آلَشۣۗـۙيۣۗہخۣۗـۙهۣۗہ

البارت الثالث

(( الشـــيــخـه ))

البــــ(    3    )ــــــارت

وَالُسِاكِت 🔇ْ بّالُغًزُلُ ْعيَوَنَُه تْحُجْيَ شِوَكِ !👀 💔

ملاحضه : الي يريد يكمل القصه لايك  (heart)

ابتهال ....كام طلع وسد الباب حيل واني ساكته ودموعي تجري
...........................................
جواهر ....رجعت اللبيــت وانيي تعبانه وجمسي متكسر من الفلاحه نزعت هدومي وجفوف الابستهن لان وصخات
رحت غسلت وطلعت عاونت امي بصب العشه وكعدت
تعشينه واخذت الماعين غسلتهن وسفطتهن ورحت نمت لان وراي كعده من الصبح نروح البستان شيخ ذياب

وكت الحصاد الحنطة والشعير يصير عدنه شغل نطلع من غبشــه نحصد بالكاع
لان هذا رزقنه ماعدنه غير شغل نعيش بي احنه عائلة فقيره وع كد حالنه بس آلـْ ح ـمـِْدِّ اللّـٰھ ّ مستورين
عندي 2 اخوان كبار سعيد وعزيز.
و3 اخوات سميرة وسكينه وجميله
واني بزر الكعدة امي مره جبيره ومريضه عدها قلب وابوي رجال جبير وتعبان حيل
يبدي يومنه ويا طلوع الفجر ناخذ اكل ونروح ع شغلنه ويا الغروب نرجع منتهين من التعب مانعول نسبح وناكل لكمه ونام
..............................
ذياب ....فضيت طلابه ورجعت ع بيت بوقت متأخر فتحت الباب ودخلت. شفته سنطه ..البيت..صعدت الغرفتي فتحتها ودخلت ذبيت تلفون وشغلات الابيدي وخرت الشماغ من راسي خليته ع جربابه وكعدت ع طرف الجربايه
حسيت كلبي وكل فكري يم صاحبة العيون الوسيعــة! !
لازم اعرف عنها شي بس لا تطلع متزوجه وتروح أمالك ياذياب! !
خليت ايدي بين  شعري. نوب فتحت ازرار الشداشه

ابتهال ....ماكدرت انام بعد ماعصب ذياب عليه وطلع من البييت وهاي اول مره اسويها بحياتي اخلي يعصب مني ماكدرت انام بقيت كاعده سمعت خطواته دخل الغرفته
كمت باوعت ع البنات نايمات غطيتهن وطلعت ثوب قصير مالت نوم لبسته ولبست روب فوكه ورحت ع غرفة ذياب لان غرفة وحده. مخصصها الى وبيها شغلاته
وصلت يم الباب وتردتت ادكه بعدين دست ع كلبي ودكيته

ذياب ....سمعت صوت الباب وتنهدت بغضب مالي خلك نفسي ياريت لو تعوفيني بحالي! !!

-سمعت الكاله وعصر كلبي مايهون عليه زعلك ياتاج راس اجيت اطلب السموحه منك

-رحت فتحت الباب شفتها واكفه ودموعها تنزل ع خدها
الصار حيل ضوجني منج ياريت مااتعيديها بعد

-تدلل مراح اعيدها بس لا تختاض مني 9

-باوعت عليها وهيه نادمه ....اممم اريد جاي راسي حيل يئذيني!

-تدلل يابعد بيتي

طلعت وسديت الباب ونزلت خدرت جاي وانيي روحي جنها بخنجر تتكطع
تذكرت شلون من زفوني الشيخ ذياب وجان شاب هستوه ...وطوله وهيبته وكل بنات سلف ميتات عليه

من اخذته حسيت ملكت دنيا وصارت روحي معلكه بي صح طبعه قاسي وصعب بس تعودت وتعلمت عليــه

عزل روحه بغرفة من عندي من 7 يوم زواجنه وكلت ميخالف  وجانت مشاعره بارده وياي غير الفراش اليجمعنا. ماعنده سالفه وياي

... بقت ً
حياتــي هيج ويا وصرت اتعلق بي صغيره واخذني وفتحت عيوني عليه تعلكت روحي بي. صرت اتمنى الليله التجمعني بي ونام بحضنه.... كلشي اسوي الخاطر عيونه

وما يهون عليه ازعله
....بعد ما
الله رزقني ب3 بنات وطفل توفه بطني كعدت من الخلفه ماصار عندي بعد راجعت هواي دكتورات وماكو فايده
وجنت اواسي نفسي بهاي جلمات لان ماخلف راح يتزوج حكه يريد ضنه واخ البناته وشيخ من بعده ...اخوته ماينشد بيهم للظهر
.....
جهزت الجاي وصعدت بي الغرفته لكيتته مدد ع جربابه وايده ع راسه وسارح بخياله
خليت الجاي وكعدت اصب
خيرك ابو اسد جنك مو ع بعضك 1

ذياب .....كاعد وحاير بعيونها هيج نطبعن براسي بعمري ماشفت هيج حرمه اوووف يااذياب جنك وكعت بغرام الفلاحه! !!

ابتهال ....احجي وهو مو يمي ...نعصر كلبي اكيد باله يم المراه الهدوها الى .رجعت اندهه عليه ....ابو اسد ابو اسـ!!

-بلي!

-جايك راح يبرد صارلي ساعه اندهه عليك
-عدلت كعدتي واخذت الجاي كعدت اعاين ع تلفزيون وبتهال تحجي واني بغير عالم رايح سارح بيها وحتى بالي مو يم المره الجديد .........ولا مره اخذت بالي حرمه مثل هاي المصيبه ..الوكعت ع راسي ماشفت !

خلصت الجاي والوكت اتأخر وباجر عندي كعده من صبح عندي شغل ...بقت ابتهال كاعده ماردت اكسر خاطرها وباجر رايح اخطب مره 1
مهما يكون زوجتي وام بناتي وماريد اغضب ربي بيها تعوذت من الشيطان
وكتلها طفي الضوه وتعاي

-طفر كلبيي كمت طفيت ونزعت روب ونمت بحضنه وانيي اشتم عطره
افيشششش يرد روح ماردت افكر باجر شيصير بس دعيت ربي يصبرني بدت لمساته تتجرئه وانيي ذايبه بي
تقرب مني ....بكل حنيه ....وكل لمسه منه تذوب روحي .

ماردت الصبح يطر ويروح مني ..ردت الدهر كله ابقى نايمه بحضنه واشبع من حنانه مليت من جفاء الي
-كعدت ع صوت المنبه مؤقته الصلاة كمت شغلت الضوه واخذت الخاولي ورحت الحمام سبحت.  وطلعت صليت. ونزلت يم الحجيه
شفتها تصلي كعدت منا لمن كملت صلاه

- هله بهالصباح المنور وجهك يبعد اهلي

- كمت بست راسها صبحج الله بالخير يمه
- الله يحفظك ويبعد عنك اولاد الحرام ياابني اليوم بيش ساعه نروح نشوف المره! 
- يامره! !