حضريه بالصعيد
الحلقه 1
في قريه صغيره من قري الصعيد الفقيره المهمشه من الخدمات وما الي ذلك كباقي بلدان الصعيد المهمشه والقري التي ينقصها الخدمات
يقطن عابد فتي في الخامس والعشرين من عمره
ولكنه قوي البنيه حاد الطباع معه دبلوم تجاري
ويشتغل ف الفلاحه مع والده في بعض القراريط المستاجره مع بعض المملوكه لهم ويهتمون ايضا بارض رجل غني يملك مساحات من الاراضي فوالد عابد وهو الحاج عبد الواحد يراعي الارض لهذا الرجل الغني لانه لا ياتي هذه البلده الا نادرا
بسبب مشغولياته الجسيمه ف القاهره فهو لم يات اليها منذ صغره فقد تزوج وانجب بالقاهره وعاش بها ونسي البلد ومن فيها لولا وجود عبد الواحد فهو همزه الوصل بينه وبين الارض
اما عبد الواحد فهو رجل فقير يجري علي لقمه عيشه من اجل ابناءه وستر بناته ولا يؤرقه الا ولده عابد الذي يكره الفقر الذي فيه ويكره عيشته ولا يريد المكوث بهذه القريه
حتي ان ابيه يريد تزويجه وان يشير الي اي فتاه حتي ابنه عمه فالجميع يتمني ان يحظي به ولكنه زاهد في كل ذلك ويقول لابيه
عابد :اتزوج منين ياابه وكيف
عاوزني اتجوز كيف ماتزوجت واخلف اعيال ف يعيشوا ف الفقراللي عيشته
و يطلعو يلعنو سالسفين الي جابوني هملني يابوي
اني ماليش ف الفلاحه دي مابحبهاش واصل
ابوه:ياولدي كل خواتك اتزوجو اكده والدار واسعه اتزوج وجيبها تخدم مع امك ف الدار كيف خواتك
عابد :اني ماهتزوجش اكده ولا اجيب حرمه كيف الغفر اكده تخلف وبس وتبليني بالعيال ويطلعو كارهين عيشتهم كيف بوهم
عبد الواحد:ياولدي انا ماعرفش اعمل وياك ايه واصل انت تعبتني
ليه ماطالعش كيف خواتك
كل واحد اللي ف صنعه واللي معانا ف الارض والي سافر
عابد :اني بقي خلقي ضاق من اهنه
ماتشوفلي شغلانه ف الحضر
عبد الواحد :عاوز تهملني لحالي وتهج ع البندر
وعتشتغل ايه عاد
عابد :اي حاجه ماتكلم صاحب الارض دي اشتغل عنده اي حاجه
ابوه:وااه وتهمل ارضك
عابد :اباي ما خواتي اهنه وياك
اهو اجرب حظي يمكن ابقي حاجه كبيره
ابوه :اللي مابجيت ف ارضك هتبجي براها حاجه كبيره
ياولدي مكانك اهنه وسط ارضك وناسك اهنه لو حد مسك بسوء العيله كلياتها هتقف جصاده وتجبلك حقك لكن هناك
وحيد لاعزوه ولا حد واصل وياك
عابد :اني كفايه اجيب حقي بنفسي
وطبنجتي ف يدي ماحدش يقدر ياجي جمبي
عبد الواحد :انت مخك اكده متركب شمال
عابد ؛ يعني هتكلمه
عبد الواحد:ماشي ياولدي
اما اشوف اخرتها معاك
هتفجع جلب امك عليك
وهتخلع جلبي عليك ياولدي
عابد :ماتخافش عليا واصل
واهو نجرب ماعجبنيش الحال بعاود
البلد ماهياش بعيده
ابوه:ماشي ياعابد
...........
تسقط اشعه الشمس الذهبيه علي فيلا وجدي الخولي
رجل له نفوذ قوي وغناء فاحش
وهو والد كارمن ليس له سواها وزوجته توفاها الله ولم يتزوج من اجل ابنته كارمن او كاري كما يناديها
وكاري معها تجاره انجلش تبلغ الحادي والعشرين من عمرها
وهي دلوعه جدا جدا وابيها لا يستطيع رفض طلب لها
او نهرها عن شيء ويترك لها الحبل ع الغارب وهي فعلا متهوره ومستهتره
ولكنها جميله جدا هي بيضاء ذات عيون سوداء كعيون المها واسعه وشعر اسود طويل الي نصف ظهرها ناعم وثقيل
اما عن ملابسها فهي فاضحه كمعظم الشابات في هذا الوسط
المتروكين دون رقيب يفعلون مايشاؤن
............
تدخل الداده لحجره كارمن بعد ان غاب النهار لتوقظها لتبدا يومها حيث انتهي الاخرون
الداده تفتح الشباك ياحبيبتي قومي بقي كوليلك لقمه دانتي طول النهار نايمه ولا دوقتي طعم الزاد
كاري :يوووه ياداده انا راجعه الصبح مالحقتش انام سيبيني شويه
الداده:لا كفياكي نوم لحد كده
قومي حضرتلك الفطار هتقعي من طولك دا العشا هتدن خلاص
كاري:يوووه امري لله
وقامت تاخذ شاور وتعود لتناول الطعام
وبعدها جاءت الداده تاخذ الطعام
ايه ده انتي نازله بردو
كاري :غريبه يعني مانا كده علي طول
هقعد هنا اعمل ايه يعني في حد معايا هنا
داد علي طول ف الشغل او مسافر
وانا لوحدي هنا سيبوني بقي اعيش حياتي انا كمان زي مانا عاوزه
الداده :ياحبيبتي انا خايفه عليكي
كاري :ماتخفيش ياقمر انتي وتقرصها
داده:يابت عيب كده
كاري :يلا باااي وتاخذ السياره بالسواق عم محمد رجل كبير
فوالدها لا يريدها ان تسوق بمفردها السياره ولا بد من وجود السائق معها
فهي ترفض اي بودي جارد معها
لذلك خيرها اما بودي جاردز او السائق ليطمان عليها منه
وتذهب للديسكو فهو مرتع للشباب الفاسد والخمور والمجون
لشباب وبنات غير عابءين الا بملذات الحياه والمتع فقط
ولا يخافون الله ولا يعلمون عقابه وعذابه
فقد نشأوا علي ذلك
تدخل كاري بفستانها القصير العاري
ليتلقفها ماجد وحشتيني
كاري :انت كمان بس انا زعلانه منك كده مش تتصل بيا
ماجد:معلش كيرو سماح بقي انشغلت مع دادي
كاري :اوك المره دي بس
فيقبلها حبيبي انت
أنت تقرأ
حضريه بالصعيد
Любовные романыصعيدي مختلف هذا الكائن الصعيدي الذي تراه لا يصلح ان يكون كائن بشري وهو يراها منحله متسيبه دلوعه ابيهة القاهريه فماذا سيصنع بعد ان جمعهما القدر معا وماذا ستصنع به ويصنع بها هذا ماسنراه بين عابد وكاري
