Omnia :
ممكن كمان زي قصة جاك و حبة البازلاء
فوق السحاب في عالم لكن بسكنوه العمالقة
Roua :
وطيب ليه م بنسمع اصواتهم
Omnia :
عشان احنا كلامنا كتير .. تخيلي لو كل العالم سكت !! حنسمع العججججب
عارفة لو مات وااحد و وقعوه من فوق بحصل شنو
بكون خفي
ف الارض بتهز شدييد و الناس بفتكروه زلزال جاي من جوة الارض
لكن ده العملاق وقع من فوق
بس هم عملوا عهد انهم ما يأذوا اي مخلوق ف حتى جسدهم لما يموتوا ممكن يهز الارض بس يقع في انسان ما يحصل ليه شي الا طبعا لو الارض اتشقت بوقعته و الانسان وقع
Roua :
معنا كدة في مرة وقعو طفلين من اطفالهم عشان كدة حصلت هزتين ارضيات بس ما ماتو ناس
Omnia :
كان حزين شديد انهم يرموا الاطفال المساكين ديل في عالم البشر ..
هم بيؤمنوا انك لازم تمر بعالم البشر عشان تمشي مستقرك الابدي
اعمارهم طويلة ف الاطفال ديل كل العمالقة فوق السحاب حزنوا عليهم لأنهم اصغرهم سناً
Roua :
عندهم احتفالات رهيبة.. بيولعوا اضواء ونحن بنفتكرها برق.. وصوت الطبول حقتهم .. والمشروبات بتكون كتيرة لدرجة بتنقط ع الارض
Omnia :
و عشان هم ما زي البشر مشروباتهم نقية و ما مذهبة للعقل هم بقدروا العقل و نعمته بحبوا الثقافة و القصص و بحبوا بعض
Roua :
عشان كدة في يوم موت الطفلين نزلت العمالقة للارض.. وهم مخفيين .. ما حسينا غير بانفاسهم بس حولينا ماف حاجة لما نعاين.
افتكرناها ارواح واشباح بس كانوا هم ونزلو عشان يعملو تأبين للاطفال
Omnia :
فكان في اعاصير و رياح مخييفة في كم مكان و لما رجعوا عملوا احتفال الاخرة للطفلين و دقوا طبولهم و المشروب نزل كتييير
Roua :
اي وهم عندهم لغة بتخصهم نحن ما عندنا علم بيها.. بس اذا اتعلمناها هم حيسمعوها اكيد وحينقذونا من كل شر حتى اذا اضطرو يدخلونا عالمهم
Omnia:
و لو مشينا عالمهم حيدونا مشروبهم حنتحمس بس حنلقى طعمه موية عادي و حنفهم من وين جات مويتنا بس وقت نشربه في عالمهم و ننوم حنصحى بشكلنا نفسه بس بحجمهم
حنتحول لعمالقة زيهم
Roua :
ونبقى غير مرئيين في الارض
حنقول اننا عايشين حلو وحننبسط اول ايام.. بس بعد فترة حنحس بحنين للوطن ونقول اننا عايزين نرجع
حنجي نازلين ونحن مخفين بس حنشتاق للارض وشوقنا حيخلينا نبكي.. حتحصل فيضانات بسبب دموعنا
وحنحس اننا سببنا مصيبة
Omnia :
بس اول ما نشوف البعملوه الناس في الارض و نتذكر انه people are people حنفرح و نكورك للعمالقة يرفعونا فوق و صوتنا حيخوف كتير من البشر
Roua :
اوك حنطلب من العمالقة استعمار الارض
بس بشرط
Omnia :
بس هم مسالمين
لازم يكون شرط او سبب يخليهم يوافقوا
Roua :
انهم ينقذوا الاخيار و نعيش كلنا في عالم واحد
واسباب الشر في الارض هم اللي يندثرو لانهم سببو الخراب بما فيه الكفاية
Omnia :
بس العمالقة عندهم فكرة احلى
سألونا سؤال
" انتو عمركم ما اتسائلتوا ليه احنا مسالمين جدا و لا حصلت بيناتنا نزاعات قبلية او على الاملاك حتى و كل زول راضي "
مع العلم انه في عمالقة اصولهم من البشر الشربوا المشروب السحري زينا ممكن كانوا يحتقروهم و كمان العمالقة عندهم مختلف الالوان و الاشكال زينا
ف بنسأل نفسنا انه بالجد ليه
عندهم قيثارة مذهبة جميلة زي الفي الاساطير اليونانية
بتعزف معزوفة هادية ماف زول بسمعها لأنه الناس اعتادت على صوتها ف حصل masking
ده هو الصوت الحلو السمعناه اول بقينا عمالقة و بعدها اختفى
العمالقة قرروا يدوا الناس فرصة
سنة وحدة بس من معزوفتهم للسلام
الأرض حيكون مكان جميل جداً
Roua :
البشر بسمعوه هادي جداا
وعشان يتاكدو لازم زول يطلع قبل شروق الشمس ب خمس دقايق
ويقعد في حتة مكشوفة هادية جدا.. ويقعد قعدة التامل ويقابل مطلع الشمس
بس لازم يغمض عيونه و يركز ..
ح يسمع الصوت
مختلف عن كل اصوات العالم
و بعيد جدا
معناه كل الارضيين لازم يركزوا سمعهم على المعزوفة
و اي انسان يسمعها حيحس بسلام داخلي و راحة نفسية ما حصل حس بيها قبل كدة
بس لازم يكون مقتنع من جواه انه حيقدر يسمع الصوت الخفي ده .. و حيسمعه
انا حطلع بكرة قبل شروق الشمس السطوح اقعد واتامل واسمع عشان اندمجت في الجو😂😂😂😂😂😂😂😂😂😂😂😂😂😂😂😂😂😂
Omnia :
ده الدليل الاكبر على انه البشر بصدقوا خرافات صنعوها هم 😂😂😂😂
