#زوجي10
المهم اتصلت بي عمتي انتظار😢 صكرت الخط في وجه عزو ورديت عليها
بثينه: ماتخافيش محمد كويس وقالك ماتطلعيش من الدار
انا: عطيني نحكي معاه ياعمتي ارجوك😭
عمتي: هوا توا ماشي يبلغ علي ولد عمك
انا: به لما يقعد معاك خليه يراسلني😔
عمتي: تمام ياعروسه
انا: ههههههه اي عروس😌
عمتي: هاكي محمد ياايمان
انا: محمد قولي صارت فيك شي حاجه😭
محمد: بعيد السوو علي كنك انتي
انا: نحسابك متت سلحت الفيلو ومسحت المكياج وقبل نبي نربط😂😌
محمد: تحكي جد😳
انا: وراسك ياعزيز الراس😂😌
محمد: تحكي جد😒
انا: شنووو لي نحكي جد
محمد: تي امي جنبي افهمي بروحك
انا: قصدك علي اني نربط عليك🤔
محمد: لا لي قبلها🙃
انا: فهمتش🙂
محمد: تي يابقره صح حولتي الفيلو والمكياج😑
انا: هههههههههههه امك سمعاتك
عمتي: احم احم
محمد: وتي روحك شوي نوصل وناخذك تم
انا: تمام😌
وصل محمد للحوش والحمدالله الرصاصه خاشه في كتفه بس مش مسببتله اي ضرر😘
محمد: بيب بيب🚘
انا: هيوا هيوا هاني جايه
امي: بلا هبال يبحتن فيك الصبايا
انا: تي باهي رفعت الفيلو والكندره في يدي 🙂
محمد: نزلي الخارب كرعيك باينات وغطي رمتك😌
انا: ساعه4 ف ليل من يبي يحقني😒
محمد: ارجي توا نفتحلك الباب ونسترك😌
انا: كيف تسترني😌شتحق في
محمد: خليني ساكت ياما شفت 😌
انا: شفت خيبتك ياصايع الادب🌚
محمد: اركبي راه نرفسك بكرعي في سياره🌚
انا: هههههههه
ركبنا في سياره محمد لحظه نولع اغنيه
انا: حطني عسول ودلدول حبيبي😌
محمد: حطني ولا حطلي😂💔
انا: اهم شي انك فهمت🌚💔
محمد: ولاغنيه اسمها دلوع وعسول🌚😂💔
انا: ححطها وفكنا من الدوه عاد😌 حسني نبي نستمخ
محمد: هههههههههه ماعنديش يانكد😌
انا: انا نكد😌
محمد: اسكتي يلا نين نوصلو لشقه
انا: اي شقه👀
محمد: شقة واحد صاحب واخذها ثلاث ايام
انا: اياه به😌
محمد: اهوو وصلنا 😍
انا: وين وصلنا العماره بعيده وقدامها زبط👀
محمد: اماله نفر بيك لشقه انزلي وبلا حسس
انا: تي الفيلو اجار يتلبز كنك انت
محمد: تي شريته لك ياغبيه وانزلي عنا مايرد
انا: ولكعب لي خذيته لي بهذك السووم لا مش نازله
محمد: تي عنا مايرد كنك انتي انزلي
انا: والله ماني نازله🌚
محمد: عطك دعوه يامني
انا: وشن جاب شيرة مني كنك انت💔
محمد: ماهوو بسببها حصلت فيك🌚
انا: مازلت فيها طلقني🌚💔
محمد: الله يربحها مني😍
انا: علي بو حن باتها هي😡
محمد: الله يربحها لي شرطت لقرايه او دارت هالخبر علشان انا نتعقد وناخذك😍
انا: خزي حسني انكسفت😳😍
محمد: والله حبيتك هي وحبيت عفويتك
انا: مثلا يقتلني الصقع في سبيل انت نحكي رومنسيااتك🌚💔
محمد: بقره خزي ههههههههه
انا : قرب سياره لباب العماره🌚
محمد: تي ممنوع والله بحتي سيارات هنا يوقفن وناس تنزل كعابي
انا: مش نازله يعني مش نازله
محمد: براحتك انا نازل نبي ندوش وناكل قالي صاحبي جبتلك اوكال من مطعم🌚وحلويات
انا: الله قول هك من الاول 😍
محمد: انزلي هي😂
نزلنا من السياره وعلق الكعب
في الطين😭
انا: شفت توا شفت 😠😡
محمد: هههههههه والله انك عروسه شكله لحظه نصورك😍
انا: وبوي هذك تصور نزعل😂
محمد: هههههههه والله خذيتلك لقطه تجنن😂
انا: به كيف نبي نطلع
محمد: 👀 شارع فاضي نشيلك👀
انا: تشيل عينك 😒 ريت هالرومنسيه
محمد: براحتك 😌 انا نبي نعد
انا: عدي😒
محمد : عندي فكره🤞🏼
انا: عندي صباط نايلو رقم44😌😂 تلبسيه
انا: هاته بسرعه ماحد يشوف في🤨
محمد: هاكي👡👡
انا: هي وين الشقه🤨
محمد: رقم 6
انا: تي تحكي جد😳
محمد: والله الله
انا: اكيد في مصعد
محمد: لا والله دروج😂
انا: عليك زواج هذا🤦🏻♀
محمد: هي يابنيه في جرتي😌
انا: نعلي من لي يتإمر😌
محمد: ههههههه هي
بصعوبه وصلنا للدور السادس😔
محمد: هذا باب الشقه
انا: افتحه
محمد: المفتاح في شنطه لي معاك حطيته من صبح
انا: وشنطه مش معاي🤦🏻♀
محمد: تحكي جد ياوليه راه حرام عليك والله هلكت اليوم نا في جرتك هذا فرح ولا عذاب🤦🏻♂
انا: والله ماني نازله😠😡
محمد: لا حول ولا قوه الا بالله رني علي عزو ياخذك
انا: هات نقالك توا نرن😌
محمد: وانا توا نكلم مني
انا: عديلها من ماسكك
محمد: اسكتي تراه نبي نحكي, الووو ياعبدالعزيز نسيت المفتاح في حوشنا وتوا انا ولوليه قدام شقتك وهالكين الحق😭
عبدالعزيز: دق علي جاري لي صدارك عنده نسخه من مفتاحي خوذه منه
محمد:ازعما توا يعطيه لي يراجل
عبدالعزيز: اها اصلا هوا لي رتبلك الشقه هوا ومراته
محمد: عنك ماتغيب😂😍ديما طيب ياعزو
انا: حتي هوا عزو كيف ولد عمي السمح😌
محمد: اكتمي وعزو علي عزو يفرق😉
انا: دق هي الصقع بشمطني👀
محمد: توكلي نتريح منك😂
دق محمد علي الباب
صاحب الشقه ومراته وضناه ناضو متفحعين
انا: ههههههه كنكم مش مشطين شعركم الستر
اصغر طفله : مافيش حد قليل ذوق يدق ساعه قريب 6 ياعميمه
انا: طيح سعدك ياجالطه🤦🏻♀
محمد: خزززززي مهززززبه😂
محمد: معليش ياخوي نبي مفتاح الشقه غير نحنا انسينا مفتاح الشقه في حوش هلي
الراجل: ماعندكش مشكله لحظه نجيبلك مفتاح
محمد: تسلم شن سمام ربي
الراجل: اسمي مفتاح
انا: مفتاح وعنده مفتاح😂
محمد: تي اسكتي فضحتي بي انتي مش طبيعيه راه
انا: شقصدك🌚
محمد: اليوم ساكت علشان فرحنا بس
انا: اس اس اهو جاب المفتاح🌚
محمد: بارك الله فيك خوي مفتاح واسمحلي ازعجتك
البنت الصغيره: ازعجتنا وفضت ياعمو😒
انا: ههههههههههههههههههه مهزب🤦🏻♀
المهم خشينا لشقه
محمد: خشي ياوليه😌
انا: ارجي نخش بكراعي اليمين
محمد: هههههههه هي خشي واهي الدار خشي فيها نين نجي
انا: تم ديرلنا حاجه ناكلوها
محمد: بعد تسلحي الفيلو عطيني نلبسه به🌚خليني ناخذه نا دور الوليه
انا: هههههههه منظرك خيال ح يقعد
محمد: طيري توا هي من قدامي
انا: لحظه جتني رساله يستر الله نشوفها من من
انا: ههههههههههههه اقرا بس
محمد: مش فاضي اقري انتي
انا: امي دزتلي تقاتلتو ولا مازال😂
محمد: اكتبيلها مازلنا نتعاركو😂
انا: مسكينه ياما شافت من عرايكنا😂
محمد: نجك لي عسسل لما تضحكي
انا: بلا حقاره🙈 خطاني نبي نلبس وناكل ونرقد
محمد: انخمدي ماتتعبيش انتي مش شرط تسمسمي😏
انا: به به تصبح ع خير😭
ع المهم خشيت لدار بدلت دبشي وقعدت نستني في محمد يجيبلي حاجه ناكلها🌚 مش مكمن يخليني بلا اكل😏
المهم نعست ورقدت وانا نستني فيه
وعيت ساعه 2 في القايله
انا: صباح الخير محمد
محمد: صباح الخير
انا: كنك لاوي وجهك صباحية عرسنا😌
محمد: ليش مانكش عارفه👊
انا: علشان رقدت بروحي
محمد: اخر همي ياحلوه وياريت تخشي لدار وماتورنيش وجهك
انا: عليك معامله زفته تمام
محمد: مش عاجبك عدي الهلك فاهمه👊
يتبع
تابعني
