روايـه قلبـ مستـعمل 💔
كتـاباتي soma سنـفوره ❤
الحلقه العاشره 🌷
.........
علي قد ما بكيت اليوم وعلي قد ماضحكت فرحت لانه خالتي غاليه كويسه مع اختي وطيبه مش نفس العزايز التانيات وامال جوها سمح
بدينا نتغدو
اني: تو نوريكم تطيبي اني 🐸
سالي: واضح
اني: من علمك ترااا؟ 😒😒
امال: هههههه ترا ديريلي بتزا
اني: تممم نكملو الغدي بس 🌚
غاليه: مشالله شكلك فالحه
اني: اكيد لو مطلعتش اني الفالحه من بيطلع الفالح😂😂
غاليه :ههههه نجيها يا ربي "اااااه واللهي طول ما انتي في هالحوش ماني مخلياتك تبكي 💔💔اميمتك موصيتني عليكن "تنهدت"
:هي نوووضو للماعين
امال: كح كح كح
اني: هاكي اميه حي تبي دكتووور 💔مستشفي اسعااااف 😂😂"حسيت انه خالتي غاليه فيها حاجه من ورا عالتنهيده "
امال: ههههههه خلاص تو نغسلوهم بس بشرط 🐸
غاليه: اشرطي يا حنه
امال: تخلونا انا واسيل نديرو بيتزا 😂😂
غاليه:قدامكن المطبخ اني بنمشي عندي مشيوير للبر اني والحاج
امال: طريقك زينه 😍😍😍ميه ميه
اني: سؤال سولا ديما هكي والا اليوم بس
سالي: اسكتي 😑😑
امال: هكي متدويش الا للضروره 😂😂😂
اني: الله يعينكم 💔😂"ادكرت مامي في كل ضحكه نضحها ندكرها صعب فراقها هيا مماتتش كان ماتت شن بندير 💔💔"
غاليه: خلاص سالي بري ارقي لراجلك وخلي هالمنجوهات هني 💔🌚
سالي: ههههههه به "طلعت"
اني: بنرفع الماعين سقدي امول"مشت"
امال: هي هي "جت بتنوض وقفتها يد امها
غاليه:يا بنتي مهما كان باي طريقه حاولي تفرحي ميار باللهي. راهو مسكينه البنت امها مستحيل. تعيش 💔💔
امال: حاضر 💔💔في عيوني ميار"مشت
اني"حطيت الماعين ونشوف فوق نزلت دمعه مني حااااررره ساااخنه من اعماق قلبي وغصه في بلعومي عرفتوها هديكا!!
منير "حي تبكي امي موصيتني نضحكها كل ما نشوففها هدي بتكون مرتي وامي قتلي حاول تخترق قواعد متع بنت وعيب تكلمها ".بخخخخخخخ
اني: اااااااهه 😭😭😭😭😭😭اااااااه اهههه "مصدقت نحصل موقف او شي يخليني نبكي مش ننزل دموعي الباقيات "
غاليه :شن صاااايييرررررر
عمي جي اسمه عمر
عمر: شن فيه 😱😱😱😱
اني"من بين دموعي ":اسفه اسفهه
عمي عمر :يا بنتي خيرك تبكي
اني:لا لا شي غير ولدك خلعني 💔💔😭
منير: اسف "طلع"
عمي عمر: ارفعي راسك يا بنتي احني كيف اهلك ممتتحشميش مني اني شيباني بعكوزي
اني :ههههههه 😂'?"نمسح في دموعي"
امال: يالا بوي برا بنغسلو الماعين حني
عمي عمر:نقولك حاجه برو اعماي للبر
امال: تمممم غر راجو شوي 😂شن وايك ميار
اني: لا اني منقدرش بابي منقدرش اااه
عمي عمر: بابك موصيني عليك وقالي علي مسؤليتك واني قتلك بتمشي عادي
اني: باهي نسال سولا
امال: اغسلي الماعين وين هاربه 😂😂
اني: هههههه به
غسلنا الماعين وكانو شويا هما المهم رقيت لسولا وطقيت الباب
سالي: باهي هي"فتحت الباب كانو عيونها فاضحاتها صح هيا كتومه بس اني نفهم فيها "
اني: سولا ااااه قالي عمي عمر امشي اعمانا للبر اني وامال عادي؟
سالي: اي به بري
اني: صحيتي "خشيت لبست عبايتي وطلعت "
امال: شن جاهزه
اني: ايي
امال: هياا يماا
اني "ياااارب متحرمنيش من هالكلمه مامي يما امي المهم منبيش نقولها او حد يدكر اسمها ويقولو الله يرحمها حي اني معرفتش وين منتشر؟ !!اااه مش مهم خلي الحزن وراك ووكلي الامر لي ربي "
غاليه: هي هي
عمي عمر:باي سياره تبونا نمشو
امال: بالبيجو 😂😂😂😂😂
اني: هههههههههههههه ه ههههههههههه"هالضحكات كانو من اعماق قلبي وفجاه حسيت انه الضحك مش ليا الضحك لغيري تنهدت وسكتت"
غاليه: تامشي بسياره عاديه وخلاص
امال: عندي فكررررههههه 😍😍😍😍
اني: شنوووو
عمي عمر: انتي امال لما بروحك تديري في هبال امالا كان معاك مهبوله كيفك شن،صار
اني: هههههه "حقا هوا كيف بيسوق ويمشي بعكوز 😶😶😶😶"
امال: راجوني بس وبنمشو في البيجو 😂😂🌚
عمي عمر: تمام هي حطن الدبش
حطينا الدبش اني وخالتي غاليه وشوي وتجي امال شاده حاجات سود ونضارتين 😂😂
ا
ني:حيي شن هذاااا 😱😱😱
امال: اممم تو تفهمي هي بوي وامي اركبو ف سياره
عمي عمر: به
امال: وهاك الخمار يا امي مش ميعرفوكش 😀😂
غاليه: اني عزوز ولابسه ردي بنلبس خمار 😂
امال: به هههههه خلاص
اني: شنن؟
امال تو تعرفي
خالتي وعمي رقو في السياره
امال "رقت في الكوفني قصذي في السياره من ورا عارفين سياره البيجو فيها من ورا كوفني كبير ومش مسقف المهم 😂😂انشلله فهمتو
امال:هيااا ارقي
اني: به 😂😂"رقيت"
امال:امممم هاكي خمار ونضاره شمسيه 🌚💔💦
اني: تمممم 😂😂
غاليه: يا بنتي قتو لسالي
اني: خلوها ترتاح مش ضروري تجي
غاليه: به
مشينا
شوي شوي نلقو ولد يلوحلنا بيده
اني "خههههههه شوفيه هالطرف 😂يضحك علينا
امال:اسكتي خلهم يضحكو 😂😂"بدت تلوحلها بيدها وديرله في باي
اني: يا غبيه مش هكي😂😂😂
امال: ورينا
اني"درتله قلب 😂😂😂💔"
هوا بعيد اكيد ميشوفش 😂😂
امال: هههههه
نخشو الداخل حني تو
غاليه: مستحيل نبي نشوف دمعه علي خدها نبيها تضحك
عمر: عارفك فقدتي امك بالسرطان وندمتي علي كل دمعه نزلتيها ومتبيش هالبنت يصيرلها كيفك هذي من طيبتك واصلك
غاليه: تتوقع لو انه امها مش مريضه وموصوناش عليهم راهو مستحيل انت ومنير تكلموها انت يمكن عادي لانك شيباني بس منير اني قتله يتخطي هالحواجز وربي يشفي امها
عمر: امييينن
......
محمود: شن تقول يا عمي انت؟
بابي: هذا يلي صار واني غدوه بنروح وجهز كل شي ونوصيك علي ميار متقوللهاش الا بالتمهيذ
محمود: عظـم الله اجركم وربي يسكنها فسيح جناـتها 💔💔"سكر "
غابت على لمتــــــنا ........ وغاب الحنان امعاهــا
لا تنتهى دمعتنــــــــا ........ ولا هناك من يسواها
كلمـــــــة تعالى يا امى
خلاص انتهت فى فمى
وانتهى معناها
ما تقول غير الباهــــــى ........ ولا يوم تزعل منا
ما ينفع بلاها الشاهى ......... فى كل مقعد لنا
سمحـه انكان تحلت
او تفرح عليك انطلت
ولا غيرها يحملنا
الجـــرح كيف انلمه ........ وانت بـــــعيده غـــــــــادى
ونعيش كيف اللمه ........ او نظحك او او نبقى عادى
يا نايرا مجـــــــــــلاسك
ماريت كيف احساسك
مازلت بيك انادى
نشكى اهمومى ألمن ........وين ما اتضيق اخلوقى
وين نلقى بديلك حـــن ........يا عايــشه فى عروقى
من يوم ساسك طاح
نا الـــــــود عندى راح
او راح باقى شوقى
💔💔💔💔💔💔
.....
سالي: هلا ميدو "ببتسامه عريييضه"
محمود:مش حنشوف هالابتسامه بكلللل ":ااااه عظم الله اجركم امك عطاتك عمرها
سالي"داخت"
.........
اني :هيااا انزلي 😂😂
امال:راسي كلاته الشمس
عمي: يا بنات هي بنروحو
اني: ليش تو كيف نزلنا
عمي: محمود كلمنا قالي نبيك ضروري
امال: به اصلا معندناش نيه في البر 😂😂مهم حصلنا جو في الطريق هيا نركبوو
اني "طول الطريق ساكته ونتفرج وحسيت بغصه في قلبي مفهمتش كيف خيرني ادكرت مامي ونفكر فيها بس ووصلنا "
#يتبع
يا تري كيف حيقولولها وكيف بتكون رده فعل ميار
أنت تقرأ
قلـب مستـعمل 💔
Romantikكل قلب مستعمل يحاول ينسي انه هوا كان مستعمل ....كان مستغلينه ناس ميستاهلوش قلبهم ..... روايتي تحكي علي بنت عاشت مع بشر قلوبهم مستعمله 💔 تعبت واجد وتلقت صدمات واجد لدرجه بيصيرلها حاجه تقلب حياتها فوق تحت أّلَيِّوِمَ بِګتّ عٌيِّنِى وِهِأّجِ بِحٌرهِأّ...
