السماح_والشيخ

10

السماح_والشيخ

البارت العاشر

تودون ان تعرفوا لما هذا التغير ؟
أذن فعلموا أنني أصبحت كذلك لأن كل شيء قد تغير الآن
فالماضي قد انتهى
وإنني غيرت رأيي فيهِ فجأة
وقطعت الصلة بمنهاجي القديم
لإنني اصبحتُ امضي في طريق جديد
...............................................

مرت الايام واني لازلت بنفس المكان الي اتمنى آطُـلع منه
صارلنه حوالي ٣سنوات ودخلنه بالسنه الرابعه

صح اكو تغيير بداخلي واحس نفسي مْْـٍو ذيج سماح الي قبل ٣سنوات بس بعدني اكابر وبعده لساني طويل (هههههه)

تغيرت حياتي وتغير اسلوبي وهذا الشي بفضل الله والشيخ
جان لظهور الشيخ تأثير ايجابي بحياتي
من جنت اگعد يمه احس بالراحه النفسيه والامان انسى التوتر والعصبيه

لكن التوتر والعصبيه ترجعلي بمجرد مايظهر المؤيد گدامي اتغير ١٨٠درجه ماادري ليش
يمكن لان دائما يتقصد يضوجني ويحاول يستفزني بكلامه
گمت يوميه اروح على شروق وبدت تسولفلي على حياتهم الصراحه وهي تحجي اندمجت وياها وكأنما آٌنـي عايشه الاحداث الي صارت وياهم
عائلتهم شگد حلوه الي يسودها الحب و الاحترام المتبادل والي عجبني اكثر جانوا غيورين فيمابينهم (الله يحفظهم)
حتى مؤيد شگد ماهو يضوجني بس من بدت تحجي بي وشلون يحب اهله واخواته وشگد حنين عليهم حيل كبر بعيني حسب كلام شروق

بس اني مكابره وماصدر مني اي ردة فعل
بعدين گلتلها خلي اروح اسلم على الشيخ وفعلا طلعت ورحت يمه

اول مادخلت شفت المؤيد جان گاعد سويت نفسي مشفته فسلمت بس على الشيخ وگعدت يمه جان المؤيد ينط من يمه وحاجاني
المؤيد : ول يابه ترة السلام لله مْْـٍو للبشر
سماح : هاي آنت هنا مشفتك
المؤيد : الله اكبر ازلمة شگدني وشكبرني ماشفتيني
سماح : اي مــآ شفتك وبعدين حتى اذا شفتك شنو تجبرني اسلم عليك
مؤيد : والله انتي حرام الواحد يضيع لحضة من عمرو وياج
الشيخ : ههههههههه شلون بيكم انتم ماتبطلون هلمكاون (المعارك)
سماح : هو الي بدة
مؤيد : اگوم آطُــٌُْْلُــُعُ لنو صار الكان الي انتي بي مغثة
سماح : خفتاً وراحة
الشيخ : هههههههههه
سماح : گعدت اشوية بعدين طلعت وگفت آٌنـي وشروق بلمطبخ بين ما كملت شغلها طلعنة آٌنـي وياها بلحديقة دنسولف ونضحك جان اشوف المؤيد واگف يباوع علينة عاد گلت لشروق اريد ارجع للبيت
خليت شروق تفوت للمطبخ جان اندار على المؤيد وغميتة ومشيت حسيتة راد ينفجر
يستاهل حتى يبطل بعد يغثني
مؤيد : طلعت برة ورة ماتلاسنت آٌنـّـّي وهلمصگوعة شوية وجان اشوفها هي وشروق بلحديقة يضحكن دحجت عليهن
والله هلمعثورة حليوة وضحكتها بعد احلى بَـس لو تبطل هلصلافة العدها شوية وما اهجس غير لنها واكفة وتغمني آٌنـّـّي فار دمي ؤلو قريبة علية الة بلحرام لضربها راجدي افرها فر لنها جثير تمادت
سماح : رجعت للبيت واني فرحانة احس روحي منتصرة على المؤيد
طبعا جان عندي راديو جنت مـا افارگة ابد دائما مشغلتة وصوتة عالي وامي ترزل بية وتنصي واني اعلي هههههههه
صار اليل والجو يجنن طلعت گعدت على مرجوحتي آٌنــّي ومسجلي وامي جابتلي تفاحة وبرتقالة فگعدت اكل واسمع
بسمة : يمة يعيني نصي هلمهجوم تراج فضحتينة ولج شتگول علينة العالم
سماح : اي يايوم هسة هو من علاتة ولا تخافين محد يشوفنة كلهم نايمين عبالك دجاج
بسمة : من غضب الله على راسج ولج نصي راح اكسرة
سماح : اي اي افتهمنة شوكت الله يخلصني من هلملة
بسمة : ياربي كون تاخذيلج واحد يطلع هدلال من عيونج ويخليج ماتگدرين تحجين كلمة
سماح : شحدة الي يسويها وعيونج بعدة مانخلق الي يگلي على عينج حاجب
بسمة : تلصمي تلصمي وراح اطب للحمام مْْـٍـٍ❌ـْْـْْـو تعلين هلمهجوم
سماح : والله افتهمنة مراح اعلي
مؤيد : كمت اعرف سميحان تگعد بليل على المرجوحة هي وراديونها الي صوتو شعلاتة
صارت عندي عادة مـا انام الة اشوفها طبت للبيت هاي البنية اجايد (اتعاند) ومگدر امنعها يرادلها امسايس لنو اذا منعتها تگوم تعلي اكثر
آٌنـّي ما متعلم على السهر گمت الصبح گوة اگعد الله لا يرضة عليج يسميحان
لازم احاجيها ماترهم اضل هيج
طلعت الشغلي روتيني اليومي ومن رجعت ارتاحيتلي شوية واالعصرية شفتها گاعدة بلحديقة تمشيت عليها
سماح : گاعدة بلحديقة وما احس غير المؤيد فوگ راسي،جفلت من شفتة
جفلتني شتريد جاي ؟
مؤيد : گلت احاجيها بهدوء
دحجي يبنت الناس آٌنـّي ماجاي اكاونج (اتعارك) بَـس جاي اكلج مايصير تگعدين تالي الليل بلحديقة وراديونج صوتو يجيب التايه وانتي كبرتي ومو زغيرة لازم تنتبهين على تصرفاتج
سماح : اولا آٌنـي مـا گاعدة وحدي
ثانيا الراديو صوتة ناصي
ثالثا والاهم ميهموني الناس الي يحجون بنهاية همة قرويين (احجي واعوج بحلگي)
مؤيد : من گالت قرويين تخبلت گضبتها من ايدها وگربت وجهي عليها وگتلها
دحجي يمعثورة اذبحج هينة واحسب الله ما خلگج اذا انوب گلتي قرويين او حجيتي حجاية مْْـٍـو زينة على اي واحد
سماح : مادري شصار بية من لزمني المؤيد وگام يحجي وياي بَـس ضليت اباوع بعيونة والغضب امبين بيهن ورغم الغضب جانن يجنن بعدين هدني وراح عاد انتبهت على روحي وگتلهة
هييييي انت والله اذا ما خليتك تندم على هاي سوايتك آٌنـي مو سماح
ثاني يوم رحت على شروق لگيتها دتكوي بدشداشة المؤيد گلتلها شعندة اليوم اخوج يلبس ابيض شنو عريس
شروق : الله يسمع منج يخية والمؤيد يعرس والله ماصدگ
سماح : صدگ تحجين انتي ولج اخوج على هاي سوالفة منو تاخذة
شروق : ولج والله المؤيد مـا منة ثاني مولنو اخوية واحمدو بس غير انتي مامعاشرتة
سماح : هههههه تگلي ما معاشرتة ولج صارلي ٣ اسنين اعرفة
شروق : يمصگوعة هو انتي كل ماتشوفينة تكاونية (تعاركينة) وتمشين
سماح : لان يستاهل
الشيخ : يل السماح اريد اطلب منج طلب
سماح : آنت تأمر عمو
الشيخ : مايامر عليج عدو يبنيتي
اريدج اضمين شعرج يبنيتي انتي كبرتي والعين عليج وهاذ الشعر الحلو لا اطلعينو غير جدام رجلج
سماح : تم يعيني ههههههه
الشيخ : ول يابة شحلاتج من تسولفين مثلنة
سماح : عجل شلون يعيني
الشيخ : الله ايحفظج يبنيتي ويلة جدامي ضمي هل ظفيرة
سماح : آٌنـّي جنت مسوية ضفيرة فلفيتها ولبست الشال صارت كباية جبيرة بشعري
عاد گتلة تأمرني بشي ثاني يعيني احـچي مثلهم واضحك
گال لا فگمت اريد آطُـٌُْْلُــُعُ جان اشوف المؤيد
مؤيد : جنت معزوم بعرس آٌنـي وابن عمي فكشخت وطلعت اريد انطي علم للشيخ بطلعتي جان المح سماح گاعدة يم الشيخ تحجي مثلنة وتضحك
ول يابة شحلاتها وهي تضحك عجل ڵــيش من اتشوفني اتخبل وبس اتكاون (اتعارك)
عاد طبيت كتلو شيخ آٌنـي رايح تأمرني على شي
الشيخ : ما يأمر عليك ظالم يوليدي مسهلة انشالله وسلمنة عليهم
مؤيد : عجل اترخص يلغالي
الشيخ : الله وياك
سماح : شگد اضوج من المؤيد بَـس هلمرة من شفتة بدشداشة البيضة صدگ انبهرت بي انتبهت وشفت الشيخ يباوع علية عاد گتلة آٌنـي رايحة وطلعت
صـ✔ــح بقيت كل مـا اشوف مؤيد اعاركة بَس ما انكر گمت احب شوفته اتقصد احـجي وياه واغثة
بَـس ما خليت احد ينتبه علية لان طبعي ما غيرتة لكن الي تغير شي داخلي وما اعرف افسرة لكن الشيخ جان تصرفة غريب وياية
مرة من المرات ضليت يومين مااطلع اتقصدت ابقى بالبيت وحتى شروق مارحتلها اريد اعرف شبية وليش هيج يصير بيه من اروح عليهم
عاد ما اتحملت بليوم الثالث رحت عليهم لان فعلا اشتاقيت للشيخ جنت احس بالنقص باليوم الي مااشوفه بي دخلت جان گاعد الشيخ واول مـا شافني گام يهلي ويمرحب رحت سلمت علي وگعدت يمة واني عيني على الباب اترقب المؤيد جان الشيخ يگلي
الشيخ : مْْـٍوعلى بعضج يالسماح احد غاثج
سماح : لا والله مابية شي تتوقع احد يغثني واسكتله
الشيخ : ههههههه لا مـا اتوقع
سماح : عجل خوش هههههه
بَـس ضليت گاعده واحوص بمكاني بعدين ما اتحملت كتلة شيخ اشو اليوم مـــاْكُٓوٰ احد

....................لازال للقصه بقيه ولازلت اكتـ✍ـب

شتتوقعون راح يكون رد الشيخ لسماح ؟؟