*بتفتح الشات اللي كان بينهم وتبدأ تعيط وهي بتقرأ*
-ليه سبتني ومشيت يـ احمد! ده انت وعدتني انك مش هتبعد عني ولو ثانيه..خلتني احبك ومازلت بحبك وعمري ما فكرت ف حد غيرك حتي بعد ما م..
مش قادره اكمل كلامي واقول انك مت وسبتني وحيده بس انت لسه عايش جوايا ، لسه فاكره اول كلامنا بينا واول ما قولتي بحبك يـ *اسمها* لسه فاكره كل حاجه حلوه بينا وعمري ما نسيتها ولو لحظه واحده:"
*بتتكلم معاه كانه عايش فعلا وهي بتبكي*
فاكر يـ احمد اول مقابله لينا؟
طب فاكر لما قولتي انك محتاج حضني وحضنتك ساعتها فاكر يـ احمد اول ما مسكت ايدي وقولتي متقلقيش انا جمبك وكل حاجه هتبقي تمام مكنتش خايفه من حاجه قد ما كنت خايفه انك تبعد عني وتسبني .. كنت خايفه من ان المرض يأثر عليك مع انك قولت انك اقوي من كده وهتفضل تقاوم المرض لحد اخر نفس فيك!
انت فعلا عملت كده انت بطلي يـ احمد وهتفضل بطلي لانك لسه عايش جوايا ومش هتموت لا ي احمد انت لسه عايش انا محتاجالك جدا:")
انا يومي ناقص من غيرك ، اصلا مش حاسه بطعم الحياه ، انا مكنتش بفرح الا معاك ، مكنتش حاسه بطعم الحياه والحب الا لما قابلتك وعرفت قد اي معني السعاده ف عينك..
انا مش عايزه حاجه من الدنيا غير انك ترجعلي..ارجعي يـ احمد ياريت تكون سامعني وحاسس باللي انا فيه ده ، عارفه انك مش هترجع بس انا عايزك يارب اموت بس عشان اشوفك مره كمان واشبع منك!
*فضلت تتامل ف ملامحه وهي فاتحه صورة من صوره*
كانت الابتسامه دايما ف وشك يـ احمد وعمرك ما عرفت تزعلني حتي لما كنت مخنوق وضايقتني منك عرفت تصالحني ف وقتها حتي لما بكون غلطانه بتصالحني انا عمري ما شوفت حد حبني قد حبك ليا بس للاسف الحلو مبيكملش بس انت ف مكان احسن دلوقت وعارفه ان ده نصيب وقدرك كان مكتوب بس انا مش هطلب من ربنا الا اني اشوفك..يارب خدني عشان اشوفه ع الاقل ، حبيتك جدا وعمري ما هحب شخص غيرك:")
وحشني حضنك وصوتك وكلمه"بحبك" وانت بتقولهالي وحشني كل حاجه كانت بينا
مش عايزه اقول "كانت" بس مش بايدي حاجه اعملها غير اني افضل ابص لصورتك وانا بعيط..
