الحلقه الرابعه
ف الصباح سحر لم تستوعب مايحدث وقررت ان تتحدث مع خالد
سحر :انت اجوزتني عشان تذلني صح
عشان ف الراحه والجايه كنت بهزاك
خالد: انا بردو يابنت عمي تظني فيا كده انتي لسه ماتعرفنيش كويس لماتعرفيني هتفهمي
بدا الشك يساورها مره اخري
سحر:امال لا قربتلي ولا جيت جمبي
ليه بقي مش فهماها الحته دي
خالد:اولا انا مش حيوان بجري ورا غريزته بس
وانا مقدر حالتك النفسيه والظروف اللي مريتي بيها عشان كده سايبك لما تحسي بالاولفه معايا
فهمتي
سحر:اعدمك لو فهمت حاجه
خالد:هههههههه انتي عاوزه تعدميني ف الصباحيه دا انتي مشكله
سحر:طب براحه عليا كده وواحده واحده فهمني وبلاش الكلام المجعلص ده ماحبوش ولا افهموش
خالد:وعملالي دبلوم بس وبنقول كلام كبير
سحر:الله يسمحك انت بتتمسخر عليا عشان علامي علي ادي
خالد:ياسيتي حاشا لله مش قصدي والله انا بس بفك التنشنه اللي انتي فيها دي
ولا علي ايه هنقعد ف شرح التنشنه دي اسبوعين
سحر:لا ياخويا فهماها انت فاكرني حماره كنا بنقولها لبعض ماتنشنيش معايا انا والبنات اصحايي
خالد:طب الحمد لله
المهم انا اقصد اني مش هاجي جمبك الا اما الاقيكي انتي اللي جايه ف حضني وعوزاني
سحر :عشم ابليس ف الجنه
يبقي هتستني كتير
انت لو عاوز حاجه خدها
خالد:ياسيتي انا صابر ومحتسب واجري علي الله
ومش هيأس منك
وحتي لو ماحبتنيش ومارتحتيش معايا وحبيتي اطلقك انا ماعنديش مانع
سحر:بس انا بردو مش مرتحالك ماهو مافيش واحد معاه مراته بت لونه ونغشه كده وهيسبها ف حالها
خالد:يابت اهمدي بقي ماتكبريهاش ف دماغي
دا ايه البت دي
ياسيتي انا عارف انك مابتطقنيش ومش ممكن هخدك غصب ابدا لو هموت عليكي يبقي فرق ايه بيني وبين اللي اغتصبوكي
سحر:انك جوزي
خالد:انا بقي مش عاوزها الا بالتراضي
سحر :يعني هتصبر ومش هتنخ
خالد:انخ دا انتي مصيبه ف تعبريتاك بتجيبي الكلام المنقرض من زمن ده ازاي
سحر:اهو بسمع امي
خالد:علي راسي ياسيتي انتي والست الوالده
سحر:تسلم وتعيش ياخويا
خالد:بس رجاء بلاش اخويا عشان بتحرق دمي
سحر :ماشي ياخويا
يووووه معلش بقي
خالد:انا ماشي اشوف اكل عيشي احسن
سحر:هتنزل ف الصباحيه
دي الناس تاكل وشي
اصبر يومين حتي وابقي افتح
خالد:طب انا نازل اشوف الجماعه تحت
سحر:ماشي سلملي عليهم
................
خالد:يسلم علي امه ويقبل يدها
ازيك ياست الحبايب وحشتيني
ام خالد:تسلم ياحبيبي من كل شر
عامل ايه يابني
خالد:الحمد لله ياامي
سحر بنت حلال وغلبانه اوي
ام خالد:ربنا يسعدك يابني ويجازيك خير
خالد:دا واجبي ياامي انا مش بعمل فيهاجميله دي عرضي ولحمي لو ماسترتوش مين يستره
واللي بعمله حالا هيقعدلي ف اولادي ان شاء الله
ام خالد:ربنا يصلحلك الحال ياحبيبي ويديك علي اد نيتك
......................
ثم يطلع الي سحر
خالد:الجميل عاملنا ايه انهارده
سحر:لا دا انا استاذه ف الطبخ لو دوقت طبيخي مش هتسلاه بس عندنا الاكل كتير بتاع العشا زي ماهو لمانخلص ابقي ادوقك
خالد:اعتبر ده وعد
سحر :طبعا وانا ورايا ايه غير الطبيخ
ياخذ خالد مصحفه ويرتل ورده بصوت جميل
سحر:الله صوتك حلو يابن الايه ف القران
بس انا عاوزه منك حاجه ومكسوفه اتقل عليك
خالد:اؤمريني
سحر:انا القران تقيل عليا اوي ف القرايه
ونفسي احفظه وعامل زي الطلاسم اقرا ولا افهم حاجه
خالد:بس كده كل اما اجي بليل نقعد اقريكي واحفظك كام ايه بكام ايه وافهمك اللي مش فهماه
ونبدا بليل ان شاء الله علي ما الناس اللي هتيجي تهني تمشي
سحر:ان شاالله خليك يارب
بس انت طيب معايا كده ليه
دانا كنت مبهدلاك ف الرايحه والجايه
خالد:يظهر اني باجي ع البهدله
سحر:ههههههه يوه جاتك ايه ياخالد ضحكنتني
وينتظر خالد وسحر من سياتي للتهناه
أنت تقرأ
اغتصاب بطريقه شرعيه ولكنه فرصه ثانيه
Romanceكوميدى حينما تعطيك الحياه فرصه اخري للعيش مع شريك.حياه متفهم ويعوضك عما عانيت