♚▪▫لعبة الشطرنج▫▪♚

البارت 2

♚♛ لعبة الشطرنج ⁦♚♛
بقلم  : ♠ كاپيطوسة المغربية ⁦♠
الفصل الأول : 🎭 عشق السفاحين 🎭

الش.ع : جرائم القتل تطورات بشكل ملحوظ فالأونة الأخيرة
الش.ع 2 : الغريب فالأمر جميع الضحايا كانو من الطبقة الغنية
الش.ع : و هادشي بالضبط علاش قلنا المسألة مسألة تصفية حسابات
الش.ع 1 : من خلال طريقة قتل المجرم كانطن غايكون مريض نفسي
الش.ع 2 : هضرت معاهم باش يجيبو لينا سجلات المرضى لي هربو او تطلق سراحهم فهاد 4 سنين الأخيرة
الش.ع : ولا نقدرو نبحثو فشنو كايجمع بين الضحايا لي ماتو
الش.ع 1 : العدد كبير بزاف ماكانظنش غاتكون شي حاجة محددة كاتجمعهم من غير النفوذ
الش.ع : تماما النفوذ هنا كانرجعو لمسألة تصفية الحسابات
الش.ع 2 : خاص يكون بحث على اعداء الضحايا لي ماتو  و واش عندهم شي حسابات
الش.ع : القضية مخربقة بزاف و غير ماكاتزيد و كاتتعقد كتر
الش.ع 1 : عيطو لي من مختبر التشريح لقاو حاجة جديدة فالقضية ... توجهو للخارج باش يخرجو
⇦ خارج الفيلا كان الصداع بزااف و الدنيا عامرة بطوموبيلات البوليس ... أصوات اللاسلكي فكل بلاصة و البوليس كايقلبو على شي اثار ديال الطوموبيل ولا الوسيلة لي ستعملها المجرم باش يوصل لتما و معلومات و اي حاجة تقدر توصلهم للقاتل .. مبعدين عليهم الصحافة بواحد الأشرطة صفراء كاتدل بلي فديك المنطقة وقعات جريمة .. خرجو الشرطة العلمية من تما و باقيين كايتناقشو بيناتهم
الش.ع : عمرني شفت شي قاتل كايقتل بديك الطريقة شفتي جسد الضحية كي كان؟ .. شافو العساس لي عيط لهم على الجريمة و عيطو ليه مشا بزربة لعندهم
الش.ع 1 : نتا العساس لي درتي الإبلاغ؟
العساس : وي ا سيدي ولكن ماشي انا لي لقيتو مقتول
الش.ع : عطيني التفاصيل اش وقع
العساس : طلعات الخدامة باش تنضف الغرفة ديال الوزير بحال ديما ا سيدي حتى لقاتو فديك الحالة و غوتات عاد طلعت و شفتو بديك الحالة و هضرت معاها باش ماتقيس والو على ود يبقاو البصمات و كلشي كيما هو ا سيدي و عيطت لكم
الش.ع : كاين هنا كاميرات المراقبة ياك
العساس : وي ا سيدي كاينين
الش.ع : ( هضر مع صاحبو ) هضر مع شي واحد من قسم الجنايات يهز التسجيلات
الش.ع 1 : واخا ... كملو تحقيقاتهم و جمعو الأدلة و بغاو يكملو طريقهم حتى حبسوهم الصحافة لي مجمعين .. غير شافوهم هجمو عليهم بالأسئلة
الصحافي 1 : سمعنا بلي جيكساو زار مدينة النمسا الليلة الماضية واش فعلا هو لي من مور هاد الجريمة
الصحافي 2 : علاش لي مزال ماقدرتو تشدوه؟؟ واش هادشي كايدل بلي ماعندكمش كفائات كافية باش تشدو مجرم بحال جيكساو
الصحافي 3 : علاش ماكاينا حتى شي معلومة عليه و علاش هو باقي لحد الساعة حر طليق
الصحافي 1 : بغينا جواب واش جيكساو غايبقا كابوس تابعنا طول حياتنا بغينا الأمااان
الش.ع : مكتب التحقيقات داير جهدو كامل باش يشد هاد المجرم و غادي يتشد فالقريب العاجل ... المجرم قد ما بقا حر طليق إلا و انه كايطيح تحت رحمة القانون باش تتطبق العدالة
الصحافي : اليوم مات الوزير و غدا ممكن يكون الدور علينا بغينا الأمان فبلادنا علاش سفاح مطلوب دوليا باقي مطلوق؟؟ واش ممكن تكون الدولة عندها يد فهادشي ... ماجاوبوهمش و خرجو من داك الزحام غير مازادو تعصبو .. شدو الطريق للمختبر