اساور المحبه ،،مكتمله، ،

البارت الاول1

‏أرواحنا ، أيامنا ، أرزاقنا ، حياتنا  ، ‏كلها من الله و إلى الله
فلا داعي ان نحمل هم الحياه .. 💜
،،،،،،،،
هاي المره اخذكم الجنوب. وبالاخص الناصريه الاهوار يعني الناس مثل ميكولون على الفطره يعني طيبة قلوبهم غالبتهم،  بس،منو ابطال قصتنه راح اعرفكم عليهم، 
اني اسمي سميره عمري 21 سنه سادس وبطلت لان امي مريضه واخواني صغار  اعيش ويه عائلتي بالناصريه تعالو اعرفكم عليهم
نعمه، ابوي،،  العمر 50سنه رجل يعمل بالصيد
نازك، امي العمر 45 اصلها من اربيل هسه ادكولون شجاب الجنوب عالشمال مو صح. ابوي كان صياد بس بسبب قلة المياه قل الصيد واضطر يشتغل ويه عمه عنده سيارات تحمل يعني يوصلون بضائع لكل المناطق  ومن راح الاربيل ابو امي تاجر وصار تعامل بينه وبين ابوي وصارت علاقتهم جيده وعرف اخلاق ابوي وضلو قرابة السنتين يتعاملون ومره ابوي عزمه وكاله انت والعائله تجون تتونسون يمنه وتتعرفون علّۓ اهل الجنوب ماعارض جدو واخذ بيبي وابنه الي هو خالو رأفت وخالتورنين وامي،  وضيفوهم هناك وحيل حبو المكان واهله وهناك ابوي شاف امي مت تطلع ويه عماتي يفروها الاماكن وطبعا هي متلبس حجاب بذاك الوقت فلبست وياهن هههه
حبه ابوي ومن راحو فاتح بيبي بالموضوع وفعلا راحو خطبو بس،رفض جدو بلاول وبعد سنه هم خطب ابوي امي واخذ شيوخ وساده وكان حالته كولش زينه وافق جدو وصارت القسمه
امل اختي العمر 19سنه اول متوسط وبطلت
فرح اختي الصغيره العمر 17،خامس ادبي
طبعا فرح ابوي مايقبل تبطل من المدرسه وهي شاطره حيل و  لان وصيت امي
سعديه العمر 53 مرت ابوي طبعا اكبر منه ومحلوه وكانت اتغار من امي
سعيد اخوي من ابوي العمر 15 ثاني اول متوسط يرسب هواي بس شيطان على امه 😒
عمتي،  ميعاد العمر 54 سنه منفصله لان وكحه وين متروح مشاكلها وراها
طبعا ابوي يحب امي جدا بس سبب زواجه من ورا عمتي التحفه
امي كانت من تجيب بنيه تعيش البنت لكن الولد ميعيش هذا امر الله بس شنكول كامت عمتي تحجي وادكول لبوي مرتك متجيب ولد بس،بنات
والبنات هم ومايشيلن اسمك لازم تزوج بس،ابوي كان رافض وامي من طيبة قلبها وافقت لان اتحب ابوي حيل ومتريد احد يسمعها كلام وخاصة من كامو ينادو
ابو البنات 😔
زوجته بت خالته كانت اكبر من ابوي وصار عدها ولد، 
طبعا امي صحتها تعبت لان علمود ابوي هواي صار عدها حمل بلكت يصير ولد وتفرح ابوي لحد يوم صار عدها نزف وهي حامل واتوفت وضلينه بلا ام واعتمدنه على نفسنه
اني اسوي حصران ومكانيس علمود اساعد ابوي لان خطيه كبر ووضعه المادي مو مثل قبل، ،،
نعمه / بويه اسميره تعالي شوفي اخيج شنهو يگول
سميره / اي بويه اجيت
ها ولك اسعيدان شبيك اتون شرايد
سعيد/ اگل لبوي اريد تلفون مثل ابن شيخ عبيد شنهو آنا وحد عنهم
سعديه مرت ابوي / شنهو هذا يمه وليش تبجي اجيبه الك يابعد طوايف اهلي
سميره / خاله سعديه شنهو الجيبه ترى ميصير هيج دلال وبعدين هو شيسوي بي المن يخابر على جدي مزاحم الله يرحمه
سعديه / وانتي شدخلج اسمع نعمه اتجيب هذا اليكول عليه سعيدان لا ماابقه بلبيت يوم واحد خاف ادكول ماكالت ها واخذ ابني،وياي
سميره، / اي لازمه ابوي من ايده التوجعه
فرح، / چا اني هم اريد وحد عنه معليه 😒
سعديه / انتي شنهو ميصير انتي بنت
نعمه / بعد بعد واني شنهو بنصجن وانتن تصايحن 😡لابوجن لابو خلفوجن
سعديه / ها يا ابو سعيد شكلت چا هذا غير اولديك وشايل اسمك جيبله تلفون فدوه
فرح /بصوت ناصي اي تلوكي مال الصچيچه كون بهذا خشمج ام الوصخ صايره مثقفه 😒
سميره / دغت فرح ولج الصمي لاتسمعج ام لسان ماتجوزين منها امشي
بويه انت براحتك جيبه لسعيد اذا اتريد امشي انتي جدامي موعندج امتحان ودفعت فرح ادري بيها بس اعوفها تتكاون ويه سعيد
سعيد / 😏😏😏😏😏 يلا بويه
امل/يا شجاج سميره يخيتي ويه فرح شو اتكفخين بيها
سميره / ماتدرين اخيتج ولسانه ولج خيتي جوزي منها يبعد رويحتي
فرح / خيتي ماشفتيها ابو اسعيد وتتلوك لبوي ام خشم 😅😅😅
امل / خرب ماصحتني اشوف الرومانسيه مالتها اني اعلمجن ههه
سميره / هههههه ولجن كافي كومن كومن عني لهيتني خلي اكمل الحصيره مالت ام عماد حتى اشتريلج الحذاء. التردي ام لسان هههه
فرح /هلا هلا بعد اختج يمه فدوه اروحلج 😘
امل / چا و آنا مو كتلج على ثوب ليه البسه بعرس بت جيرانه ام عماد چا شوكت اشتري والعرس بعد اسبوعين 😔
سميره / يابعد طوايفي وصتني ام سجاد على حصير وخمس مكانس باچر ابدي بيهم واخلصهم بسرعه لخاطر عيونج بس لاادكولين لبوي شفتي خطيه ماعنده ومامقصر ويانه بس انتن التلحن بالطلبات 😒
امل/ اي والله خيتي مايقصر هو بس انتي،هم مامقصره بس عدناطلب
سميره / اي البسنه من من تجن تنطنياهن اضمنهن
فرح وامل / 😲 شمدريج نقصد عليهن؟
سميره / آنا قبل لااكون اختجن
امجن هم واعرف شنو تردن بس انا اخاف يضيعن ياعمري لهذا اضمهن 🔐
طبعا احنا كل وحده عدها سوار ذهب 💍💍💍 وثكيل حيل امي الله يرحمها كانت عدها مبلغ مالي،يم اهلها قبل لاتتوفى بفتره وصت اخته خالتي رنين اتسوينه سوارات ذهب ثكال بحيث كل واحد سعره من اشترته مايقارب 3 ملايين💰💰 وكل واحد مكتوب اسم وحده منه عليه وكالت هذا ضمنه للزمان واخاف خواتي يضيعنه فأطلعه الهن بالعيد والمناسبات نلبسه وكلت من تزوج 👰وحده انطيه سوراها
فرح/  الله يخليج النه ☺☺☺
،،،،،،،،
       ،،،،،،،،،،،،، يتبع
شنو رايكم يا ترى شنو مضموم للبنات و حبهم لبعض راح يستمر لو اكو احد راح يزحزح هاي المحبه
راح نشوف ب البارت التالي
#سالي