#أدمنتك
#الحلقه_الاولي
.
.
.
.
.
.
.
.
.
.
منبه ساعة 7:30⏱⏱⏱ترن ترن ترن
لوجين : نهييي طقطق نهى نهى فيقي هيا باتي قالك وقت عليك فتحت الباب وخشت
انا : عيوني مسكرات وجه متعفلق طفي ضي واطلعي كنك ماتفهميش😑
لوجين : ساعه 7:40 دقيقه راه
انا : فضت ورغان بقوه وقاتلها بوجه مصدوووم تبصري😟😟😟 وقت ونضت نجري لي الحمام
باتي : نهي بنتي كنك هضا كله نوم مش قلتي ان اليوم بتعدي كليه بتبدو محاضرات بايو 2
انا : في الحمام نجلي في سنوني اي اي باتي خداني نوم
باتي : وين مفاتيح سيارتك نسخنها لك قبل مانطلع وحطي اختك ع طريقك
انا : لوجين اعطي لباتي مفاتح واركبي في السيارة لين نجي وماتبخيش من صنه زي عاوايدك 😒
وماتمسي شي في سيارتي لنقطعك 😡
لوجين : بمرح بنمس 🤣🤣🤣 وطلعت لوجين وباتي من دار
انا لبست وتأنقته كااعدتها وطلعت ركبت في سيارتي طبعا كنت بنت مش عايشه في رفاهيه كبيرة بس كنت مستقله بسيارتي وعندي اي شي نتمناه بنت وعندي معجبين في سوشل ميديا
وعلي طبيعتي بحكم جمالي
انا : سكري القزاز صقع جميد سفنقري
لوجين : سخنت ونا نستنا فيك
انا : هيا قفليه بلا سماطه وشبحتله بجنب 😒 فطرتي
لوجين : اها مع باتي بدري وانتي راقدة 🙄
انا : وانا نسوق اتصلت بيقين
انا : الو
يقين : من بدري ونا نرن عليك شن هضا كله نوم وقت مش بنحضرو
انا : بضحكه ههههههههه رايفتلك معقوله مانشوفكش شهر ونص رايفت ع نقك وكل شي فيك شن العطله الغبيه هادي
يقين : هههههههه تضربي وخلاص خديتلك نسكافي لارج وكريب حسيت بيك مافطرتيش 😂
انا : ينعليا وخلاص نجك ليا 😍😍😍 هي قفلي بوابه نوصل نكلمك سلام❤️
بعد شويه ......
انا : انزلي لوجين وصلنا مدرستك ردي بالك ع روحك
لوجين : هيا نازله هي🙄
انا : كنك تنفخي 😒
لوجين : نبي نغيب 😊
انا : انزلي يالله بلا سماطه وهي نازلا تعالي هنااا عندك فلوس ؟؟
لوجين : اي بدري عطاني باتي ❤️
