#تهمتي حبك
ل وردالعامري
كم. من قلب اعتصره الوجع واجتاحت الالام صدره لتكويه بنار واقع عاشه كحلم ليصحى منه على كابوس اليم ليعرف انه كان فريسه يتم اصطياده بطعم اسمه الحب ليقع في شباك تأخذه الى متاهه
كثير من وقع في هذه الشباك ودخل لمتاهه بهذا الطعم
ولكن هناك من تخلى عن هذا الطعم ليكون حر ولايكون فريسه لااحد بل نضر للمستقبل وانتضر القادم
قصص كانت سيدة الموقف في حيات كثر من الناس تكتب لنا لتكون كرساله تنبيه لمن يقرائها
كما عودتكم متابعيني القصه حقيقيه 100%ابطال القصه يتابعون كل تفاعلاتكم
كل ماهوه غير حقيقي في القصه هي الاسماء للاحتفاظ بخصوصيه الابطال
اتمنا ان تنال اعجابكم ورضاكم
متابعه ممتعه
وردالعامري😍
البارت الاول
هلو اسمي رنا مواليد 89 مواصفاتي تمتاز بالشكار بشرتي بيضاء عيوني كبار يميزها الون العسلي شعري طويل يزينه اللون الاشقر وكسره خفيفه جدا طولي 168
ووزني65
اني اكبر وحده بااخوتي
عائلتي مكونه من ابي م 66يعمل في وزاره التعليم العالي
وامي م 66خريجه سادس ادبي وربه بيت
واختي م 94 رفل
واخي 2002 رافد
مستوانه المادي جيد الحمدلله نسكن منطقه الم…….. ل
اهلي ناطينه الحريه لكن ليست الحريه لمطلقه حريه بحدود
الحمدلله متفوقه بمدرستي ومدلله عند اهلي ومناقصني اي شي ولاعندي هم الى حين……
بدت قصتي بعمر ال 17سنه
كنت بصف الخامس اعدادي طلعت اعفاء عام يعني بكل الدروس
فرحت لان مراح امتحن اخر السنه راح تبدي عطلتي قبل هواي من الطلاب اني اعطل بابا كال ماكو عطله لازم استعد للسادس من هسه حته اصيطر ف اتفق ويه مدرسين وباشرت بدراسه للسادس بابا من خوفه عليه خلالي خط ايوديني ويجيبني اني وصديقاتي كنه مجموعه نلتقي ببيت وحده من البنات والاساتذه يجونه هناك بلشنه وتشديد من اهلي عليه ومن المدرسين واني حلمي كان هوه كليه الصيدله دفعني اكون متفقه ع صديقاتي وبسرعه استوعب لاكان عقلي ميشغله غير الدراسه وتحقيق حلمي حته ماكنت اشارك في سوالف لبنات لان شغلي الشاغل هوه دراستي
الخط جان ايوديني ويجيبني كنت ممرتاحه لنضراته وتصرفاته بس كنت اجاهل هل شي بفكره انه اكبر مني بهواي هوه كان رجل ثلاثيني صح شكله كان حلو لكن اني بالي مويمه اولا لان ماعندي تفكير غير بس بدراستي وثانيا لااكبر مني وكنت اصيحله عمو لانه اكبر مني سنأ
بيوم جانت عندي استراحه ماروح للمدرس اليوم كعدت ع صوت رساله جتي لتلفوني فتحت عيني بتثاقل قريت مكتوب الخط الخط دازلي رساله شكو فتحت الرساله وكانت (صباح الخير اليوم يومي موحلو لان مصبحت بوجهج الحلو)
انصدمت شنوهاي لااكيد اكو غلط فتحت عيوني وكعدت بعد ماكنت متمدده قريتها مره ثانيه لااني مغلطانه هذا لمكتوب اتأكدت من رقم كان رقم الخط شنوالي اسويه ماعرف بس كان متملكني خوف لابابا ايشوف المسج مسحته بسرعه وضليت طول اليوم متوتره من هل مسج
ثاني يوم الصبح اجاني الخط كان اسم ابو الخط علي
صعدت كلت صباح الخير رد ب
صباح الحب وهوه مبتسم
انصدمت من تصرفه بالعفل كان صدمه بالنسبه الي
ضليت ساكته وحسسته اني مااعيره اي اهتمام رغم كانت ابتسامته الي تعكسها لمرايه تزيدني توتر وخوف والي زادني خوف ان هذا الطريق مو طريقنه دققت النضر لاهذا مو طريق الي كل يوم افوت منه هذا غيره استجمعت قوتي وسئلته عمو هذا موطريقنه
-اي ادري
رنا: شنواي تدري عمو عفيه تأخرت ع درس ليش مفوتني من هل طريق
