هجين الظلام

- ٩-

#هجين_الظلام
بقلم ام مصطفى وئام البصري
الحلقة التاسعة
"تذكر من جنا صغار .....

صوت رسالة واتساب جذبت انتباهة وركضتها اخذت النقال
-اكيد عمتي مو كتلك انتظر رسالة مهمة!

كام بيان يمها و هو صفن عليها
-اي بس ليش هيج تنهتين وحالتج حالة كلة لان عمتي دزتلج رسالة شو بلة انطيني نقالج! ....
ظلت تبجي
-بيان فدوة اروحلك و الله افهمك
زاد الشك و هو طلع من اللعبة انقفل صاح بيها حيل
-فتحي الرمز بسرعةةةةة عصبت ويا ويلج ....

باوعت كفاية لاخوها و رجعت لورى ..
-ما افتح الرمز مالك غرض بيه انت مو اخوي امك مو امي ...

جرها من كذلتها بصفه ...

-عيدي بلة شكلتي ؟ ترى اطرم مسمعتج ؟

شهكت وهي تبجي :
-ما افتح ماريد مالك غرض بية ..

جر كذلتها حيل:
-اي هاي سمعتها الوراها شكلتي ؟

بوزت و حجت :
- لصيرلي اخو من تالي، طول عمرك منعتبرك اخو انت ابن امي سماح السودة ..
شد شعرها اكثر و صيح حيل:
- لج اني مو اخوج لعد ابراهيم اما يكون مو ابوية او مو ابوج هذا معنى كلامج، و احنا اخوة مو اشقاء اعرف بس ابوية ابوج و غصبن عليج راسج اكسره من تسوين غلط .

طلع البقية على صريخها وهي تدافع وي اخوها الي انطاها راشدي .. فرجعت الراشدي عليه

-وخر لا احرك البيت عليك لا تضرب احترم الاكبر منك، عود انت ولد وتضربني لا شو طزززز احترم اني اكبر منك.

جانت تبجي مستهضمة يمد ايده لانه ولد و يشيخ عليهن ...
اما هو جان يريد يفرض سيطرته عالبيت وكل تفكيره شنو حجم غلطتها مثل نهلة لو ضامة الأكبر منها.

عصب وفقد كل حس تفكير فضرب راسها بالحايط و صاحت:
- اااخ يومة راسي لحكيني ...
هز راسها وهو كاض شعرها :

-الا أربيج يا كفاية تمدين ايدج علي خل ازين شواربي بعد اني مو بيان الطفل الي تشبعنة ضرب ويلبد ورى امه سماح، تسمعن كلجن لو اكبر واحد يوكف بوجهي الا امشيجن عالسراط المستقيم ..

صاحت بيه نورس و اجته تريد توخره عنها فلف ايده على شعر كفاية اكثر حتى حست حينشلع بيده.

-ترحن من يمي لا اشلع شعرها واموتها كدامجن ، ترى شياطيني طافرة من عيوني .. التفت على كفاية ..

-فتحي النقال لج فتحيه؟ ...

باوع وسام لابوه بحياتة مشايفة ضارب احد و تعجب من الشافة بالعراق يضرب عماته فكلة يبجي

-بابا عوف عمتي مبغيش تضربها ...

صاح بيه بيان
-اصعد لغرفتي فورا ..

دنك الطفل وصعد و عينة على عمته و يبجي لبجيها ..

دار بيان لكفاية ..