بيوم الي توفه ابوي !!.. ادمر كل شي بحياتي .
بس أگول لا حول ولا قوه الا بلله . يعني معقول
اكو هيج نماذج من البشر . يطعنون بلضهر حتى ان كنت اقرب شخص الهم . ما يهمهم .
اعرفكم بنفسي اني وهج وعمري ١٨ سادس علمي .
عندي اخ اكبر مني عمره ٢٢ واسمه محمد . هو اصلى
بطل من المدرسه من صف الخامس اعدادي بسبب
الضروف وخلاه يشتغل وحتى ايعيشنه اما ابوي فهو رجال چبير بلعمر ولازمه ادويه وايد تساعده
.
..
.
" يمه فدوه لروحچ ارتاحي أشوي وخلي اني اكمل عليج ". حچيت ويه امي واخذ الماسحه منها ما ترضا تهدها
" لا يمه وهج . انتي اهتمي بدراستج اني اكمل ما ضل شي ." تكلمت امي وهي تبتسملي . اي
تبتسم رغم تعبها حتى ما تحسسني بشي . بادلتها الابتسامه وگلت
" لعد اني راح احضر ألغده . حتى گبل من يجون ياكلون ".
أبتسمت وكالت تمسح على شعري بحنيه
" الله يرضى عليج "
رحت طبيت للمطبخ اسوي الغده . صارت بلوحده الضهر يلى اجه محمد من شغله وباين عليه التعب بوضوح . خطواته بطيئه وبلگوه شايل نفسه
ردت اروح اساعده بتوازنه بس سبقتني مرته سالي
هي راحت شبكته وساعدته ومن شافني بلمطبخ گال
" ألله اشم ريحه طيبه . ولج شمسويه غده "
ضحكت على حچيه الحلو وگلتله
" مسويه دولمه "
چان يضحك ويگول " همزين سويتيها سامر أيحبها . وهااا صدك ترى هو اجه وياي بلاستقبال "
ضليت صافنه دگات گلبي صارت دمار من ذكر اسمه
لا وبعد هو بلاستقبال .فرحت كلش بحيث هو ضل يحچي وياي واني قافنه ومبتسمه مثل الخبله
" يمعوده . مو جاي احچي ويج وين صافنه"
اجيت احچي چان سالي تهز بشفتها بجها اليمنه وتگلب بعيتها وگالت
" حبيبي الروح سامر. اكو غيره بمنو صافنه لعد "
توجهت انضار محمد اخوي ألي ومبين عليه الاستغراب والضوجه وگال
" شتقصدين سالي . وهج شنو علاقتها بسامر"
تلبكت وما گدرت احچي جان أكول اله ابرر
" لا تسيء فهم مرتك ترى جاي تمسلت . هي تدري بيه احب ممثل اسمه سامر " . وأنهيت جملتي بضحكه بشوشه حقيقيه . حتى ما يحس علي
چان يهز براسه ويروح ورادت تروح هم سالي بس كضيتها من ايدها اعصرها وأگوللها بحده
" اسميني زين اذا المره الثانيه تذكرين سامر بهلصوره گدام محمد . والله أله افضحچ . ترى ادري بيها السالفه فلافضل تسكتين احسن الچ حبي "
أنت تقرأ
طيف سامر . رماس
Romanceقصه حب غريبه . بين الحلم والحقيقه الواقع . شخصين من عوالم مختلفه عن الاخر سامر . رماس حين يشتاق حنين الحب . الحب لا يعرف الجنسيه او العمر
