مرام..
..
مقدرتش نرقد طلعت للصاله وشغلت التيفي وشويا سمعت الباب البيت فتح وسكر بعدها بشويا اذكرت كلام محمد انه تو يقعد برا علي شاني صبيت درت شاهي وبسكوت و طلعت لقيته يدخن حطيت السفره شويا بحت فيا وقال: مرام انتي احلا بنت شفتها في حياتي ناخذك ناخذك المره هذي مستحيل نخليكي
انا: يا محمد سيب الي في يدك تو يروحك في ستين داهيا
محمد: وانتي مع صالح تعودت عليه تعودت علي انه يكون معايا يخفف من وجعي و...
مكملش لين جاء احمد ورايا لنبحت فيه ونحضنه قتله: سامحني مسمعتش كلامك انت ومروه اسفه اسفه
احمد: تو حسابه بعدين صالح تو نوريه حكالي محمد كل شي
انا: ربي ما يحرمني منكم كلكم ..تصبحو علي خير
احمد و محمد: وانتي من اهل الخير
..
..
احمد
.
انا:اسمع يا محمد تو شنو صار
محمد: وافقت تاخذني بعد تطلق
انا:قتلك تو يصير الا خير بأذن ربي
محمد: وانت شنو تدير لمروه تو
انا: والله ماني عارف خلاص هيا فرحها بكرا
محمد: يصير خير تو تشكو فيه صالح بيش ناخذو حقها مرام
بعد عدا محمد قعدت بروحي برا نفكر تو مروه زعما تفكر فيا علي اني حبيبها من كم سنه تو فهم حركاتها وضحكاتها وكلامه مع ريهام كيف نا غبي لدرجه هذي اقسم بالله اني غبي اااه يا ربي وبديت نبكي برا .
..
..
مروه
..
انا مقدرتش نرقد نبكي ونبكي واقسم بالله اني غبية كيف خليته يروح من يدي تو كاني قتلة اني نحبه را ما صار كل هذا يا ربي تو خلاص انا بكرا فرحي قصدي حزني اااه يا ربي تو شنو ندير .
في الصبح نضت طول عديت لدار احمد لقيته راقد علي سريره قدمت منه لين ما طقيت حافه السرير وقعمزت فيه وقعدت نحكي معاه : يا احمد تعرف اني غبية خسرتك وخسرت كل احلامي معاك اااه يا ربي.
عديت يلاه ولمست خده وبديت نحرك فيه لين ناض قالي: نعم يا عروسه كنك مزال ما وتيتي روحك
انا وجعتني كلمته قتله: ولع السيارة تو نمشو للكوفيره .
احمد: خلاص تو ندوش و نصلي ونوصلك
انا: اوكي .
عديت لداري حت انا دوشت ولبست عبايتي و حجابي وعديت للصاله لقيت فيها مرام وعمتي .
انا: صباح الخير
مرام و اعمتي: صباح النور
انا ابتسمتلهم وقلت: انا تو ماشيه للكوفيره من تبي تمشي معايا .
مرام: انا وعمتي نبو نمشو لصالت الافراح نشوفو كل شي تمام ولا لا و مزال شغلنا واجد معلش يا مروه .
انا: لا عادي تو نمشي نا و احمد .
عديت من جنبهم لقيت احمد حاط ايديه في جيوبه ويستنا فيا بلا اني منحكي شي مشيت للسيارة وهو ورايا بعدها شغلها وروحنا .
..
..
احمد
..
في الصبح نضت علي حركه في سريري لكني بعد سمعت مروه تحكي درت روحي راقد :يا احمد تعرف اني غبية خسرتك واخسرت كل احلامي معاك ااه يا ربي .
انا وجعني كلامها لكن بعدها حسيت بأيدها علي خدي شعور جميل جاني لكني متحركتش حركتني درت روحي نضت اااه لو تعرف اني انا سمعتها وسمعتها وهيا تقولي نحبك وانا قعدت نحبها بس لو تعرف .
قعدنا في السيارة منحكوش لعند ما انا كسرت الصمت هذا : يا مروه انتي فرحانه .
..
..
مروه
..
احمد: يا مروه انتي فرحانه .
قالها وهو يبحت في الطريق ارتبكت خلاص دموعي يبن يطلعن لا لا يا ربي قلت وانا نطلع في ابتسامه صفرا: اها ليش مش فرحانه اليوم فرحي يا احمد.
احمد: حسيت بيك مش علي بعضك من بدري.
حقيتو نعرف احمد هو اكثر شخص يحس بيا هذا عليش نحبه نحبه .
احمد: لو انتي مضايقه من اي شيء قوليلي بس
انا: لا لا كل شيء تمام مغر مرتبكه شويا .
احمد : اوكي خلاص .
بعدها وصلنا وقعدت عند الكوفيره وجا الليل و وصلني احمد ومرام للصاله ومشيت بين العرب كلهم وقعمزت وبدت المصوره بالتصوير و كل شيء تحلم بي اي بنت صار إلا نا مكنتش فرحانه اليوم تو نبقي لوحد منحباش ومعقد و تفكيرة شرقي يا ربي ساعدني .
..
احمد
..
وصلت مروه الي زي الملاك طالعه بفستانها الابيض ربي يحفظها نا الي خسرتك وربي قعدنا برا الصاله انا ومحمد الي مسكتش ولا لحظه عن مرام لعند ما حقيت وحدة متوقتش نفسي نحقها سارة شنو ادير هذي هنا مروه تو تتعقد زياده منها مش ناقصها هيا .
سارة : مشتقتليش حبيبي .
انا: مش فاضيلك عدي
سارة : معرفتش من الي عطاك صورها ريهام
انا: شنو قصدك من وين تعرفيها ريهام
سارة: مزلت معرفت بيت اين من صحباتها هذا الي حكتلك عليه هذا بيتي وانا الي عطيتك الصور و انت طول شكيت فيها يخسارة يا ريهام مسكينه قتلك انت ليا صح ولا لا .
انا خلاص الغضب اعماني تعرفو كما يلايا محمد يلايا را والله قتلتها كيف تقول فيها بدم بارد كيف بس القذره هذي تحكي هكي علي ريهام .
..
..
مروه
..
كنت قاعده نسلم علي العرب الي جاي والي ماشي و نعطي في ابتسامات لعند ما جتني وحده من ورايا وهمستلي: انتي استني لعند ما يجي يوم القيامه مالك مش رح يجيكي فهمتي كيف ما دمرتي سعادتي تو ندمر سعادتك .
اول ما سمعتها هذا صوت سارة التفتت لقيتها تضحك وانا مزلت مصدومه قالت: نفس وجه احمد لم كلمته انتو تحسبوني متت ولا شنو بالزبط .
انا : شنو قصدك مالك مش رح يجي .
سارة: يا غبية عدا معش يبيكي فهمتي تو الف مبروك باي .
عدت وهيا تضحك انا طول اتصلت بأحمد: احمد اتصل بمالك وشوفه
احمد: شنو فيه قولي
انا: سارة مخربه حاجه ولا مش فاهمه المهم مابك مش رح يجي .
..
..
احمد
..
سكرت مني مروه لعند ما اتصلت بمالك قتلها: الو يا مالك وينك
مالك وصوته مبحوح: مش شورك معش نبيها الصايعه الي استغفرا الله وخلاص المهم معش نبيها .
انا: كيف معش تبيها اليوم فرحكم كيف معش تبيها .
أنت تقرأ
العشق المبعثر
Teen Fictionعندما تعشق شخصاً بعيداً عنك لا تعرف حت شكله فقد اسمه وطيبة قلبه هل ستنجح العلاقه ام سوف تمر مع الهوا لنعرف معاً
