كل ماتريد معرفته عن Lamar Alzankna
نزلت هالكتاب حتى ندردش بي اسئلة واجوبة ضحك وسوالف اتمنى يعجبكم
اي احد عنده سؤال او استفسار
سواء كان ع الكاتبة
او ابطال القصص
او القصص
مستعدة اجاوب عنها
اهلا وسهلا بحياتي❤❤❤❤
هواي ناس ماعدهم معلومات على كلية التربية البدنية وعلوم الرياضة واني جنت وحدة من هالنالس لذلك من حبيت ادخل هذا الشي تعمقت بي
داشرحلكم عليه حسب طلب احدى المتابعات
كلية التربية البدنية وعلوم الرياضة كلية علمية معترف بيها دوليآ هواي خرجت ابطال قوميين وتعد من الكليات الاساسية لكن مع الاسف تواجه بعض الاستهزاء من قبل البعض اما بالخارج فيقدسون هذه القسم
هذا الكلام على لسان احد الاساتذة في الجامعة👆
يحتوي على عدة اقسام وتخصصات تخصصنه ميعتمد على مرحلة معينة بالاختبارات اختارو لكل وحدة قسم شكلي اني طلعلي كرة قدم بس من داومنة يشوفونه خلال المحاضرات بشنو احنه الاقوة مثلا اذا ب كرة السلة يطلعونة نوادي ومنتخبات وهكذا
اقسامنة العملية كرة سلة🏀 كرة قدم⚽️ كرة يد🏐 كرة طائرة⚾️ تنس🎾 كرة طاولة🏓 سباحة🏊♀️ كرة قدم للصالات🥅 ساحة وميدان🏃♂️ العاب قوى🤼♂️ اثقال (للولد فقط)🏋️♂️ لياقة 🤸♀️ ريشة🏸 جمناستك ايقاعي🤸♂️
هذه الاقسام تتقسم على مراحل كل كم قسم ب مرحلة الى اربع مراحل
عدنه محاضرات نضرية يعني نقرة بيها
هذه المحاضرات النضرية
علم النفس التربوي طرائق التدريس علم التشريح اساسيات كرة السلة انكليزي عربي تاريخ التربية الرياضية حاسوب حقوق كشافة بايوميكانيك احصاء تأهيل تعلم حركي بحث علمي
هواي يضنون الي يدخلون الرياضة بسبب معدلها القليل هذا الشي خطأ عدنا كثير من الطلاب والطالبات معدلاتهم بال ثمانيات لكن دخلو الرياضة بسبب حبهم واكو دخلو لان المعدل قليل
اني الحمد لله جان حلمي الرياضة وان اكون عدائة واني هسه بالطريق لتحقيقية🏃♂️❤❤❤
قبل لا ادخل الرياضة توقعتها بس لعب مثل تفكير البعض لكن من دخلتها شفت صعوبتها ندرس كتب تتجاوز ال ٣٠٠ ورقة وامتحانات ماعدا الاجهاد الجسدي
اني من اول يوم لليوم اصابع قدمي زركت من كثر الضغط الجسدي الي بالمحاضرات العملية
صديقتي نفصخت رجلها بسبب ان الحذاء اكرمكم الله ماجان رياضي
الرياضة مو سهلة مثل ميكول البعض ويستهزرن بيها اكثر الاستهزاء نسمعة من الكليات الاخرى المجاورة النه
كلية التربية الرياضية يدرسون حالهم حال بقية الكليات
كلية التربية الرياضية يتخرجون حالهم حال بقية الكليات
كلية التربية الرياضية مدرسين حالهم حال بقية المدرسين
❤❤❤ المعدل ينحسب اول مرحلة ١٠ درجات ثاني مرحلة ٢٠ درجة ثالث مرحلة ٣٠ درجة رابع مرحلة ٤٠ درجة
ينجمع المعدل ويحسبون اعلى ثلاثة اوائل الكلية
الاول يحق اله يختار اما تعيين اما دراسات عليا(ماجستير)
الثاني يحق له التعيين مدرس
الثالث يتعيين على وزارة الشباب والرياضة
اشكر الجميلة zazosha2003 على سؤالها الي خلاني اكتب كل هذا حتى اوضحلكم عن قسمي واتعمق بي وياكم اكثر عجبني فضولها وحبها للمعرفة استمري حبيبتي وان شاء الله يوم تخرجك وتحققين احلامج وكل الي ببالج❤
اي سؤال تحبون تعرفون أسألو ان كان ع الرياضة او الواتباد او عني اسألو واني مستعدة اجاوبكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
