#تهمتي حبك
البارت الرابع والعشرون
ل ورد العامري
اعصاب صارت مثل بركان مكبوت مرات احس روحي راح انفجر بس الزم نفسي ولشوكت اضل الزم نفسي مادري
مرات من يجي عدنان اكوله ع الي يصير ويايه اشكيله وابجي احس اني ده انضلم من اول ماافتح عيني من الصبح لليل اني بس اركض وحمواتي مستحلات غرفتي وع تلفزيون مالي راحه بشي محد ايعيني حته محد كال حامل خل نخفف عليها شويه بس هوه مثل الي ناطيني اذن الطرشه ودائما نفس الحجي يله مخالف اهلي امي شسوي ماكدر جنت كل مره اكول خلص بعد مااحجي بس ماكدر حسرتي تخنكني واروح اشكيله ماعندي غيره اخاف احجي لهلي واخاف من اللوم واخاف واخاف
لحد موصلت لمرحله حسيت ان عدنان اصلا مو ويايه يابجامع يابشغله مرات يطلع الصبح واني نايمه ويجي بنص الليل واني نايمه
كمت حته ماالحك اشوفه ويشوفني وفوك كل هذا كمت شسوي ششتغل مالحك اروح ع غيره اجي الكاه موصخيه ومن اكول ليش هسه نضفته اسمع الرد اي وشنو يعني متنضفين احير شسوي اكل واتفنن بي ويجن حمواتي هذا اوي وهذا لا وهذا منحبه وميعجبهن شي اتفنن بالاكلات كل يوم شي جديد والحلويات احير شسوي وهمه لاميعجبهم تجي حنين من المدرسه تلكه البيت يلمع ولجدوره والاكل جاهز تفتر بالبيت بحذائها وتروح ع جدوره تفتحن وتصيح ايييع هاي شنو شطابخين وتروح تسوي غيره وهذا الغيره لوجان بيضه ينكلب المطبخ كلاب عليهاوتأكل وتعوف مواعينها مشمره بالكاع حته متشيلهن وره متخلص اروح وراها الم واشيلهن واغسلهن وارجع انضف من جديد المطبخ يادوب اطلع من المطبخ الكه الورق والقط مال الاقلام بالكاع
واذا شويه كعدت اريد اشم نفس بطني كبرت واني اركض منا ومنا
عمتي تصيح البيت كام يذرع من الوصخ كومي كاعده تتصفنين متشوفين الوصخ كومي وتضل تحجي عليه لحد ماتمل وتروح مستغلين سكوتي وضعفي يعرفون ماكدر اشكي لااهلي ومستغلين استمراري بحياتي ع هل نحوو
مستغلين ان عدنان ميحجي ودايس عليه بعذر ميخالف اهلي وشكدر اسوي اني
دخلت بشهري وكملت نصه الحمل ثكيل صار عليه بطني كبرت واي اعراض ولاده ماعندي اتوسل بعدنان يوديني ويكولي بعدين اشوف يروح يستشير امه واسمعها تكوله مابيها شي شهل عياره موجنه احنه وواكفات ع تنور نخبز نذب الطفل توسلت بي وقنعته يوديني رحت وفحصتني سونار كالت سوائل قليله جدا والطفل حجمه جبير مستحيل تكون ولادتج طبيعيه انتي لازم عمليه اجيبين رحت وكلت لعدنان مثل ماكالتلي الدكتوره وطبعا عدنان لازم يستشير امه بكل خطوه وكان ردها واسمعها تصيح عيارات اخر وكت ماكو هيج حجي هيه بجر لازم تاكل شهرها بله عياراتها خل تكعد وتسكت لاكل يوم موديل بله هل فنون
وطبعا عدنان لو ماعرف شسوي بعد خلص امه كالت وراح يتنفذ الي تكوله وبس
سلمت امري لربي ماعندي غير بس باب ربي مفتوح كدامي ومراح ايلومني سلمت امري وامر طفلي بيده هوه يحمينه
بيوم توسلت بعدنان يوديني للكاضم وبعد توسلات هواي اقتنع وكال ع ثاني يوم ايوديني نمت واني احس اعصابي منهاره محتاجه هل طلعه بروح كعدنه الصبح وطلعنه وداني للكاضم اول موصلنه وشفت الضريح انهاريت. حطيت راسي ع ضريح كأني حاطه راسي بحضن امي ضليت اشهك بالبجي واشكي لااكدر اعوف عدنان واخلص من هل عيشه كلبي ميطيني مجرد افكر بفكره فراك عنه ولااكدر اتحمل بعد هل عيشه
ربي مالي غيرك حرت باامري وماعرف شسوي ربي بجاه امامك تشوف حالي و تنصفني ربي بجاه هل مقام تحفضلي طفلي وتسهلي ولادتي ماعندي غيرك ياربي كون ويايه
حسيت نفسيتي شويه ارتاحت وطلعنه من الامام وافترينه بسوك اشتريت كم حاجه عجبني ولوامي مقصرت حارت شنكلت ملابس لطفل وادوات للاستحمام وعطور وبودرات خاصه بالبيبي كاروك وجربايه وعربانه وحجله حته كرسي الطعام جابته وجنطه تصير مثل الكرسي يتخله بي الطفل اذا كنه طالعين يتعلك بالايد واذا بسياره هم ينحط مخلت شي مجابته
تغدينه بالكاضم وبعدها رجعنه فتت من باب المطبخ شفت السنك مكومه عليه المواعين والمطبخ مخبوص عفته وصعدت اريد بس ارتاح شويه بعدني مفاتحه باب غرفتي واسمع عمتي تصيح ماخذها للخاتون وتفرفر بيها ست الحسن اي ليش لا الخاتون تفرفر وماعرف انت يابجري ياجبير البيت معرفت تكول اخذ امي وخواتي ويايه
رنا: جريت نفس وزفرته ودخلت للغرفه هاي اول مره من ازوجنه لليوم نطلع وحدنه كل مانطلع لازم هنه ويانه ذبيت هدومي وشمرت روحي ع فراشي مخدتي صار مستقر لدموعي نزلت العصر شفت المواعين زايده مناقصه سلمت امري لربي مالي غيره ووكفت غسلتهن ونضفت البيت وغسلت الكراج وعيني ع سمه ودمعتي محبوسه بطرف عيني وحضرت العشه حسيت طلعت الطلعه من عيني الوجوه مكلبه والبيت مخبوص عبالك عناد يسوها ويايه صار وقت الصاله ودخلت للهول الي يكعدون بي شفتهن فارشات السجادات والسبح والادعيه كدامهن والقران صفنت حسيت ملائكه كدامي بس ياتره هيه بس صلاه وبمحرم يفترن ويه الملايه من بيت لبيت يجن بسرعه بسرعه ياكلن ويطلعن يرجعن يفترن ويه الملايه ورجب وشعبان ورمضان يصومن النهاار كله يانايمات يافاتحات التلفزيون ومنجطلات وومنوع احد يحجي وياهن صايمات فركت وجهي بيدي واني اصفط بترتيب الي ده اشوفه من عباده زين مومن ضمن العباده الرحمه والموده ليش اني ماعدهم لارحمه الي ولارحمه لوضعي ولالحملي استغفرت ربي وتوضيت وصليت وكل مااسجد تخنكني العبره واردد بكلبي سلمتك امري يارب
كملت شهري وفوكاه 10ايام كمت مشي ماكدر امشي اخوف من الورم وجسمي كام يزرك انتضرت عدنان وتوسلت بي ايوديني لااهلي
عدنان: مووكتها هسه
رنا: عدنان والله تعبانه شبيك متشوفني متشوف حالي
عدنان: اي عود بس تصير عدج اعراض ولاده اوديج
رنا: عدنان اني مامني امل امك مترحم بحالي انت ارحم بحالي
عدنان: اووووو
رنا: عدنان حرام عليك ارحمو بحالي حموت رجلي ماكدر ادوس عليها اني ماكومني امل خل جيب عمليه واخلص فدوه ابوس ايدك
عدنان: ديله خل اشوف امي واذا هاي نوديج للمستشفى
رنا: ضليت حاطه ايدي ع خدي وانتضر امر يصدر باامري
صعد عدنان ونهه لموضوع نهائيا امه مقابله اصلا
عدنان شكولك بعد
عدنان: رنا شلحيتي هسه من تصيرر ولاده الله كريم
رنا: ماشي امري مسلمته لربي اني بس عاد خلوني
