_العشق القاتل.
هاجر محمد 🌸 حبيبة
_الفصل الثاني 🌸 والعشرين 🌸
_استعد الجميع للرحيل وأغلق رحيم بيت عادل وأعطي المفتاح إلي جده كما طلب
_الجد مجاهد / يلا ياأسر خدني في عربيتك وإنت يارحيم خد أسماء وخالتك رحمه
_رحيم باستغراب /هتركب مع آسر
_أيوه ما ينفعش ولا إيه
_آسر بترحيب / لا طبعاً ياجدي ب ب بس ينفع يعني ناخد أسماء معانا
_لا أنا عاوز أركب معاك لوحدي
_رحيم / طب يلا اركبي ياخالة رحمه إنتي وأسماء
_تحركت رحمه وهي تحاوط أسماء بيدها و/ اركبي ياحبيبتي
_وقبل أن تضع أسماء قدمها في السياره كان هناك صوت يصدح بقوه و/ أسماء مش هتتحرك من هنا تاني
_التفت الجميع إلي ذلك الصوت وكان لشاب تقريباً في الثلاثين يرتدي جلابيه فلاحي ولديه شارب طويل ومخيف
_العشق القاتل.. هاجر محمد. حبيبة
الجد مجاهد / ليه ياإبراهيم مش هتيجي معانا
_معلش ياحاج مجاهد بس دي لحمي وما لهاش قاعده في مصر لوحدها
_بس هي مش لوحدها
_إزاي مش لوحدها عادل ومات وما بقاش في حد ليها هناك إنت علي عيني وراسي بس أنا أسف ما فيش رابط دم يخليها تروح معاكم
_طب وكليتها يابني إنت ناسي إنها بتدريس في مصر
_بلاش منها خالص ياإماااا
_ياإما إيه ياإبراهيم
_ياإما أتجوزها وأنزل معاها مصر وساعتها تكمل براحتها
غلت الدماء في عروق آسر عندما سمع ذلك و / بتقول ايه تتجوز مين إنت مجنون ولا إيه
_إبراهيم وهو ينظر إلي آسر باستنكار و / وإنت مالك إنت إيه اللي دخلك في الحوار أصلاً
_الجد مجاهد وهو ينظر إلي آسر /استني إنت ياأسر ثم وجه كلامه إلي إبراهيم و / أظن ان ده مش وقت الكلام ده مرات عمك وابنها لسه دمهم ما بردش في قبرهم وانت جاي تتكلم في جواز
_دمهم برد ما بردش أسماء مش هتنزل مصر إلا لو كانت مراتي ورجلي علي رجلها
_بلمح البصر كان آسر يمسكه من ملابسه و / إنت بتعيدها تاني أسماء دي بتاعتي وبس إنت فاهم ولو مش هتفهم بالزوق أنا ممكن أفهمك بالعافيه
أسرع رحيم ليبعد آسر عنه فهو يعلم غضبه يمكن أن يقتل شخص دون أن يرف له جفن / اركب ياأسر خلينا نمشي وانت ياإبراهيم لينا كلام بعدين بس ده مش وقته
_إبراهيم بعصبيه / لا وقته ثم نظر إلي أسماء الواقفه بجوار رحمه تشاهد وكأن الحوار لا يخصها بشيء
أنت تقرأ
العشق القاتل.... هاجر كامل. محمد (حبيبه)
Romance_يجبرنا الحب أحياناً علي اتخاذ قرارات لا يهم إن كانت هذه القرارات تسعد غيرنا أم لا المهم أن يستريح القلب الذي دائماً ما يتفوق علي العقل في الغالب يصل الحب الي العشق ولكن هل يصل العشق الي القتل والقتل هنا ليس قتل أي شخص إنما قتل حياه كل ذنبها أنها ول...
