صدفة

البارت 2/3

(البارت الثاني والثالث

احمد: رحنه خطبنه مها اني وامي وابويه رحبو بينه وكالو اسبوع ونرجعلكم خبر لان يريدون يسألون علينه ومن هذه السوالف الروتينيه
ورده: رجعت للبيت اليوم رجل صديقني وصلني هو وصديقني اداوم وياي شفت احمد يلعب بتلفونه. هلو عريس مبروك
احمد: اسكتي لاتفكريني بعدهم ماوافقو
ورده: 😏 عابت مو صوجك
احمد: لا اشاقه وياج ولج
ورده: فديتك اخويه الكمر انشالله يقبلون. رحت لغرفتي سبحت وبدلت وخابرت ايمن هلو حبي
ايمن: هلو حياتي شونج
ورده: الحمدلله اليوم خطبنه لاحمد اخويه
ايمن: صدك انشالله اليوم النه
ورده: انشالله ضلينه انسولف كومه تقريبا ل2 باليل بعدهه نمت وراي دوام.
اسلام: رجعت للبيت اتعشيت وهذه البنيه ابالي معقوله هذا حب من اول نضره بحياتي مالفتت انتباهي وحده رغم هواي بنات وياي بالدوام ويتمنن احجي وياهن بس هذه البنيه بيهه شي مميز حبيته ضليت افكر بيهه لحد منمت. كعدت الصبح رحت للدوام وقررت العصر هم اروح لصيدليه حتى اشوفهه
ورده: كعدت الصبح كالعاده بدلت ورحلت للكليه شفت ايمن وسولفنه وتغدينه مثل كل يوم ورجعت للبيت اتغديت ونمت والعصر رحت لصيدليه شويه واجه نفس الولد الي شفته البارحه
اسلام: السلام عليكم
ورده: وعليكم السلام تفضل
اسلام: البارحه الحب الي اخذته منج مو زين
ورده:😒 والمطلوب
اسلام: اريد نوعيه احس الضاهر بضاعتكم مو زينه
ورده: شنو شعبالك دنبيع ملابس لو طماطه. كلش ضوجني واستفزني من كلي هيج
اسلام: من حجيت هيج ماعبالي تضوج. بس حتى من تضوج هم حلوه بكل حالاتهه تخبل
ورده: انطيته حب اقوه من ذاك. تفضل بس اذا هذا ماشتغل معناتهه الخلل براسك روح شوف طبيب
اسلام: شنو مخبل حتى الخلل بيه😡
ورده: مادري تريد شي ثاني😏
اسلام: لا شكرا😕. خرب غير عنيده وشايفه روحهه بس عمي حقهه.  ضليت يوميه اروح لصيدليه لمدة اسبوع بس من تشوفني تخلي صديقتهه تشوف طلبي بس مومهم المهم اشوفهه.
ورده: يوميه يجي يريد شي بس اني ميهمني ابد وكمت من يجي اخلي وحده بمكاني تشوفه شيريد. اكلك احمد هم رجعولكم خبر مال الخطوبه فضوهه
احمد: اي موافقين بعد يومين نسوي حفله ابيتهم
ورده: اهاا تمام مبروك حبيبي
احمد: الله يبارك بيج وروده
ورده: صار الليل خابرني ايمن
ايمن: هلو حبيبي
ورده: هلو حياتي
ايمن: ولج مشتاقلج حيل
ورده: اني هم كلش مشتاقتلك
ايمن: اني حاجيت اهلي اريد اخطبج
ورده: 😍 فاجأتني
ايمن: هههههه يروحي انتي هو ردت افاجأج. انتي حددي اليوم الي تردين نجي بي
ورده: خليهه مو هسه وره خطوبة احمد تعالو
ايمن: ماشي حبي تؤمرين احبج
ورده: اموت عليك. حروح امي دا تصيحني باي
ايمن: اوك حب باي
ورده: هاا ماما كولي
ماما: حبيبتي اخذي اجازه يومين من الصيدليه والكليه علمود خطوبة اخوج حتى انلحك نحضر شغلاتنه
ورده: ادري ماما اخذت اليوم
ماما: اي عفيه عليج ماماتي
ورده: رحت لغرفتي فرحانه ايمن حيخطبني وضليت افكر لحد منمت. كعدت الصبح رحنه اني وماما للسوك نشتري شغلات واني هم اشتريت ثوب اليه كلش حلو طويل ومخصر ع جسمي لونه اصفر ورجعنه للبيت كلش تعبانين من الفره وانوب نضفنه البيت خاف يجون خطار تعبت كلش صار الليل خابرت ايمن حجيت وياه شويه ونمت.
اسلام: رحت ثاني يوم حتى اشوفهه ملكيتهه كلش ضجت وحسيت يومي مكمل بدونهه احسهه تمدني بطاقه من اشوفهه رجعت للبيت حتى عشه ماتعشيت والبيت مخبوص باجر خطوبة اختي رحت لغرفتي كبل نمت. ثاني يوم مداومت ضليت انتظر شوكت تصير ب5 حتى اروح لصيدليه رغم خطوبة اختي ماطلع بس ماتحملت كلت اروح بسرعه اشوفهه وارجع. رحت هم مالكيتهه صعدت عندي الكأبه فول رجعت للبيت لكيت العالم جايه.
ابو اسلام: وينك ابني عيب من العالم وين جنت
اسلام: جان عندي شغل امشي بويه خلي نطب يم العالم.
ورده: كعدت ثاني يوم تريكت وجوي خطار علينه اتغدو يمنه وبعدهه رحت للصالون حطيت مكياج خفيف ومرتب بس كلش حلو ولبست ثوبي الاصفر واووووو جمال فديتني😘😎. طلعنه كلنه لبيت العروس وصلنه سلمنه عليهم وشفت مها هم تعرفت عليهه. وركصنه ولبسو الحلقات.
ام اسلام: فدوه شون ورده اسم ع مسمى
ورده: تسلمين خاله من ذوقج. وانوب كلساع تبوسني مبين عليهه حيل حبابه. خاله بلا زحمه اريد مي
ام اسلام: روحي حبيبتي للمطبخ بالثلاجه بعد صرتو من اهل البيت
ورده: تسلمين خاله. رحت للمطبخ دا تشرب مي جنت كلش عطشانه سمعت واحد وراي يكلي فضيهه صارلج كم سنه ماشاربه مي فتحتت عيوني ودرت وجهي جان يطلع نفس الولد الي دائما يجي لصيدليه تفاجأت ع اخترعت ممتوقعه هلشي ضليت مصدومه😨...

وللحكايه بقايه😉🌹

(البارت الثالث )🌹

اسلام: كملت الخطوبه ع خير طبعا اني اعرف احمد من زمان لان اني المدير مالته انسان خلوق واصيل بعدهه رحت للمطبخ اريد اشرب مي وكلت اخلص من الهوسه لان المطبخ فارغ. طبيت شفت وحده واكفه يم الثلاجه دا تشرب مي كومه ضلت ولابسه ثوب اصفر وجسمهه من وره الا ابشده كتلهه صارلج كم سنه ماشاربه مي ومن التفتت طلعت نفسهه بت كلبي اوف ماكدرت انزل عيوني عنهه كلش مشتاقلهه وانوب لابسه ثوب اصفر يموت عليهه طالعه ملكه.
ورده: 😨شتسوي هنا
اسلام: هذا بيتنه انتي شتسوين هنا
ورده: بيتكم يعني انت اخو مها
اسلام: اي اخوهه اسلام وانتي
ورده: اني اخت احمد😌 ورده
اسلام: اممممم تشرفنه ورده
ورده: طبعا الك الشرف تتعرف عليه وعفته ومشيت بغرور
اسلام: ههههههه مخبله والله. شكد رتاحيت من شفتهه رجعتلي الحياة اوف لو تدرين شكد احبج وانوب طالعه ملاك وشعرهه يخبل مثلهه اوف كلبي.
ورده: رحت يم امي وبيني وبين نفسي اكول شنو من صدفه هذه سبحان الله. بعدهه رجعنه للبيت كلش تعبانين خابرت ايمن هلو حبي
ايمن: هلا حبي شونهه الخطوبه
ورده: تخبل كلش تونسنه بيهه
ايمن: لعد حضري نفسك باجر اجيب اهلي
ورده: 😍 اوك منتظرتك احبك
ايمن: اموت عليك يروحي
ورده: الله يخليك اليه. اني حيل احب ايمن كلبه طيب حيل وممصدكه باجر يخطبني فرحانه كلش. نمت وكعدت رحت لصيدليه اليوم جمعه ضليت اشتغل وبالي مشغول بالخطوبه واضحك للهوه.
اسلام: كعدت الصبح ب9 سبحت وتريكت وطلعت حتى اروح اشوف الكمر مالتي. وصلت شفتهه لابسه وردي اعشق هلون وتضحك وتسولف ويه صديقاتهه اول مره اشوفهه هيج تضحك وفرحانه معقوله اني اثرت بيهه وحبتني وهيج فرحانه. بعدين طبيت لصيدليه رحتلهه السلام عليكم
ورده: وعليكم السلام
اسلام: اريد حب مال سكر
ورده: انطيتهياه اخذه وابتسملي واني هم ابتسمتله لا ارادي وراح
اسلام: كلبي وكف من ابتسمتلي اوف راح تموتني هذه البنيه
ورده: خلص دوامي وطلعت من الصيدليه رحت للبيت سبحت وخابرت ايمن كلي ب4 نجي كتله اوك ورحت حضرت شألبس وسويت كيك وعصير فريش وسرحت شعري وبدلت وانتظر يمته يجون صارت ب4 جوي طلعلهم احمد دخلهم للصاله وبعدين جوي امي وابويه كعدو يمهم بعدهه حضرت صينيه مال كيك وعصير وصحت احمد اجه سويت نفسي مادري منو الخطار انطيتهياه. كتله احمد منو الخطار
احمد: خطيه علساس متدرين😂
ورده: 😯لا مادري يله روح ودي الصينيه
احمد: ههههه راح اسوي نفسي صدكت متدرين
ورده: عزه شكد عيب هههههه. ابويه كللهم انطونه مجال وانردلكم الخبر. سألني ابويه ووافقت وهمه هم مجان عدهم اعتراض لان عائله فوك الممتاز وحددنه الخطوبه بعد اسبوع. وفعلا حضرنه للخطوبه ورحت شتريت بدله وحجزت بالصالون.
اسلام: ضليت يوميه اروحلهه لصيدليه ماتحمل لازم اشوفهه حبيتهه من صدك .
ورده: اجه يوم الخطوبه وكلش متوتره. كعدت تريكت وسبحت وحضرت نفسي حتى اروح للصالون.
اسلام: قررت اليوم احاجي مها اريد اخطب ورده بعد ماتحمل بعدهه عني. مهما تعالي عندي موضوع وياج
مها: هاا اسلام خير
اسلام: اريد اخطب ورده اخت احمد شتكولين
مها: ضليت مصدومه ماعرف شكله. اسلام بس ماعرف شكلك
اسلام: ليش شكو
مها: بس اليوم خطوبتهه ودا ابدل اريد اروح هسه
اسلام: من كلتلي هيج انصدمت صدمة عمري ماعرفت حتى احجي او اجاوبهه. ماحجيت شي عفتهه وطلعت.....

وللحكايه بقايه🌹كاظم العربيَ