قلبك يرى الجمال الكلي وليس عيناك
عندما نحلم نغلق اعيننا
عندما نبكي نغلق اعيننا
عندما نتعانق نغلق اعيننا
عندما نتمنى نغلق اعيننا
فالجمال الكلي لا يرى بالعين.....
الجمال الكلي هو الاحساس بالقلب فقط... 🍃
_______________________________
تمنيت نهايتي تكون سعيده بس ما اكتملت سعادتي......
وطن؛ انتهت المفاجاه وناز جانت لازمه ايدي واتخربطت وكع كلبي الفرح صار حزن كل واحد وسيارته وبساع للمستشفى
خليت ناز بالصدر وصرت طلقه جنت لازم ايده
خايف يصير بيه شي ما اريد تعوفني طول طريق
واني عله اعصابي...
وصلنه للمستشفى جان دكتور احمد موجود بساع دخلنه للعنايه ودكتور احمد رادني اني وابوه وامه
طبينه للغرفه كال تذكر من كلتلك اكو مؤتمر علمود امراض قلب بروسيا كلت اي كال اني رحت وعلاجه ثلاث عمليات ونسبه نجاحه60%
كالي لازم نبدي بعمليته بس عمليته لازم بسليمانيه لان هناك الاجهزه متطوره كال راح ننقله بسياره اسعاف
كلت ماشي
وخلصنه الاوراق .....
وصلنه لسيمانيه جهزنه للعمليه اني جنت ضمن كادر عمليه اصعب شي عليه اني راح اسويله عمليه بايدي ايدي راح تلمسه اخاف بس لا تضيع من ايدي
اذا صار بيه شي راح اتخبل .....
سوينه عمليه طولت ثلاث ساعات بس نجحت
بعد يوم كامت ناز وكلنه جنه هناك اهله كلهم اني رجعتهم كلهم خطيه اخوانه كلهم من خارج جايين
وامه وابوه خلصانين من تعب كوه قنعتهم يرحون وكل اسبوع يجون يشوفونه بس ليث واسينات بقوو
اسينات؛ صعب عليك تشوف اقرب ناس لگلبك يصارعون الموت كدامك وانته مو بيدك شي هذا الي صار وياي رفيقه دربي جاي تصارع موت بعد عمليه وطن قنع الكل كوه رجعوا واني مقبلت ارجع كلت هاي صديقتي وما عندي احد غيره ....
بعد يوم كامت
ناز؛ كمت ما احس نفسي بمستشفى واحد لازم ايدي جان وطن واهلي جانو عله راسي امي من فرح باست راسي وتبجي وبعد يومين اتحسنت وكلهم وطن قنعهم ورجعوا بقه وطن يمي واسينات ما قبلت ترجع شكيد كبرت بعيني الحمدالله الله عوضني بيهم ..
"جميل ان تتجاهل حزنا عميقا بداخلك وتتذكر هذه الايه:
(لا تدري لعل الله يحدث بعد ذلك امرا)"
بعد 15يووم اتحسنت صرت احسن لان بعد 15 يوم راح اسوي عمليه ثانيه طول هل فتره اهلي يجوون ويرجعون
وجوي اهل وطن شكيد حبابين ام وطن كعدت يمي وتحجيلي وكاحه وطن واني ابتسم لان ميصير اضحك جانو كلش بسيطين وخطيه ام وطن جانت تسويلي اكل وتكولي جنتي واضحك وبايده تنطيني اكل جنت انام واكوم وطن لازم ايدي جنت احس بامان وياه
وطن؛ بعد 15يوم عمليه ناز الثانيه ومر 15يوم عله عمليته الاولى جنت احاول افرحه واهلي جوي وامي فضحتني كدام ناز حجت وكاحتي اله جانت من تبتسم ترجعلي حياه وامي جانت تسويله شوربه وتكول اله جنتي وهيه تضحك اهلي رجعوا فكرت اسويله مفاجاه بدفتره جانت كاتبه قريه كاسكان تحب تزوره
وتلبس مثلهم تعيش حياتهم البسيطه
اني اتفقت ويه امه دزله ملابس وليث واسينات هم يجون الجوو جان حلوو وكته جان صيف بغداد وربيع بشمال وحجيت دكتوره كالت عادي اخذه كالت اكيد بس انتبه عليه وجنت انتظر صبح تا ننطلق لان سألت عل قريه شويه بعيده بس واكعه بمكان طبيعي خلاب
أنت تقرأ
الامل بلا حدود
Short Storyقصتي بعنوان "الامل بلا حدود" القصه تتحدث عن واقع فتاه هيه طالبه طب اصبحت مريضه قلب واحتمال نجاته قليل فلم تقطع الامل وظل عده امل انو راح تعيش ودخل لحياته دكتور متكبر بس بمرور وقت صار حنون ويه الفتاه وحبها وينطيه الامل ويحقق امنياته الي ما محققته يع...
