Sana lahat ng sana,
Natutupad sana,
Sundin ang hiling,
Ng matang nakapikit,
Kahit anong pilit,
Walang makatugon, maski sumilip.
Humiling sa tala,
Sana ipagpala,
Munting panalangin,
Sana'y tuparin,
Munting pag-ibig,
Pintig ng puso't bibig,
Sana'y pagbigyan,
Kahit walang kasiguraduhan,
Na tila'y 'di mapagbibigyan,
Tulad ng dulo ng walang hanggan,
Pagtatapos ng simula,
Maubos ang luha.
Mga tala sa langit,
Saksi sa luha't sakit,
Bigyang katuparan ang hiling,
Na sa mumunting panahon may makapiling,
Ako'y masaya,
Sana.
