سيف يمه لا تعيش يمج وتعذبيها بيدج يمه خليها كدام عيونج وتخدمج منا وهيج ماكو خدم هاي خادمتج
الام الله كريم يمه هسه اروح انام يايمه تعبانه
بعد مرور يومين اجة اليوم الي راح تروح بي مي
بيت مي
مي يمه راح اعوفج يمة ديري بالج ع نفسج وانتبهي النفسج زين يايمه امانه لااتبجين يمة ابقي يم بيت عمي ولاتخافين يمة بيت عمي يمج
الام يمه بنيتي شون تعوفيني راح تطلعون من يمي بس موعروسه وافرح بيج يايمه راح تطلعين فصليه يايمه
مي اوف يمه شراح يصير بيه بفراكج بنيتي حبيبتي وحيدتي
مي: اني لميت اغراضي ولميت ملابسي واخذت دفتري رفيق عمري من اني وعمري ١٢سنوات لسه اخذته واخذت ويا حزني والمي واوجاعي وفراكي الامي وعفت بمكانه ضحكتي وفرحتي وكولشي حلو بحياتي طلعت من باب البيت واني بحسرة وبس ابجي اي خلص من هل لحظة كولشي انتهى اي انتهى خلص انسد بابي من هل لحظة راح افارك امي حضنتها وبجيت
وصاحني عمي لبست بوشيتي وطلعت اني واوجاعي من بيت اهلي طلعت فصلية من هل لحظة راح اكتب قصتي واني فصلية مو مثل مردت انو اكتبها واني دكتورة وداعا الكلشي حلو بحياتي وداعا ال والدتي وداعا البيتي وداعا الحلمي
طبعا طلعنا وصلنا البيت الولد جان بيت كولش حلو وراقي اني مهتميت لانو هنا حيصير دماري اخ يمه دخلت واني ماعرف شنو حيصيرلي شنو حيكون مصيري دخلت وجانو اكو شيوخ وشباب بس مشفت وجهم دخلوني الغرفه بقيت كاعدة
نرجع ال سيف
سيف :الليل كوله مانمته وأفكر واريد اخذ بثار اخوية ماعرف شنو اسوي اجه الصبح واجووي عمامي وشيوخنه وانتضرنه الفصليه دخلو رجال شايب ويا بنيه قزمه ومبوشة اي طبعا مبوشة هسة تطلع قردة تغطي ع روحها بهل بوشيه
دخلوها للغرفه وانتضرنه الشيخ ورة شوية اجة الشيخ ودخلت يم البنيه كعدت وكعد بيناتنه الشيخ وعقدلنه وعرفت اسمها مي وصوتها حلو اووو اني شكو بصوتها هاي اخو كتال اخوية ورة ما عقدنه طلعت وية الشيخ ورحت يم عمامي وعفتها .....
مي:جنت كاعدة بل غرفة دخل الشيخ ويا ولد اثنين ورجال شايب كعد ولد منهم يم الشيخ بس شنو من شاب الله يحفظة ع جماله بس يخوف يمه شطوله بس لا هذا رجلي لا ياربي هذا راح يذبحني راشدي واحد يسويني طحين المهم عقدلنه الشيخ عرفت اسمه سيف هوة طلع واني دخلوني للبيت جان اكو مرة جبيرة كاعدة ع كرسي وشايلة عوجية دخلت وكلتلي انتي يل فصلية شيلي هذا عن وجهج اني شلت البوشية والشال وشعري طويل صار ع وجهي
ام سيف:اجتي البنيه وجانت مبوشة طبعا اني ما احب المبوشات كتلها شيلي هذا عن وجهج وشالته جانت ماشاءالله تكول للكمر كوم واني بمكانك على جمالها كلتلها مناوهيج اهلج انسيهم وانتي هنا مثل الخدامه لاتنسين نفسج وهسه روحي بدلي وتعالي سوي الاكل ام علي دليها على غرفتها
ام علي تعالي يمه وياي
مي:أخذتني ام علي الغرفه ابنهم سيف الي هوة زوجي عساس لبست دشداشه سودة مخصرة من يم الصدر وكلوش مثل الفستان وشلت شعري كبايه ولبست شيلة ونزلت طبعا اني فنانه بل طبخ نزلت طبختلهم مال ١٦ نفر وسويت كومه أكل ودولمه لان همة كالو نحب الدولمه اني ودااطبخ دخل ولد وسلم عليه
امير:السلام عليكم مرت اخوي
مي:وعليكم السلام اخويه
امير:الله ريحة الاكل تموت
مي:تريد اصبلك
امير:والله تسوين فضل عليه
مي :تدلل عيوني صبيتله دولمه وبرياني وروبه وزلاطه وباميه وخبز حار
امير؛الله شنو هل أكل عاشت ايدج ام علي
ام علي:يمه الف عافيه بس مواني الطابخة هاي مي طبخت مرت اخوك
امير:لا مستحيل انتي الكمله يطلع كل هذا منج
مي:شنو كمله😐
امير :كمله يعني شي كولش حلو
مي:ها تمام الف عافيه
امير :الله يعافيج الحمد لله اني شبعت اترخص منكم اروح اجيب غراض لان عندي خفارة باجر
مي وام علي:الله وياك مرخوص
خل نرجع ال سيوفي
سيف رجعت اريد اخذ تلفوني دخلت وشفت مرة الشعر شطوله والبياض بس وجهة مومبين لكيت تلفوني اخذته وطلعت محد حس بيه بقيت افكر شسوي وشون بدوامي بغداد وتعبني التفكير إلى أن صاحونه ع الغدة طبيت اني واخوية احمد وامير جان طالع ماعرف وين لكينه عل سفره أشكال من الاكل واكل يشهي كعدنه كولنه بس مي مااجتي اني مهتميت
امي كالت يلا ناكول سمو بسم الله بس اختي كالت يمه ننتظر مي اني كلتلها هاي الفصليه ماتاكل ويانه
الام سيف يمه عوفهة انه كلتلها تاكل بل مطبخ هسه اكيد اكلت وكملت يلا ناكل
سيف كملت أكل ورحت اغسل واني ميت اعرف شكلها شونه حلوة لا عيونها شلونهن ماعرف شنو السبب الي خلاني اتشوق الشوفتها مع انو اني ماحب البنات ابدا رحت اغسل وسمعت صوت بجي بل حمام دكيت الباب بس اسمع صوت المشاهك
مي:صبيتلهم الاكل وبقيت كاعدة بل مطبخ دخلت عمتي ام سيف وكلتلي اكلي هنا ممنوع تاكلين ويانه مفهوم اني كلتلها حاظرر وبقيت ابجي اتذكرت شون جنت مدللة ارجع الامي محظرتلي الغدة وانام بفراشي الدافي بقيت ابجي وابجي فجئة حسيت ب الم فضيع براسي رحت غسلت وجي ودخلت الحمام بقيت ابجي واندكت الباب واني ما عرفت اسكوت وبس صوت المشاهك يطلع اخ يمه شحجي نعم منو
سيف :منو ديبجي
مي:بكلبي يعني شون سوال هذا اني بل حمام انته الدتبجي قابل... اسفه اني جنت ابجي
سيف:ومنو سمحلج تبجين بهذا البيت حته النفس التتنفسينه تسأليني قبل لا تتنفسينه مفهوم
مي:لارد
سيف :سمعتها بصوتها خنكه ورزلتها وراها اجتي اختي تغسل ورحت صبو الجاي وراها اني تعبان رحت اريد انام دخلت الغرفتي الترتيب فضيع يجنن والنضافه والعطر دخلت بدون ماادوك الباب لان غرفتي هيه وهمزين مادكيت الباب
دخلت شفت ملاك ديبدل اويلي
مي:اني داابدل ودخل سيف باوعتله وغطيت نفسي وصفنت بجماله ياربي دخت واغمى عليه
سيف:شو هاي بس شافتني غطت نفسها وصفنت بوجهي وبعدين اغمى عليها مي مي اصحي طبعا هاي عدها حالات إغماء بسبب صدمة أو شي غسلت وجهة بمي وشلتها ع جربايه طبعا هيه جانت لابسه شي خفيف وناعم اسود وصلوخ ومغطايه بدشداشة يايمه وهيه بيضة سحرتني بجمالها ياربي واني مجان ابالي هيج يصير شون راح اقسي على هيج ملاك ياربي
مي:صحيت وجان خال راسي بحضنه ويصحي بيه طبعا ماعرف شنو جان شعوري خوف وامان بنفس اللحظة
سيف بسم الله بعدنة من اولها إغماء إغماء ومرض سمعي لج اكلي زين ولاتتنعوصين مفهوم
مي:لارد
سيف سمعي اريد انام كعديني ساعه ٦ مفهوم
مي:حاظر نزلت وفجئة ماسمع غير صوت ال يبو طلعت كرايب سيف والي تحبه جايه شو هايه اجتي انتي هي يل فصلية لاعبالج اخذتي حبيبي مني ترة لاعبالج يباوع بوجهج كتالت اخو ورادت تضربني بس فجئة........صار المامتوقعته
..
..
..
..
الى هنا ينتهي البارت الثاني اتمنى اكو تفاعل احبكم نلتقي في بارت اخر ان شاء الله
كاتبتكم:هبه ابراهيم
أنت تقرأ
فصلية الدكتور💔
Diversosقصة من الواقع تتحدث عن فتاة بعمر ال١٨ طالبة اعدادي تحلم بأن تصبح دكتورة ليخيبها الواقع بأن تذهب فصلية ولكن كيف ولمن اقرأو لتعرفو أحداث قصتي اتمنى ان تستمتعو بل قرأءة
