I love you bah!!! *COMPLETED*

Part 7 *final

[Part 7 *final] I love you bah by Nestabelle

"Tapi harry....sya ndatau ni buli terima kau ka tida....sya masih syang si luke sbenrnya...." sya bilng sma si harry,sbb sya pun ndatau la dpat terima dia ka tida.....wlaupun gaya si luke bgitu tapi sya ttap syang dia.....hm mcam mna ni. Tapi si harry ni baik btul sma sya...sya ndamau lah kasi kecewa dia....
Smpai runah, sya chat si luke, mo minta maaf sbb dia marah sya Kan tapi......dia nda balas pun, dia kasi seen sja....haiya...knp ba dia ni,ndakan dia jeles sya sma si harry? Tapi buat apa jga dia mo jeles kan,bukan dia suka sya jga, sya kan slave dia sja.....aduiiii...matila sya klau dia marah sya eh tpi memang dia mrah sya pun.....lmbat sya tdur pkir psal ni sija heih.
Bisuk pagi dia, si luke teda tunggu sya di gate mcam yg slalu....ini si harry pula yg tunggu.....
"morning angel" debilng smbil snyum hm baiknya di harry ni mcam bidadari sija. "morning harry" sya snyum paksa sija sma dia. "ko masih sedih psal si luke ka ni? Jngan sedih bah, klau ko sedih sya pun sedih ni" "ishhh tidalaaa, jumla jalan" sya bilang pura pura happy, mlas sya mo ckap psal si luke.

*Harry
Masa reht sya pgi jumpa si luke, mo ckap sesuatu sma dia...bukn mo cari gaduh ah, jngn kmu pkir sya mo cari gduh, sya baik jga ni 😂.
Tem sya naik tngga mo pigi klas dia, ngam² ada dia di sana mo turun tangga.
"luke tunggu!" sya bilng sma dia bila dia jalan ja kasi limpas sya. Dia nda jwab dia angkat satu ja kening dia, tanda dia apa la ba tu kan ahahhahaha. "knapa ko layan si angel bgitu?knp ko buat dia mcam slave ko? Wlaupun kmu fake couple, ko nda patut layan dia bgitu, sbb dia memang ada perasaan sma ko suda,ko nda ksian sma dia ka?" "ah? Sukati sya la ba mo lyan dia mcam mna, dia sya punya yg ko sibuk knapa?" "klau ko layan bgitu kasi sakit dia sja bah,klau ko lyan dia bgitu ko buat dia nangis sja,klau ko mmng nda mau dia, kasi lepas la dia,sbb......sbb.....sbb sya mau dia,sya suka dia dan sya janji ndakan sakiti dia!!" yakin sya ckap sma si luke hahhahaha. "ambil lah ba dia, nda jga sya kesah puii" debilng trus dia jalan,sya pusing mo pnggil dia tpi dia teberenti, sya tingu ada si angel sana bwa tangga,ber air suda mata dia, mo nangis kli, nah kan konpom dia dingar apa kmi ckap tadi....adui mcm mna ni! Trus buli buli lgi si luke kadi limpas dia, dia nda lyan si angel pun astga sya bilang.

*Angel Marysia
Sya buli rasa suda airmata sya jatuh,trus sya lari pigi dlam tandas, kunci tu tandas.Menangis ba sya,smpai hati si luke ckap bgitu oh.....kejam la ba jga dia ni.....manusia ka setan dia tu....sya nda kira, biarla urang tau.....lpas skola sya mesti jumpa si luke....mo brenti jadi fake couple dia....dripada sya trus sakit sma menangis sja.....kan?.....
Mcam yg sya ckap, msa pulang sya pigi jmpa dia dulu.
"luke....ada sy mo ckap" sya bilng. "apa cpatla, sya tda msa ni" dia ckap dia nda tingu muka sya pun, dia tingu tmpat lain heih. "sya rasa kita buli stop suda jadi fake couple ni....sbb ko pun nda selesa sma sya kan,kan ko benci sya....jadi...sya ptut kasi lepas ko la, lgipun kan kita ni fake couple ja,thank u la untuk smua ok...hehehe em....okla tu sja" sya bilng smbil snyum pdahal tu mata beair-air suda mo mennagis,sya than sja. ".....bah" debilng si luke trus dia jalan....stu kali lgi sya nangis....haih tapi bila mo smpai gate skola, trus sya lap lap airmata sya sbb sya nmpak ada si harry,mlas sya nnti dia tnya tnya lagi...
"angel....psal tdi tu..." "tepala tu harry, suda brlalu, kami teda apa apa suda ni" sya bilang smbil snyum paksa sma dia....
"emm okla....angel..." "knapa tu?" "sya mo bwa ko pigi date hari minggu ni! Wlaupun kta blum couple,sya mo kasi tunjuk yg sya akan jadi yg trbaik untuk kau" sya snyum ja smbil angguk² sma si harry....hmmm mungkin...sya ptut bagi peluang sma si harry?kan...lgipun dia baik...dan...sya ptut kasi lupa si luke......hm...

Harini sya sma si harry pigi 'date' eh yakaaa emm.Sya pkai dress wrna pink sma sandal ja, rmbut sya sanggul hihi.Ni la msa dia sya mo buka hati untk si harry kan? Jam 5 petang si harry ambl sya d rumh, dia ada driver sndiri hm besala anak urang kaya.Kmi jlan petang sbb kami mo kluar smpai mlam hihi, bukn kami buat benda nda bgus jga, smpai jam 8 malam ja beii, kmi p mkan, jlan jlan, main gameee, tu ja beiii teda lain hihi.
"uuiiiiiyooo cantik oh ko ni hari angel....ehh hari hari cantik ba pula ko ni😏" debilang si harry aiyaaa pndai memikat hati pula dia ni, wlaupun pendiam si klas hahahahha. "aiii pandai suda😆" sya bilng . "pndai apa?" "pndai puji urang la" "ish, ingat sya budu ka😂?" "tidala ba ko ni ish😝" trus kami ketawa ketawa, smpai ja di kadai trus kami turun. "jam 8 ambil kami ok" debilng si harry sma tu driver dia" "ok tuan" woowwwww kana panggil tuan ohhh wuuu ehhh over pula sya ni hahahahhaha.
"bah jdi kita pigi mna dulu ni?" debilng si harry. "emmm kita pigi main game la!" "bah marila" trus kami pgi main game...bnyak game kmi main,ada jga kmi main tu game yg mnari nari tu,pandai si luke mnari oooo tepikat hati sya sikijap hihihihi....tapi....bila sya tingu dia mnari...trus sya teingat yg sya sma si luke tu hari...rindu pula....hm aishhh, ptutnya sya nda payah pkir psal tu, bkin sakit hati ja...haih..
Stiap game yg kmi main, mesti sya teingat si luke....ish budu bah ni utak, pkir psal luke ja...suda la sya berusaha mo pjuk hati sya untk trima si harry ni skarang ish!!
Skarang jam 6:30 suda, puas suda kami main game ahahhaha. "bahh skarang kita pigi mna?" sya tnya si harry, psal panat suda kami main game tdi ka. "kita pgi makan la,sya pun blum mkan ni, lapar ni hehe" "bah bah marilaa"
Trus kami pigi mkan, kmi pigi mkan saaaanaaaaaaa kepsi hihihi. Bnyak si harry order, sbb dia blanja debilng, sya bilng biarla sya byar sndiri mkanan sya, mo jga dia byar ish. Sudala dia order bnyak, trus kami nda dpat kasi hbis, bkin sayang ja,tpi last last hbis jga,psal si angel ni kan kuat mkan 😝
"gila kanyang sya oh" sya bilng sma si harry.
"ko ni, suda gila, kanyang lagi, apamcam bah ko ni 😂" trus sya tersengih sengih sija ktawa.Lpas kami crita² sikjap,rehat² skjapa trus kami decide mo pigi sanaaa clock tower (sia reka reka sija 😃😂😂) sana tmpat dia cantik,bnyak lampu lampu, ngam pigi sma boifren ahhahahahahaha.Sedang sya gmbar gmbar kawasn di sna, tba tba si harry ckap "angel...." "knapa harry?" sya tnya dia, sbb mcam serius btul muka dia ni. "ko suda pkir psal sya ka? Maksud sya....ko buli trima sya suda ka....?" trus sya tediam, nda te jawab......lma sya bepikir mo dkat 2 mnit, baru sya jwab dia,tapi baru sya mo jwab dia, tba tba tngan sya kana tarik oleh sturang lelaki,yg sya knal btul bau dia....

*Luke Andrew
Ih budu btul bah sya ni! Jujur sjala ba sma si angel yg ko suda suka dia, ini mo mokirayou lagi, tembirang btul. Btul btul batu ba hati sya ni! Keras kepala lagi aduiii.
Aihhh stress sya pkir psal tu,masa nda buli diulang, jadi sya decide jlan jlan pigi sna clock tower. Cantik pula tmpt dia sini, knapla sya sma si angel nda pigi sini dulu haih..knapa ba ni angel saja dlam kepala sya!!!! Mlas btul sya ish!!!! Sedang sya stress² tba tba sya dingar suara si harry. "ko suda pkir psal sya ka? Maksud sya....ko buli trima sya suda ka....?" sya pusing sya tingu, ada dia sma si angel.....sya patut jujur sma di angel skrang....daripda sya stress hari hari...trus sya tarik tangan dia.
"sorry, sya mo ambil dia balik." slamba ja sya ckap bgitu sma si harry, astga punya tembirang sya ni! Tebulat mata si angel tingu sya, rindu sya tingu muka dia eh. "l-luke..." debilng si angel.... "sorry harry, tpi sya sdar yg sya memang jatuh cinta sma dia suda cuma sya nda brani ckap ja, jdi sya mo buat dia milik sya blik, sorry sngt sngt." sya redy redy suda mo kana sut di harry, aii dia snyum pula. "hm,tepala bgus la,janji sma sya ko lyan dia bgus bgus, bukan mcam slave, sbb smua prempuan berharga dlam dunia ni" debilng smbil snyum sma sya, trus dia tepuk tepuk bahu sya...baiknya dia ni bukan mcam sya ni, mcam setan 😌
"i guess, this end here,luke akan jga ko bgus bgus, angel sya balik dulu ok? Thanks for today" si luke bilng sma si angel. "no harry, ptutnya sya yg ckap sma ko thank you for today...and take care harry....once again thank you" debilng si angel. Trus dngan bgitu si harry hilang dri pandangan mata esehmennn...

*Angel Marysia
Punya tkejut sya si luke buat bgitu. Sya tingu muka dia lma lma, mngelamun kan 😂.
"knp? Hnsem?" debilng tiba tiba, trus baru sya sedar dri lamunan sya. "ya,ko la yg pling hnsem😝" sya bilang sma dia, trus dia malu malu kunun, ih mokirayou btul. "angel...sbenrnya sya mo mnta maaf sma kau, psal smua yg sya buat, smua yg sya ckap sma kau...sorry...sya harp ko dpat maaf kan sya..." dia bilng sma sya smbil tunduk. "tiapala luke, suda brlalu kan...sya suda maafkn ko jga" sya bilang smbil kasi tunjuk snyuman sya paling manis esehmennn. "angel...sya sbenrnya s-suka kau.... " gagap gagap dia bcakap, aiya punya lucu 😂😂😂
"emm....jadi....kita jadi couple btul btul buli?😆" "yaa.....😊" trus tediam sikijap........krik krikkkkk~~~
"I love you😗" sya bilng sma si luke, budu bah sya, sya pun ndtau knapa buli tcakap bgitu, silaka pnya mulut! "I-i love you t-too" msih lgi tegagap² dia bcakap, palan suara dia. "apaaaa?sya nda dngar, cuba ulang 1 kali lagi😏" sngaja sya olo olo dia hhihihihihihi. "I-I love u.." debilng lagi.... "ishh sya nda dngar bah, ckp kuat skit" blum puas lagi sya olo olo dia ahahhahhahah. "Ish I LOVE YOU BAH!!!" debilng trus smua urang tingu kami.Aiyaa silaka bikin malu sija...tapi untung sna smua sporting, durng besiul siul sma kmi esehmennnn. Trus sya sma dia snyum snyum sja...hahahhaahhaha, jdi start sna kami jdi couple btul btul suda! Yay!!

Yayyyy happy ending!! Happy suda si angel🎉💕bahhhh nntikan crita baru okay?? Thank u for ur support and thank u for reading 🤗💘 God bleds u all! 🙏-nestabelle