" Ketegal Ia "
Dini pengerindu nuan sulu,
Dini penyayau nuan sulu,
Agi ingat nuan ke janji tua suba,
Madah ka diri ka begulai sampai ka tuai,
Anang nuan madah enda ingat,
Anang nuan madah semuanya mina jako tundik nuan aja,
Nama nuan jauh amat udah berubah,
Nuan nyu udah nyelaik peda aku,
Enda baka terubah maya tua besulu,
Nama semua tu ketegal ia,
Ti nuan nyu nadai ati,
Padah meh ngagai aku sulu,
Ambi aku nemu,
Ambi aku enda betempap sepiak jari,
Ti ia dipilih nuan,
Pergi meh,
Enda aku naggang,
Nadai guna aku naggang,
Ti nuan nyu udah nadai pengerindu enggau aku,
Tang mina siti aja pinta aku sulu,
Ti nyema nuan bulih bajik agi ari ia,
Anang nuan ngelengka ka ia,
Baka nuan ngelengka ka aku,
Aku mutus ati,
Sigi ngasuh nuan pergi,
Nitih ko ati nuan,
Sapa dikerindu ka nuan,
Ti nyema nuan bisi ati ka pulai batu,
Aku minta ampun sulu,
Ukai aku enggai,
Enda alah pisang bebuah dua kali,
Ketegal indu bukai,
Nuan ninggal ka aku..
