ترك روح بداخلي ورحل

البارت الثاني

♥#ترك_روح_بداخلي_ورحل♦♪♥
     

بارت _2

عشگتج واعرفت ... أول عشگ بي خير
يأول گمره ضلت عايشه بالي...❤

🌹

ما حسيت غير بدفعه دفعني وگال ما تقنعني هيجي

گتلك اريد عذر ع تأخيرك  شنوو ....
ويأشر بيده بحركه سريعه?
يلا گلي بلا تردد وغش. !ضحكت ع سوالفه ....الي ما يبطلهن من يصير عصبي .....
رعد صديقي المقرب ..اول يوم إلي ..
بشركه هو صار الي سكرتير ...

چانت علاقتنه سطحيه بس ع گد شغل بس وي الايام

شفت بي الاخ والصديق الي ينشد بي ضهر
زلمه حوك وأخو خيته ...!

وكت طيحتي چنت أستند عليه ..بكل ضيق لگيته بقربي ...صار الي مثل البير المغطئ ..

لگيت بي البعيد والقريب ...خاصه. السانه عسل وشگد ما يكون موجوع

ما يبين عليه لان دوم يحب يحشش وينكت ويضحك كل اللي يگعد يمه

يصنع الهم اجواء غير وينسينا أوجاعنا ....رغم الحزن الي بداخله دوم مغلفه بضحكه
وما يبين انكساره لاحد .. يحچي اللي ما يحچي بكلامه ....حتئ أذا كان اخرس هم ينطق ع تحشيشه ...

احب تصرفاته لان شتريد منه تلگاه مثل طماطه ع كلشي يرهم ...الله حطه بدربي مثل المرهم للجرح..

شكله أسمراني مملوح بي لمعة تچذب المقابيل ومحبوب من شخصيته .... رزن وثگيل وتلتمس منه معنئ رجوله ....
من يصير عصبي

يقوس حواچبه جنهن هلال شعره أسود سرح  دائما ينزله ع گصته مسوي گصه حفر من فوگ عالي ومن جوه مخففهه...

عيونه محيرات كلساع لون صفار ع عسلي وماخذات نص وجه من كبرهن واذا صار عصبي وفتح عيونه ع وسعهن يابويه

يرهب الي ما  يرهب منهن ....

طوله 188وجسمه خشن بعد لاعب حديد ...ومعضل ..هو من عائله بسيطه وهو المعين لـ اهله والده جبير بسن وامه هم ....

عنده أخ مستشهد اكبر منه  وعنده 4أخوات

2مزوجات ....و2طالبات جامعه وهو يچد ويتعب حتئ يوصلهن اعلئ المراتب ...

يحب العلم ويكره جهل ...!لهذا يگول عندي ما عندي اني ما امنع أخوتي يكملن دراسه ..!

حتئ اهله ما يحتاجون أحد ...هو سندهم والمعين الهم ...
تارك حياته شخصيه ...ومكرس كل وقته الهم ..كل همه اهله..!
........
اني وياه كل طلعاتنه سوه بشركه بنوادي ما نفقترق عن بعض أبد....
جدر ولگه قبقه هيجي صرنا

اصدقائي ليث وحيدر ...لقائي بيهم ع گد نادي والمناسبات ...ما عندي ذاك الميانه وياهم ومرات نطلع نفتر سوه ....من نغيير جو ..

ضحكت واني مدنگ اخاف اضحك بوجهه ويگب عليه ...
كاتم! ضحكتي ويادؤب جسمي يختض من ضحكه جريت كرسي وگعدت خليت رجل ع رجل
ولفيت أيدي ع كرسي ورچيت ضهري
...