ورا طلاكي صارت حياتي كلها علاقات وشرب اي كمت اشرب لان مليت من حياتي فد يوم جنت بكروب ابنيه اسمها ٠
جوان نشرت شعر حزين عرفت من خلالها امها جديد متوفيه علقتلها
الله يرحمها ويصبركم....
تسلم ويرحم موتاك ....
دزتيتلها عالخاص ..
اسف لان راسلت٠
خاص بس حبيت اكولج الله يصبركم واذا تحبين نصير اصدقاء واذا لا انسحب....
مرت ساعه وجاوبتني اني هم اريد شخص احجيله....
ليش شبيج...
اووووووووووف . ...
مبين شايله بكلبج هوايه...
اي والله ....
خير ....
يمكن راح تضوج بس اريد اسال....
ليش الزلم ماعدهم وفا...
مو الكل هيج....
الي شفته بعيني هيج...
اممم افهم مضروبه بوري...
خاب دطير وين راح بالك مااحجي عن نفسي....
لعد شبيج ....
ااااااه ابويه....
شبيه اتزوج تصدك امي صارلها ٥شهور توفت وتزوج البارحه ....
ياعيني هذا حقه حرام تمنعوه.....
مامانعيه بس عالاقل يخلي تفوت سنتها....
اسالج ماعدج خوات صغار ...
عندي اخت صغيره وحده...
بس مو هذا سبب زواجه...
لعد يريد ولد ...
اصلا جان يريد يتزوج امي ماتت بحصرتها....
لا تكولين هيج امج ماتت وهذا يومها...
ادري بس مقهورة عليها شكد جانت تتحمل ابويه....
تصدك جان يضربها من نكول نكره بابا...
جانت تضربنا تكول ابوكم لان يتعب بالشغل على مودنا لذالك خلكه ضيك باليل يعتذرلي...
وهو جذب هي جانت تتوسل بيه وتصالحه ...
بس حتى لايتزوج وهو بالمقابل جان يضربها .....
الله يرحمها ....
امين ويرحم موتاك...
اي اسمج جوان شكد عمرج...
اي عمري ١٨سنه وانت...
اني عمار عمري ٢٧سنه....
انتي تدرسين ..
اي سادس علمي وانت متخرج...
لا والله مالي خلك دراسه اشتغل ويه واحد مقاول ....
هااا الله يساعدك...
شكرا ويساعدج...
اي بعد عرفيني بنفسج...
عندي اختين وحده اكبر مني ووحده صغيره الجبيره عمرها ٢٠ والصغيره ٦سنوات...
الله يحفضهن ...
تسلم ويحفظك وانت ...
عندي اخين واخت وحده...
حلو ...
وين كاعد بالبصره ...
وانتي ....
بغداد ...
حلوة بغداد...
اي بس اني ماشايفه بصره ....
كولش حلوة عود بيوم تعاي ههههه......
هههههه اتمنى ...
الله كريم يلا بويه روحي نامي ماوراج دراسه ....
هههههه شكرا نسيتني حزني ....
العفو بويه اني بالخدمه....
الله وياك ....
مع السلامه....
مرت الايام تعلقنا ببعض ....
قررت اروح اخطبها بس لازم احجي ويه اهلي...
ها عاش من شافك ...
هلابويه ...
هلا يمه .
هلابيك وليدي...
خير ياطير..
شبيك بويه مفرحان....
لا شلون لو ادري جان فرشتلك السجاده الحمرا...
تمون بويه ...
اريد اخطب...
مو كلت اختفيت كل هالفتره ورجعت اكيد وراك سالفه...
اني مااجي بعد ولااخطبلك يكفي خطبتلك مره وفضحتنا فوكاها كلت انت زوجتني عبالك اني غصبتك...
بعد مستحييل اخطبلك...
وانتي يمه. ...
قسما بالله اذا خطيتي خطوه ورحتي تخطبيله لاترجعين للبيت.....
ها هيج صارت بويه...
انجب واطلع بره....
ماشي بويه تمون....
مع السلامه ....
ليش ياحجي ...
جب مااريد اسمع كلمه....
الله يهديك....
بعد مارفض ابويه يجي وياي رحت ويه عمي يطلبلي ...
رفض من درا ابوي ميقبل بالكوه قبل ثاني يوم رحنا لبغداد اخذت العنوان من جوان ورحنالهم.....
السلام عليكم ...
عليكم السلام تفضلو ...
تسلم زاد فضلك عمي ...
ضيفونا ...
خويه اني وابن اخوي جايين نطلب ايد بنتك لابنا .....
خلي هو يعرفك بنفسه..
.عمي اني اسمي عمار عمري ٢٧سنه اشتغل ويه مقاول ماامكمل دراسه جنت متزوج ومطلك هسه شفت اخلاق بنتك جوان وحبيت اتمم نص ديني ....
زين ابني وين اهلك...
اني اجاوبك اخويه رافض ابنه يتزوج لان برايه مدام مطلك مو من حقه يرجع يتزوج...
لا شنو هالحجي اذا اول تجربه فشل معقوله يضل بدون زواج ....
والله هذا تفكير اخويه ...
زين ابني افكر واسال الابنيه واجاوبك ان شاءالله عمي اخذ راحتكم ..
بعد وكت لاوالله تسلم خويه ماقصرتو ...
وهذا رقمنا حتى تردونا ...
شرفتونا الله يقدم البيه خير...
ونعمه بالله مع السلامه...
الله وياكم...
بابا جوان جوان...
نعم بابا تعاي بنيتي ...
نعم بابا ...
اكو ولد طلبج وحجيتله عنه...
صح الولد مبين محترم بس براي انتي بعدج زغيره....
وليش هي صغيره عيني ترى بناتك كبرو بس انت تشوفهم صغار ...
بابا خاله حجيها صح وانت هم يادوب راتبك يكفينا اني قابله مدام انت مرتاح اله..
.فكري زين باجر اريد قرارج المهائي....
بنيتي جوان..
لاعبالج اني اكرهم لا والنبي اني اعتبركم مثل بناتي صح الفرق مو هوايه بس من يوم تزوجت ابوكم مافكرت اكرهكم او ابعد ابوكم عنكم ...
لا خاله ادري...
واني من حجيت اريد مصلحتكم...
ادري خاله من يوم الي تزوجتي بابا مقصرتي ويانا حاولتي تكوني قريبه النا وماقصرتي ....
ثاني يوم وافقت ...
اجا عمار ويه عمه ومرته اتفقنا عالمهر ...
قررنا المشيه والعقد بيوم واحد وورا اسبوع الحنه والعرس بيوم واحد اخذونا اني وخاله دياله...
للسوك اشتريت ذهب وبدلة للمهر ...
ورحنا حجزنا صالون...
ثاني يوم اني واختي زينب رحنا للصالون ..
اني مو كولش حلوة ماامدح بنفسي لا اني شويه طويله وسمره بس عيوني كبار ملامحي عادي كولش ...
يعني عمار احلى مني ....
تم العقد واجا عمار حتى يلبسني الذهب...
طالعه حلوة ...
مواحلى منك...
اوووف شفايتلي وحده مثلج تمدحني غمزتلها...
خجلت نزلت راسها....
هههههه اشوف وحده خجلت...
ههههه عماااار...
ههههه سكتت خلص حبيبه ...
يلا بويه ارتاحي ورا يومين نروح نتخار غرفه ...
خوش. ...
مع السلامه ....
الله وياك حبيبي...
ياااابويه شكلتي...
ههه حبيبي....
اموت عليج جوانتي ...
اني هم...
كوليها لاتخليها حسره بكلبي
...احبك...
اووووف واخيرا سمعتها...
هسه لو اموت هم عادي....
اسم الله عليك فدوه عمار لاتحجي بالموت...
اسف عمري خلاص مسحي دموعج...مع السلامه ...
الله وياك محفوظ٠٠٠٠٠
مرت يومين....
جنا نحجي ماادري شجاني وسالتها ....
اذا جنتي مرة اب شلون تعاملين ابن زوجج....صفنت على حجيه ...
عماار انت عندك طفل....
سكتت....
عمااااار...
يتبع ..وين تفاعلكم
أنت تقرأ
الرغبة18+
Truyện Ngắnقصه اجتماعيه تتحدث عن شاب فضل غرائزه على اعز ناسه هي اعطته الحب هو اعطاها الخيانه فياترى هل سيستمر الحياة بينهما ام تنتهي
