#وتين_المغرور
الصباح صحيت علي اساس انو البنات جاين يقنعو ماما
الباب دقة 😻✋🏼
ماما:بت قومي افتحي الباب
انا:حاضر ماشة🌝
فتحت الباب ولقيتهم البنات
وسلمت عليهم
ودخلتهم الصالون
ماما:بناتي ازيكم ان شااء كويسات امهاتكم كيف
مزن فاطمة:كويسين الحمدلله🌸
ماما:اها نتايجكم كيف
مزن:والله كويسة
ماما:خلاث اسيبكم تتونسو
فاطمة:ي خالتو نحن دايرين نتكلم معاك🙂
ماما جات قعدت
ماما:ايوا سامعاكم اتفضلو
مزن:والله ي خالتو نحن خلصنا السنة الاولي والجامعه عاملة رحلة
ماما:صحي كويس والله ياتو منتزه نحن زاتنا نمشي معاكم
فاطمة:يلا ي خالتو صراحة كدا ماشين جبل اولياء واسبوع
ماما:شنووووو جبل اولييييياء😨 لالاعاد بتي م بتمشي معاكم
مزن:والله ي خالتو الجامعه كلها ماشة والدكاترة والعميد كلهم جايين
هي عبارة عن رحلة استكشافية كدا (كككضابة)
ماما:لالا م بقدر م بخلي بتي يوم واحد برة البيت😤
ماما طبعا كانت بتعاين لي وشي حمير وشي م بعرفو
فاطمة:طيب ي خالتو....
قاطعتها ماما😪
ماما:انا بشوف الحاج وبعدين بكلمكم خلاص
فاطمة:طيب
بس ان شاءالله توافقوا لانو من دونها م بنمشي
البنات قعدن شوية اتونسن معاي ووقدمتهم للباب
مزن:هي كنت ح انسي
انا:شنو
مزن:بعدين تعالي لي في البيت
انا:مالك ...
مزن:انتي مالك بس تعالي
انا:حاضررر...بلفح عبايتي وبجيك😄
فاطمة:هي م ككدا😒
انا:في شنو مالكن الاتغير شنو طوالي قاعدة اجي بعباية
مزن:ي بتي البسي ليك لبسة كتيرة كدا وتعالي
انا:حاضر
ودعتهم ودخلت لقيت الحاجة واقفة لي بالمرصاد
انا:في سرري سجمممي الليلة اعمل شنو انا وبقيت بتلفت
ماما:تعالي هنا ي بت
انا:ايوا ي ماما
ماما:رحلة شنو دي الماشاها
وكمان معاك اولاد وجبل اولياء اسبوع هوووي ي بت متين اصلو دخلتي الجامعه عشان تنطلقي
انا:والله ي ماما انا كلمتهم انا م بقدر اجي هم براهم اصرو يجوا يقنعوك😔
ماما:خلاث م مشكلة بس الموضوع دا م تفتحيهو تاني
انا:حاضر..بعدين مزن قالت لي اجيها
ماما:تمام بس م تتاخري
وماشة علي غرفتي وزعلانة كنتا عايزة امشي بس يلا م مشكلة لاقيت عمر
عمر:مالا ماما بتصرخ في منو
انا:انا دي
عمر:لي مالك
حكيت ليهو القصة
عمر:ي بت انتي مجنونة هي كان رضت بابا م برضا جلي الشغلانية دي😂😂
انا:والله تقنعهم لي انجضض ليك موضوع ايات(اتذكزتوها دي اخت مزن بتحب عمر)
عمر:خلاث كدي بشوف
انا:اصلو م بتجو الا كدا
عمر:قلتي شنو
انا:ولا شي ودخلت غرفتي
مرت كم ساعة كدا قلت بعد دا امشي لمزن
لبست لي فستان فوشي واسبورت ابيض وعملت مكياج
ومرقت ليها
ايات:مزن طيري افتحي الباب
مزن:ي هبلة انا فوق افتحيهو انتي😒
ايات فتحت الباب
انا:شكلت الباب دي اصلو م بتخلوها
ايات:ياخ عويرة مزن دي م بعرف صاحبتوها كيف
جات مزن نازلة
مزن:بطلي خفافة وطيري
ايات:طايرة
مزن:قلت ليك البسي حلو ي منة م حلووو لمن تطفيني
انا:ههه حلو وين هسي انتي زاتك حلووة
م قلتي لي ماشين وين
مزن:محمد قال الشلة عاملين قعدة وقال لي جيبي البنات معاك..والبنات كلهم جايات
انا:وااي م قلتي لي لشنو طيب انا الجايبني شنو معاك وم كلمتيني من الاول مالك
مزن:ي بت انطمي انا عارفة لو قلت ليك م كان جيتي بس خلاث كلها ساعتين ونجي وفاطمة زاتها جاية
انا:خير😗
جات داخلة فاطمة
فاطمة:اشي علي المزز ديل
انا:اسكتي ها
فاطمة:سكت
مزن:يلا نمرق
انا:هي القعدة وين
مزن:شارع النيل
ومرقن البنات
في جانب تاني
محمد:يزن جهزت
يزن:حهزت لشنو مارق وين
محمد:ياخ انا الصباح م قلت ليك عاملين قعدة وجاين الشلة كلها ومزن وصحباتها برضو
يزن:اهاااا نسيت ياخ خلاث انتظرني خمسة دقايق بس
محمد:سريع...😊
محمد مرق ومعاهو يزن وغشو مصعب ومشو علي المكان بتاع القعدة
يتبع
