اساور المحبه ،،مكتمله، ،

البارت العاشر

سـألـتـنـي الـدنـيـا
مـاذا تـتـمـنـى وسـأنـفـذ لـك أمـنـيـتـك
فـإلـتـزمـت الـصـمـت
فـقـالـت لـهـِذه الـدرجـهِ مـا تـتـمـنـاه يـسـتـحـق الـتـفـكـيـر
فـإلـتـزمـت الـصـمـت
قـالـت تـريـد بـيـتـآً .. عـزآً .. مـالآً
فـإلـتـزمـت الـصـمـت
وإسـتـمـر صـمـتـي حـتـى إسـتـفـزيـتـهـِا
لـكـنـهـِا لـم تـتـعـب وإسـتـمـرت بـالـسـؤال
فـأجـبـتـهـِا كـل مـا أريـدهِ هـِو
[ راحـة الـبـال ]  فـهـِل أجـدهـاِ لـديـكِ
فـإلتـزمـت هـِي الـصـمـت
،،،،،،،،،،،،،
        ،،،،،،،،،،،،،،،،،
فرح:  محمد. شلون.  خايفه على ابوي مايتحمل صدمه وسعيد هو الاتمناه ابوي من هاي الدنيا 😔
محمد: عمري لاتخافين اني وياج وعمي انسان ايمانه بلله وراح يتحمل صدكيني
يلا فوتي كدامي وشوفي عمي هنا
فرح: ان شاء الله همزين انت موجود بحياتي
،،،،،،،،،   
      ،،،،،،،،،
امل:هلا فروحه اليوم من وكت شعجب.
فرح:ابوي وين
امل: كاعد بالمضيف شبيج فرح وجهج اصفر
فرح: وين خالتي سعديه
امل: بحجرتها، ولج شبيج خبلتيني
فرح: صيحي خالتي وتعالي وراي
محمد: ها فرح وين عمي
فرح: بالمضيف كاعد انت صيحه للبيت
محمد: خوش انتضريني جوه وان شاء الله خير
،،،،،،،
شلونك عمي
نعمه:هلا وليدي هلا اتفضل
محمد: عمي عندي موضوع وياك تكدر ندخل للبيت
نعمه:اي بويه عسى مو شر؟
محمد: لاعمي بس خلي ندخل جوه احسن
نعمه:اي بويه تعال هلا بيك
بويه فرح انتي هنا؟  خيركم بويه صاير شي
فرح: لا بويه ماكو شي بس عدنا سالفه وياك
سعديه:ماتحجين شنو صاير
فرح: اليوم اتصلو بينه من بغداد قابضين على عصابة تهريب اثار وممنوعات
نعمه:اي بويه
سعديه: چا شعلينه احنا
محمد: مو احد افراد العصابه طلب فرح تروحله لبغداد
نعمه:شنووو وليش وشلون عرف بنيتي
فرح:بويه لان هو سعيد
سعديه:شنهووووو لا انتي اكيد جذابه اتغارن من ابني لان صار عده فلوس
نعمه:بسج ولج خلي افهم السالفه
فرح:ياريت خاله اطلع جذابه صدكيني اتمنى يطلع جذب
امل:فرح وتالي شلون؟
نعمه:بويه فرح شلون نتاكد
فرح: :بويه لازم اروح لبغداد وافهم القضيه كلها حتى اعرف منو ورط سعيد بيهج سالفه
نعمه:بويه شلون ترحين
سعديه:يمه سعيد ليش هيج سويت بيه اووف يمه واكولن اتصل بي ما يرد عليه
امل:هدي حالج خاله بلكت اكو حل
فرح:بويه انت شنو ادكول.
نعمه:اكول حل نروح كلنه عندي مفتاح بيت نازك خالتج نكعد بي فارغ اخابرهم لان العرس راح نأجله لما تفض السالفه ويصير خير
سعديه:آإنا اروحن وياكم ماابقى اريد اشوف وليدي
امل: كولنه انروح مانعوفك انت وفرح بويه كولنه وياك
سميره:وإنا هم!
نعمه:سميره؟
سميره: اي بويه فرح خابرتني وصلاح كال مانتركك وحدك بويه احنا ثلاثتنه وياك
نعمه:ربي يبارك بيجن يابعد ابوجن صدك بناتي يعتمد عليهن
فرح:بويه من رخصتك لازم باجر الصبح نطلع حتى ثاني يوم اروح لسعيد وافهم السالفه
نعمه:هاي هي بويه نتوكل
،،،،،،،،،،،،  
       ،،،،،،،،،،،،،
ورحنه لبغداد بس كلمن شايل همومه وخالتي سعديه ما بطلت من البجي وصلنه بغداد وصلاح راح ويانه ماتركنه ولان عطله ماكو مدارس اجه ويانه لان ابوي مريض مايكدر يتحرك
،،،،،،،،،،
،،     ،،،،،،،
سعديه: فرح خلي امشي اشوف سعيد
فرح:خاله اخذج صدكيني بس لازم اروح اول مره وافتهم السالفه واخذلج زياره وتشوفي
نعمه:اصبري ياحرمه خلي البنت تصرف هي اعرف بهيج مواضيع
امل: فرح سلميلي على سعيد وكلليله دا ندعيلك
فرح:ان شاء الله
يلا خويه صلاح
صلاح:يلا خيتي وان شاء الله خير
سميره:صلاح خابرني وطمني
صلاح: صار مع السلامه
،،،،،،،،،،،،
    ،،،،،،،،،،،،
وصلنه للمركز الموجود بي سعيد والدزنه عليه استاذ طالب والتقينه ب النقيب واتفهم وضعي
النقيب: طبعا سولفلي استاذ طالب
اني راح اخليج تلتقين بسعيد لان مايقبل يحجي شي
فرح: اشكرك جزيل الشكر
،،،،،،،
     ،،،،،،،،،،
فرح: سعيد 😢 اخوي شلونك فهمني شصار
سعيد: فرح ورطوني محسن ورطني وماادري وداعت ابوي ماادري يشتغل بالتهريب
فرح:اريدك كولشي تحجيلي وكل التفاصيل من رحت لبغداد لليوم.
سعيد: صار
،،،،،،،
صلاح: ها خيتي بشري شفتي سعيد ماقبلو ادخل اني
فرح:اي شفته وياريت ماشفته طلع كلام استاذ طالب صح كانو مخلين سعيد وسيله لاعمالهم الدنيئه حايره صلاح لان الممنوعات لكوها عند سعيد
محمد:  السلام عليكم
لازم نلكه حل
فرح:محمد؟ ؟؟
محمد: لعد شنو حسبالج اتخلى عنج اترخصت من استاذ طالب واجيت مااعوفج ابد بهيج محنه
صلاح:كفو منك ابو جاسم بس وين ساكن
محمد: عندي جماعتي من ايام الكليه و واحد منهم عنده شقه فارغه كعدت بيها
فرح:مااعرف شكلك ربي يخليك اليه
محمد: اني حجيت ويه النقيب وافتهمت السالفه شغلته صعبه حيل لازم مرافعه قويه حتى نحاول نخفف الحكم لان اذا هيج بس المؤبد واحنا منريد هيج شي
فرح:لهذا مااكدر اترافع اني
محمد: الله كريم استاذ طالب عنده صديقه وحاجه وانطاني عنوانه انروحله والله كريم
//////////
     ////////////
نعمه:اتاخرو حيل
سميره:لايضل بالك بويه خابرت صلاح وراحو لمحامي واستاذ قانوني يعرف كلشي بهيج قضايا والله كريم
،،،،،،،
السلام عليكم
نعمه:هلا بويه
سعديه:فرح طمنيني شفتي وليدي ولج طمنيني راح اموت
فرح:اهدي خاله شفته ومابي شي وان شاء الله بأقرب وقت اخذج تشوفي
نعمه:بويه شلون شسويتي
فرح: ان شاء الله خير بويه
نعمه:بويه وجهج اصفر وتعبانه روحي ارتاحي
،،
سميره:تعالي خيتي ارتاحي احسج عندج حجي
فرح:ااااه شكلج ياخيتي السالفه صعبه حيل
امل: وتالي شلون رحتو لهذا الاستاذ
فرح: اي رحنه بس طلب فلوس هواي والعند صلاح ومحمد خطيه مايكفن وحايره
امل: ها هسه اجي
سميره:وانا هم
فرح: شسوي ياربي ماكو غير ابيع سواري بدون محد يعرف
امل وسميره: هاج 💍💍
فرح:شنو هذا
سميره:بيعي وانطي فلوسه وخلي نرتاح والباقي على الله
امل:مهما يكون هذا اخونه
فرح:الحمدلله على كل حال
سميره: زين شكال الاستاذ
فرح:كال هيج قضيه مؤبد بس بلكت نلكه ثغرات بسيطه راح تفيدنه وكال اضمنلكم نخفف الحكم يعني مو مؤبد
امل:يمه غير ابوي يروح بيها من الهبطه
فرح:لعد ولا مؤبد وعسى يطلع بعفو ويصير درس لسعيد مابدينه شي
،،،،،،،،
    ،،،.،،،،،،،،،،،، شراح يصير بسعيد وشنو الحكم راح نعرف بعدين

يتببببببع ،،،،،،،،،
#سالي