اول ما فتح الباب لقه صور وجوابات حب لمصطفى من ٣ اعدادي كتير علي الارض وعلي السرير
يااااااا هو انا كنت مش بحس للدرجه ، بتحبني وهي في تلاته اعدادي يعني من اول مره شوفتها فيها وانا ايه مافيش احساس دي استحملت كل حاجه عشاني وانا في اللالا خالص و رحت خطبت بنت مالهاش اي لزمه بعتني اول ما سمعت خبر موتي ياااا على غبائي انا عمري ما هسيبك تضيعي من ايدي تاني يا رب احفظها يارب المجنونه دي
(فلاش بااك)
مصطفى : اشهد ان لا اله الا الله محمد رسول الله
فضل مصطفى في المستشفى و دخل عمليه قعد فيها ٨ ساعات
مصطفى اول ما فاق قال بتعب : انا فين
العميد : حمدالله علي السلامه يا بطل انت كويس
بس ركز معايا شويه ، تجار المخدرات حلفين يخلصو عليك ، فا احنا قولنا انك مت عشان ميفكروش فيك ويفكرو في عمليه ونقبض عليهم ونخلص ، وانت تبقى في امان لحد ما تستعيد صحتك
مصطفى بتعب : بس الخبر على امي وخطبتي هيبقى صعب وفين رهف دلوقتي حصل ايه معاها
العميد : امك بس اللي ممكن تعرف انك عايش اولاً عشان ولدتك هتخاف عليك ومهاما حصل مش هتقول لاحد انك عايش وعرفه نظام شغلنا وكمان ماقدرش احرق قلب ام على ضناها ، اما خطيبتك عرفت انك مت ومينفعش حد يعرف حاجه ، حتى رهف عرفت انك مت ماشي يا مصطفى ورهف كويسه محدش عرف عنها حاجه ومكمله
مصطفى : تمام يا باشا
العميد : سلام يا بطل
(انتهى الفلاش باك)
مصطفى اتصل بالمراقبه : اللى انتو وراها هي رهف مكانها فين دلوقتي
المراقبه : هي طلعت من المحل هدومها متغيره و راحت على بيت بتوع المخدرات ونزلو علي طريق الصحراوي السويس
مصطفى : طيب خليكم وراها وكونو مستعدين لو حصل اي حاجه هتدخلو تتعاملو وانا هبعت قوه من اقرب مكان ليكم وانا وراكم
مصطفى اتصل بالعميد : ابعت رجاله من اقرب مكان لطريق القاهره السويس صحراوي
العميد : انا جهزت كل حاجه
عند رهف في العربيه
رهف في العربيه : بقولك يا علي هما الناس اللي هنقابلهم اكبر موزعين في مصر ولا في موزع اكبر ، يعني الكلمه في المقابله ل ابوك ولا ليهم ، مين اللي هيكون مسيطر
علي : ما فتكرش حد اكبر منهم هما اللي بيدخلو اكبر كميات بس ابويا هو اللي بيسيطر كلمته هو اللي مسموعه
رهف فضلت تفكر تتصرف ازاي
اول ما وصلو كلهم نزلو من العربيه ورهف وراهم
التاخر: اهلا اهلا
ابو على بعصبيه : ممكن اعرف ليه غيرتو المكان فجأه ، وليه طالبت منى ما اقولش لحد
التاخر بيبص ع رهف : اصل طلع في رجالتك خاين
ابو على : رجالتى !! قول مين وانا هصفى دمه هنا حتى لو ابنى
رهف مسكت راس ابو علي بسرعه وطلعت السلاح: انا عايزاكم تهدو خالص ، مش عايزه كلام ولا هري كتير احسن اطير رقبته خالص اهدو كده واستهدو بالله
على رايح ع رهف
رهف : اثبت مكانك ياض لا افجر دماغه
على بحده : سيبى اللى في ايدك ليعورك يا قطه
رهف بهدوء : انا فعلا قطه ( رفعت رجلها وضربته في صدره بالسفتى و تقول ) وبخريش كمان
على وقع ع الارض ومكنش عارف حتى ياخد نفسه
الفريق وصل
ومعاهم مصطفى ومكنش مصدق عينه ان رهف سيطرت على الموقف
و واحد من بعيد بينشن علي رهف بالسلاح مصطفى شافه وضربه بصت رهف وراها لقت مصطفى
رهف اندهشت ان مصطفى انت عايش بس حولت تركز في المهمه وفضلت ماسكه ابو على عشان هو اكبر راس عندهم طول ما رقبته في ايدها محدش هيقدر يعمل اي حاجه من رجالته ونجحت المهمه وحرزو السلاح والمخدرات والفلوس واتقبض عليهم كلهم من غير نقطة دم من اي ظابط
اول اما اخد ابو على من ايدها طلعت ع مصطفى
رهف تمسك وشه : انت مصطفى صح انا مش بيتهيألي انت عايش بجد يا مصطفى انت عايش
مصطفى بمشاكسه : مصطفى مين يا شاطره روحي الله يسهلك
رهف رجعت خطوه وراه : بس انا اكيد مش بيتهيألي اوووي كده حتي لو اتهيألي احساسي مش هيكدب عليا، انت مصطفى
مصطفى يقرب عليها و يقول بحنيه : بحبببببببك
رهف تنحت : ايه
مصطفى شال رهف ولف بيها : بحبببببك يا اطيب و اوفي واجدع انسانه
رهف بدون تصديق : بس والنبي بلاش الكلام ده يعني عايش ، لا وكمان بتحبني و النبي تسكت احسن يغمى عليا هو حصل ايه وليه قولتو انك ....
مصطفى يحط ايده ع شفايفها : بقولك بحبك بحبك بحبك
رهف تحس راسها : انت بتتكلم بجد ولا انا سخنه ولا ايه ظروفي
مصطفى : والله بحبك وبعشقك ومن بدري بس فعلاً الواحد مبيحسش بقيمة الحاجه غير لما يبعد عنه انا مش عارف ازاي اعتبرتك صديقه انتي حياتي وعمري
رهف تمسك راسها و تميل : بس بس عشان بدوخ وهرجع وهظروت الدنيا
مصطفى بقرف : جاتك القرف لسه معفنه وبيئه زي مانتي بس احلي بيئه في حياتي ، بس ايه اللي عملتيه ده كله دانتي بمية راجل عملتي اللي مقدرتش اعمله ، وقبضتي على اكبر تاجر وموزع يا يا محظوظه
رهف : مخدرات ايه ونيلة ايه ركز بس معايا.، ليه عملتو كده وماقلتوش اخس عليك كنت هموت عليك
مصطفى : معلش انتي عارفه الاوامر ، و كام مره اقولك غيري كلامك البيئه ده حد يشوف حبيبه ويقول هرجع ونيله امشي يا بت من هنا زقها وميشي سابها
فضلت تجري وراه رهف : خلاص سوري سوري خد هنا ياض ، وتضحك ع نفسها و تقول العيب مش فيا ، الظاهر القاعده في وسط بتوع المخدرات خلتني بيئه اووي
مصطفى يقف و يبصلها و يرفع خاجبه اليمين : شوف ازاي ، ده انا من ساعة ما عرفتك وانتي بيئه ، بس احلى بيئه والله
رهف حضنته : وانت احلى حاجه حصلتلي في حياتي يا عمري انا بعشقك
مصطفى بخب : وانا بعشقك يا اطيب قلب
(مصطفى روح رهف بيتها)
مصطفى : يا ريت تاخدي شور سخن ينسيكي كل اللي حصل وتحضري الشربات بس اوعي لما اجي اشوف اي اثار من اللي علي وشك دي تاني احسن اغير رأي
راحت رهف علي المرايا بتاعت العربيه : يالهوي هو وشي عمل كده ليه زي ما يكون قطر عدى عليه ، وساكت من الصبح يا رخم انا هطلع بقى باااي
مصطفى : خدي اقولك
رهف : ايه . سوري نعم حلو كده اهه بتعلم بسرعه
مصطفى : واضح ، بتقولي زي ليه هو فعلاً قطر و مليان ركاب
رهف بضحك : بص يا فندم اديني نص ساعه وانا هلملك الحادثه دي ومش هتلاقي اثر ليها بس تعالى انت
مصطفى بصحك : طيب هروح اخد شور واجيب ماما وبابا واجيلك يا احلى رهف في الدنيا كلها ، بس ده طبعاً بعد ما غرفة الرعب اللي في وشك تروح ههههه ولو مرحتش اتصلي بيا عشان ماجيش ههههههه
رهف تبص في مرايه العربيه : رعب ايه ده انا قمر كده
مصطفى يهز راسه و يقول بقرف : فعلاً قمر ، استغفر الله العظيم سامحني يااارب
رهف تمثل بزعل : انت مش مصدق
مصطفى : بشويش كده من غير زعل ، ما اصدقش ليه ، اتخيلي بس انتي معايا هو ايه القمر غير عباره عن جسم معتم و ضلمه و صخور وبيسرق النور من الشمس وانتي فعلاً كده وشك عباره عن جسم معتم و ضلمه و صخور في كل حته وتحسي بيجيب نور كده من بعيد يا ياستر يارب
رهف بثقه : ماشي ماشي انا بقى لما تيجي هفاجئك من كتر النور هبقى شمس ، و من كتر نوري مش هتقدر تبص عليا ، و مهما تقول هفضل احبك وهستناك وهوافق عليك وهجوزك وادبسك بقى في القمر كله لوحدك
مصطفى : هو انا اطول
رهف : لا تطول واطول مني كمان ، سلام ومشيت ورجعت تاني بصت في المرايه يا لهوي هو انا صعبه اوووي كده هو انت ازاي واقف كل الوقت ده معايا وبتبص في خلقتي ، وتقول و هي ماشيه روحو يا بعده منكم لله
مصطفى : رهف تعالي اقولك
رهف رجعت تجري : اجي فين ها ها
مصطفى : تعالي ناخد سلفي
رهف : يالا ياسطا
مصطفى ياخد نفسه : بيئه بئه انا اللي غلطان اني بعتك مكان زي ده وانتي ما شاء الله عليكي ما بتصدقي اي لفظ بيئه ههههههه
رهف بهزار : ههههههه يالا قول بطيييييييييخ
( اللي كانت خطيبة مصطفى لما عرفت كانت هتسيب جوزها عشان مصطفى طالع عايش ومصطفى ولا عبرها)
(ومصطفى اتجوز رهف وعاشو في تبات ونبات وخلفو صبيان وبنات)
وتوتا توتا خلصت الحدوده.
كل اللى عجبته الرواية يعمل متابعه ، عشان يوصل ليه كل جديد
انتظروووونى في قصة جديده
#بوسي محمود 🌸
انتظروني في رواية بنتين من الزمن ده
