ضحكة جرح / مكتمله،

البارت الرابع

كم عمرك ؟
- إخفاقٌ ، وخمسُ انكساراتٍ ، وخيبتان ، وسبعُ طعناتٍ ، وإثنا عشرَ هزيمةً ، وما زلتُ أقاوم 😔✋
                   ،،،،،،،،،،،،،،،،،،،،،،،،،

رجعت للبيت هالو ماما شبيج
الام،  اتصلو بينه وكالي انتو اهل احمد كريم
دموع،  شنو اي ماما وبعدين عفيه احجي
الام،  كالي لكيت ابنكم ناشرين صورته واكو عنوان بس عرفته لان اني جيرانكم ومره شفت صورته من اجيتكم بتخرج الدكتور علي
دموع،  جيرانه؟  منو زين والعنوان وينه
الام،  يمه اني كمت ابجي وانخبصت هو كالي حجيه اني اتصل بيكم بعدين لاتخافين واجيكم للبيت
دموع،  ياربي معقوله احمد عايش بعد هاي السنوات ويرجعنه يارب انت على كل شيء قدير
طبعا ماعرفتكم عن نفسي
اني جبل اسمي غريب شوي بس شسوي الحجي الله يرحمه والدي هيج راد اسمي
اني ضابط بالاستخبارات من زمن النظام السابق وبعد السقوط فتره ورجعت لدوامي لسيرتي الحسنه الحمدلله احنا عايشين في العماره وره وفاة الوالد انقلت لمدينة بغداد فاضطريت ننتقل واشترينه بيت هناك طبعا الحجيه والدتي ام جبل وياي واخوي مظفر  وزوجته بس بيت وحدهم واختي حنين
مزوجه وهم ساكنه ابغداد انتقلنه بمنطقه هادئه الحمدلله والجيران زينين طبعي من البيت للدوام واذا عندي فراغ اكظي ويه الحجيه لو اكعد ارسم لان احب الرسم كنت اتمني اصير رسام بس الحجي رادني اصير ضابط بس ماتركت الرسم
يوم كنت كاعد بلحديقه بليل واباوع علقمر وارسم. فجاءه شفت شباك جيرانه انفتح اني وطلعت بنت سبحان الخالق حاطه حجاب على شعرها وكعدت على كرسي وتباوع علقمر تهت لحضات انتبهت على نفسي
شبيك جبل انت مو مال هيج شغلات گمت ودخلت جوه طبعا البنيه ماشافتني لان جالس بمكان بين شجرات الحديقه دخلت بس احس شايف هاي البنيه وين وشوكت ماادري
مره واني بلدوام جابو اسره بس صحتهم حيل تلفانه واعصابهم تعبانه من التعذيب كلمن والسيڤي مالته كامل ماخذين معلوماتهم اول مااسروهم من قبل النضام السابق
اطلعت على اوراقهم لكيت واحد منهم نفس عنوان المنطقه الساكن بيها اتصلت على اهله جاوبتني والدته لان من ذكرت اسمه كالت اي اني امه ماحبيت اكولها التفاصيل كلتلها اي شي حتى اخذ عنوانهم المضبوط وهنا كانت الصدمه
طلع ابن جيرانه
علي،  ها دموع اشبيج خبصتيني تعال تعال شصاير
دموع، ، علاوي واحد متصل وكالنه انتو اهل احمد
علي،  شنو؟ ؟؟؟
الام،  اي يمه بس لا هم لگو اخوك يمه شلون بيه مااكدر اتحمل صدمه بعد
دموع، ، ماما كولي يالله ان شاء الله خير كومي نامي حبيبتي والصباح رباح ويكون كولشي تمام من يجي الولد الخابرج
،،، بيت جبل
ام جبل، ، شبيك يمه جبل شو مهموم
جبل،  لا حجيه سلامتج بس مااعرف شكولج
ام جبل، ، گول يمه انت مااضم عني شي
جبل، ، راح احجيلج كولشي
وبالفعل كولشي حجيت للحجيه
ام جبل، ، الله يعينهم خوش ناس وعدهم بنيه تدرس علوم نفس كولش حبابه من مرات اشوفها اتسلم عليه سبحان الخالقها
جبل،  بسره،  اي يومه شفته سبحان الخالق هي والقمر سوى
ام جبل،  ها يوم شو صفنت
جبل،  لا حجيه بس حاير شلون الصبح افهمهم
ام جبل،  زين يومه ابنهم يعني مجنون؟
جبل،  لا حجيه بس نفسيته جدا تعبانه اعتقد يرادله طبيب نفسي الله يعينهم
ام جبل،  گوم يمه نام وتوكل على الله ربك يشافي
جبل،  صار حجيه تصبحين على خير
بيت دموع، ،
دموع،  طلعت كالعاده اتفرج عالقمر واحجي ويا احسه يسمعني وفجأه شفت ابن جيرانه دخل لبيتهم بسيارته ونزل من السياره يمه هذا شنو يعني احسه شخصيه ومثل ذوله اليلعبون حديد 😒 بس يا شجاني فشله خاف ينتبه هههه دخلت بس مااعرف حسيت شايفته قبل بس مااذكر احس اعرفه،  خلي ادخل انام احسن
الصبح
دموع،  صباح الخير ماما
الام،  صباح العافيه يمه
دموع،  ماما شنو هاي شوكت گعدتي
الام،  ليش نمت اني
دموع يلا ماما لاتخافين هسه يجي علاوي ويجي الولد الاتصل بيج وان شاء الله خير
علاوي، ، السلام عليكم ها بشرو خابر الولد
دموع،  لا بعد مااتصل
اثناء الكلام رن جرص الباب
علاوي،  خلي اشوف منو
جبل،  السلام عليكم شلونك ابو نور
علاوي،  وعليكم السلام اهلا وسهلا انت جبل جيرانه اعتقد مو لان مره شفتك وسلمت عليه
جبل،  اي نعم اني وايضا اني الاتصلت بيكم البارحه علمود احمد
علاوي، ، صدك اتفضل اتفضل اهلا وسهلا
الام،  اهلا وسهلا يومه گولي يمه احمد عايش فدوه ريح گلبي
علي، ، يومه على كيفج
جبل،  خليها حقها لاتخافين حجيه ماكو شي
علي،  دمووع چاي بسرعه وتعالي الولد اجه
دموع،  اي اي اجيت يالله برد گلبنه على اخوي يارب
دخلت وخايفه من الاخبار السلبيه
دخلت وقدمت الچاي بس ما رفعت راسي بس،ادعي خايفه احمد بي شي
وكعدت رفعت راسي 😯 اي هو هذا معقوله هو يعرف احمد زين شلون هنا حسيت افكاري اشوشت مااعرف افكر بس من ضمن دراستي هدأت حسيته هو متوتر وبداخله كلام
جبل،  دخلت وعلي صاح اخته علمود افتح موضوع احمد
ودخلت دموع هيج اسمها من صاحها اخوها سبحان الخالق اول مره اشوفه بس احس شايفها من قبل ومن زمن طبعا قدمت وكعدت ومن جلست يلا رفعت راسه اي هي اعرفها ياربي شلون وين حسيت بارتباك حسيتها دا تسمع شحجي احم
اني حبيت اطمنكم على احمد
اول شي احب اعرفكم اني جبل ضابط استخبارات اجتنه للدائره مالتنه اكو اسره تحت الارض ومن طلعوهم من ضمنهم احمد عرفته لان نفس،معلومات منطقتنه هنا، 
بس مو هنا الموضوع
الام،  يمه وليدي بي شي فدوه لطولك كولي
علي،  يومه لاتخافين. خويه جبل ياريت ماتضم علينه شي
جبل،  احمد اتعرض لضغوط نفسيه خلال خمس سنوات واتعذيب فنفسيته تعبانه واعصابه كولش قويه يعني افضل اتعرضو لطبيب نفسي حتى تستقر حالته،  لان حاجيته گال ماعندي اهل،  ومعصب حيل،
علي،  نكدر نشوفه
جبل،  اكيد اصلا اليوم اجيبه الكم اريدكم تعاملو معامله خاصه
تكدر تجي وياي انت علمود الاستلام
علي،  لعد يلا خويه
جبل،  يلا
الام، اجي وياكم مااكدر اصبر
جبل،  حجيه افضل تبقين احسن خلي يدخل للبيت وانتو بأنتظاره افضل
دموع،  صح ماما لازم يجي وميحس بأي توتر حتى ميتعرض لصدمه حتى لو بسيطه راح اتأثر على ذاكرته الحاليه
جبل، ماشاء الله تدرين البارحه الطبيب الاجه وياهم گال هيج شي كال اي شي سلبي مو زين
علي،  اختي تدرس علم نفس وهاي السنه تتخرج بلكت تكدر تتعامل ويه احمد
الكل،  ان شاء الله
راح علي و جبل. حتى يستلمون احمد و يجون للبيت
مااكوكلكم على اعصابنه شي صعب بعد هاي السنوات. ويرجع بس يرجع مو احمد الضحكته ترج البيت ويشاقه يارب هون على ماما لان احسها دا اتكابر بس بداخلها تعبانه جدا
حظرنه البيت واستعدينه لجيت حمودي
خابر علي
الو
دموع،  الو هاي عيني وين صرتو فدوه
علي،  اجينه يعمري اريد منكم القوه قمر مااوصيج خلي نور و براق يوكفون هم حتى يشوفهم خالهم
دموع،  صار حبيبي كولنه بأنتضاركم اني وماما ودنيا والاطفال
علاوي،  يلا حبيبتي نص ساعه ونوصل
جبل،  استلمنه احمد. بالسياره اتصل علي على دموع. واضاهر هي متوتره الله يساعدهم واثناء كلامه. وصاها وكاللها قمر،  صدگ اسم على مسمى
الام،  ها يمه شگال اخوج
دموع،  ماما وصلو لاتخافين
وبهاي اللحضات الصعبه سمعنه هورن سيارة علي 🚘
،،،،،،،،،،
،،،،،،،،،،،،،،،،،،،،،،،،، يتبع

،،، شلون راح يصير اللقاء المضى عليه قرابة الست سنوات
ودموع وجبل هل صحيح واحد ملتقي بلثاني
لو لقاء روحاني،  بعدين نعرف
تحياتي الكم ☺😊 ،،، سالي