((معاذ الله انه ربي احسن مثواي))
سبحان الله اد ايه اللحظه دي كانت فعلا عابره و قليله اوي وقصيره
انما ربنا كتبلها الخلود
علشان نتعظ منها ونقتدي بسيدنا يوسف عليه السلام ونعمل زي ما عمل
لما حس ايه ده لا الحاجه دي مش هتعجب ربنا وهتغضبه وحاجه حرام اصلا هتضرني في ديني (في علاقتي مع ربنا)
وهتضرني في دنيتي ( في علاقتي بعزيز مصر اللي رباني وخلاني بمثابه ابن ليه اقوم انا ضاروه وعامل فيه كده وخاينو واسوأ (ثمعه)(سمعه) (اعزروني مش عارفه بالسين ولا بالثاء 😁😁😂😂) مراته انا لو عملت كده ابقي قليل الاصل وما استاهلش اللي هو عملو معايا
بس طبعا سيدنا يوسف عليه السلام مداش لنفسه فرصه انه يفكر لانه لو كان فكر كان الشيطان هو اللي هيبقي بيتكلم مش سيدنا يوسف
انتو دوركم بقي ايه تتعظو ازاي من الجمله دي
انكو تعملوا زي ما سيدنا يوسف عمل لو في اي فتنه قدامكم او خطأ هتقعوا فيه بس عارفين انه غلط وانتو مغمضين ارفضو قولوا معاذ الله انه ربي
انه رب اللي مطلع عليا وعارف وشايف ‘سامع اللي انا بعمله معاذ الله انه ربي
انه ربي اللي واهبلي حواسي وايديا ورجليه مش علشان اعصيه لا علشا اطيعه واعبده بيهم علشان اقرب منه مش علشان ابعد عنه واعصيه حتي لو مش واخد بالي
طب اكتر حاجه تخليني اعتدل واقرب من ربنا ايه حتي لو مش عارف اعمل اقرا قران وصلي وهتلاقي نفسك بتتعدلي واحده واحده واهم من كل ده
نظبط لبسنا يا بنات انا ببقي مدايقه اوي لما امشي في الشارع والاقي واحده مش لابسه حجاب ليه يا بنت الحلال
((اصلي لسه صغيره وعايزه استمتع بشعري طيب ممكن اسأل حضرتك سؤال هو انتي لازم تستمتعي بيه في الشارع مينفعش تستمتعي بيه في البيت مع اقاربك اللي ينفع يشوفوه احنا مبنقولش قصيه ومتستمتعيش بيه لا استمتعي بيه فالبيت))
((والبانطالونات 😨😱😱))
انا فعلا مستغربه ليه البنات بتلبس البنطلون من دول ضيق ضيق اوي كأنها مش لابسه حاجه بالضبط ايه لازمته بقي
بانطالون البنات يا ساده هوهو اللي بيلبسوه الولاد انا صاحبتي بتقولي انا قبل كده لبست بنطلون اخويا ورحت بيه الدرس
عادي كده مبدلين البانطالونات
😕😕😢😢
حاولو تظبطو تدريجيا كذه هيبقي اسهل
اسفه جدا الكلام خدني ودخلت في موضوع تاني بس يعتبر من مشتقاته برده فهي دي اللحجات اللي تعصي ربنا ومتقربناش منه
قولي زي ما سيدنا يوسف قال
(معاذ الله انه ربي) معاذ الله انه ربي انا هلبس الحجاب ومعاذ الله اني اخلي ول فالشارع يشوف شعري انا استمتع بيه فبيتي
(معاذ الله انه ربي) معاذ الله انه ربي انا مش هلبس بانطالونات اومش هلبسها ضيقه لا هلبسها واسعه سيكا
معاذ الله اني البس حاجه مكسمه علي جسمي وكأني مش لابسه حاجه
وصلي الله علي سيدنا محمد وعلي آله وصحبه اجمعين واحبكم في الله
واالسلام عليكم ورحمه الله وبركاته
❄وهيا نرتقي باخلاقنا وباسلامنا❄
أنت تقرأ
راقي باخلاقي
De Todoالسلام عليكم ورحمه الله وبركاته يا جماعه انا لسه جديده هنا ومحتاجه ترحيب هقدملكم ان شاء الله جمل وعبارات راقيه ولها معاني ساميه واتمني انها تفيدكم في حياتكم
