بين_الماضي_والحاضر#البار#
ت الرابع
غدير وسام
ضيغم .جاي
هن. لا حبيبي . لاتجي
هو .... كام يسمعني كلام ومن ماطيته مجال تعرضلي بس الله عليك لاتعصب ولاتسوي مشكله
ضيغم ...ماراح اتعصب ولا راح اسويله شي ..ولو اتمنه اجي اسحل الخلفه بس بشرط
هند.....شنوووو
ضيغم ...انتي طيحين حضه وتفرجين الكليه عليه تنزعين الي برجلج وتضربي .وتخلين اله حد هو وامثاله
هند ....اني ..مستحيل
ضيغم ..ليش مستحيل .. بشنو هو متفوق عليج ..رجال لا مو رجال وافعاله مو افعال زلمه
هند ...ضيغم ..وين تريد...توصل الي تطلبه .من سابع المستحيلات
ضيغم ...شنو الي صعبه تخافين .بس الي مسوي شي يخاف ..
هند... ممسويه شي اخاف منه لكن ماحب المشاكل افضل ابتعد ...
ضيغم .. واني ماحب البنيه المتخاذله . شلون باجر تصيرين زوجة ملازم بمكافحة الارهاب . اله . وزنه وتلزمين ضهره اذا انتي واحد ... حرمه تحارش بيج ختلتي شوفي هند باجر اريد تجيني الاخبار مداومه ومفرجه الكليه عليه
هند... ضيغم ..انت تحجي صدك لو تتشاقه وياي
ضيغم ..لعد اني اجي واسحله بلكليه
هند . فدوة رحتلك . ضيغم . لاتحطني بين خيارين واحد اصعب من الثاني .
ضيغم ... هند .. اني مجاي اخيرج . لان احب افرض شخصيتي عليج اني اريدج تكونين قويه واشد ضهري بيج
هند ..اني قويه بيك
ضيغم ...ممبين . موقف صغير هزج ..متاكد ابوج اذا ضغط عليج بزواجج من ابن عمج توافقين
هند ..اني قبل لا اعرفك جنت رافضه ومتتمسكه بقراري بدون . حافز او داعي ..مو انوب حبيتك وكمت اشوف الكل بعيني رماد
ضيغم .. ثبتيلي انتي تستحقين الي جاي اسوي علمودج وانج تستحقين الحرب .
هند ..يعني اذا خليتله حد هذا راح يكون اثباني
ضيغم .. نعم ..
هند ..اتفقنا . تجيك الاخبار
ضيغم .. عفيه ببنيتي السباعيه روحي واني بضهرج .من تحجين احجي بزود . لان اني وياج زين بنيتي
هند. انطيتني جرعة قوة وتشجيع . عاليه
ضيغم ... تحسسيني وحده من ذول المدمنين الي اقبض عليهن .هههههه
غدير وسام
هند ... ها ضيغم ..رجعنه
ضيغم .. سكتت . خليج . متعاطيه جرعتج هههههه
ماخرب مزاجج الوردي بس ياهند ..اذا صدك . وسويتي الي كتلج عليه الج هديه الي تريدي
