نوح الحمام~للكاتبة طيف الأحباب ام الوليد

4

البارت الرابع

.
.
.
نوح الحمام

.
.
.

الجامعه على اسمها..!

جامعه بنات من كل مكان ومن مناطق بعيده بمستويات اجتماعيه متفاوته وعقليات مختلفه..!

ماهي مثل المدرسه اغلبية البنات يعرفون بعض بحكم ان المدرسه بوسط الحي ..'

تعرفت على بنات جدد...!

وكا العاده الفت الانظار...,

وين ما تواجدت...

كنت باالماضي استحي لما احد يثني على جمالي وافرح بداخلي ...,

الآن تغير كل شي, تمرني لحظات اشعر اني استقذرنفسي واكرها..!

واحيانآ يجيني احساس ان زميلاتي الي يعرفون حقيقتي يتمنون يعقمون ايديهم بعد ما يصافحوني...!

كل الكلام الي اسمعه يمجد جمالي احسه استحقار لي ...!

يمكن جمال امي هو الي كان سبب كوني لقيطه..!

او يمكن ها الوجه الي اطل با المرايه عليه كل صباح واشوفه ورثته عن ابوي..!

امي وابوي هربوا واتركوني داخل كرتون والا بطانيه قديمه تستر الفضيحه قدام مسجد والا حاوية قمامه..!!

ولا فكروا با المصير الي راح اواجهه المهم اني غبت عن مدى نظرهم...

.

.

.

مره كنت جالسه بكفتريا الجامعه وجاو بنات من نفس قسمي سلمواوجلسوا على طاولتي...!

تماظربااعجاب\ تدرين عوق ان البنات كلهم اجمعوا انك اجمل وجه من الدفعه الجديده...,

حنان بغيره\ صراحه عوق ما عليها لولا العلامه الي فوق حاجبها احسها مره مشوها وجها ...!!

سلوى با استنكار\حرام عليك حنان قولي ماشاء الله العلامه على قولتك ماتبان الا اذا دققتي بوجه عوق ..!

عوق بهدوء\ يا ليتنا نسلم من كلمة لولاكان احنا با الف خير..

وبعدين من قالكم اني حلوه يمكن علشانكم تحبوني تحسوني حلوه ...

وحتى انا اشوفكم بعيوني ملكات جمال يا ليتني مثل اي وحده فيكم...

سلوى\ ماشاء الله عليك عوق جامعه ادب وجمال وتواضع..

وتغير الموضوع للمكافأت وكل وحده با نيه آمال عليها..!

.

.

.

وانا اقول بنفسي ما ابي ها الجمال ولا ابي فلوس..!

وش نفعتني الفلوس الي كل شهر تنزل بحسابي...!

وكل ماصلحت كشف حساب القى رصيدي زايد وانا وامي متطلباتنا قليله...