صدفة

البارت الاول

عنوان القصه #صدفة 😔💔🔞

#البارت_الاول 😍

#السلام_عليكم..

اسمي ورده عمري 23سنه من بابل مواصفاتي طولي 160 ووزني 55 وبيضه وعيوني كبار سود يعني حلوه كلش وهذا مو رأيي رأي الناس بيه عائلتي متكونه من ماما ربة بيت وبابا متقاعد واخو واحد موظف بالكهرباء اسمه احمد ممزوج واخت وحده مكمله كليه ومامتعينه ومزوجه وعدهه جهال اثنين اسمهه رتاج وعايشه ويه رجلهه بتركيا . اني حاليا دا ادرس صيدله مرحله ثالثه وبنفس الوقت دا اشتغل بصيدليه حتى اقوي نفسي بالادويه وهم البي احتياجاتي. كلش شايفه نفسي ومغروره اني صريحه محد بعيني بس كلش كلبي طيب هههههه.
ورده: صباح الخير جميعا
بابا. ماما. احمد: صباح النور
بابا: يله اتريكي راح اطلع حتى اوصلج وياي للصيدليه
ورده: اوك بابا. اليوم جمعه ماكو كليه بس الجمعه اداوم الصبح بالصيدليه بس باقي الايام اداوم من 3 الضهر ل8 بالليل ويجي اخويه ياخذني لان ميصير ارجع بوحدي بالليل الدنيه مو امان.
ماما: اكلي زين صايره متاكلين مو زين عليج
احمد: شبيهه ما تاكل متشوفين وجهه شعرضه
ورده: بعرض وجهك احمد باشا😒. لاتخافين ماماتي مابيه شي يله خلي اروح اتاخرت بيباي. طلعت للشغل وصلني بابا. صباح الخير شونكم
الكل: صباح النور
ورده: بلشت اشتغل واليوم لان جمعه كومه ناس ع الصيدليه كوه لحكنه وكلش تعبت رجعت للبيت ب2 الضهر اتغديت وفتحت تلفوني لكيت ايمن داك عليه كومه واني مادري اعرفكم ع ايمن
(اني ايمن عمري 25 سنه صيدله مرحله اخيره مواصفاتي طولي165 ووزني 75 عيوني جوزي حالتنه الماديه زينه واني الوحيد لاهلي امي دكتوره نسائيه والوالد استاذ جامعي)
ورده: ايمن اني احبه من جنت مرحله ثانيه يعني صارله سنه سوه هو حباب بس شويه عنده تكبر بس عادي كل انسان بيه شي حلو ومو حلو يعني متكبر ع مغروره يتراهمون😂. دكيت ع ايمن جاوبني
ايمن: وينج عود كومه دكيت عليج
ورده: جنت بالصيدليه وكومه شغل ومافتحت التلفون ضل بالجنطه
ايمن: اوك شونج
ورده: الحمدلله بخير وانت
ايمن: الحمدلله اشتاقيتلج
ورده: 😊 واني هم اشتاقيتلك
ايمن: اني حروح احضر نفسي اريد اروح للسوك اريد اشتري ملابس لحفلة التخرج. تجين مو للحفله
ورده: اوك حبي. اي طبعا اجي
ايمن: اوك حبيبي باي
ورده: باي. بعدهه نمت كعدت المغرب صليت وسويت عشه اتعشينه كلنه
احمد: بابا اريد احجي وياكم بموضوع
بابا: احجي ابني خير
احمد: اريدكم تخطوبلي
بابا: خير انشالله يعني نخلي امك ادورلك لو انت مختار
احمد: لا بويه وحده وياي بالدوام خوش بنيه
بابا: الله يتمم ع خير
ماما: واخيرا راح اشوف وليدي عريس. هاهيه لعد باجر نروح نخطبهه
ورده: مبروك مقدما حماده. طبعا اني جنت ادري احمد يحب لان اسمعه يسولف الليل كله. لان اني هم مرات اضل اسولف باليل😉.

احمد: خابرت مها حتى اكللهه اني واهلي باجر جايين نخطبج. هلو حب
مها: هلو حياتي
احمد: باجر حضري نفسج
مها: خير شكو
احمد: باجر جاي اخطبج العصر
مها: كول والله ياالله كومه فرحت
احمد: اني فرحان اكثر منج اخيرا راح تصيرين اليه وبحضني
مها: اسكت لاتخجلني يله حروح اريد احضر نفسي من هسه باي
احمد: ولج اوكفي خرب راحت هههههه. اني احب مها من زمان تقريبا صارلنه سنتين سوه حبابه حيل وكلبهه جبير. خلي انام وراي دوام
ورده: كالعاده كعدت الصبح تريكت وطلعت للكليه عندي خط وصلت شفت ايمن
ورده: صباحؤؤ حبيبي
ايمن: صباحؤؤ عسل
ورده: حروح عندي محاضره نتغده سوه مو تتغده وتعوفني
ايمن: ماشي حبي عود خابريني
ورده: اوك حياتي باي
ايمن: باي. اني احب ورده حيل بسرعه دخلت كلبي وناوي اخطبهه عن قريب اريد اسويهه مفاجأه الهه.
ورده: خلصت محاضراتي وخابرت ايمن اتغدينه سوه وبعدهه رجعت للبيت اتغديت ونمت وكعدت بالاربعه بدلت واريد اطلع لصيدليه
ماما: وين رايحه اليوم نخطب لخوج
ورده: اي روحي اخطبي اني عندي شغل ماكدر اروح وياج يله اتاخرت باي
ماما: الله يصبرني عليج روحي
ورده: وصلت دا اشتغل دخل شاب كلش حلو بس اني ماهتميت بس البنات الي وياي وحده تكول للثانيه شوفي الجمال طبعا مبين انتبه عليهن فأجه كبل عليه لان ضليت مدنكه وماهتميت
اسلام: السلام عليكم
ورده: وعليكم السلام تفضل
اسلام: بلا زحمه اريد حب وجع راس عندي صداع قوي
ورده: لحضه. انطيته الدوه هو ضل يباوعلي بس سويت نفسي ممنتبه بعدين ضل مركز عليه ضجت. نترت بيه كتله تريد شي ثاني كلي لا شكرا وابتسملي وراح.
(اني اسلام عمري 35 سنه مهندس ومدير كهرباء بابل مواصفاتي طولي170 وزني 75 حنطاوي عيوني صفر ولحيتي شويه مطولهه حالتي الماديه ممتاز ماممزوج التهيت بالدراسه وماخذ ماجستير بهندسة الكهرباء عندي امي وابويه الله يطول بعمرهم واخت وحده)
اسلام: طلعت العصر افتر بالسياره بس حسيت راسي يوجعني كلت خلي اروح لصيدليه اجيب حب وجع راس طبيت لصيدليه شفت البنات وحده تندس الثانيه عليه ماهتميت وشفت وحده مدنكه رحت عليهه كبل باوعتلهه جمال مو طبيعي ضليت صافن عليهه انطتني العلاج ونترت بيه حقهه ضاجت. ضلت ابالي وافكر بيهه وجهه مافاركني اثرت بيه حيل...

وللحكايه بقايه😉