦ ﻭﺟﻊ ﻣﻌﺪﺗﻲ ....
ﻭﻣﺎﻋﺮﻑ ﺷﻨﻮ ﺑﻴﻪ .....
ﺣﺎﻟﺘﻲ ﺗﺪﻫﻮﺭﺕ ﺑﺴﺒﺐ ﺭﺍﺷﺪ ﺿﻠﻴﺖ ﺍﻫﺬﻱ ﺑﺎﺳﻤﻪ ﻭﺣﺘﻪ ﻋﻤﺘﻲ ﺿﻠﻴﺖ ﺍﺻﻴﺤﻬﺎ ﻋﻤﺘﻲ ﺍﻡ ﺭﺍﺷﺪ ﻭﻛﺒﻠﻬﺎ ﺍﻧﺎﺩﻳﻬﺎ ﺑﺲ ﻋﻤﻪ ..... ﺻﺮﺕ ﺍﺗﺎﺫﻩ ﻭﺗﻨﻌﺼﺮ ﻣﻌﺪﺗﻲ ﻭﻳﻨﻤﺮﺩ ﻛﻠﺒﻲ ﻣﻦ ﻳﺠﻴﺒﻮﻥ ﻃﺎﺭﻳﻪ ﺗﻤﺮﺿﺖ ﻭﺍﻧﺴﻠﻴﺖ ﺳﻞ ﺑﺴﺒﺐ ﺭﺍﺷﺪ ﻭﻫﺠﺮﻩ ﺍﻟﻲ .... ﻗﺮﺭﺕ ﺑﺲ ﻳﺠﻲ ﺭﺍﺷﺪ ﺍﺣﺠﻴﻠﻪ ﻭﺍﺑﺠﻴﻠﻪ ﻭﺍﺣﻀﻨﻪ ﻭﺿﻠﻴﺖ ﺍﻓﻜﺮ ﺗﻔﻜﻴﺮ ﺟﻨﻮﻧﻲ ﺿﻠﻴﺖ ﺍﺗﺼﻮﺭ ﺭﺍﺷﺪ ﺑﺎﺣﻀﺎﻧﻲ ﻳﺒﻮﺳﻨﻲ ﻭﻳﺸﻢ ﺭﻛﺒﺘﻲ ﻭﻳﻜﺮﺻﻨﻲ ﻣﻦ ﺧﺪﻭﺩ ﻭﻳﻌﻀﻨﻲ ﻋﻠﻪ ﻛﻴﻒ ﻭﻳﺒﻮﺳﻨﻲ ﻛﻞ ﻫﺬﻱ ﺍﻟﺨﻴﺎﻻﺕ ﻣﺎﺗﺖ ﻭﺍﻧﺘﻬﺖ ﺑﺴﺒﺐ ﺻﻮﺕ ﺍﻟﺮﺻﺎﺹ ﺍﻟﻠﻲ ﺗﻨﺎﺛﺮ ﻋﻠﻪ ﺑﻴﺘﻨﻪ ﻭﺳﻤﻌﺖ ﻭﺍﺣﺪ ﻳﺼﻴﺢ ﺗﺴﻠﻤﻮﻥ ﺣﻤﻮﺩ ﺍﻟﻜﺘﻞ ﺣﻠﻴﻤﻪ ﻟﻮ ﻧﺤﺮﻙ ﻫﺬﺍ ﺍﻟﺒﻴﺖ ﻋﻠﻪ ﺍﻫﻠﻪ .... ﺍﻟﻜﻢ ﻣﻬﻠﻪ ﻳﻮﻣﻴﻦ .....
ﻛﻞ ﺍﻟﺒﻴﺖ ﺿﻞ ﻳﺼﺎﺭﺥ ﻭﻳﺼﻴﺢ ﻭﻃﺐ ﺷﻴﺦ ﺣﺎﺗﻢ ﻫﺪﻩ ﺍﻟﻮﺿﻊ ﻭﻛﺎﻝ .....
ﻫﺬﺍ ﺍﻟﺸﻲ ﻃﺒﻴﻌﻲ ﻻﺗﺨﺎﻓﻮﻥ .... ﺍﻫﻞ ﺍﻟﺪﻡ ﻳﺪﻭﺭﻭﻥ ﻋﻠﻪ ﺣﻤﻮﺩ ﻭﺣﻤﻮﺩ ﻳﻤﻲ ﺍﻛﻴﺪ ﻳﺮﻣﻮﻧﻪ ﻭﻳﻄﻮﻧﻪ ﺧﺒﺮ .... ﻟﺤﺪ ﻳﺨﺎﻑ ....
ﻫﺪﻩ ﺍﻟﻮﺿﻊ ﻭﺳﺒﻴﺖ ﺣﺠﻲ ﺭﺍﺿﻲ ﻭﻋﺸﻴﺮﺗﻪ ﺍﻟﻔﺰﺯﻧﻲ ﻣﻦ ﺣﻠﻤﻲ ﺍﻟﺠﻨﺖ ﺣﺎﺿﻨﻪ ﺑﻴﻪ ﻣﺤﺒﻮﺑﻲ ....
.....
....
ﺣﺠﻲ ﺭﺍﺿﻲ ... ﻋﺮﻓﺘﻨﻲ ﻟﻮ ﻻ ...
ﺷﻠﻮﻥ ﺍﻋﺮ٥ﻙ ﻭﺍﻧﺖ ﻃﺎﺏ ﻣﻠﺜﻢ ....
ﻣﻮ ﻣﻬﻢ ﺣﺠﻲ ﺭﺍﺿﻲ ﺍﺷﻴﻞ ﺍﻟﻠﺜﺎﻡ ... ﺑﺲ ﺧﻔﺖ ﺍﻧﻐﺪﺭ ﺑﻬﺎﻟﺪﻳﺮﺓ ﺍﻟﺼﺎﻳﺮﺓ ﻣﻮ ﺍﻣﺎﻥ ..... ﺣﺠﻲ ﺭﺍﺿﻲ ﺍﻧﻪ ﺧﻠﻴﻞ ﺍﻟﺤﻜﻤﺘﻮﺍ ﻋﻠﻴﻪ ﺍﻋﻴﺶ ﺳﻨﻴﻦ ﺑﺮﻩ ﻣﻨﻄﻘﺘﻲ ﺑﺤﻜﻢ ﻏﻠﻂ ....
....
....
ﺧﻠﻴﻞ ﺍﻧﺖ ﺗﺪﺭﻱ ﺍﻟﺤﻜﻢ ﺑﺸﻐﻠﺘﻚ ﻛﺒﻞ ﻋﺸﺮ ﺳﻨﻴﻦ ﻫﻮ ﺍﻟﺸﻴﺦ ﺣﺎﺗﻢ ﻭﺍﻥ ﺟﺎﻥ ﺍﻟﺤﻜﻢ ﻏﻠﻂ ﻟﻮ ﺻﺢ
ﺍﻧﻪ ﻣﺎﺗﺤﻤﻠﻪ .... ﻟﻴﺶ ﺟﺎﻱ ﻛﺎﻧﻤﺎ ﺗﺘﻬﻤﻨﻲ ....
ﻻ ﺣﺠﻲ ﺭﺍﺿﻲ ﻣﺎﺗﻬﻤﻚ ﺑﺲ ﺟﺎﻱ ﺍﺭﻳﺪ ﺍﺭﺟﻊ ﺣﻜﻲ ﺍﻻﻧﺴﻠﺐ ﺳﻨﻴﻦ ﻭﻣﻨﻴﻦ ﻭﻻﺯﻡ ﺍﻧﺖ ﺗﺼﻴﺮ ﻭﻳﺎﻱ .....
ﺍﺳﻤﻊ ﺧﻠﻴﻞ ﺍﻧﻪ ﻋﻨﺪﻱ ﻃﻼﺑﻪ ﻭﻱ ﺣﺎﺗﻢ ﻫﺎﻱ ﺍﻻﻳﺎﻡ ﻭﺍﺫﺍ ﺗﺮﻳﺪ ﺣﻘﻚ ﺻﺪﻛﻨﻲ ﺍﺟﻴﺒﻪ ﺍﻟﻚ ﻣﻦ ﻋﻴﻮﻥ ﺣﺎﺗﻢ .....
....
....
ﺟﻨﺖ ﻛﺎﻋﺪﻩ ﺍﺧﻴﻂ ﺑﺎﻟﺒﻴﺖ ﻭﺿﺎﻳﺠﻪ ﻭﻣﺮﻳﻀﻪ ﻭﺷﻮﻳﻪ ﺍﺣﺲ ﺑﺮﻫﺎﻕ ﻭﺟﺎﻥ ﺍﻟﺮﺍﺩﻳﻮ ﻳﺸﺘﻐﻞ ﻭﻃﻠﻌﺖ ﻣﺠﻤﻮﻋﻪ ﻣﻦ ﺍﻻﻏﺎﻧﻲ ﻭﻫﺰﺗﻨﻲ ﺍﻏﻨﻴﺔ ﺧﻠﺘﻨﻲ ﺍﺑﺠﻲ ﻭﺟﺎﻧﺖ ﺍﺑﻮﺫﻳﺔ ﺗﻨﻄﺒﻖ ﻋﻠﻪ ﻭﺿﻌﻲ ﺳﻤﻌﺘﻬﺎ ﻭﺩﻣﻌﺖ ﻋﻴﻨﻲ ﻭﻣﺎﺣﺴﻴﺖ ﺍﻻ ﻭﺍﻻﺑﺮﺓ ﺗﺒﺰﻧﻲ ﺑﻴﺪﻱ ﻭﺻﺮﺧﺖ ....... ﺑﺲ ﺿﻠﺖ ﻛﻠﻤﺎﺕ ﺍﻻﺑﻮﺫﻳﺔ ﺑﺒﺎﻟﻲ ﻭﺿﻠﻴﺖ ﺍﺭﺩﺩ ﺑﻴﻬﺎ ﻛﻞ ﺷﻮﻳﺔ ...
....
....
ﺣﺒﻴﺒﻲ ﺷﻠﻮﻥ ﺣﺎﻟﻚ ﻭﺻﻔﻪ ﺍﻟﻴﻪ
ﻋﻮﻑ ﺍﻟﻨﺎﺱ ﻛﻠﻬﻪ ﻭﺻﻔﻪ ﺍﻟﻴﻪ
ﻣﺮﻳﺾ ﻭﺻﺮﺕ ﺍﻧﺖ ﻭﺻﻔﻪ ﺍﻟﻴﻪ
ﻣﻦ ﺍﺷﻮﻓﻚ ﻛﻞ ﻣﺮﺽ ﻣﺎﻳﺒﻘﻪ ﺑﻴﻪ
ﻋﺸﻚ ﺍﻟﺮﻳﻒ
ﻋﻠﻲ ﺍﻟﺒﺪﺭ
ﺍﻟﺒﺎﺭﺕ ﺍﻟﺴﺎﺑﻊ
.....
....
ﺍﻟﻴﻮﻡ ﻗﺮﺭﺕ ﺍﺭﻭﺡ ﻭﻱ ﺣﺴﺎﻡ ﻟﺒﻴﺖ ﺍﻫﻠﻪ ﻭﻫﻮ ﻃﻠﺐ ﻣﻨﻲ ﺍﻥ ﺍﻟﺒﺲ ﺟﻤﺎﻍ ﻭﻋﻜﺎﻝ ﻭﺣﺠﺎﻟﻲ ﻋﻦ ﻭﺍﻟﺪﺗﻪ ﻭﻋﻦ ﺍﺧﺘﻪ .... ﻭﻛﺎﻟﻲ ﻧﻮﺍﻝ ﻣﻜﻤﻠﺔ ﺩﺭﺍﺳﺘﻬﺎ ﻭﻛﺎﻋﺪﻩ ﺑﻠﺒﻴﺖ ؟ .....
ﻭﺻﻠﻨﻪ ﺍﻟﺒﻴﺖ ..... ﻭﺗﻠﻜﺘﻨﻪ ﻭﺍﻟﺪﺗﻪ ...
ﻫﻼ ﺑﺎﻟﻨﺸﻤﻲ ﻫﻠﻪ ﺑﺮﺍﺷﺪ ﻫﻼ ﺑﺒﻦ ﺍﻻﺻﻮﻝ ...
ﻫﻼ ﻳﻤﻪ ﺍﻡ ﺣﺴﺎﻡ ﺷﻠﻮﻧﺞ ﺷﺨﺒﺎﺭﺝ ﻭﺿﻌﻴﺘﺞ ﺷﻠﻮﻥ ﺻﺎﺭﺕ ﺍﻥ ﺷﺎﺀ ﺍﻟﻠﻪ ﺍﺣﺴﻦ .....
... ﻧﺤﻤﺪ ﺍﻟﻠﻪ ﻭﻧﺸﻜﺮﻩ ﻳﻤﻪ ﺭﺍﺷﺪ ﻭﻟﻮﻻ ﻓﺰﻋﺘﻚ ﻭﻳﺎﻧﻪ ﻭﺍﻟﻠﻪ ﺑﺤﺎﻝ ﺍﻟﻀﻴﻢ؟ ....
ﻻﺗﻜﻮﻟﻴﻦ ﻫﻴﺞ ﻳﻤﻪ ﺍﺣﻨﻪ ﺍﻫﻞ ﻭﻣﺎﺑﻴﻨﺎﺗﻨﻪ ﻓﺮﻕ ﻭﺍﻟﻴﻮﻡ ﺗﺼﻴﺮ ﻭﻳﺎﻛﻢ ﺑﺎﺟﺮ ﺗﺼﻴﺮ ﻭﻳﺎﻱ ﻭﺗﺼﻴﺮ ﻭﻱ ﻏﻴﺮﻱ .....
ﺷﻮﻳﻪ ﺻﺎﺣﺖ ﺍﻡ ﺣﺴﺎﻡ ...
ﻧﻮﺍﻝ ﺗﻌﺎﻟﻲ ﺳﻠﻤﻲ ﻋﻠﻪ ﺭﺍﺷﺪ ﺗﺮﻩ ﻣﻮ ﻏﺮﻳﺐ ﻭﻫﺬﺍ ﺍﺑﻨﻪ .....
ﻃﺒﺖ ﻋﻠﻴﻨﻪ ﻧﻮﺍﻝ ﻭﺟﻨﺖ ﺍﻧﻲ ﻣﺪﻧﻚ ﻭﺳﻠﻤﺖ ﻭﺟﺎﻥ ﺻﻮﺗﻬﺎ ﺭﻗﻴﻖ ﺟﺪﺍ ﻭﺭﺩﻳﺖ ﺍﻟﺴﻼﻡ ﻭﺍﻧﻲ ﻣﺪﻧﻚ ﺑﺲ ﺭﻓﻌﺖ ﺭﺍﺳﻲ ﻭﻛﺴﺮﺕ ﺍﻟﺨﺠﻞ ﻭﺻﺎﺭﺕ ﻋﻴﻮﻧﻲ ﺑﻌﻴﻮﻧﻬﺎ ......
ﺻﻔﻨﺖ ﻟﻠﺠﻤﺎﻝ ﺍﻟﻠﻲ ﺷﺎﻳﻠﺘﻪ ﻧﻮﺍﻝ ﻭﺍﻟﻌﻴﻮﻥ ﺍﻟﻠﻲ ﺑﺤﻴﺎﺗﻲ ﻣﺎﺷﻔﺖ ﻣﺜﻠﻬﺎ ﺿﻠﻴﺖ ﺻﺎﻓﻦ ﻭﻋﻴﻮﻧﻲ ﻣﺎﻧﺰﻟﻦ ﻋﻦ ﻋﻴﻮﻧﻬﺎ ﺑﻌﺪﻳﻦ ﺧﺠﻠﺖ ﻭﺩﻧﻚ ﻭﺍﺟﺖ ﺻﻮﺭﺓ ﻭﺭﺩﺓ ﺑﺒﺎﻟﻲ .....
.....
....
ﺍﻳﺎﻡ ﻣﺮﺕ ﻭﺍﻧﻪ ﺑﻬﺎﻟﺤﺎﻝ ﺍﻧﺘﻈﺮ ﺍﻱ ﺧﺒﺮ ﻣﻦ ﻣﻦ ﺭﺍﺷﺪ ﻭﻣﺎﻛﻮ ﻭﻻﺣﺘﻪ ﻣﺮﺍﺳﻴﻞ .... ﺯﺍﺩ ﻭﺿﻌﻲ ﺳﻮﺀ ﻭﺗﺨﺮﺑﻄﺖ ﺍﺣﻮﺍﻟﻲ ﻭﺻﺮﺕ ﻣﺎ ﺍﺷﺘﻬﻲ ﺷﻲ ﻭﻻ ﺣﺘﻪ ﺍﻛﻞ ﺷﻲ ﻭﺟﺎﻧﺖ ﻳﺴﺮﺉ ﺗﻮﺍﺳﻴﻨﻲ ﻭﺗﻄﻤﻨﻲ .... ﻭﺗﻬﺪﻳﻨﻲ .....
ﺍﻛﻠﺞ ﻭﺭﺩﻩ ﺍﻧﺘﻲ ﻟﺸﻮﻛﺖ ﻫﻴﺞ ﺗﺒﻘﻴﻦ ....
ﺭﺩﻳﺖ ﻋﻠﻴﻬﺎ ...
ﻟﺤﺪ ﻣﺎﻳﺤﻦ ﻛﻠﺐ ﺍﺧﻮﺝ ﻭﻳﺮﺣﻢ ﺣﺎﻟﻲ ﻭﻳﺸﻮﻑ ﺷﺴﻮﻩ ﺑﻴﻪ ﻭﺑﻜﻠﺒﻲ ....
ﺻﺪﻛﻴﻨﻲ ﻭﺭﺩﻩ ﻣﻦ ﻳﺠﻲ ﺭﺍﺷﺪ ﺍﻧﻪ ﺭﺍﺡ ﺍﺣﺎﺟﻴﻪ ﻭﺍﻛﻠﻪ ﻋﻨﺞ ﻭﺑﺴﺒﺒﻚ ﺍﻛﻠﻪ ﻻﺗﺎﻛﻞ ﻭﻻﺗﺸﺮﺏ .... ﻭﺍﺧﻠﻴﻪ ﻳﺪﻳﺮ ﺑﺎﻟﻪ ﻋﻠﻴﺞ .....
ﺍﻱ ﻋﻔﻴﻪ ﻳﺴﺮﺉ ﺣﺒﺎﺑﻪ ﻭﺍﻟﻠﻪ ﻣﺤﺪ ﻳﻌﺮﻑ ﻭﺿﻌﻲ
ﻏﻴﺮﺝ ﺑﺲ ﻋﻔﻴﻪ ﻣﻮ ﺗﻜﻠﻴﻠﻪ ﻭﺭﺩﻩ ﻛﺎﻟﺘﻠﻲ ﺻﺢ ﺍﺣﺒﻪ ﻭﺍﻋﺸﻜﻪ ﺑﺲ ﻫﻢ ﺍﺧﺠﻞ ﺍﻧﻪ ﺗﺮﻩ ﻭﺧﻮﺍﻓﻪ ﻭﺍﺧﺎﻑ ﻣﻦ ﻋﻤﺘﻲ ﺍﺫﺍ ﺩﺭﺕ ....
.....
....
ﺣﺠﻲ ﺭﺍﺿﻲ ﺍﻟﺤﻚ ﺣﺠﻲ ﺭﺍﺿﻲ ....
ﻭﻟﻚ ﺷﻜﻮ ﻃﻴﺮﺕ ﻋﻜﻠﻲ ﺍﺣﺠﻲ ....
ﺣﺠﻲ ﺭﺍﺿﻲ ﺣﺮﻛﻮﺍ ﺍﻟﻤﻜﻴﻨﻪ ..... ﻭﺍﻟﺰﺭﻉ ...
ﺻﺮﺥ ﺣﺠﻲ ﺭﺍﺿﻲ ﺑﻌﻼﺓ ﺻﻮﺗﻪ ....
ﺑﻮﻭﻭﻭﻭﻭﻳﻪ ﺍﻟﻴﻮﻡ ﺍﺣﺮﻙ ﺍﻟﺮﻳﻒ ﻛﻠﻪ ﺑﺎﻫﻠﻪ ﺍﻟﻴﻮﻭﻡ ﺍﺧﻠﻲ ﺍﻟﺮﻳﻒ ﻧﺎﺭ ﻭﺩﻡ ..... ﻭﻣﺎﺭﻳﺪ ﺍﻋﺮﻑ ﻳﺎﻫﻮ ﺍﻟﺘﺠﺴﺮ ﻭﺣﺮﻛﻬﺎ ... ﻻﻥ ﺭﺍﺡ ﺍﺣﺮﻙ ﺍﻟﺮﻳﻒ ﻛﻠﻪ ... ﻭﻛﻞ ﻭﺍﺣﺪ ﻳﻮﻛﻒ ﻛﺒﺎﻟﻲ ﺍﺣﺮﻛﻪ .....
ﻭﺍﻭﻝ ﺭﺻﺎﺻﻪ ﺭﺍﺡ ﺍﺭﻣﻴﻬﻪ ﺑﻤﻀﻴﻒ ﺣﺎﺗﻢ ﺍﻟﻌﺎﺭ ....
....
....
ﻋﻤﻲ ﺣﺎﺗﻢ ﺍﻧﻪ ﻣﺎﺩﺭﻱ ﺷﻜﻠﻚ ﻭﻛﻞ ﻫﺬﺍ ﺍﻟﺠﺎﻱ ﻳﺼﻴﺮ ﺑﺴﺒﺒﻲ . ﺑﺲ ﻭﺍﻟﻠﻊ ﻳﻌﻤﻲ ﻣﺎﻛﺘﻠﺖ ﺣﻠﻴﻤﻪ ﻭﻻ ﺍﻟﻲ ﺷﻐﻞ ﺑﻴﻬﺎ ....
....
...
ﻭﻻﻳﻬﻤﻚ ﺣﻤﻮﺩ ﻭﻻﺗﻬﺘﻢ ﺍﻧﺖ ﺩﺧﻴﻞ ﻋﻨﺪﻱ ﻭﻣﻦ ﻭﺍﺟﺒﻲ ﺍﺣﻤﻴﻚ ﻭﺍﻱ ﺷﻲ ﻳﺼﻴﺮ ﻋﻠﻴﻚ ﻳﺮﺩ ﻋﻠﻴﻪ ﻭﻳﻈﻞ ﻋﺎﺭ ﺑﻮﺟﻬﻲ ﻃﻮﻝ ﻋﻤﺮﻱ .... ﺑﺲ ﺍﺭﻳﺪﻙ ﺑﺎﻟﻤﻀﻴﻒ ﻣﺎﺗﻄﻠﻊ ﺍﺑﺪ ...
.....
....
ﺑﻬﺬﻱ ﺍﻻﺛﻨﺎﺀ ﺩﺧﻞ ﻭﺍﺣﺪ ﻳﺮﻛﺾ ﻭﻳﻔﺰﻉ ....
ﻋﻤﻲ ﺍﻟﺸﻴﺦ ﻋﻤﻲ ﺍﻟﺸﻴﺦ ﺍﻟﺤﻚ ﻣﻜﻴﻨﺔ ﺭﺍﺿﻲ ﺍﺣﺘﺮﻛﺖ ﻭﺍﻟﺰﺭﻉ ﺍﺣﺘﺮﻙ ﻭﻣﺘﻬﻤﻴﻨﻚ ﺍﻧﺖ ﻭﺍﻟﻴﻮﻡ ﻳﺪﻛﻮﻥ ﺍﻟﻤﻀﻴﻒ ﺑﺎﻟﻠﻴﻞ ‏( ﺍﻟﺪﻛﻪ ﻫﻲ ﺗﻬﺪﻳﺪ ﻟﻠﻤﻘﺎﺑﻞ ﺑﺮﻣﻲ ﻃﻠﻘﺎﺕ ﺭﺻﺎﺹ ﻗﻠﻴﻠﻪ ﺍﻋﻠﻰ ﺑﻴﺘﻪ ‏)
....
....
ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ..... ﺷﺤﺮﻛﻬﺎ ﺍﻟﻤﻜﻴﻨﻪ ... ﺍﻟﺰﺭﻉ ﺷﺤﺮﻛﻪ .... ﻭﻟﻜﻢ ﺍﻧﺘﻢ ﻭﻟﺪ ﻋﺸﻴﺮﺗﻲ ﺍﻛﻮ ﻭﺍﺣﺪ ﺗﺠﺴﺮ ﻋﻠﻪ ﺍﻟﻤﻜﻴﻨﺔ ﻭﺣﺮﻛﻬﺎ ﺍﺣﺠﻮﺍ .....
ﺭﺩ ﻛﻞ ﻣﻦ ﺟﺎﻥ ﺑﺎﻟﻤﻀﻴﻒ ﻭﺍﻗﺴﻤﻮﺍ ﻣﺎﻟﻬﻢ ﻋﻠﻢ ﺑﺎﻟﺼﺎﺭ .....
....
....
ﻫﻨﺎﻙ ﺑﺒﻴﺖ ﺍﻡ ﺣﺴﺎﻡ ﺧﻠﺺ ﺭﺍﺷﺪ ﺍﻳﺎﻡ ﺣﻠﻮﺓ ﻭﺍﺗﻌﺮﻑ ﻋﻠﻪ ﻛﻞ ﺍﻗﺎﺭﺑﻬﻢ ﻭﺍﻟﻜﻞ ﻳﺸﻜﺮﻩ ﻋﺎﻟﻤﻮﻗﻒ ﻣﺎﻟﺘﻪ ﻭﺻﺎﺭﺕ ﻋﻼﻗﺘﻪ ﻃﻴﺒﻪ ﺑﺎﻡ ﺣﺴﺎﻡ ﻭﻧﻮﺍﻝ ..... ﻭﺟﺎﻧﺖ ﻧﻮﺍﻝ ﺧﺮﻳﺠﻪ ﻭﻣﺜﻘﻔﻪ ﻭﺗﻜﺘﺐ ﺧﻮﺍﻃﺮ ﻭﺗﺴﻤﻊ ﺷﻌﺮ .....
ﻧﻮﺍﻝ ﺑﺪﺕ ﺗﺤﺴﺐ ﻟﺠﻴﺔ ﺭﺍﺷﺪ ﻭﺣﺘﻪ ﺍﻣﻬﺎ ﺟﺎﻧﺖ ﺗﻜﻠﻬﺎ ﻣﺎﺗﻠﻜﻴﻦ ﺍﺣﺴﻦ ﻣﻨﻪ ﺍﺑﻦ ﺍﺻﻮﻝ ﻭﺍﺣﻨﻪ ﺷﺮﻃﻨﻪ ﻣﻦ ﺗﻜﻔﻞ ﺑﻌﻼﺟﻲ ﺗﺼﻴﺮﻳﻦ ﺯﻭﺟﺘﻪ .....
ﻣﺎﺭﻓﻀﺖ ﻧﻮﺍﻝ ﺍﻟﻔﻜﺮﺓ ﻭﺟﺎﻧﺖ ﺑﺨﻴﺎﻟﻬﺎ ﺗﺘﻐﺰﻝ ﺑﺮﺍﺷﺪ ﺍﻟﺮﻳﻔﻲ ﺍﻻﺻﻴﻞ ﻭﺩﺯﺗﻠﻪ ﺭﺳﺎﻟﻪ ﺑﻮﺭﻗﻪ ﻛﺘﺒﺖ ﻟﻪ ﻓﻴﻬﺎ ﺷﻌﺮ ﺍﺑﻬﺮ ﺭﺍﺷﺪ ....
ﻟﻢ ﺍﻫﺪﻱ ﺍﺣﺪﺍ ﻣﻦ ﻗﺒﻞ ﻫﺬﻩ ﺍﻟﻘﺼﻴﺪﺓ ﺍﺑﺪﺍ ﺍﺑﺪﺍ ﺍﺑﺪﺍ ....
....
....
....
ﺍﻗﺴﻤﺖ ﺍﻥ ﺍﻫﺪﻳﻬﺎ ﻓﻘﻂ ﻟﻤﻦ ﻳﺴﻠﺐ ﻋﻘﻠﻲ ﻭﻗﻠﺒﻲ ﺍﻫﺪﻳﻬﺎ ﻟﻚ ﻻﻧﻚ ﻛﻨﺖ ﻛﺮﻳﻤﺎ ﻣﻌﻨﺎ ﻭﻻﺑﺪ ﺍﻥ ﻧﺮﺩ ﻟﻚ ﻛﺮﻣﻚ
ﺟﺤﺪﺕ ﻋﻴﻨﺎﻙ ﺫﻛﻲ ﺩﻣﻲ
ﺃﻛﺬﻟﻚ ﺧﺪﻙ ...... ﻳﺠﺤﺪﻩ
ﻗﺪ ﻋﺰ ﺷﻬﻮﺩﻱ ..... ﺍﺫ ﺭﻣﺘﺎ
ﻓﺄﺷﺮﺕ ﻟﺨﺪﻙ ......... ﺃﺷﻬﺪﻩ
ﺑﻴﻨﻲ ﻓﻲ ﺍﻟﺤﺐ ..... ﻭ ﺑﻴﻨﻚ
ﻣﺎ ﻻ ﻳﻘﺪﺭ ﻭﺍﺵ .... ﻳﻔﺴﺪﻩ
ﻣﻮﻻﻱ ﻭ ﺭﻭﺣﻲ ... ﻓﻲ ﻳﺪﻩ .
. ﻗﺪ ﺿﻴﻌﻬﺎ ... ، ﺳﻠﻤﺖ ﻳﺪﻩ
......
......
ﻗﺮﺃ ﺭﺍﺷﺪ ﺍﻟﺮﺳﺎﻟﻪ ﻭﻣﺎﻓﻬﻢ ﺍﻏﻠﺐ ﻣﻔﺮﺩﺍﺗﻬﺎ ﺑﺲ ﻓﻬﻢ ﺍﻧﻮ ﻫﻲ ﻣﻦ ﻗﻠﺐ ﻋﺎﺷﻖ ﻭﺍﻥ ﻧﻮﺍﻝ ﺗﺤﺒﻪ ﻭﻫﻨﺎ ﺗﺤﻴﺮ ﺑﻴﻦ ﻧﻮﺍﻝ ﻭﻭﺭﺩﺓ ﺍﻟﻠﻲ ﻟﻮ ﻳﻠﻒ ﺍﻟﺪﻧﻴﺎ ﺑﺎﻛﻤﻠﻬﺎ ﻣﺎﺭﺍﺡ ﻳﻼﻛﻲ ﻣﺜﻞ ﺍﺧﻼﺻﻬﺎ ....
.....
....
ﺑﻠﻴﻞ ﺟﺎﻥ ﺷﻴﺦ ﺣﺎﺗﻢ ﻣﻨﺘﻈﺮ ﺣﺠﻲ ﺭﺍﺿﻲ ﻳﺪﻛﻪ ﻭﺑﺎﻟﻔﻌﻞ ﺛﺎﺭﻥ ١٠ ﺟﻴﻼﺕ ﻓﻮﻙ ﺑﻴﺖ ﺣﺠﻲ ﺭﺍﺿﻲ ﻭ١٠ ﻓﻮﻙ ﺍﻟﻤﻀﻴﻒ ﻭﻫﻤﻪ ﺟﺎﻧﻮ ﻛﻠﻬﻢ ﺑﺎﻟﻤﻀﻴﻒ ﻭﻛﺎﻣﻮ ﻳﺮﻳﺪ ﻳﺮﻣﻮﻧﻬﻢ ﺑﺲ ﻣﻨﻌﻬﻢ ﺷﻴﺦ ﺣﺎﺗﻢ ﻭﻛﺎﻟﻬﻢ ﺍﻟﻴﺮﻣﻲ ﻃﻠﻘﻪ ﻣﻮ ﻣﻨﻪ ﻭﻻﺑﻴﻨﻪ ﻻﺯﻡ ﻧﻬﺪﻱ ﺍﻟﻨﻔﻮﺱ ﻣﻮ ﻧﺼﻌﺐ ﺍﻟﻤﻮﻗﻒ ....
.....
....
ﻳﺒﻌﺪ ﺍﻟﻤﺸﻮ ﻭﺍﻟﻤﺎﻣﺸﻮ ﻭﺍﻟﺮﺩﻭ ......
ﺍﺥ ﻳﺎﺭﺍﺷﺪ ﻭﻳﻨﻚ ﺣﺎﻟﺘﻲ ﺑﻌﺪﻙ ﺗﻐﻴﺮﺕ ﻭﻭﺿﻌﻲ ﻣﺎﻳﻄﻤﻦ ﺗﻌﺎﻝ ﻳﺎﺳﻴﺎﺡ ﻛﻠﺒﻲ ﻭﺭﻳﺤﺔ ﺻﺒﺎﻱ ﺍﻧﻲ ﺍﺻﺮﺥ ﻭﺍﺿﺮﺏ ﺭﺍﺳﻲ ﺑﺎﻟﺤﺎﻳﻂ ﻣﻮ ﻛﺎﺩﺭﺓ ﺍﺳﻴﻄﺮ ﻋﻠﻪ ﻧﻔﺴﻲ ﺿﻠﻴﺖ ﺍﺻﺮﺥ ﺭﺍﺷﺪ ..... ﺍﻧﻪ ﻳﺘﻴﻤﻪ ﻭﺍﻧﺖ ﺍﺑﻮﻱ ﻭﺍﻣﻲ ﻭﺍﻫﻠﻲ ﺗﻌﺎﻝ ﺗﻌﺎﻝ ﺗﻌﺎﻝ ....
ﻭﺍﺟﺖ ﻳﺴﺮﻯ ﺗﺮﻛﺾ ﻋﻠﻰ ﺻﻮﺗﻲ ﻭﻋﻤﺘﻲ ﺍﺟﺖ ﻭﺭﺣﺎﺏ ﻭﻟﻜﻮﻧﻲ ﻧﺎﻓﺸﻪ ﺷﻌﺮﻱ ﻭﺍﺑﺠﻲ ﻭﺍﺻﺮﺥ .... ﻓﻘﺪﺕ ﺍﻟﻮﻋﻲ ﻭﻓﻘﺪﺕ ﺍﻟﺸﻌﻮﺭ ﻭﺍﻧﻲ ﺍﺻﺮﺥ ﻭﺍﺻﺮﺥ ﺗﻌﺎﻝ ﻭﺳﻤﻌﺖ ﻋﻤﺘﻲ ﺗﻜﻞ ﻟﻴﺴﺮﻯ ......
ﺭﻭﺣﻲ ﺑﺴﺮﻋﻪ ﻭﻟﺞ ﻳﺴﺮﻯ ﻃﻜﻄﻜﻲ ﺣﺮﻣﻞ ... ﻭﺭﺩﺓ ﻣﺘﻠﺒﺲ ﺑﻴﻬﺎ ﺟﻦ ﻟﻮ ﺩﺍﻳﺴﺘﻠﻬﺎ ﻛﺎﻉ ﻣﻮ ﺯﻳﻨﻪ .....
ﺳﻤﻌﺖ ﺣﺠﻲ ﻋﻤﺘﻲ ﻭﺭﺩﺕ ﺍﻛﻠﻬﺎ ﻣﺘﻠﺒﺲ ﺑﻴﻪ ﺍﺑﻨﺞ ﺭﺍﺷﺪ ﻣﻮ ﺟﻦ ....
ﻓﻘﺪﺕ ﺍﻟﻮﻋﻲ ﻻﻧﻲ ﺍﺩﻙ ﻋﻠﻪ ﺭﺍﺳﻲ ﻭﻣﻦ ﻛﺜﺮ ﺍﻟﺪﻙ ﻓﻘﺪﺕ ﺍﻟﻮﻋﻲ ﻭﻣﺎﺩﺭﻱ ﺷﻨﻮ ﺻﺎﺭ ....
ﻋﺸﻚ ﺍﻟﺮﻳﻒ
ﻋﻠﻲ ﺍﻟﺒﺪﺭ
ﺍﻟﺒﺎﺭﺕ ﺍﻟﺜﺎﻣﻦ ﻭﺍﻻﺧﻴﺮ
....
...
ﻫﺎ ﺣﺴﺎﻡ ﺷﻠﻮﻧﻚ ..... ﺷﺨﺒﺎﺭﻙ
ﻫﻠﻮ ﺭﺍﺷﺪ .... ﺑﺲ ﻻﺗﻜﻠﻲ ﺍﺭﻳﺪ ﺍﺭﻭﺡ ﻻﻫﻠﻲ ....
ﻭﺍﻟﻠﻪ ﻻﺯﻡ ﺍﺭﻭﺡ ﻻﻥ ﺍﻟﻮﺿﻊ ﻛﻠﺶ ﻣﺘﺎﺯﻡ ﻫﻨﺎﻙ ﻭﻃﻼﻳﺐ ﻋﺎﻟﻜﻪ ....
ﺭﺩ ﻋﻠﻴﻪ ﺣﺴﺎﻡ ....
ﺍﻭﻙ ﺍﺳﺒﻮﻉ ﻭﺭﺍﺡ ﻧﺮﺩﻟﻜﻢ ﺍﻟﺰﻳﺎﺭﺓ ﺍﻧﻲ ﻭﺍﻣﻲ ﻭﻧﻮﺍﻝ .....
....
....
ﺍﻧﺨﺒﺼﺖ ﺑﺪﺍﺧﻠﻲ ﺷﻠﻮﻥ ﻳﺠﻮﻥ ﻫﺎﻱ ﻣﺼﻴﺒﻪ ﻭﻧﻮﺍﻝ ﻭﻳﺎﻫﻢ ﻳﺎﻃﻼﺑﺔ ...... ﺑﺲ ﺷﻠﻮﻥ ﺧﻮ ﻣﺎ ﺍﻃﺮﺩﻫﻢ ....
ﺑﺴﺮﻋﻪ ﻛﺘﻠﻪ ﺣﻴﺎﻙ ﺍﻟﻠﻪ ﺑﻜﻞ ﻭﻗﺖ ﻳﺎﺣﺴﺎﻡ ﺍﺣﻨﻪ ﺍﻫﻞ ....
.....
..
ﻛﻞ ﺗﻔﻜﻴﺮﻱ ﺟﺎﻥ ﺑﺒﻮﻱ ﻭﺑﻮﺿﻊ ﺍﻟﺴﻠﻒ ﻭﺑﺤﺒﻲ ﻟﻮﺭﺩﻩ ﻭﺍﻋﺠﺎﺑﻲ ﺑﻨﻮﺍﻝ ﻭﺻﺮﺕ ﺍﻓﻜﺮ ﻃﻮﻝ ﺍﻟﻄﺮﻳﻖ ﻟﺤﺪ ﻣﺎﻭﺻﻠﺖ ﻟﻠﺮﻳﻒ ....
.....
...
ﺍﻟﻴﻮﻡ ﺍﻧﻪ ﺍﺣﺘﺮﻛﺖ ﻣﻜﻴﻨﺘﻲ ﻭﺯﺭﻋﻲ ﻭﻣﺎﺣﺠﻴﺖ ﻭﺩﻛﻴﺘﻬﻢ ﻭﻣﺎﺭﺩﻭﺍ ﻋﻠﻴﻪ ..... ﻳﻌﻨﻲ ﻣﺴﺘﻬﺰﺃﻳﻦ ﺍﻧﻪ ﻗﺮﺭﺕ ﺍﺣﺮﻙ ﻣﻀﻴﻒ ﺣﺎﺗﻢ .....
ﻛﻞ ﺍﻟﻠﻲ ﺳﻤﻊ ﻛﻼﻡ ﺣﺠﻲ ﺭﺍﺿﻲ ﺍﻧﺼﺪﻡ ﻭﺍﺗﻔﺎﺟﺎ ﺻﺢ ﺍﻟﻤﻜﻴﻨﻪ ﺍﺣﺘﺮﻛﺖ ﻭﺍﻟﺰﺭﻉ ﺑﺲ ﻣﺎﺗﻮﺻﻞ ﺣﺮﻙ ﺍﻟﻤﻀﻴﻒ ...
ﺣﺠﻲ ﺭﺍﺿﻲ ﺍﺣﻨﻪ ﻧﻌﺘﺮﺽ ﻭﺍﻟﻤﻀﻴﻒ ﺣﺮﻛﺘﻪ ﻣﻮ ﻫﻴﻨﻪ ﻭﻣﺎﺻﺎﻳﺮﻩ ﻛﺒﻞ ﺍﺑﺪﺍ ....
ﻋﺼﺐ ﻋﻠﻴﻬﻢ ﻭﺻﺎﺡ .....
ﺗﺤﺠﻮﻥ ﺑﺎﻟﻌﻴﺐ ﻭﺍﻟﻤﺴﺘﺤﻪ ﻭﺯﺭﻋﻜﻢ ﻭﻣﻜﻴﻨﺘﻜﻢ ﺣﺮﻛﻮﻫﻦ ﻭﺟﺪﺍﻡ ﻋﻴﻮﻧﻜﻢ ﻭﻣﺎﺣﺠﻴﺘﻮﺍ ....
ﻣﺎﺭﻳﺪ ﻣﻨﻜﻢ ﺧﻴﺮ ﻻﻥ ﻣﺎﺑﻴﻜﻢ ﺧﻴﺮ .... ﺍﺭﻳﺪ ﺯﻟﻢ ﺗﺤﻂ ﺍﻟﻔﺸﻚ ﺑﺘﻔﻜﻬﺎ ﻭﺗﺜﻮﺭ ﻣﻮ ﺗﺴﻜﺖ ﻋﻠﻪ ﺣﻮﻳﺘﻢ .....
....
...
ﺑﻤﻀﻴﻒ ﺷﻴﺦ ﺣﺎﺗﻢ ﺟﺎﻥ ﺍﻟﻜﻞ ﻳﺤﺴﺐ ﺍﻟﻒ ﺣﺴﺎﺏ ﻟﺤﺠﻲ ﺭﺍﺿﻲ ﻻﻥ ﻳﻌﺮﻓﻮﻥ ﺳﻮﺍﻟﻔﻪ ﻭﺩﻛﺎﻧﻪ ...
ﻋﻤﻲ ﺍﻟﺸﻴﺦ ...
ﻫﺎ ﺣﻤﻮﺩ ﺳﻮﻟﻒ ...
ﻋﻤﻲ ﺻﺢ ﺍﻧﻪ ﻣﺎﻛﺘﻠﺖ ﺣﻠﻴﻤﻪ ﻭﻻ ﺍﻟﻲ ﺩﺧﻞ ﺑﻴﻬﺎ ﻣﺠﺮﺩ ﺍﻧﻪ ﺭﺣﺖ ﺍﺳﺎﻟﻬﺎ ﻋﻦ ﻣﻮﺗﺔ ﺍﺑﻮﻱ ...
ﻋﻤﻲ ﺣﻤﻮﺩ ﺍﺑﻮﻙ ﺻﺎﺭ ﺳﻨﻮﺍﺕ ﻣﻦ ﻣﺎﺕ ﻭﻻﺗﺤﺎﻭﻝ ﺗﻔﺘﺢ ﻣﻮﺍﺿﻴﻊ ﻗﺪﻳﻤﻪ ....
ﺍﻱ ﻫﻴﻪ ﻛﺎﻟﺖ ﺍﺑﻮﻙ ﺍﻧﻜﺘﻞ ﻛﺘﻞ ﻭﺍﻧﻪ ﺭﺣﺖ ﺍﺳﺎﻟﻬﺎ ﻭﻳﻮﻡ ﺭﺟﻌﺖ ﻣﻦ ﺑﻴﺘﻬﺎ ﺷﺎﻓﻨﻲ ﺭﺍﺿﻲ ﻣﻦ ﺭﺟﻌﺖ ﻣﻨﻬﺎ .....
ﺑﻨﺺ ﺍﻟﺪﻳﻮﺍﻥ ﻛﺎﻡ ﻭﺍﺣﺪ ﻭﺻﺎﺡ ....
ﺷﻴﺦ ﺣﺎﺗﻢ ﻻﺯﻡ ﺣﻤﻮﺩ ﻳﻌﺮﻑ ﻗﺼﺔ ﺍﺑﻮﻩ ......
ﺻﺎﺡ ﺷﻴﺦ ﺣﺎﺗﻢ ﺑﺎﻟﺰﻟﻤﻪ ﺍﻛﻌﺪ ﻭﺍﺳﻜﺖ ﻭﻻﺗﺤﺠﻲ ﻣﻦ ﻳﻤﻚ .....
ﻛﺎﻝ ﺣﻤﻮﺩ ﻋﻤﻲ ﺍﺣﺠﻮﻟﻲ ﺧﻞ ﺍﻋﺮﻑ ﺷﻨﻮ ﺻﺎﻳﺮ ....
ﺣﺠﺎﻟﻪ ﺍﻟﺸﻴﺦ ﺣﺎﺗﻢ ﻭﻛﺎﻟﻪ .....
ﺻﺎﺭ ﺧﻼﻑ ﺑﻴﻦ ﻭﺍﻟﺪﻙ ﺍﻟﻠﻪ ﻳﺮﺣﻤﻪ ﻭﺣﺠﻲ ﺭﺍﺿﻲ ﻭﺗﻌﺎﺭﻛﻮﺍ ﻭﺻﺎﺭ ﺻﻴﺎﺡ ﻣﻸ ﺍﻟﺴﻠﻒ ﻛﻠﻪ ﻭﻣﻦ ﺍﻟﺤﺮﻛﻪ ﻭﺍﻟﻌﺼﺒﻴﻪ ﺻﻌﺪ ﺍﻟﻀﻐﻂ ﻭﺍﻟﺴﻜﺮ ﻋﻨﺪ ﺍﺑﻮﻙ ﻭﻣﺎﺕ ﺑﻠﺤﻀﺘﻬﺎ .....
.....
......
ﺑﻬﺎﻻﺛﻨﺎﺀ ﺩﺧﻞ ﺭﺍﺷﺪ ﻟﻠﻤﻀﻴﻒ ﻭﺳﻠﻢ ﻋﻠﻪ ﻭﺍﻟﺪﻩ ﻭﻋﺎﻟﺠﻤﻴﻊ ﻭﻋﺮﻑ ﻛﻞ ﺍﻟﺴﺎﻟﻔﻪ ﻣﻦ ﺍﺑﻮﻩ .... ﻭﻛﺎﻟﻪ ﺍﺑﻨﻲ ﺗﺮﻩ ﺣﺠﻲ ﺭﺍﺿﻲ ﻳﺮﻳﺪ ﻳﻔﺘﻠﻬﺎ ﻭﻳﺤﺮﻙ ﺍﻻﺧﻀﺮ ﻭﺍﻟﻴﺎﺑﺲ ....
ﻭﻛﺎﻟﻬﻢ ﺍﻟﺸﻴﺦ ﺍﺭﻳﺪﻛﻢ ﺍﻟﻴﻮﻡ ﺗﺎﺧﺬﻭﻥ ﺣﺮﺍﺳﻪ ﻭﺗﻨﺘﺒﻬﻮﻥ ﻭﺗﻔﺘﺤﻮﻥ ﻋﻴﻮﻧﻜﻢ ....
.....
....
ﺍﺳﻤﻌﻨﻲ ﻭﻟﻚ ﻭﻓﻚ ﺍﺫﺍﻧﺎﺗﻚ .....
ﻛﻮﻝ ﺣﺠﻲ ﺭﺍﺿﻲ ﺍﺳﻤﻌﻚ .....
ﺗﺮﻭﺡ ﺑﻠﻴﻞ ﻭﺗﺎﺧﺬ ﻭﻳﺎﻙ ﺑﺎﻧﺰﻳﻦ ﺩﺑﺔ ﻟﻮ ﺑﻄﻞ ﺯﻏﻴﺮ ﺗﺮﺵ ﺍﻟﻤﻀﻴﻒ ﻛﻠﻪ ﺩﺍﻳﺮ ﻣﺎﺩﺍﻳﺮ ﻭﺗﺮﻭﺡ ﻣﻦ ﺑﻌﻴﺪ ﺗﺸﻤﺮﻟﻚ ﻧﺎﺭ ﻟﻮ ﻣﺸﻌﻞ ﻭﻫﻮ ﻛﺼﺐ ﻳﻜﺐ ﺑﻮﺣﺪﻩ .....
.....
.....
ﺍﻛﻠﺞ ﻳﻤﻪ ﺭﺍﺳﻠﻨﻲ ﺭﺍﺷﺪ ﻭﻳﻜﻮﻝ ﺍﻻﻭﺿﺎﻉ ﺍﻥ ﺷﺎﺀ ﺍﻟﻠﻪ ﺑﺲ ﺗﺘﺤﺴﻦ ﺗﺠﻮﻥ ﻻﻥ ﻫﺴﻪ ﻋﺪﻫﻢ ﻣﺸﺎﻛﻞ ﻫﻮﺍﻱ .... ﻳﻜﻮﻝ ﻫﻮ ﺧﺎﻃﺐ ﻭﺭﺩﻩ ﺍﻟﺤﺠﺎﻟﻲ ﻋﻨﻬﺎ ﻭﻛﺎﻳﻞ ﻟﺒﻮﻩ ﻳﺮﻳﺪﻫﺎ .....
ﺍﻧﺘﻲ ﺣﺎﺟﻲ ﻧﻮﺍﻝ ﻭﻗﻨﻌﻴﻬﺎ ﺍﻧﻮ ﺭﺍﺷﺪ ﻣﺎﺭﺍﻳﺪ ﻳﺘﺰﻭﺝ ﻭﻫﻮ ﻋﻨﺪﻩ ﺻﺪﻣﻪ ﻣﻦ ﺍﻟﺰﻭﺍﺝ .....
ﻳﻤﻪ ﻫﺎﻱ ﺭﺳﺎﻟﻪ ﺭﺍﺷﺪ ﻻﻥ ﻛﻠﺶ ﺿﺎﻳﺞ ﻫﻮﻩ ﻭﻣﺎﻳﺮﻳﺪ ﻳﻜﺴﺮ ﺑﻜﻠﻤﺘﻪ ﺍﻟﻨﻪ .....
ﻳﻤﻪ ﺣﺴﺎﻡ ﺻﺎﺣﺒﻚ ﺭﺍﺷﺪ ﺳﺒﻊ ﻭﻫﺐ ﺭﻳﺢ
... ﺍﻟﻠﻪ ﻳﻬﻨﻴﻪ ﺑﺤﻴﺎﺗﻪ ﻫﻨﻴﺎﻟﻬﺎ ﺍﻟﺘﺎﺧﺬﻩ ﻫﺬﺍ ﺷﻬﻢ ﻭﺍﺑﻦ ﺍﺻﻮﻝ ﻭﻣﺮﺑﻰ ﻋﺎﻟﻌﺰ ﻭﺍﻟﻨﺨﻮﻩ .... ﻭﻧﻮﺍﻝ ﺍﻧﻪ ﺭﺍﺡ ﺍﺣﺎﺟﻴﻬﺎ ﻭﺍﺻﺮﻑ ﻣﻮﺿﻮﻉ ﺍﻟﺰﻭﺍﺝ ﻋﻨﻬﺎ ....
....
....
ﺟﻨﺖ ﻧﺎﻳﻤﻪ ﻭﻓﺎﻗﺪﺓ ﺣﺴﻴﺖ ﺑﺄﻳﺪ ﻻﺯﻣﻪ ﺍﻳﺪﻱ ﺣﺴﻴﺘﻬﺎ ﺣﻨﻴﺔ ﺍﺑﻮﻱ ﻭﺣﻨﻴﺔ ﺍﻣﻲ ﺣﺴﻴﺖ ﺍﻛﻮ ﺷﻔﺎﻳﻒ ﺗﺒﻮﺱ ﺍﻳﺪﻱ ﻣﺎﺭﺩﺕ ﺍﻓﺘﺶ ﻋﻴﻮﻧﻲ ﺧﺎﻑ ﻳﻄﻠﻊ ﺣﻠﻢ ﻭﺍﻓﺰ ﻣﻨﻪ ..... ﻧﺪﻫﻨﻲ ﺍﻟﺼﻮﺕ .... ﻭﺭﺩﻩ ﻭﺭﺩﻩ .... ﻋﺮﻓﺘﻪ ﺻﻮﺕ ﺭﺍﺷﺪ ﻭﻓﺘﺤﺖ ﻋﻴﻮﻧﻲ ﻭﺟﺎﻥ ﻣﺤﺪ ﻳﻤﻨﻪ ﻓﺰﻳﺖ ﻭﺣﻀﻨﺘﻪ ﺑﻘﻮﺓ ﻭﺷﻤﻴﺖ ﺭﻛﺒﺘﻪ ﻭﺻﺪﺭﻩ ﻭﺣﺎﻭﻝ ﻳﺒﻌﺪﻧﻲ ....
ﻭﻟﺞ ﻣﺠﻨﻮﻧﻪ ﺷﺒﻴﺞ ....
ﺍﻱ ﻣﺠﻨﻮﻧﻪ ﺑﻴﻚ ﺍﻧﻪ ﻭﻧﺎﺫﺭﻩ ﻧﺬﺭ ﻣﻦ ﺍﺷﻮﻓﻚ ﺍﻻ ﺍﺷﻤﻚ ﻭﺍﺣﻀﻨﻚ .....
ﻫﻤﺲ ﺑﺎﺫﻧﻲ ﻋﻠﻪ ﻛﻴﻒ ﻛﺮﺏ ﺷﻔﺘﻪ ﻣﻦ ﺍﺫﻧﻲ ﻭﻫﻤﺲ .....
ﻭﺭﺩﻩ ﺣﺒﻲ ﺧﻄﺒﺘﺞ ﻣﻦ ﺍﺑﻮﻱ ﻭﻭﺍﻓﻖ ﺑﺲ ﺗﺨﻠﺺ ﺍﻟﻄﻼﻳﺐ ﻣﺎﻝ ﺍﻟﻌﺸﻴﺮﺓ .... ﻭﺑﺎﺳﻨﻲ ﻳﻢ ﺍﺫﻧﻲ ﺑﻮﺳﺔ ﻧﺴﺘﻨﻲ ﺷﻨﻮ ﺳﻤﻌﺖ ﻣﻦ ﺣﺠﻲ ....
....
....
ﺟﺎﻥ ﺍﻟﻠﻴﻞ ﺣﻠﻮ ﻭﺍﻻﺣﻠﻪ ﻭﺟﻮﺩ ﺭﺍﺷﺪ ﻳﻤﻲ ﺟﺎﻥ ﻳﺴﻮﻟﻔﻠﻲ ﻭﻳﺤﺠﻴﻠﻲ ﺷﻠﻮﻥ ﻳﻔﻜﺮ ﺑﻴﻪ ﻟﻴﻞ ﻧﻬﺎﺭ ﻭﺟﺎﻥ ﻛﻞ ﻣﺎﻳﺴﻮﻟﻒ ﻣﻮﻗﻒ ﻳﻌﺼﺮ ﺍﻳﺪﻱ ﺑﺮﻗﻪ ﻭﺍﻧﻲ ﺍﺫﻭﺏ ﺑﻬﻤﺴﺎﺗﻪ ...... ﻭﻓﺰﻳﻨﻪ ﻋﻠﻪ ﺻﻮﺕ ﻣﻦ ﻳﻢ ﺍﻟﻤﻀﻴﻒ ...
ﺍﻟﺰﻣﻮﻩ ﺍﻟﺰﻣﻮﻩ ...... ﻻﺗﺨﻠﻮﻧﻪ ﻳﺸﺮﺩ .....
ﺟﺎﻧﺖ ﻟﻴﻠﻪ ﻇﻠﻤﻪ ﻭﻃﻔﺮ ﺭﺍﺷﺪ ﻣﻦ ﻳﻤﻲ ﻭﺭﺍﺡ ﻳﺮﻛﺾ ....
....
...
ﻃﺒﻴﺖ ﻟﻠﻤﻀﻴﻒ ﻭﻟﻜﻴﺖ ﺯﻟﻤﻪ ﻣﺘﻠﺜﻢ ﻭﻭﻣﺠﺘﻔﻴﻨﻪ ﻳﻢ ﺍﺑﻮﻱ ....
ﻛﻠﺖ ﻫﺬﺍ ﻣﻨﻮ ....
ﺭﺩ ﺍﺑﻮﻱ ....
ﻛﺎﻝ ﻋﻮﻓﻮﻩ ﻟﺤﺪ ﻳﺼﻴﺢ ﻋﻠﻴﻪ ﻭﻟﺤﺪ ﻳﻀﺮﺑﻪ ....
ﺷﻨﻮ ﻣﺎﻧﻀﺮﻳﻪ ..... ﻫﺬﺍ ﺭﺍﺩ ﻳﺤﺮﻙ ﺍﻟﻤﻀﻴﻒ ....
....
...
ﺷﻤﺮ ﺭﻭﺣﻪ ﻳﻢ ﺍﺑﻮﻱ ﻭﻛﺎﻟﻪ ﺩﺧﻴﻠﻚ ﻋﻤﻲ ....
....
...
ﻓﻜﻴﻨﻪ ﺍﻟﺠﺘﺎﻑ ﻭﻓﺘﺤﻨﻪ ﺍﻟﻠﺜﺎﻡ ﻭﺗﻔﺎﺟﺌﻨﻪ ﻟﻜﻴﻨﺎﻩ ﺧﻠﻴﻞ .... ﺍﻟﺠﻠﻮﻩ ﻛﺒﻞ ﺳﻨﻴﻦ ﺑﺴﺒﺐ ﺗﻬﻤﻪ ...
ﻛﺎﻟﻪ ﺍﻟﺸﻴﺦ ﺍﺣﺠﻲ ﺧﻠﻴﻞ ﻭﻻﺗﺨﺎﻑ ﻭﺑﺪﺍ ﻳﺤﺠﻲ ....
ﺍﻧﻪ ﻭﺩﺍﻧﻲ ﺣﺠﻲ ﺭﺍﺿﻲ ﺍﺣﺮﻙ ﺍﻟﻤﻀﻴﻒ ﺣﺘﻪ ﺍﺧﺬ ﺛﺎﺭ ﺍﻟﻤﻜﻴﻨﻪ ﻭﺍﻟﺰﺭﻉ ....
ﻛﺎﻟﻪ ﺍﻟﺸﻴﺦ ....
ﺑﺲ ﺍﺣﻨﻪ ﻣﺎﺣﺮﻛﻨﻪ ﺯﺭﻉ ﻭﻻ ﻣﻜﻴﻨﻪ ...
ﺭﺩ ﺧﻠﻴﻞ ﺍﻱ ﺍﺍﺩﺭﻱ ... ﺍﺩﺭﻱ ﺍﻟﺤﺮﻛﻬﻦ ﺣﺠﻲ ﺭﺍﺿﻲ ﺣﺘﻪ ﻛﻞ ﺍﻟﻨﺎﺱ ﺗﻄﻠﻊ ﻋﻠﻴﻚ ﻭﺗﻄﻠﻊ ﺿﺪﻙ ﻭﺗﺘﺤﺎﺳﺐ ﻭﺍﻧﺖ ﻣﻠﻔﻲ ﺑﻤﻀﻴﻔﻚ ﺣﻤﻮﺩ ....
...
...
ﺭﺩ ﺣﻤﻮﺩ ﻋﻠﻴﻪ ...
ﺑﺲ ﻳﺎﺧﻠﻴﻞ ﺍﻧﻪ ﻣﺎﻛﺘﻠﺖ ﺣﻠﻴﻤﻪ ....
ﺭﺩ ﺧﻠﻴﻞ ﻭﻫﻮ ﺧﺎﻳﻒ
ﺍﻋﺮﻑ ﻣﺎﻛﺘﻠﺘﻬﺎ ﺍﻟﻜﺘﻠﻬﺎ ﺣﺠﻲ ﺭﺍﺿﻲ ﻻﻥ ﺧﺎﻑ ﺗﻜﻠﻚ ﻟﻴﺶ ﺍﺑﻮﻙ ﺍﻧﻜﺘﻞ ﻭﺗﻈﻞ ﺗﺪﻭﺭ ﺛﺎﺭﺍﺕ .... ﻭﺛﺎﺭﺍﺗﻚ ﺗﺼﻴﺮ ﻭﻱ ﺣﺠﻲ ﺭﺍﺿﻲ ....
....
....
ﻛﺎﻟﻬﻢ ﺷﻴﺦ ﺣﺎﺗﻢ ...
ﻫﺬﺍ ﺣﺠﻲ ﺭﺍﺿﻲ ﺣﻴﻪ ﻭﺳﻤﻬﺎ ﻣﺎﻳﺨﻠﺺ ﺍﻻ ﺑﻜﻄﻊ ﺭﺍﺳﻬﺎ .... ﻭﻛﺘﻞ ﺣﻠﻴﻤﻪ ﻭﺭﺍﺩ ﻳﺬﺑﻬﺎ ﺑﺤﻤﻮﺩ ....
ﻭﺍﻧﻄﻪ ﺳﻼﺣﻪ ﻟﺤﻤﻮﺩ ﻭﻛﺎﻟﻪ ﺭﻭﺡ ﺍﺧﺬ ﺛﺎﺭ ﺍﺑﻮﻙ ﻳﺎﺣﻤﻮﺩ ... ﻭﺍﻧﺖ ﺧﻠﻴﻞ ﻣﺠﺎﻧﻚ ﻫﺎﻟﺴﻠﻒ ﻭﻣﺎﺗﻄﻠﻊ ﻣﻨﻪ ﺍﺑﺪﺍ ....
ﺍﻧﺘﻬﺖ
للكاتب...#علي_البدر
تحياتي
#روووعه